Tuesday, December 2, 2008

الصوت الجريح

حالة نفور سياسي امر بها بهذه الايام فبعد الاحداث التي حصلت بالايام السابقه لساني لا ينطق الا بهذا المثل غصيت فيك يا ماي شدفعك فيه .. الاحداث تتوالى والاخبار تأتي والنظرة المستقبليه مبهمة جدا ولكنها بنظري سوداء ولن اتحدث عنها لاني متعلق الى الآن ببصيص من الأمل رغم انه شرع بالزوال
عموما .. قلت برتاح شوي وابعد طبعا طل ابتعد لان الاخبار وراك وراك .. بس قلت خل اقزرها طلعات من زمان مو طالع .. والا الوضع اخس من الوضع السياسي .. الحجاب بو نفخه صار حجاب مربع ؟؟؟!؟؟ والله العظيم مربع اتقول حاطه مسند على راسها .. مربععععع شنو حاااطه ؟؟؟ والله نطرت قلت يمكن اطلع بيبسي من راسها حسبالي ثلاجه غير شباب السبايكي وشباب الدشداشه المخصره هذيل بالاسواق واذا رحت الكافيهات جنهم مو مصدقين اشتا كل البنات قصير وبوتات انا بعرف برررررد شكو تلبسين قصير وطايحينله خز ببعض والشباب كااااشخين واخر شي يشرب كافيه لاتيه المهم محد عنده سالفه .. فمافي الا ملاذ واحد الا وهو البر .. يا زين ريحة الفحم والحطب ويا زين فنجال القهوه وانت متلحف بالبشت ويا حلاة حليب بالزنجبيل ويا ما حلى الفنجال مع سيحت البال في مجلس مافيه نفس ثقيله


فمالي خلق اكتب شي لاني اذا كتبت راح اكتب بطفاقه وماني مخلي احد بحاله عشان جذي انا غايب عن الساحه البلوقيه في هذه الايام واذا بقرا ادش من التلفون ماافتح اللابتوب علشان لا اتهور والعن خير الاولي والتالي .. والحين بما ان اللابتوب امامي والغنفه من ورائي ومزهب البشت وبروح المخيم قلت بكتب بوست عن مزاجي هالايام



وطن النهار .. ما ان نسمع هذه الكلمه نقول يا سلام عليك يا بو خالد

عبدالكريم عبد القادر صوت دافيء حينما نسمعه نعيش بعالم الاحلام

احساس لا يوصف نجده بين تموجات صوته الجريح
فناني الاول هو من علمني كيف اتذوق الاغنيه باحساس
تعلقي به منذ الصغر كنت استمتع بكلماته التي لم افهمها وانا صغير

لكنها كانت تؤثر بي كما تؤثر بأي عاشق كبير
كنت ابدأ صباحي باحدى اغانيه واردد الاغنيه قبل اخلد الى فراشي

فنان كبير يا بو خالد

بالرغم من ان البوماته الجديده ليست بمستوى الالبومات القديمه الا انه يظل بو خالد

الى الآن احتفظ باغلب الاشرطه القديمه ولا ارضى ان اعطيها لأحد فهي كنز بالنسبه لي ولهم طعم خاص اذا ما استمعت للاغاني عن طريق الاشرطه





اعترفلج بالليالي .. في غيابك سهرني


ابداع في اغنية اخر كلام انته وانا ما نتفق..
اخر كلام والافضل ان نبتـــــــــــــــــعد ..
لا عيـــــــــــــني ــتراك ولا اذني تسمعك ..
في امان الله روح الله معاك .. روح الله معاك


وكيف ننسى للصبر اخر ... خلاص عافك الخاطر .. روح بطريج وانا بطريج خلني على جرحي العتيج
تذكر يوم .. كنت انا حديـــث الناس .. ومن منا منك يا اعز الناس ..
واليــــــــــــوم اقدملك عذر وان كان لي عندك قدر
محبتي اقطع من رجاها الــــــــــــــــــــياس



.. والا.. في عيون البشر .. اضحك واسولف ولا جنه فيني شي ..
وانا المجروح اه يا جــــــــــــــــــــــــــــــــــرح موتني وانا حي
قبل اللقا كانت حياتي بالف خير وبعد اللقا كل شي اشوفه غير وغير .. رسمتلي الاحلام رسم
صورتلي الحب جنه .. واهو نار .. يالي حبك لي مجرد اسم .. ما شفت انا منه غير المرار


