Wednesday, November 12, 2008

تحلطم مريض

-1-

مجلس الامه يقر الفحص قبل الزواج .. يعني بدال ما الريال يحاتي المهر والعرس والدخه حق صالة الحريم وانه راح يترك العزوبيه الجميله وان في وحده ما يندرى بتعتنن عليه عيشته والا بتخليها حلوه وما يدري الي بياخذها دعله والا مالها شغل بالدنيا والا تغار جنه ماكو ريال غيره بالدنيا وتسأله السؤال الباااايخ حتى واهو لابس لبس الدوام وين رايح والا بتطلع رومانسيه وكل يوم اتخنقه بالشموع والا بتطلع حنانه ورنانه والا بتطلع قنوعه والا والا والا والا .. الحين حطيتوا عليه هم ثاني ما يدري الحين مقرودة الحظ الي بتاخذه بتطلع آمنه واهو آمن حقها والا لأ .. فولفو مو زواج شنو آمن وآمنه وانتوا شكو ... بالله هالاثنين يطلعون مو آمنين يعني يطلعون لادا .. ما يتزوجون يعني ؟؟؟ ترى هذا بايد ربكم انا عندي رفيجي ماخذ وحده من اهله وفيهم من الامراض الوراثيه الي اتخرع كاهو ولدهم اشزينه مافيه الا العافيه والفحص طلع غير امن انا اقول خلكم على امراض الايدز وماادري شنو على الاقل اي هذا شي معقول اما التدخل هل بيطلع الولد امن والا غير امن بصراحه حليتوا فيها نص مشاكل الكويت ... ما افرقت معاي واذا بتزوج بحطلي واسطه واطلع تقرير ما يخرش الميه انا بورش و زوجتي فولفو احسن من هالامان ما فيه


==========================

-2-

انت تشتغل بجمعية نفع عام ؟؟ لا والله مااشتغل ما عندي وقت .. امبيييه هلاقه .. انت عندك نشاط اجتماعي او سياسي او ثقافي ؟؟ لا والله ماعندي .. لالالالا انت اشلون عايش وايد سلبي


هالحجي صجي و حصل امامي في احد الايام وللعلم هذا الي يجاوب عقله يوزن بلد ويسوى جمعيتهم ونشاطهم كله .. يعني انت انسان فاضي ولا عندك شي اتحاتيه بالدنيا ابوك يصرف عليك حتى وانت طول البغل ياي اتحاجي هذا الي يشتغل ويصرف على اهله وقاعد يجمع فلوس عشان يتزوج وحالته حاله يقعد بالدوام فوق ال12 ساعه وفوق هذا انسان مطلع وقاريء جيد للحياة السياسيه ويتكلم بالدواوين ويروح حق الاعضاء اذا لزم الأمر يعني الريال مو مقصر من الناحيتين يا يروح ينظم الكراسي معاك والا اهو انسان سلبي ؟؟؟
الي مودرنا بالكويت هالاشكال الي ياخذون الاعمال الوطنيه بريستيج اي بريستيج .. بس عشان يقعد ويقول واي واي تعبت امس كل هذا عشان الكويت .. والي يشوفه يقول هذا اسكت موقف الحكومه على ريل وحده هذا لو ينزل انتخابات يكتسح واهو يحط كراسي ... العمل الوطني ليس منه الحمل الوطني ليس فقط بريستيج العمل الوطني عمل تؤمن بانك ستغير شيء بالمجتمع العمل الوطني اعتقاد بان الوطن للجميع العمل الوطني بشتى المجالات ولا يقتصر على نادي ثقافي او رياضي او غيره
ان النفور الذي يحدث الآن من قبل فئة الشباب يأتي من هذه الفئه الشاذه المتواجده على الساحه السياسيه التي تصفق بدون ابداء رأي ودون وجود ادنى فكره لتبعات ما يفعل فالمهم هو انه عمل يوم من الايام ليحكي القصه لاصدقائه ويقول انه يعبر عن الاغلبيه الصامته وانا ماادري متى سكت والمشكله المواضيع الي يتعب عليها مثل ويهه ... نحتاج الى نفضه فكريه فالعمل الوطني يحتاج الى رجال والا اخوات رجال وليس لشخص يعتبرها بريستيج برستج الله راسه
================================
-3-
ذهبت الى يوم الدستور المنظم من صوت الكويت .. وللعلم انني لا اهوى هذه الاحتفاليات ولكني ذهبت لان الاحتفاليه تعني بالدستور اولا وثانيا لدعم الحركه الشبابيه الجديده .. الشباب اجتهدوا ولكن كان من الممكن ان يخرجوا بافضل من ما رأيته بالامس ... ومن الممكن انها تعجب شخص ولا تعجب شخص اخر كل على هواه .. وبما اني لست من المهتمين بالاحتفاليات فاني اعتقد بأن رأيي لن يكون مثل اراء المهتمين بهذا الموضوع .. ولكن من الجميل ان يتذكر احد يوم الدستور .. بس لو محور الحديث كان كله عن الدستور جان احسن اولهم الصراف الي بط جبدي والمدعودين كلهم من تيار واحد وهذي نقطة مهمه جدا وبصراحه حطيت جدامي عشر علامات استفهام .. عموما يعطيكم العافيه

