Tuesday, November 11, 2008

السخونه الاوباميه

اول شي مبروك حق عرزالتنا اتمام السنه الاولى
.
.
الحمى الاوباميه التي طغت على حمى كاس العالم جعلت العالم يحلم بغد مشرق وايام جميله وصرح من صرح وطالب اوباما من طالب واهو ما يدري عن هوى دارهم .. والآراء اختلفت وكل واحد قام يدافع عن مرشح وانتقلت الحمى الى الدواوين ومنهم من قال ان اوباما وراه احمد الفهد وواحد قال ان ماكين يشتري اصوات ويوزع جناط تقليد على الحريم وفي قول اخر ان اوباما سلفي بس ما يقول يعني حاله حال المطير و ان ماكين متجنس امريكي على ولد عمه .. وبما اني مع ماكين لانه ينتمي حق حزب بوش وبما اني احب بوش لانه حرر الكويت ولن انسى انه حرر الكويت قلت خلني ساكت لان اوباما شكله بيفوز ليش راح يفوز ؟؟ انا اقولكم ليش لان كيفان معاه وحاله حال الطبطبائي ويقولون انه بدل اصوات مع ولاية فرجينيا وقال حق الي بدل معاه راح اصوتلك بمجلس الشيوخ وبما ان فرجينيا نفس خيطان فهذا يؤكد فوزه وباكتساح ... خلونا انشوف التصريحات الي صارت عقب فوز البرك




صج والله ؟!؟ لا اهو مستبشر فيكم
واذا انسحب من العراق احنا شنسوي انطق اصبع ؟؟ بالله دشوا علينا مره ثانيه شنسوي ؟
شهالنغزه ؟؟ قول بعد الامريكان اخونجيه .. احب الي يتلزقون بطريقه غير مباشره
لا بيخدمونك وراح يسوون مبرة الامريكي السعيد ودار لتحفيظ القرآن وهوليود راح يحرقونها .. يعني رئيس امريكي تبيه يخدم شنو ؟؟ ياليت تتعلم منه الوطنيه

مممم يعني اهو مرتد ؟!؟ والمرتد لازم يقتل .. ليش مستانسين ؟؟ المشكله انه ساحب عليكم ولا يدري عن الاسلام ومعترف باسرائيل ويبي يخلي القدس عاصمتها ونائبه صهيوني وعنده تبعيه اسرائيليه .. انا اقول عيشوا الحلم العربي
افحمتوني بهالتصريح .. ويوم انكم اتعرفون شنو يعني عقلانيه واتعرفون التوازم والحكمه .. هايف و القلاف وراعي الفحما اشلون فازوا ؟؟

حتى اهناك مظلومين وطائفيه ؟!؟!؟ انزين لو اسمه ابو بكر جان قلت هالحجي ؟؟؟ قال ايه قال طائفيه قالولك اوباما يصب شربت بحسينية دنفر

انتوا جيكوا انه تلقى التهاني ؟!؟!؟ محسسني ان اوباما من جماعة صبحان .. لا ويتشرط يبيه يسحب قواته من العراق وافغانستان ويطلق سراح معتقلي غوانتنامو وغلق السجون السريه .. يا سلام يالي كاشفهم .. وبعدين اذا اهتم بالشأن الداخلي يهد الخارجي حقك والا حق الظواهري ؟؟ انزين انت ليش ما تهتم بالشأن الداخلي وتترك سوالف الجهاد .. لا وجيكوا انه اعتبر الاجهاض وزواج الشواذ امر داخلي .. انزين دام انه امر داخلي انتوا شكوا بفرنسا ؟؟ لعنتوا خيرها على سالفة الحجاب ليش مو شأن داخلي هذا ؟؟ اشراااايك اتحدد المهام الخاصه حق كل رئيس دوله وانت تمسك الشؤون الخارجيه عنهم جزاك الله خير

يا حلوج وانتي صايدتها ... بدال ما اتعرفين اللاعبين الي اهناك عرفي اللاعبين الي عندنا الي طلعوج من الوزاره واهم مو خفيين .. لي الحين مأثره عليها السالفه

كفو بو حمود قدها

وايد معروفه الاغنيه اذا احنا ماانعرفها اشلون راح يعرفها اوباما .. مو قالولج اوباما بفرقة التلفزيون قبل


عاد صج صج صج هذا الفلم ... والله ماادري شنو اكتب


على ذمة فؤاد الهاشم وما يندرى اهو صاج والا لأ لكن يقول ان نائب رئيس اوباما كان ضد تحرير الكويت وكان مع الجيش الاسرائيلي وعنده تبعيه اسرائيليه مستانسين على شنو ماادري خصووووصا البذالي والي فوقه .. والله يا شعبوله ان هذا احسن راي بالامه العربيه والاسلاميه ... قالكم الريال مين يعرف ولا يعلم ايه جوه النفوس .. بلاش بدري نحلم لا يكون الحلم كابوس ... وهييييييييييييي


اللهــــــــــــــــم لا اعـــــــــــــــــــــــــــــــــــــــــــــتراض

35 comments:

KrakatoA said...

لا لا لا التفاهه بالاراء مو طبيعيه...الله يخلف علينا اذا عندنا ناس من هالنوعيه

مال تحطهم بزبيل وتقطهم بحر

Eng_Q8 said...

كاكوتا

شرايك فيهم ترى هذيل ثروه وطنيه قوميه اسلاميه

Yang said...

وهيييييييي :)

Fashionista said...