مشتريه .. بماي عيني ومدـلله .. مثل الطفل يخطي علي واتحمله .. ما حيليتي طبعي السماح
اذكر من العمـــــــــــــــــــــــــــــــــــــــر الي راح عشرة عمر وسنين اتحمله متحمله مشتريه


الصوت الجريح .. اجر الصوت من جرح براني .. الا والجرح اكبر من زماني
ومنين ابتدي يا جرحي الندي حسبي على الايام والحظ الردي ..
كــــــــــــــــــانت معي يوم من الصغير عين وهدب كانت معي
كانت معي طــــــــــــــــــــول العمر حب انكتب كانت معي ..
واليوم انا عندي خبر علم اكيد .. حبيبتي في قلبها حب جـــديد
اه على عمـــــــــــــــــــــــــري الي كان يا زمن ما به امان


انا رديت .. لعيونج انا رديت .. اه يالاسمر يا زين .. الشوق امرني اطيعك وانسى خلاني


باختصار .. مقدر على لحظة الم .. صعب الفراق .. باختصار عيني تبوح بحالتي
لين صدري ضاق .. لو بعدت ابعد من حدود النظر .. لو خيالك ما غفى بروحي وسهر
الدقيقه تمر القاها عمر .. ما ينتظر ما ينتظر .. باختصار ويني انا ووين الانتظااار


بســــــــــــــك زعل يا من له القلب مشتاق .. يكفي غياب لا تزيد اشتياقي
لالا يصير الحب دمعات وفراق .. لالا يصير البعد بعد التلاقي بسك زعل


بيني وبينك الايام .. روح بــــــــــــــدال العام اعوام .. منت اول من جرح قلبي وراح
ومـــــــــــــــــــــــــــــــــــــاني اول من حضن ليل الجراح .. روح بيني وبينك الايام
في هالزمن منهو الي فينا مستريح .. ما من بشر ما هو جريح ومامن شجر ما هزه ريح
وشفيها لو يعني .. اتقول انا المخطي .. ودي اكون معاك صريح .. من فينا ما ينصدم



ما اقول حبني غصب مااقول .. ومااجبرك تهوى مااجبرك تهوى
النفس وما تشتهيه والقلب ما يهوى والقلـــــــــــــــــــــــب ما يهوى
جاوبني بالحــــــــــــــــــــــــــــــــــــــــــــــــــال في لا والا نعم
تبقى الحبي انت في كل الاحـــــــــــــــــــــــوااال في كل الاحوال


من الهجر يا صاح .. شفت المضره .. جرحي مثل جرحك له سنين ما طاب
حتى النظر ما يفيـــــــد وان جاك عذرا .. حبه صفا بالجوف والوجد له هاب
زولــــــــــــــــــه وسط عيني قلبي مقره .. لو غاب عني طيفه اليوم ما غاب
شوقي عذاب .. شوفتـــــــــي له بحسره .. ليته درا في قلب من حبه انصاب


ردي الزياره .. علينا يا حلو الاطباع .. ردي الزياره .. ما عدت اقوى فراقك اكثر من اسبوع
من يوم وادعــــــــــــــــــــــــــت زولك والقلب ملتاع .. للحب سلطان امره مقضي ومسموع
لا يشغـــــــــــــــــــــــــــــــــلك قول واشي القول الخداع مافي دروب المحبه حاجز وممنوع
مد الخطـــــــــــــــــــــــــــاوي وعاود يا خلي بساع .. في خاطري صار حبك يالزين مطبوع
الحـــــــــــــــــــــــــــــــــب بيني وبينك مكشوف القناع .. يعطي البراهين مابين اهات ودموع




ظماي انت ومن يعشق ظماه غيري .. جروحي انت ومــــــــــــــــــــن يكره دواه غيري
اسقني لو ما ارتويت .. داوني لو ما شفيت .. ما هقيت اني بعطش في حياتي لغيرك انت
وما دريت ان ما به اغلى منك الا انت .. ما اتصور ان عيني مره تــــــــــــــــغفى وما تشوفك
ما اتصور لو يطول الصمت ومااسمع حروفك .. ما اتصور كيف تحرقني الثواني شمعه في ليل انتظارك
يالي يسبقني زماني من عطش ليل نهارك ..و عطني موعد وانسى موعد بس لا تهجر وتبعد