==============================


-4-



جريدة الراي تعترف واتقول كاسك يا وطن .. يالراي مو عشان البطول الي حطوها اتقولون هالكلمه فالديره بكبرها سكـــــرانه .. قايلكم من زمان ... وكاسك يا وطن


اللـــــــــــــــــــــــهم لا اعتـــــــــــــــــــــــــــــــــــــــــــــــراض

40 comments:

Kuwait said...

@@
يعني لازم الآمن بورش والآمنه فولفو ؟؟
مايصير تكون لكزس مثلا!! :P
============
في ناس مخها على قدها :)
لا تواخذهم مساكين مستشفى الطب النفسي مادري مستشفى الميانين ضاق بالي فيه وماعندهم مكان حق هالأشكال :)
=============
بالنسبه ليوم الدستور أعتقد الإحتفاليه ما كان المفروض تكون بهالصوره وأعتقد ان ساحة العلم هي المكان الفعلي لمثل هذا الحدث ..
وان كان التنظيم من شباب صغار فالصغار غيرهم اقدروا يسوون تغيير كبير في كثير من المجالات لما يخدمهم عامل الوقت ويكون عندهم ناس تشتغل وتفكر صح ..
تييب شركات ترعى المهرجان وتخلي المشاركه من قبل جميع التيارات والأهم هو توجيه دعوات لمجلس الأمه كونه يمثل السلطه التشريعيه وكذلك توجيه الدعوه للسلطه التنفيذيه والقضائيه بالاضافه للشعب ..
وبلا سوالف شعر ولا خرابيط ..
المهرجان سياسي بحت يتناول جوانب الحياة السياسيه في الكويت وانطلاقة الحياة الديمقراطيه مع صدور الدستور ..
المفروض تناول مواد الدستور الي بدا المجتمع ينساها وبدا المواطن يدوس عليها :)
==============
المناشيت بالراي المفروض يكون :
" سلامات كاسك يـاوطــن " :P

Eng_Q8 said...

كويت

البورش ما يقلب والفولفو اامن سياره بالعالم :p

==

الله يشافيهم

==

كيفهم انا ماراح اقول شنو المفروض يسوون اشياء احتفظ فيها حق نفسي :)

==

الله يسلمج :)

حياتي هدف مو عبث said...

شوف انا اهم شي التيارات الأخرى

يا اخي محتكرين الدستور حقهم

وبعدين منو أمنه

:p


أشوه اني كوين لاتيفا

ههه

حياتي هدف مو عبث said...

ما تشوف شر

كله من أمس

ليش تروح

;P

Eng_Q8 said...

حياتي هدف

محد يقدر يحتكر الدستور واساسا هالفعل غير دستوري :)

هذي سلمج الله وحده طالبه الخلع من ريلها

الشر مااييج

لا من زمان مريض بس قاعد اقاوم المرض

Salah said...

ما تشوف شر

enter-q8 said...

-1-
ابتلشنا بالعزابية

2

اي هذول جماعة خذ و خل قوله بالله عليك شنو سوت جمعيات النفع العام
اللي كلها خرطي بخرطي
تصدق توني ادري عن جمعية اسمها الدفاع عن المال العام
عرفت عن طريق الصدفه لما راسلوني
و استغربت انهم موجودين على الساحه في ظل كل هالمال المهدور


3


اشلونك انت زين ما ادري منو اللي كان يتحلطم و قلت له احسن


4

شنو هالديرة المشفوحه على المنكر و العياذ بالله

enter-q8 said...

اهم شي الجوليه مالي لا تضربه اللي خليتني افصخه
و وين الاسبرين مالك طلع تلش

Mamloo7a Q8ia said...

