Friday, September 5, 2008

باقر و التنديل

الكثير هذه الايام انتقد احمد باقر لاصداره قرار بمنع عرض الملابس الداخليه للنساء على واجهة المحلات والقليل هم من انتقد التوجه الذي توجهه الوزير للحد من غلاء الاسعار والتلاعب بالاسعار من ضعاف النفوس من التجار ولا اعلم ايهما اهم الملابس النسائيه ام المواطنين ذوو الطبقات المحدوده والمتوسطه ؟؟ شي غريب

الوزير من على الناس ووزع عليهم هدية رمضانيه مكونه من يريش وطحين و هريس و شكر وماادري شنو بعد.. جنه احد قايله الناس يبون يفتحون محلات اتنافس الخباز ..الكل يعلم ان الاخ الوزير ضد مصلحة المواطن منذ كان عضوا فكيف يتغير وهو وزير ولن ننسى الكلمه التي قالها لمسلم البراك ومن ثم رقعها

احمد باقر يحاول ان يمن على المواطنين ويريد ان يكون صاحب فضل لكن حامض على بوزه .. الكويتي عزيز نفس وهنا اريد ان اقارن الكويتي بالتنديل الذي لا يطلب العون من احد وصاحب نفس عزيزه حتى ولو مات من الجوع فهو لن يترجى فلان وعلان هؤلاء هم الكويتيون

الخطير بالامر هو استعداد الحكومه لاقرار ضريبة المبيعات كبديل عن الضرائب الجمركيه الرمزيه ؟؟؟؟ السؤال هنا شسويتوا يعني ؟؟؟ الحين بتلغون الضرائب الجمركيه الرمزيه وبتحطون ضرائب على المبيعات اكيد التاجر يبي يربح وراح تندبل الاسعار شي طبيعي وبديهي وواضح وضوح الشمس في كبد السماء .. لي وين تبون توصلون ؟؟ لا سيايير يقدرون يشترون لان لازم 15 ضعف الراتب انزين ريال معاشه 1000 دينار وعنده 6 عيال اشلون يشتري سيايير حقهم يركبهم باصات يعني ؟؟ الي بيقول اي بقوله وليش يركبون باصات ونحن دوله نفطيه عددنا مليون قطو عيل لو احنا 5 ملايين واحد شراح يصير فينا هذا وسعر البرميل ماشالله لا اله الا الله ماادري وين تروح فلوسنا

هذا غير صندوق المعسرين وبلاويه .. الان ماهو موقف نواب الامه وماذا سيفعلون لو اقر هذا القانون الضريبي الفاشل .. طبعا مو فاضين حقكم فاضين حق المصفاة الرابعه وانتخابات الكره والظواهر السلبيه ومنع الاختلاط والدواوين وزيادة الخمسين وزيادة عدد السكرتاريه .. شوف انت معطي صوتك حق منو ولي وين وصلنا شوف نفسك اذا انت بايع صوتك بالف والا الفين دينار وهالعضو شكثر حصل من وراك .. لا حول ولا قوة الا بالله

لن يستجوبوا باقر لان الكتله الاسلاميه او السلفيه بالمعنى الصحيح هي الاقوى وان استجوب لن تطرح به الثقه وسيلعب بكم وزير التجاره والصناعه صاحب شهادة الصيدله ؟؟ وسيمشي على مشتهاة الي يبون ياكلون الناس من هالشق لي هالشق .. ومسمينه باقر العيش بالجرايد ماادري على شنو ؟؟ شنو شايفين الكويتيين عايشين بمجاعه عشان يمن عليهم بخيشة عيش ويريش وهريس ؟؟
اهي مو راده على هالسالفه لان الشق عود .. ومثل ما سكت النواب بمنع عرض الملابس الداخليه .. راح يمرر الي يبي والاسلاميين راح يصفقوله لانهم راح يكونون مشتركين بأكل الكيكه وراح يرقعونها لان باقر راح يسوي شي محد يقدر يسويه الا وهو تغيير صورة الفنانه هيفاء وهبي على غلاف البومها الجديد لكي يباع بالاسواق ولا يثير الفتن وهذه هي الصورة ماادري اهو وزير تجاره والا وزير هيئة الامر بالمعروف