غريب .. شايل جروحي والـــــــــحجي وياي .. داير وروحي هدها ممشاي
امشي وبقلبــــــــــــــــــــــــــــــي حزن امشي .. اشكي وطربكم دايم ببجاي
بدت غربتي .. خطوه مع الي انقال .. خطوه خطوه .. خطوه مع الي انقاااال
مشت دنيتي .. طول طـــــــــــــــــــــريجي وطال .. قلت الليالي كلمت حالي
اول حبيب احبه .. علمني معنى المحبه .. واشلون اخليه وامشي بدنياي غريب
ادري بحــــــــــــــــــــــــــــــــــــــــــــــــــاتيه احاتيه .. غالي بعيني وحبيب ..


لا خـــــــــــــــــــطاوينا وراها لقا .. وان تلاقينا انتلاقا بشقى
ولازم .. لازم واحد فينا يضحي يقسى وينسى الذكرى ويمشي
ومهما دمعي ودمعـــــــــــــــــــــك هل بيدي وبيدك يبقى الحل
اما بجرحك والا بجرحي لازم واحـــــــــــــــــــد فينا يضحي
يا انت يا انا .. منهو الي فينا بيبتدي .. خل نفتعــــــــل الفراق
وانجرح الاشواق .. دام الحزن واحد ادري بترد تــــــــشتاق
ومـــــــــــــــــــــــــــــــــــــــثلك انا بشتاك بس لازم انعاني
ولا لا تخاف لا تخاف حاول حبيبي .. حاول حبيبي لا تخاف
لا تخاف قرر حبيبي .. قرر حــــــــــــــــــــــبيبي لا تخاف
ما بقى بحبنا بعد شي علينا ينخاف باختياري وباخــــــــتيارك
خل الحزن مره ييجري ولو مره ومهما دمعي ودمعـــــك هل


شفتك قلب رجف صبري ضعف
شفتك يا لهفة ناظري لوني تغير وانخطف .. الكلمه انطقها وترد حتى الكلام طعمه اختلف
وانا بصمــــــــــــــــــــتي اقول الله يا زين الصدف .. وانا بقلبي اقول الله يا زين الصدف
حالتي يا حــــــــــــــــــالتي عيت الخطوه تروح .. وخطوتك وخطوتي امروني بالرجوع
حاولت اصــــــــــبر واداري الشوق انا وامشي .. صدق من قال مسير الحي يشوف الحي
مضيت بحيره وصمت .. وانا بقلبي اقول الله يا زين الــــــــــــــــــــــــــــــــــــــــــصدف


ما اصعبك ... اصعب من اني افهمك .. ما اظلمك ما ظن كلامي يجرحك
كل يـــــــــــــــــــــــــوم لك حال جديد مره قريب ومره بعيد .. مااصعبك
مشيت معــــــــــــــــــــــــــــــــاك كل الدروب .. حاولت اهدي العاصفه
كل الفراق لازم يذوب .. مابين حــــــــــــــــــــــــــــــــــــــــــر العاطفه
حتى كلامي في حـــــــــــــــــــــــــــــــــــــــذر .. واخلق لاعذارك عذر
لـــــــــــــــــــــــــــــــــــــــكن اذا طبعك جذي .. خايف لا ينهي السالفه
انا اطفي النار تشعلها بادينك ... تــــــــــــبي تشوف اثار ما سوت يمينك
حاولت انا اشوف اشكثر واحنا على هذا الامــــــــــر .. في حالتي وياك
يـــــــــــــــــــــــــــــــــــــــــــــــــتعبني حتى رضاك .. ااه يا قو عيني



ما نسيناه رو حوا قولوله ترانا ما نسيناه .. من عرفناه ما هفت عينا على غيره لا بالله
جان يبي يعرف عن الشوق الي فينا .. جان يبي يعرف سأل عيونه اذا التفتت علينــــا
الـــــــــــغدير الي بعيونه من زلاله ما روينا .. واشعلينا من ظنونه ما تقولون وشعلينا
يامــــــــــــا غيرتنا افضحتنا .. كل ما يابوا سيره فيه .. نبهت جم واحد غافل وساهي
يا ما حــــــيرتنا اجرحتنا .. سهرت عينا عليه .. واهو مع ربعه يكون مشغول ولاهي