يا سلااام عليهم
قوانين على كيفهم
@@

هذول الناس التافهه
اللي حق الترزز زاهبين
ومنو هو اللي يحكم على الناس؟؟؟


اجمعتوا ان التنظيم بسيط
انا ما حضرت بس قريت في المدونات
حسافه تمنينا تكون بكبر الحدث
ويكون التنظيم لها احسن


البلد سكراااانه؟؟؟
يا حسرتنا
:(

Bloggerista said...

ما يندرى بتعتنن عليه عيشته والا بتخليها حلوه وما يدري الي بياخذها دعله والا مالها شغل بالدنيا والا تغار جنه ماكو ريال غيره بالدنيا وتسأله السؤال الباااايخ حتى واهو لابس لبس الدوام وين رايح والا بتطلع رومانسيه وكل يوم اتخنقه بالشموع والا بتطلع حنانه ورنانه والا بتطلع قنوعه والا والا والا والا



لووول
سويت الزواج فيلم رعب

من عذر الشباب عازفين عنه

nanonano said...

أشدعوه سويت الزواج جذي؟؟!!؟

أنا المتزوجه خفت من الزواج و السبه اللي كاتبه عنه

المهم الحين لازم من الحين تضبط لك نائب عشان يتوسط لك أذا طلع زواجك مو آمن
========

عشان جذي أنا أرفض أني أنضم حق أي جمعية نفع عام
مفهومهم للعمل الجماعي وايد خطأ

و أنا قاعده أتكلم عن جميع المجموعات
يا تقول الله يخلي الريس..الله يسلمه لأمه
يا تصير كخّه

الموقف اللي يعجبني أؤيده بمزاجي محد يملي علي أي موقف
أنا عندي مخ..و أقدر أقرر حق نفسي
ما أحتاج أكون تابعه حق جماعه عشان يملون علي آرائهم
=========

الأحتفاليه الشباب ما قصّروا على مجهودهم..بس أنا كنت متوقعتها كتنظيم تصير وايد أرتب و أنظم من جذي
=========

موضوع صورة الخمور
اللي أقدر أقوله حق النواب

أستريـــــــــــــــــــــحو
ترا لاعت جبدنا منكم

Eng_Q8 said...

صلاح

الشر ما يجيك

kuwaitawy said...

1


هذا القرار له عواقب وخيمه

ونتائج هذا القرار سلبي وسوف يظهر على المدى البعيد

مشكلتنا ماكو خطه استراتيجية للقوانين

يعني خبط لزق


-----------

2

لا تقولي ان ما عندك نشاط اجتماعي

لأ

تكفه لا تقولي انك سلبي

هههههههههههههههه

--------
3

اتفق معاك وابادلك الشعور

لو اليوم ماكان مخصص للدستور لما ذهبت

وتوقعت انه يكون افضل مما رأيت

---------

4


من اول ما قريت المانشيت بالراي

تذكرتك وضحكت

من قدك

Eng_Q8 said...

انتر

1 اشفينا يا زينا :)

2 مخربين السالفه حسبي الله عليهم

3 لوووووووووووول انا :p

4 اشدراني عنهم

اهم شي جوليه لوووووووووووووووول اي بطني بطنيييييي مو لايقه عليك الكلمه نهاااااائيا

الاسبرين طلع مصري :p

Eng_Q8 said...

مملوحه

انا ادري عنهم

اهو الوطني الاوحد بالكويت

عادي جدا

منذ مبطي :p
اقري البوست الي حاطه

Eng_Q8 said...

فاشونيستا

ليش اهو مو فلم رعب :p

ما نلام

Eng_Q8 said...

نانو

ليش اهو مو جذي ؟؟ :p

لا مضبط حالي لا تحاتين وعرزاله ماراح يقصر اخليه اهو الي يفحصني

--

بالزبط .. بس ياليت في جماعه اتقدر العقول وتحترم الاراء لحد الحين مافيييش

--

مي تو

--

عادي شي متوقع منهم :)

Eng_Q8 said...

كويتاوي

وشنو الي ذابحنا غير الخبط اللزق

--

اتصدق ما عندي لوووووووووووووول طلعت سلبي :p

--

مو اول مره نتفق :)

--

شرايك فيني وانا منورهم :p

JiBLa CiTY said...

رد واحد لكل الاجزاء اللي طرحتها..

اللي مايطول العنب ..

