Wednesday, September 10, 2008

الوشيحي و باقر و العراق و التحالف

.
-1-
ماراح ارد على مقالة الوشيحي الي نزلها قبل امس لان الاخ از يو لايك كفى ووفى مع وجود ملاحظات ذكرتها بالكومنت عنده لكن برد على مقاله امس .. قال اشلون مو مليونير ويقصد احمد المليفي وولده عنده بنتلي .. وانا اقولك اشلون الي انت عاده ملاك الله بالارض وسيارة ولده فراري واذا غيرها هم فيراري مع العلم انه كان رئيس قسم باحدى الوزارات قبل لا يكون عضو مجلس الامه .. شوية منطق يالوشيحي واذا كنت بتحاسب الريال على بنتلي انا بحاسب الي بالي بالك مو على سيارة ولده انما على شركاته كلهم من وين يابهم خلنا ساكتين بس
.
---------------------------------------
.
-2-
.
مبروك جبن قلاصات و دجاج مجمد على الشعب الكويتي الأبي بعد شتبون لا تقولون كل شي غالي كل شي وفره لكم باقر طول الله بعمره .. جبن قلاصات و دياي ومعكرونا و هريس و يريش .. شتبون بعد لحد يتشكى من غلاء الاسعار ديروا بالكم
.
همسه في اذن باقر لا تفكر ان هالسوالف راح اتنسينا ما تود فعله واضافة قانون الضريبه على المبيعات والغاءها من الجمرك كما ذكرت بوقت سابق وبجذي اتكلف المواطن دفع ضرايب البضاعه وكلها طايحه ببطن التجار لن نرضى بهذا القانون نهائيا
.
--------------------------------------
.
-3-
.
رئيس مجلس الوزراء راح يبحث بزيارته الى العراق الديون العراقيه والتعويضات واشار ان امر اسقاط الديون بايد مجلس الامه .. الديون العراقيه حق للكويت والعراق لديها الوفره النفطيه التي تغطي هذه الديون لذا لا داعي لاسقاط القروض ... واعتقد ان اسقاط قروض المواطنين التي انا ضدها بالاساس اولى من اسقاط ديون العراق ومنا الى اعضاء مجلس الامه لان الكره الان بملعبهم وانشالله ما يخورونها ويطلعون تسللل
.
------------------------------------
.
-4-
.
اشارت الصحف الكويتيه اليوم الى تأكيد الخبر المنشور يوم امس بجريده الراي الذي وضعته بالبوست السابق وهنا يجب ان تأخذ الامور مجراها الطبيعي ويكشف كل من له يد بهذا الموضوع بغض النظر عن منصبه وعن المحاباة والواسطات اضربوهم فهم ينخرون امن الكويت
.
.
-------------------------------------
.
-5-
.
نواب التحالف طول الوقت ساكتين وما انطقوا الا لين طاحت البورصة ... اسم الله عليكم عيني عليكم بارده واسم النبي حارسكم تعبتوا روحكم ما نطقتوا الا على البورصه والديره معفوسه فوق حدر .. اقول ناموا بالعسل بس ... شاركونا البطيييخ
.
.
.
اللهـــــــــــــــــــــــم لا اعتـــــــــــــــــــــــــــــــــــــــــــــتراض

12 comments:

nanonano said...

منو الوشيحي اللي مؤخرا كلمن قام يتكلم عنه..أنا أعتقد أن ظاهره سخيفه ور اح تنتهي مثل سعود صاهود

خل عنك هالأشكال المتسلقه

و بالنسبه لضابط الأمن..أنا أظن أن راح يصير تعتيم على الموضوع لأن مثل ما فهمت الشق عود

و هم أتفق معاك على تصريحات العبدالجادر و الراشد

كويــتي لايــعه كبــده said...

1
تافه

2
استغباء الناس والاغلبية بالفعل كذلك

3
غباء سياسي ان اسقطوا الديون ولو نسبيا عن العراق لما سوف تكون ردة الفعل الشعبية داخل الكوي

لكن الغباء عمره ما كان لهم مانع

4
متابعين ولا متوقعين خير
ربعنا ومجربينهم
لكن لا خيار سوى المتابعة والضغط نحو النتيجة المطلوبة

5
البطيخ يسوي غازات
يمكن هذا اللي طلع من التحالف

Kuwait said...

مهنــدسنــا ..
الوشيحي ما يستاهل من يضيع دقيقه من وقته يقرا فيها مقالاته الي لا تمت للمنطق بصله :)
أما باقر السباغيتي بدل هالكرم الطائي الي طالع فيه خل يعطي كل رب اسره سعر هالسوالف ويقوله روح إشتر من الجمعيه أبرك ..
خو في ناس من حلاتي ما يحبون الدياي ولا اليريش ولا الهريس ولا جبنهم إلا اذا كان كرافت ;p
السالفه الثالثه المجلس عيز وهو يخورها عسى بعد ما يزيد الطين بله ويتحفنا بهالسالفه بعد !!!
سالفة عمي الضابط حضرته الي خايفين عليه وعلى الي متورطين معاه واضحه مثل الشمس ومثل فرعيات العوازم وبوقات الخليفه ودندرة المصفاة الرابعه كل من يشيل ويشدخ فيها تاليها تعدي سهالات :)
أخيرا وأخرا بنفس الوقت التحالف عش رجبا ترى عجبا ..
ودام انك قاعد بالكويت فـ طول بالك ياما بتشوف :)

Barrak said...