محال محال محال .. عمر المحال ما يصير .. اعيش انا حب خالي من التقدير
فكرت انا فكرت .. قررت انا قررت انسى انا حــــبك هذا بعد تفكير .. محال
عانيت وجم عانيت .. واصغيت لك طول العمر .. ضحــــــــيت وكم ضحيت
والروح اتعبها الصبر .. آآن الاواان اني احدد موقفي . آن الاوان اوضح الجرح الخفي
ومن الجـــــــــــــــــــــــــــــــــــــــــراح ومن العذاب .. انا اكتفي انا اكتفي
اه يا انا يا انا .. ويني انا كل هالسنــــــــــــــــــــــــين .. نبهني صمتي للحنين
عيش الحزن عيش الام وحدك .. خلني اعيش دنيا الهــــــــــــــــــــنا بعدك
ما انتظــــــــــــــــــــــــــر رد وعذر ما عاد يهم بالنسبه لي ردك .. ومحال


نامت عيوني على حسنك وشفتك حلــــــــــــم
يا ساري الليل .. يا ساري لين البارحه خذني


مـــــــــــن بعد غريبه جيتك وكل محبه .. عجزت القى في عيونك حلا
كل ما اشوف صد ونسيان . من العيون الي حبتني والا العيون الي خانتني
كيف الــــقمر تحزن في ليله قمرها .. وكيف العيون تنسى ليالي سهرها
ليتني ما جـــــــــيت ولا عن غربتي اقفيت .. ما دريت ان بعد غربتي غربه
حسايف حسايف .. كلمة احبك قالتها الشفايف .. قلبي تحسر على خل جحدني وقصر
الغربه مكاني وهـــــذا زماني .. لاهي اول جروحي ولاهي اخر جروحي


روح وارسم اعذار وتعذر .. مثل ما اتشوف واتصــــــــــــــــــــور
ما امنعك ما اكنعك لكن تأكد الي مافيه خير تركه ترى اخـــــــــــــــــير
حبيبي حبيبي .. لا لا اتفاجىء من هدوئي ترى العواصف تبتدي عقب لحظات الهدوء
حبيبي حبيبي .. لا اتوقع لك لجوئي مستحيل في يوم الجألك او افكر باللجوء
واصل طريجك واستمر اسمتر لالا تبررلي وتعيد وفر كلامك واختصر اختصر وارحل مع ذاتك بعيد
ولو كان في بعدك وجودك .. اثبت وجودك بالرحــــــــــــــــــــــــــيل


ودي اـــــــــــقولك ياغالي اذكر ليالينا .. واكر سوالفنا وضحكنا وعيد ماضينا
بس اني خايـــــــــــــــف ودادك ماعاد يذكرنا .. ولا اذرفت عيونك دمعه تنادينا
اهو انت ناسينا .. تشهد علينا علينا ليل السهارى .. الي جمعنا جمعنا داير مدارا

غيب وانا غيب وانشوف منهو الي يتأثر ..منهو يكون ملهوف للثاني اكثـــــــــــر
مهما تصد والا تروح ادري انا قلبك سموح .. وادري على الفراق مثلي ما تقدر
هذا انت وهذا انا .. اذا تقدر على بعدي .. هذا انت وهذا انا اذا تقدر تحب بعدي
روح ولف الدنيا كلها .. روح ودور بين اهلها .. المحبه الي بقلبي مااظن تلقى مثلها

يالي خذيت الشمس لو تتركي لليل بعض النور .. يالي جرحتي امس ماعاش الا يوم
وده يكــــــون شهور .. يا اغلى من دمعي واقربلي من احساس .. يا شوفي يا سمعي
لو تتركي لــــــــــــــــــــلناس .. بعض الدفا والنووووور .. دامك خذيتي الشمس
داوي جروح الليل واهدي الحـــــزن بسمه .. لا تجرحين الصبح تخفي الحسن عنه
مدي جسور الهمس قولي احيك حييل .. لجل امحييي احزااني واحيا بزمننن ثاااااني
حيث الزمن غيرك فيه الفرح مهـــــجوور .. حيث الزمن غيرك فيه الفرح مهجور
يالي الحسن دربك .. موت الفرح دمـــــعك .. ان كان مابه شمس لو تظهري خدك
او همس من عطرك عله يدفي الليل .. الــــليل عذبه الجفا والناس في برد وظلااام
منك الدفا يبغي الدفاااا والنوم وده لو ينام .. يا عذبة الضحكه كفى كل الفصول صارت شتا