شيقول عنه ؟

Eng_Q8 said...

جبله

اناناس

شكو ؟

الدســتور said...

يا يروح ينظم الكراسي معاك والا اهو انسان سلبي

مهندسنا ماكو فايدة فيك
:)

Spur said...

سلامتك ما تشوف الشر

والقرار عجيب.. صكو علينا صكه ما باقي الا يحبسونا بعد و اهما يتحكمون فينا برموت كنترول عن بعد :p

الحين الشباب ملوت التهبب تشوف نصهم بالأمراض السارية :p

molok said...

اول شي سلامات وماتشوف شر ..
انا اعتقد ان سالفة الفحص قبل الزواج يخلونها شي اختياري .. عشان اذا طلع الولد فيه شي مايقولن ولا محد قالنا .. بس عشان تعرفون ان يمكن يصير شي .. وكل شي بايد الله سبحانه ..

2-
مثل ماقلت .. في ناس ماخذين الشغل برستيج وهذا اللي قاعد يضيع شغل الناس الزينيين .. :(

3-
مارحت حق الاحتفال بس من كلام المدونين يبين ان في استياء .. مع ذكر الفضل للشباب اللي اجتهدوا وحاولوا انهم يشتغلون ..

مشكور وموفق

Anonymous said...

بالنسية للموضوع الاول فتعليقة عندي بالمدونة


اما الموضوع الثاني
في ناس يبيلها حراق ونفتك منها ومن مخها

اما الموضوع الرابع
فأعتقد ان الراي مملوئة بالكأوس اصلا

Unknown said...

يااااحظك

دخلت التاريخ :P

vancouver said...

انا بعلق على حلطومتك الثانيه

ترى معاك حق باللي قلته
شوف عيني
ناس ما تسوى بيزه
لا مخ لا طموح
بس مرتزين بكل نشاط ثقافي او اجتماعي
ومصدقين اعمااااارهم
انهم شي
هههههههههه

ويشوفون باجي الشباب
فاظييييييين
علما انه العكس هو الصحيح

:\


قواك الله

Selezya said...

خل عنك البورش
:p

ديرة بطيخ said...

3:

طول ما التحالف حطوا ايدهم بالموضوع لازم بتكون النتيجه جذي

Eng_Q8 said...

ابو الدستور

ليش كلامي غلط ؟ :))

Eng_Q8 said...

سبير

الشر ما يجيج

هذا الي ناقص

اللله ليش شيسوون هناك ؟؟

Eng_Q8 said...

ملوك

واهو اختياري الحين :)



بالزبط


العفو

Eng_Q8 said...

حسافتج

صار معلوم :)

يا متوحش :p

صج @@ محد قالي

Eng_Q8 said...

مشاري

شرايك فيني

Eng_Q8 said...

فانكوفر

اذا يعرفون يحطون كلمتين على بعض انا احسن شواربي

Eng_Q8 said...

سيليزيا

الدتسن انفع :p

Eng_Q8 said...

ديرة بطيخ

يعني

فريج سعود said...

لازم يسون حملة اعلانية كبيرة لقانون الزواج الامن

يظهر فيه الزوج رابط حزام الامان

والزوجة طالع لهاالايرباق

:)

Eng_Q8 said...

فريج سعود

والمناقصه ترسي على حدس

اكملت :p

كويــتي لايــعه كبــده said...

سلامات يا صديقي العزيز
ما تشوق شر

بالنسبة للموضوع الثاني...
اعترف... لو بإيدك ما تصير من ربع "بابا ابي بورش" و "خلاص ترا هذه آخر مرة" والمصروف على ماما

بدلا من الكرف ليل نهار والمسؤولية ولا ضمان وظهر؟؟؟
:)

اللي فاضي "يتبرتج" الله يهنيه على عيشته الفاضية

لو انه بس ما يلجنا


ملاحظة: من قال لك البورش ما يقلب؟

http://www.wreckedexotics.com/911/911_20060702_100.shtml

http://www.wreckedexotics.com/cayenne/cayenne_20050917_002.jpg

Eng_Q8 said...

كويتي

هلا بالقاطع

الشر ما يجيك خلاص طبت :))

واشدراك اني مو منهم :p

اشلون ما تبيه يلجك واهو مستمتع بالعمل الوطني بتنظيم الكراسي

محتر منهم ها اعترف انك محتر :p

انا اقولك ما يقلب

واللنكات مااشتغلت :))