مع احترامي للوشيحي وغيره

بس احنا بالكويت بعد التحرير قمنا نشوف دمى وصور متعدده

بالفن وبالرياضه وبالسياسه


وعموما اذا تبي تشوفهم عدل روح فيلا فيروز وشوف

Unknown said...

اذا مو نواب التحالف يتكلمون عيل منو يتكلم ؟

ابشرك جبن كرافت بترتفع مبيعاته
اشتر سهمه

الوشيحي قاعد يدفن نفسه بنفسه
في بدايته كان قلم حر وجميل اليوم الاخ قاعد يتفه نفسه ويخلى الناس تضحك عليه

شقران said...

مهندسنا العزيز


كيف الحال يالغالي
:)



الوشيحي قلت رأيي فيه عند العزيز آز يولايك وهذا كافي عليه

وأيضا باقر تحدثت عنه عند العزيزة هذيان
----------

والديون لا لاسقاطها فالعراق فهو يملك الثروة

والوعد في مجلس الأمة...اذا ماخاروها الشباب!!؟


--------



التحالف...مايقدر يتكلمون...لأنهم يتهربون من التصريح حول المصفاة الرابعة!!؟؟





وتحياتي لك يالحبيب

Anonymous said...

باقر ... وزير الدياي

الكواولة مالهم امان حتى لو تعطيهم سواد عينك ... صج كواولة
بعد كل اللي سوته الكويت يخترقون امن الدولة ... ديرة كرتونية

kuwaitawy said...

(1)

كلام الوشيحي مبالغ فيه

واهوا شكو يحاسب احمد المليفي

مع ان المليفي عطاه كاش باللقاء وقاله انا مستعد اعطيك كشف باسمي وباسم عائتي



(2)


انا اشووووف ليش بيصير حاتم الطائي على الشعب



عشان بسوي ضرايب على الشعب

هذا اللي ناقص



(3)


طامه كبرى

اذا وافق مجلس الامه على اسقاط الديون العراقيه


(4)

الله يسمع منك وهذا اللي نتمناه


(5)

هههههههههههههههههه


اي والله صاج

الطيحه اثرت فيهم

As YoU LiKE said...

تبينا نروح فيلا فيروز نشوف الاشكال اللي قال عنها براك ؟

ناطرك :P

Alromi said...

يعطيك العافيه بس انا رايي من راي الشباب اشحقه اتعور راسك واتضيع وقت بلوشيحي هذيل يطلعون هبه وبعدين يختفون
يعطيك الف عافيه

someone_q8 said...

السلام عليكم

اشلونك بشمهندس شمسوي يبه الحين رمضان طول بالك اشوية على الناس لاحق على التحلطم عليهم :)

بالنسبة للوشيحي ما راح اعلق عليه لان منهجه نفس منهج فؤاد الهاشم في طريقة الكتابة مع فرق الهدف


بالنسبة لباقر انا اقول ان ارضاء الناس غاية لا تدرك , مهما يسوي ما راح يبين بالعيون , على الاقل مافيه وزير تجارة مسك الوزارة وسوه اللي سواه , ومو معناة كلامي ان اهوه امسوي الذره او انه قاعد يتمنن علينا لكن يجب ذكر شيء حسن ولو انه بسيط جدا في نظر البعض , وفي بعد معلومة ان سالفة الضريبة قلناها من قبل ان اهوه ماله شغل بقانون الضريبة لان هالقانون ياي من فوقه فا لا اتلوم الوزير على هالشيء واصلا ما يقدر يقول لأ , والكل يدري ان الضريبة يايه ياية لا اهوه ولا غير يقدر يقول لأ ,
اذا كان ولي الامر يبي هالشيء فعلينا السمع والطاعة , تقدر اتقول لأ ؟؟؟
خلها على الله بشمهندس

بالنسبة للتحالف
انا اقول شاركونا الازدواجية والنفاق والضحك على الذقون

عيش رجب تره العجب في هالديره

Eng_Q8 said...

نانو

ااعتقد ان يحذو حذوا فؤاد الهاشم

اذا عتموا على الموضوع فهذه جريمة بحق الوطن

كفو :)

----------------------------------

كويتي

اوكي

صحيح

يمكن

مثل ما قلت حق نانو جريمه بحق الوطن

لوووووووول

--------------------------------

كويت

انشالله

ولا انا بس احب جبن كرافت

الله يستر

الله لا يقوله

انشوف

---------------------------------

براك

متى بالضبط :)

--------------------------------

مشاري

محد بس اهم يتكلمون

يبيله اسهم جبن كرافت

واضح من الاول

----------------------------------

شقران

هلا بالغالي

قريته :)

انشالله ما يخورونها

واضحه

--------------------------------

محسد

لا سموه وزير العيش

صحيح صحيح

---------------------------------

كويتاوي

قوله ماادري شيبي

اي والله

اهي طامه طامه

انشالله

حدهم منع اختلاط

-------------------------------

از

يالله فوقه

------------------------------

الرومي

لانه يبط الجبد

الله يعافيك

---------------------------------

انسان كويتي

وعليكم السلام

مطول بالي ياخوك مطوله

وجهان لعمله واحده

اهو المسئول السياسي الي انحاسبه واذا مو قادر خل يستقيل

شاركونا :)