كل الجراح اتهون يا جرح اللبذاتي .. كل المآسي طعون والشي مأساتـــــــــــي
يا غربتي طالت معاك قصتي .. في غربتي صرتي مساري وسكتـــــــــــــــــي
كفى والله ظماني ليل الاحزان .. غفا دمع الفرح بعيوني ولــــــــــــــــــــــــهان
يا دمعة الليل الطويل .. يا سر احزاني .. شايل معاي المستحيل واصبر عنواني
سيف الصبر ذبحتني .. يا سيف الصبر غربه وغدر اااه من الغــــــــــــــــــــدر
بودعك بودعك ياليل العذاب .. بودعك وارحل على متن السحــــــــــــــــــــاب
بتشوفني مثل الضباب مثل الوهم .. مثل السراب لي مرت الذكرى عــــــــــليك
ماردلك لو هلت دموعك ندم .. مااردلك كل عيشتك صـــــــــــــــــــــــــــارت ألم


مهــــــما حصل من بيننا دمع وفراق .. لي الحين حبك داخل القلب مطبوع
مهما هجـــرت الروح .. مشتاق مشتاق .. يالي غلاك بداخل الروح مزروع
في بحر حبك لي احاسيس واشواق .. وان طال ليلي تظوي اشواقي شموع


يا ماخذ الايام .. يا ماخذ الاحلام .. وقف تمهل توهـــــــــــــــــــــــــــــــــــــــل
لا تخلي الدنيا في عيوني ظلام .. ولا تحبس الكلمه وحروف الكلام .. وقــــــــــــــــف
لا الصمت اسلوبك .. ولا الغدر ثوبك .. انا على الاقل في يوم كان اسمي محبوبك كان
سؤااااااال بين الشفااا حاااير .. سؤااال من رحت كم مره انسأل .. خيال يمر على الخاطر
خيااال والا حقيقه الي حصل .. هل كنت انا اتبع سراب .. والا هوى بحره عــــــــــــذاب
والا وهم .. حب من عدم .. جاوبني محتاج الجـــــــــــــــــــــــــــــــــــــــــــــــــــــواب


ياليل الدجى والصمت .. وين الامـــــــل والنور .. وين الحجي والهمس
اصبح والاقي شمس .. يا خاطري المكـسوور الم يا دربي المهجور وهم
نظرتي حزينه .. ارسمتها الاقدار ..دمعــــــتي سجينه في عيون الاسرار
نظرتي للدرب الطويل خطوتي ترفض الرحيل .. بس لازم اواصل رحلتي
لو الهم على قلبي ثقيل .. با ليل الدجى والصــــــــــــــــــــــمت يا ليييييل


تصــــدق حبيبي .. تاخذني الاشواق .. نصايف الليل ويمك توديني
تصــدق حبيبي تجبرني الخطوه غصبن على روحي صوبك تمشيني
المشــــكله اني لاسامع صوتك .. ولا شايف زولك .. ولا بيننا ميعاد
من حر مافيني .. مريت نص الليل .. ولهان لك بالحيل .. والشوق لك وقد
حبيبي حبيبي .. ليتك تشوف اشلون .. امشي الخطا وبهون من همي وجروحي


جتني .. تودعني بصمت وسكوت .. يا وقت لا تمشي بسرعه وتفوت
ايدي بجت في ايدها نار وجمر .. وعيني سكنت في عينها وقالت صبر
وانا من الــــــــــــــفرقا احيا واموت .. اهيا وانا مابين صمت وانتظار
اهيا وانا كيف نبدي باــلحوار .. حبيبتي حبيبتي وشحالها قبل الرحيل
اشوف انا بعيونها .. دمـــــــــــــــــــــــــــعه ورا دمعه تسيل حبيبتي
كلمتها .. طمنتها .. وعدتها ابقى لها .. وراحت راحت قبل لا انهي الكلام
راحت .. تخنقها عبره بالزحام ... وانا من الفرقا احيا واموت


