Tuesday, July 8, 2008

إلا سياييرنا

-1-
.
الا سياييرنا او سياراتنا او أور كارز مايفرق المهم جمع سياره ... شلتوا الدواوين قلنا صح تعدي .. شلتوا حدايق قلنا عدل بعضها تحجب الرؤيه ... تيون الحين واتقولون بنشيل المظلات ؟؟؟ لا عاد لي اهني وانقولكم ستوب .. طبعا مالا داعي اقولكم عن الجو الي ياكل السياره بكبرها مو بس الصبغه .. وهم اتعرفون ان اغلب البيوت قاموا يبنون البيت وبدون ما يحطون حوش لانكم اتوزعون بيوت على 400 متر .. وايضا هناك الكثير من العوائل الي فيها اكثر من 5 اشخاص اي حوش يكفيهم يعني ؟؟ والي شاري سيارته ب 20 الف وحتى الدوام ما يروح فيها علشان لا تلعن خيرها الشمس وعنده سياره ثانيه حق الدوام والثانيه سافطها تحت المظله ... انزين والمظلات الي فيها بس عواميد اول شي يعني مو الكيربي اشلون بتشيلونهم اذا كان حاط العواميد داخل البيت والمظله طالعه لي بره اشلون اتصير تعدي واهي ما لامست ارض الدوله
.
انا ماادري يعني مجلس الوزراء ما يحسون بالحر ؟؟ والا شنو ... مظلات محنا شايلين دافعين فلوس مو طعام شنو انوقف سياييرنا بالحر اي شي ... على العموم انا لقيت الحل بعد جهد جهيد من التفكير المتواصل ..يا ان مثل ما قلتلكم انحط المظلات اليديده الي فيها بس عواميد ببدايتهم وانحط العواميد داخل البيت وبجذي المظله ما تحوش ارض الدوله وبهالطريقه مايصير في تعدي ... مادري عاد شنو قانونية هالموضوع ... والا راح انرد مجبووورين حق الطربال وتعال حط الطربال وشيل الطربال واخذ تحلطم من السايق او الخدامه والي ما عنده قبل لا يسبح يروح يشيل الطربال ويطلع .... اول مره اشوف بحياتي مجلس وزرا يقول شيلوا مظلات السيارات ... باجر يقولون لنا لا توقفون بالسكه حدكم عتبة باب بيتكم والا ازاااااله
.
--------------------------------------
.
-2-
.
طبعا الكهربا كل يوم تطفي على جم منطقه بالديره ومجلس الوزرا يقول مظلات ... وين الاعضاء عن الوزير طبعا حدس و المطران ما يتكلمون يعني خلونا انقول 9 اعضاء .. انزين والباجي .. كل صيف يطلع لنا الوزير مستااااااااااانس بترشيد الي مالها دااااااعي ويقول هالسنه مافي انقطاع ... شنو لاقينا انت ؟؟؟ ترى حر والله العظيم حررررر وترى احنا من اكبر الدول المنتجه للنفط بالعااالم .. هل كيف تنقطع الكهربا .. تبونا انخيس والا انهج من الديره انزين والي ما يقدر يهج من الديره لان مرتبط باشياء حق شغله شنو يسوي ؟؟ يهد بيتهم ويروح ينام بفندق ؟؟ والا كل شوي داق على اهله او ربعه بالمناطق الثانيه يسال اذا انقطعت الكهربا عندهم والا لا وياخذله ربعه بالصاله او الدوانيه وينام .. ماني متحجي عن الحلول والا عن التخطيط الدايخ الي ما حسب حساب هاليوم لاني متكلم عنهم ببوست سابق .. لحظه تذكرت شغله احنا ما عليه نستحمل مواطن لازم نحس بالحر وانموت حر مثل ما قال جعفر رجب الى جهنم..انزين الفقاره المساكين الي بالمستشفيات والي طايح بالعنايه المركزه والي حاطيله اجهزة تنفس والي والي والي... يروح من جيس اهله على بن انقطاع كهربا ؟؟؟ مستشفى الجهرا احترق معصومه استقالت .. وواحد اغتصبوه بمدرسه واستجوبوا نوريه .. انزين ناس راح اتموت ... وينكم يا حامين حمى الوطن من اعضاء ... شوفوا حق منو صوتوا كلهم راح يسافرون وانتوا خلكم بهالقيض ... مسلم البراك مالك حس ... محمد هايف بو ظواهر سلبيه وينك .. بو رميه يا ابو القروض شسالفتك بديت اشك ان عندك قرض متوهق فيه .. الوعلان الي كل يوم مصرح وواصلني مسج من برلماني منك ما تنطق ... والا لان الوزير مطيري ساكتين ولعيون حمران النواظر تخيس وتحترق بالقيض الف عين ؟؟؟؟؟ تدرون شنو الي يظحكني بالسالفه ان الوزير الي مكيف على ترشيد ويقول ترشيد نجحت انقطعت الكهرا عن بيته ... الله ما يطق بعصى اكلها
.
------------------------------------------
.
-3-
.
اقروا هالموضوع .... راح انطر المستجدات
.
وهالموضوع اهدااااااااااااااااااااااااااااااء حق كل واحد يقول عن هذيل انهم يبون مصلحة الشعب وسلملي على البيتنجان شوفوا حق منو صوتوا ... التعليق لكم يا ساده يا كرام
..
------------------------------------------
بس خلاص
.
الـلــــــــــــــهم لا اعتـــــــــــــــــــــــــــــــــــــــراض