لووووووووووووووووووووووووووووووول

البوست قاااااااااااااااااااتل

دمك عسل ;P

Kuwait said...

KUWAIT: فوز اوباما هو فوز للحريه وان باجر لناظره لقريب ..
كما وقد صرحت المدونه كويت بأن الشأن العالمي هو أيضا شأن داخلي بالنسبه للولايات المتحده ..
ومن جهة اخرى نوهت أنه من المهم حاليا بحث العلاقات الكويتيه - الأمريكيه الجديده ..
وقد اختتمت حديثها قائله : الي بالجدر يطلعه الملاس ..
هذا وقد أفاد مراسل قناة كاسك يا وطن أن موضوع البدون لا يزال معلقا لحين إدراجه ضمن جدول أعمال الرئيس الأمريكي المنتخب أوباما ,,

<-- حالي حالهم :P

Eng_Q8 said...

يانك

هاااااا :p

صرنا جمهور العربي

Eng_Q8 said...

فاشونيستا

جراتسيا سنيوريتا :)

Eng_Q8 said...

كويت

لوووووووووووووووووووووووووووووووووووووووووووووووووووووووووووووووول

واحسن منهم بعد :))

rai said...

هذي صج قوية :))
انت من وين صايد صورة التهنئة وشنو هذي صج موجودة ولا تاليف :)))
لهدرجة صرنا **** .

Eng_Q8 said...

راي

موجوده بجريدة الوطن :))

واكثر

Enter-Q8 said...

ما ادري الولاية 51 احنا

فريج سعود said...

ههههههههههههههههههههههههههههههههههه


مبارك البذالي اولم على فوز اوباما

يبي يخجله الاخ ويخليه يفرجون عن ارصدته

---------

هذا الي حاط اعلان تهنئة ليش مو حاط رقم موبايله

بالله اوباما بيعطيه شي اشلون يوص له ؟

يعطيك العافية

صج ونستنا على عبطهم

حـمد said...

شلون اهو مع تقسيم العراق وبنفس الوقت بيوقف ضد تحرير الكويت ؟

اذا كان اهو مع التقسيم من اجل المزيد من الهدوء والاستقرار بالمنطقة فكيف سيقف مع امتلاك الطاغية القوة والنفط في ان واحد ؟

العرزالــــــه said...

الله يبارك فيك مشكور حبيبي

:)

abu eldestor said...

مساكين
:)

nanonano said...

أبدعت في هالبوست

هاهاهاهاهاهاهاهاها
هاهاهاهاهاهاهاهاها
هاهاهاهاهاهاهاهاها

JiBLa CiTY said...

هاهاااااااااااااااااي

أكشششششششششن

خخخخخخخخخخخ

لايوقف
ههه

شـقـــــران said...

مهندسنا العزيز


أما بو لوحة تهنئة فهذا مسرحية بروحه
ههههههههههههههههه





وين طحت عليه


:)



مع اجمل التحايا

Selezya said...

هههههههههههههههههههههههههههههههههههههههههههههههههههههههههه موتني من الضحك

بس والله والله اول مره اتفق معاك 100%

لوول لا تزعل هذه الحقيقه :p


كلللللللللللللش ولا التهنئة
و البذالي @@ مستحيل مستحيل

حمممممممدددددددددددددددلله والشكككككككككررررررر

صجججج عااااااااااااااااااالم ثاااااااااااااااااااااالث حرام ثالث بعد
عالم عاشررر احناا

حياتي هدف مو عبث said...

مادري شنو بسوي اوباما

المشكله ان كل واحد فيهم مسوي نفسه فهيم

vancouver said...

تعليقاتك ترى مووووووو طبيعيه
لووووووووووول

موتني ضحك
وهذا من صجة البذالي ماادري منو
مسوي عشا
شكوووووووووووو
ههههه


بووووووستك عجيب

بس ها
دير بالك
مو تقعد تطلع اشاعات
شنو نائب الرئيس كان ضد التحرير
مسسسسسسسسسسرع ما الفتوا على الريال

مانبي اشاعات على اوباما وربع اوباما
يوزوا

KuWaIt MaStEr said...

محد قالكم انه اسمه اوباما الصباح

Eng_Q8 said...

انتر

اشدراني عنهم

Eng_Q8 said...

فريج سعود

مسكين جم رصيده الف انا اعطيه والفلم الي تحته شي ثاني ركز على اسم حسين



لا يبا هذا معروف ماله داعي رقم تلفون اوباما كان وياه بالحرس الوطني

الله يعافيك

Eng_Q8 said...

حمد

اشدراني

Eng_Q8 said...

العرزاله

تستاهل يا حلو :*

Eng_Q8 said...

ابو الدستور

حدهم

Eng_Q8 said...

نانو

عسى هالضحكه دوم

Eng_Q8 said...

جبله

ننطر الانتخابات الجايه

Eng_Q8 said...

شقران

سر :p

Eng_Q8 said...

سلوزه

زين اتفقتي وياي

يعني شنو عالم ثالث او بالاحرى ليش سمونا جذي

Eng_Q8 said...

حياتي هدف

منو ما يفهم فيهم

Eng_Q8 said...

فانكوفر

عساها دوم

شكرررن :)

مو اشاعات فؤاد الهاشم قايل هالحجي روحوا حاسبوه انا مليش دعوه

Eng_Q8 said...

كويت ماستر

من صجك

Spur said...

شعبان عبدالرحيم بس يبي اشاره عشان يألف اغنيه

فاااضي حده

و معصومة اثاري لحد الحين موجوده! حية ترزق لوووول