--------------------------------

بما ان محد علق ماني كاتب تحديث ... توه وصلني مسج من زين .. حاطين مبارك عليكم الشهر وحاطين ويف ولما سمعت الويف ماادري اهو دعاء والا نشيده والا شالسالفه ياهل جنه يدعي ويقول اهلا بزين وجه نور الليالي ماادري شنو عقب يقول رمضاااان ... يعني حاطين هالدعاء ماادري النشيده ماادري عشان فيها زين واخر شي يقول لا ترد دعائيا ... شسالفتهم على الاناشيد قطوره وقطره بالتلفزيون واهني حاطين هالياهل ؟؟؟؟؟ يمكن خايفين من الثالثه وقالوا خل نقلب اسلاميين والا من كثر ما لهفوا الناس حسوا بتأنيب الضمير والا مثل ربعنا يحطولك شي ديني عشان يبوقونك وانت اتقول جزاهم الله خير .... تخلف


اللهـــــــــــم لا اعتـــــــــــــــــــــــــــــراض

18 comments:

Kuwait said...

لووووووووووووووووووووول ..
باقر السباغيتي ..
الله لا يعطي الردي عافيه والله من كثر المعكرونه الي بالبيت كرهتها :\
اما هيفاء وهبي يمكن حتى صوتها بعد يسوون عليه تعديل ;p
ولووووووووووووووول هالكبرررر واكبررر على سالفة زين ..
مهندسنا انا من كثر ما لوعت جبدي هالنشيده بالتلفزيون ما وصلتني منهم على موبايلي :P
سلمك الله هذي د عاية زين الفرع الي بالسعوديه ..
حط mbc
وتشوفها بين كل دعايه ودعايه يحطونها بس الياهل كويتي :\

Eng_Q8 said...

كويت

وزع سباقيتي بعد ؟؟ الظاهر يحب كابامارو

يمكن

مااطالع تلفزيون وايد هالايام مالي خلق شي

Dr. Academy said...

رمضااااااااااااااااااااااان :)

حبيبي مبارك عليك الشهر ..

انا ما اقول غير ريح دماغك برمضان

و ترقب المزيد من التأسلم :)

توني بالحلاق قاعد اقلب بالوسيط لقيت خوش اعلان وحطيته بوست .. جيك عليه واضحك :)

Eng_Q8 said...

دكتور

علينا وعليك

اسكت انا برمضان يحوشني شلل فكري بالغصب كتبت هالبوست

فال الله ولا فالك

اوكي

why me said...

لوووووووول


طبيت بزين عدل

Salah said...

ما بقى أحد ما راح ياخذ هدية باقر.

وينهم عزيزي النفس؟

Eng_Q8 said...

واي مي

:)

----------------------------------

صلاح

انا ما خذيت واهلي ماخذوا وربعي هم ما خذوا

مُحَسّدْ said...

ويقول بعد شكثر ناس داقين عليه يشكرونه على الهدية الطرارة !!

فريج سعود said...

اشوه ان باقر مو صباحي

جان رحنا فيها

esTeKaNa said...

والله شحلوها هيفا بالحجاب
:pP~


مبارك عليك الشهر وولو انها متأخرة
:)

Miss-Q8 said...

لووول آنا مو باط جبدي إلا الـ 3 كراتين معكرونا .. وحدة شعرية و الثانية سباغيتي و الثالثة معكرونا عادية .. جنه متوصي بـ بيتنا يدري فيهم عصاقل :p

و زين .. اسم على غير مسمى
أذكر على أيام كروت الانترنت , كنا نطلبها منهم .. و غصب يشركونك أسبوع مع خدمة " نبيل العوضي " و عقب الاسبوع يوصلك مسج يطالبك تجدد الخدمة و تعبي رصيد لأن رصيدك ما يكفيها ..!!!