29 comments:

Mok said...

ا\ا بيشيلون الظلات ماعندهم سالفه

بس اخاف هالمظلات على شكل خيمة كييربي

:)

الزين said...

يقولون لك انهم اقترحوا حلول بديله عن المظلات اللي جدام البيوت

اول اقتراح ان الحكومه بتعطي المواطن قرض عشان يبني جسر من السكه لين فوق سطح بيته ويسوي المظله فوق هناك يم التوانكي وبهالطريقه يقللون من زحمة السيايير بالشوارع جدام البيوت وينتفع المواطن من فوق السطح اللي مخليه بس حق شرار الهدوم وبنفس الوقت يقدر يبني المظله من الجينكو اويحط طربال كيفه عاد بيته وكيفه

وينسي الكي سبان وغيرهم من المظلات السنعه


هذا اول اقتراح
الإقتراج الثاني الكل يصفط بالجمعية وياخذ تكسي الجوال يوصله بيتهم وبهالطريقه يشجعون على السياحه الداخلية

شرايك
شوف اللي ايوز لك ونفذه

وسلاااااااامتك وتعيش
والميدم طرشته مع السايق مالقى احد في بيتكم

وين رايحين انت واهلك وخدامكم
عليك غرامه تضييع وقت الشيخ سايقنا

سلاااااام


ps

if any badliyat plz correct them

:)

Eng_Q8 said...

موك

الظاهر متعقدين من الخيام

لووووووووووول

------------------------------

الزين

ليش قروض عاد

لوووووووووووووووول اعجبتني هذي

انا نايم والبيت مافيه احد

قوليله خل يشقح ويحطه بالدوانيه الباب مبطل

As YoU LiKE said...

مو حضراتهم قاعدين بقصور .. خصوصاً اللي على شاطئ الشويخ ! .. ف مو محتاج مظلات يحطها برا !

يشيلون المظلات .. بعدها يطلعون قرار ممنوع ايقاف السيارات على املاك الدولة .. وتخالفك وزارة الداخلية .. وهذا مصدر دخل ثاني للدولة !

يا سلام سلم ..

الزين said...

انك تشقح بيوت الناس ترى هذي من الظواهر السلبية

تالي تصير اشياء مو زينه

:)

Eng_Q8 said...

از يو لايك

ودك تسفط جدام بيتك مخالفه

انزين انا مابي شي بسفط سيارتي عندهم عادي؟

-----------------------------

الزين

لووووووووووووووووووووووووووووووول

يبا عادي خليه يشقح المهم اكل ميدم

ولاتخافين ماراح اسوي فيه شي اذا شميت ريحة الزفره ماراح اسوي فيه شي

فريج سعود said...

ما اقول الا كاسك يا وطن

Eng_Q8 said...

فريج سعود

ظل فيها كاس قول تانكيك يا وطن

Fskra said...

ktbt eL comment chan ye3Lg :S ffffff

I hate technology :/


eL mohm m5L9 eL 7achy
5al yesawoon lina hospitals methL baji eL 3aLm ! shno 3aysheen fe moretanya e7na ?!

dera kilahaa 7ramaaiyaa o 9art
5rabaa :/

Mamloo7a Q8ia said...