يعطيك العافية مهندسنا ,
هوّنها .. و اكتب بوستاتك عقب ما تفطر :p

~~~

سدرة العشـــاق said...

ماعلي لا من باقر و لا ربعه

---

مبارك عليك الشهر و عساك من صوامه و قوامه ان شاء الله

: )

الأندلسي said...

تصحيح هديتنا المباركة لا تحتوي على - شكر - كما تفضلت

بل على يريش وهريس ومكرونه وسباغيتي وطحين
يعني نشويات بس

يعني
هالهدية مثل تجربة صفارات الانذار هني تجربة لي تسكرت الاجواء وهرمز شياكلون اهل الكويت ؟

يعطونهم هدية حرب

بي حزتها انا على يقين اذا فكرت اروح اخذ هالهدية بلاقي المكان فاضي وبس انا والهدية
لأن الكل يا منخش بالسرداب
يا منخش في دولة مجاورة


واللهم لا اعتراض.

يعقووبوو said...

جزاك الله خير d-;

كويــتي لايــعه كبــده said...

"شوف نفسك اذا انت بايع صوتك بالف والا الفين دينار وهالعضو شكثر حصل من وراك"

قلناها قبل لا تصير لكن بعض الناس ما تشوف الا طرف خشمها

الشق أكبر من عود!
الشق ياكل بلد!


وضريبة المبيعات يطول الكلام فيها لكن يتلخص انهم شالوا العبئ عن التجار وكودوه على راس المستهلك

بلد نفطي ومن أقل الشعوب عددا ونتكلم عن ضريبة !؟!

ليش ما نتكلم عن الفشل بإدارة الدولة التي أوصلت بنا الى هنا !!!

مثل ما روجوا ان الحل "بالترشيد" بدلا من أن يكون الحل بالتخطيط...
والمحاسبة في حال التقصير.
ناهيك عن التعمد بالسرقات !!!!!!!!!

اذا كانوا يرون ان الحل بالضريبة فأنا أطالب ان تكون "ضريبة دخل" مثل ما كان المقترح من اساس وما يحتاجه هذا النظام لتطبيق العملية من هيئة حكومية تتابع دخول """الكل""" مثل الـ
IRS
الأمريكية

والا حتى بالمغثة ربعنا يتنقون منو يغثون وشلون

حسبي الله عليهم ونعم الوكيل
يلقونها بالدنيا ان شاء الله قبل بالآخرة

Ni3Na3aH said...

loool.. el 9oorah
mbarak 3alek el shahar

Eng_Q8 said...

محسد

اشك بهالسالفه

----------------------------------

فريج سعود

لووووووووووووووووووووول

الحمدلله :)

----------------------------------

استكانه

كل شي عليها حلو :p

علينا وعليج :)

----------------------------------

مس كويت

لوووووووول اي مكتوب ان هالمنحه مخصصينها حق بيتكم :p

عشان يكسب اجر

يعني غصب اشترك مع نبيل العوضي انا واحد مااحبه اشلون يعني |؟

الله يعافيج .. اكيد عقب ما اتفطر لاني مااتحاجى قبل الفطور :)

---------------------------------

سدره

الحمدلله على السلامه

علينا وعليج :)

------------------------------

الاندلسي

ماادري شنو فيها مالت على الهديه

يمكن تجربه :)

لووووووووووووووووووول يعني قولتك ننطر

اللهم لا اعتراض

--------------------------------

يعقوبو

الله يسلمك بهالشهر الفضيل :p

-------------------------------

كويتي

لا يشوفون بس لابسين نظاره الفلوس تعمي للاسف

اي والله

هذا بالضبط الي صار

عيب والله نتكلم عن الضريبه

لان كل الادارات ناجحه تنكر ؟

السرقات بكل مكان

مانبي ضريبه ناقصين احنا وعلى شنو ضريبه لو في شي سنع قلنا ميخالف بس ماكو شي سنع وندفع ضرايب وناس اتبوق مليارات واحنا ندفع ضرايب ليش يعني ؟

اللهم امين

---------------------------------

نعناعه

علينا وعليج :)

Anonymous said...

لووول سؤال .. شفيك متعقد من الدين والإسلاميين :) ؟

ياخي استحوا على ويوهكم .. شوية يهال متيمعين كل واحد داق الليبرالية والوطنية وطايحيله طنازة وسخافة يهال ...

مادري جنه مو عاجبك قانون الملابس الداخلية .. ؟ ولا نوعك تحب اتمر صوب هالمحلات اتمتع ناظريك وتالي تسولف ويا الخروفة عن آخر الموديلات لول ..
;P~ !


ما اقول الا الله يهديكم ويكملكم بعقلكم ..
خربتوا البلوقات لا بارك الله فيكم لول !