اعجبتني افكار الزين العبقريه
وينهم عنج؟؟
هذي الافكار ولا بلاش

يعني ماكو اشياء اهم من المظلات؟؟
خلوا هالمشاكل والبلاوي
واستلموا المظلات

الحمدلله على كل حال
الله يجازينا على صبرنا


منو اللي مصدق ان قلبهم على البلد؟؟؟
من صجك؟؟
ياخوي همه نفسه ومصلحته
والبلد بالباي باي

الله يحفظنا من شرهم
ويحفظ ديرتنا

Anonymous said...

مهندس انت للحين ما فهمت القصد من قرار المضلات ؟
كل القصد ان يبون يزيدون ارتفاع البيوت ويصير الدور الأرضي فقط مواقف للسيارات وتبدا بنيان بيتك من الدور الثاني وانت الي طالع لي فوق عالأقل تصير عندنا ناطحات سحاب :)
سالفة الكهربا سالفه ومن أولة العام واهم يلعلعون فيها والصيف الي قبل الي طاف كانوا الأهل مسافرين فلما أرد من الدوام وأحصل الكهربا طافيه أقرب مجمع والا مطعم نقزرها على ما يتصلون الخدم يقولون ان الكهربا ردت لكن انا أستغرب ان هالمشكله ما تطلع الا بشهر 7 و8 حزت الي نص الكويت مسافر ويقل استخدام الكهربا تقريبا إلى النص للحين الموضوع مو داش مخي ليش مانتأزم بشهر 6 و5 و9 و10 الي كل أهل الكويت بالديره والضغط على الكهربا يزيد الدبل ؟
أتمنى الوزير يوضح لنا هالنقطه بالعقل والمنطق لان الموضوع يبيله وقفه جاده والا بينطق

حياتي هدف مو عبث said...

شالمصخرة !


مو بكيفهم

خل يستريحوون بس

Anonymous said...

تخيل كل ماييت بعلق يصير شي يمكن فوق 5 مرات بس تنحت إلا اعلق

حدي مت من الضحك على هالازاله من صجك ؟ ترا اول مره اسمع عنها !!
لا امبيه من صجهم يعني؟
لهدرجه تخلف؟
انا وتحت المظله ما اتحمل امسك السكان لي 10 دقايق على مايبرد جو السياره
هالمره ماكو كلش كلش !

لا جد هذي عاد قويه
هذي اللي صج يبيله وقفة وصيحه بعد اذا ماينفع معاهم

lawyer said...

اناااااااا قريت بوستك مت قهر من هالحاله

مالنا الا سليباقات و انام بالافنيو!!
ويا الفيراااااان


الاعضاء كلششششششششش مو صووبك
بموتون يبوووووون الاوكيه حق اوتيلاتهم
و سفررهم وينهم ووين مصلحه البلد

و الي مرررررررته تطحس بالبلوكااااات و موقفه عمال الكويت تسسسنع في هالدوانيه حق رمضان


هتماماتهم وايد وايد اكبر من كهربااا و ترشيد



بس سااااااااااااالفه المظلاااااااااااات
لا عاد يسمحووووووووووون لنا

يطسووووووووووووون

هذي يبيلها ووووووووقفه



قتلني المقال
اهم شي بوقه المصفاه

يعني احنا نبوووووووووق اشكره
بس اهم باقو اكثر !!

molok said...

انا ازيد اقتراح على اقتراحات الزين ..
يعطون المواطنين قرض عشان يغيمون سياييرهم v-kool والكل يرتاح ..

الكهربا والله يستر منها .. خصوصا ان السنه مافي اجازه وقاعدين طول الصيف بالكويت :(

موفقين

فتى الجبل said...

اعتقد ان المظلات ما راح يشيلونها
لكن الهدف حسب ما عرفت انهم يبون ينظمونها من حيث الشكل والمواد المستخدمة
يعني تصير كل المظلات من خام ومو من شينكو وكيربي عشان المنظر الجمالي لا اكثر ولا اقل

secret said...

اي وقفت على المظلات

كويــتي لايــعه كبــده said...

1

مجلس الوزراء "تأزيمي"
ليش ما يحلونه؟

والا السالفة انتقام من الشعب!؟

"
بعدين انت ما تصفط كلكشن سياراتك في سراديب قصر بيان؟ كلش كلش خلهم في بيتك في سويسرا... ما عندك؟ عسى بتقول لي بيتكم ما فيه سرداب للسيارات!؟

يبا انتو الفقارة ذابحينا

سياراتكم ما تسوا تحطون لها مظلات اصلا

لا تضايقونا عاد على الفاضي
"

حبيبي اذا قدروا يهدمون الدواوين وهي تعتبر مراكز قوة اجتماعية ما هم قادرين على مظلات الناس؟

انا بهذى بخالف!
يشولونها اليوم باجر باني
مرة مرتين ثلاث

اعتقد مجلس كبار الموظفين عنده شغل اهم من مداحر الشعب

وين صرامتهم هذه وقت الكلام عن تجاوز مارينا مول مال حمد على اراضي الدولة وبدون تراخيص ووو
بالنهاية رخصوه له علشان يصكون السالفه
رخصوا مظلاتنا
حنا لا مستثمرينها ولا نطلع من وراها الملايين

تذكروا كلمتي هذى... انتقام من الشعب والتعمد باستفزازه

يعني غصب كلنا نرضخ ونصير فداويه والا نصير احدى حلقات الفساد على شان "نفيد ونستفيد"
خربتوا الديره الله يخرب بيتكم!

---
2

المستشفايات والاعلام وهذا النوع من المباني لديهم جنريترات كهرباء احتياط... لكنهم هم ايضا لا يعملون الا ما ندر!
:)

الواحد ما يدري يضحك والا يبكي على هالبلد

شر البلية ما يضحك

على الطاري... مسولف مع صديق لي بالكهرباء والماء وقال لي ان الانقطاعات بالطريق هذا الصيف وقلت له ادري انتو ما سويتيو شيء قال لا حنا وزعنا مناقصات بس. بعدين سألته عن طريقة الانقطاع المبرمج... ضحك. "من قال لك مبرمج؟ كان بس سويناه مانيول. على بالك بنقطع الكهرباء عن فلان والا فلنتان؟!

طبعا لأ

---
3

الفزيع وأحمد الفهد بموضوع واحد؟!
لا كديت خير!
تشتيت للأنظار والتكسب السياسي لا أكثر
الناقلات خبزة؟
طيب الاستثمارات شنو؟ تشريب؟!

ملاحظة: صير مثل الفزيع ما تحاتي مضلة سيارتك

3
الجزء الثاني:

سابقة ثبتتها الحكومة الرشيدة داخل المجلس ثم أحمد الفهد في الانتخابات ثم صاحب السمو الخرافي في رئاسة المجلس

طبيعي الآن تعم الى كل المقتدرين

غير البنوك هناك "شركات خارجية" تعمل الشيء ذاته

سياسة الدولة "من صادها عشا عياله"
(ابغض مقوله عندي!!!)
و"من له حيلة فاليحتال"

بالنهاية اود ان اشكر حكومتنا الرشيــــــدة بهدم البلد من الداخل وتكريس الفساد بشكل متعمد

التاريخ سوف يذكركم بكل خير



تعليقي أطول من بوستك
( بوستك = مقالك مو قبلتك :) )
ء

Sn3a said...

من صج ضايق خلقي على وضع الديره
والله جد بخاطري ريال يقول حق مجلس الامه باللي فيه انتو غلط
ويعلهم شنو يعني يصيرون كويتيين وقد هالارض اللي قاعدين يمشون عليه
ودي اسوي شي

rai said...

مقيوله
ابوي مايقدر الا على امي

انا راضي ياخذون مني كل شي حتى فنيلة البو علاق وخري النوخذة بس اشوفهم يتحجون عن تجاوزات المرينا والبدع وفيلجا وبعد وجنها السالفة وناسة عيل بعد يشوفون تجاوزات الوزارات والشركات و المحلات والدكاكين وراعين البرد والبنك وحتى حجي نجم لقاح النخل ليش شاري منشارين شدعوة منشار واحد كافي

ميخالف 010 حقهم ولا بعد عندك لجنة لمكافحة الاصابع السلبية :)

why me said...

شالوا مظلات بيت خالي

:(

Salah said...

اضم صوتي لصوتك

الا مظلاتنا او سياييرنا

صج حر!

mo3ath said...

مالك إلا الطربال الأزرق مال المخيمات :)

بروح ادوره هذا وقته ولا بس فالح يقعدنا بالليل بالمخيم من الهوا :P

blacklight said...

مجلس الوزراء والحكومه تنفيع وتخبط
.وجواب على سؤالك ليش يشيلون المظلات عن عامة الشعب لأن مواقفهم عباره عن سراديب وبعضها مكيف بعد.
أما انقطاع التيار اهمه مو هامهم لأنهم يقضون معظم السنه بديفون.

حلم جميل بوطن أفضل said...

عزيزي

و من قال بيشيل المظلات. العملية تنظيمية. حتى المظلة تحتاج ترخيص من البلدية و هذا ما كان معمولاً به قبل الغزو و توقف بعد الإنهيار الإداري لبلدية الكويت

و لهذا الترخيص شروطه و رسومه أيضاً . مثلاً أن لا تبعد المظلة أكثر من 8 أمتار عن البناء. مو تندق في وسط براحة على بعد 50 متر و يقولك صاحبها هذي مظلتي بينما هي مبنية على أملاك الدولة

و دام إنك بتستغل أملاك الدولة فلازم تدفع رسوم. و أنا متأكد إنك ما تمانع من هالشئ. لكن في ناس بس تبي تشفط و ما تدفع ولا فلس

الكويتيين قبل الغزو ما عندهم سيارات؟ ليش ما كانوا يتحلطمون حزتها؟

قلب طفله said...

شفيهم هذووول

مو عايشين معانا بالديره حررررررر

و الله العظيم موووووت مظلات ماكو يعني

سيايير تنعدم و احنا ننشوي و كهربا

تنقطع نفطس بفرشنا :(

الله يعيييييييييييييين

Eng_Q8 said...

فسكره

ماعليه مره ثانيه سوي كوبي حق الي تكتبينه

مي تو :)

اللهم لا اعتراض

---------------------------------

مملوحه كويتيه

اي مو هينه الزين ماشالله

اشدراني

انشالله

ادري بس منو يفهم وانا اخوج

اللهم امين

---------------------------------

انيموس

اها جذي السالفه

لو في عندنا عقل ومنطق جان الدنيا بخير

---------------------------------

حياتي هدف

اوكي اقولهم :p

--------------------------------

Eng_Q8 said...

سلوزه

سوي كوبي حق الي تكتبينه

تعجبني قوة الشكيمه :p

انا ميت قهر على سيارتي

Eng_Q8 said...

لوير

لووووووووووول تخيلي

اناحليت مكاني بنام صوب شوكليت بار

اي والله

المشكله ما نقدر انبوق

--------------------------------

ملوك

لالالالالا مانبي قروض

الله يعين

شكرا

---------------------------------

فتى الجبل

وعلى ما اعتقد ان في شركتين يسوون الخام

بس عرفنا القمنده

-----------------------------------

سر

كل شي لايث بهالديره

----------------------------------

كويتي

لووووووووووووول

والله عاد انا ميت قهر على سيارتي دافع دم قلبي عليها

هدي هدي يبا هدي

2 شكلها ما تشتغل

اكييييييد مانيوال ما يبيله

3 مااقدر اصير نفسه

4 نعم نعم


لوووووووووووووووووووووووووووووول

والله اني قاعد اقرى واضحك انت خلاص وصلت حدك هدي يبا هدي كل شي ينحل انشالله

اذا ما ادخن دخن واذا ادخن تعال عندي خل نخلص كرز

--------------------------------

سنعه

قاعدين انقول لا بس محد يسمعنا

كلنا ودنا نسوي شي

---------------------------------

بو علوه

بو سفينه لوووووووووووووووووووووووووووووووووووووووووووووووووووووووووووووووووووووووووووووووووووووووووووول

لا تعليق

----------------------------------

واي مي

صج ؟!؟

---------------------------------

بو صلوح

اي والله حر

----------------------------------

معاذ

لوووووووووووووووووووووووول

مالك الا التفصال والا اغسل ايدك تنام من صوته

بس اخاف يزلغ السياره

---------------------------------

بلاك لايت

اييييييييييييه خلها على ربك

---------------------------------

حلم

بس مو مكتوب تنظيميه مكتوب ازاله ؟!؟

اذا تنظيميه انا مستعد ادفع عادي مافيها شي

وبالنسبه للبلديه بيني وبينك ماادري ان لازم ترخيص بس شتقول بلديه

قبل الغزو هم عندنا مظله :)

---------------------------------

قلب طفله

قالها جعفر رجب لازم انحس بجهنم :)