مرني مرني ..اذا الوقت يسمحلك وتقدر .. ترى انت عمري كله واكثر
عسى وقتك يوافق .. انا يا سيدي عاشق مرنيييـــــــــــــــــــــــــــــــــيي
سنه وانا انتظر .. طال انتظاري والوقت محســـــــــــــــــــــــــــــــوب
وانا اجري العمر يا عمري ساري ويا صبر القلـــــــــــــــــــــــــــــوب
وانا عمري احسابه احسابه لما اشوفك .. يا زين الدنيا وعيوني تحوفك


يا سامعي انت معي .. هذا انا .. بكتب على صدر الزمان اسمك بنور
يا صـــــــــــــــــوتي المشحون شجن .. دافي الشعور .. بوله عليك
اوله على همـــــــــــسك .. اوله على لمسة يدينك .. بغني للدنيا تعال
يا ريحة العــــــــــــــــــالم .. تعال تعال تعال .. هذي عيوني لك سكن
اسرح ورا فكري اشكثر محتاجك .. اسري بليلي وانت بايدي سراج
امشي على نورك على نـــــــــــــــوورك.. يجرني شعورك شعورك
خطوه ورا خطوه .. الوث في ســـــــورك .. ابغيك تحمي الحي تحميني
وتسكن رموشي ومنزلك عيني .. يا سيد الاحساس صوتك توالي الليل يناديني


سامحني خطيت خاني التعبير .. سامحني والغلطه بعد ما تصـــــــــــــــير
عااتبني وبالعتاب ارتاح .. عاتبني وريحني سامحني على التقصيـــــــــــــــر
اعترف اعترف .. ومستعد انا احلف .. صدقني ما كان قصدي ما كان ودي
يا حبيبي نختلف !! ما كان ودي نختلف .. اعترافي لج ماهو معناه ضعفي اعترافي لك من ذوقي ولطفي


يكفي خلاص .. عن حبنا غض النــــــــــظر .. منك انا خذت العبر
لا اتــــــــــــــعذر بعد الي صــــــــار .. جرحي اكبر من الاعتذار
دست على قلـــــــــــــــــــــــــــــب صبر .. جيت اسامح ما قدرت
حبي لك غلطه .. يالي امنتك على حالي .. كلفت عمري ثمن غالي


تسافر ورا النسيان .. توك تجي واحلامي سوات الليل ما تنجلــــــــي
ابي مطلع .. ودي معك انهي عذابي في سلام .. انهي عذابي في سلام
يا رحلة الماضي البعيد .. لك ذكرياتي وش تفيــــــــــــــــــــــــــــــــد
خلفك فراغ الليل وبعيوني امل .. واثرك ظياع وويل ما يحتمــــــــــــل


بيـــــــــــــــــــــني وبينك .. غربة كانها الليل ماعاد يذكرنا مكان التلاقي
ارحل مع النســــــيان وبرحل مع سهيل .. ما عاد في قلبي لك اليوم باقي
مااقول لك عود جما كنت بالحيل .. واشلون ترضى النفس شرب البواقي
شوقي جما شوقــــك .. محته الغرابيل .. وحبي جما حبك خذته السواقي
ذللت قلبي للصبر مــــــــــــــــــعك تذليل .. يا غربة ايامي وكل احتراقي
ذكراك في دنيا ذكراي في ويل .. عـــــــــيش العذاب وذوق طعم الفراقي


مرت سنه على فراقك .. على صوتك واشواقك
غريب كيف الزمن يرحل .. واوراق العمر تذبل
ســــــــــــــنة مرت وانا اول حبيب يوقد الشمعه
يــــــــــــــجرحه بيوم ميلاده هلا بالحب واعياده
كل عــــــــــــــــــــــــــــــــــــــام وجرحي بخير


الا وا عذابي .. احبك .. راجع .. وقت التسامح .. شخبارك .. كل الحب .. لأ .. ودعتها .. يالحبيبه

جرحتيني .. احوال العاشقين .. وداعه .. وغيرها من الاغاني الجميله


والله انصدمت من طول البوست ؟!؟ ما توقعت اني كتبت هالكثر ... مو كل ما اتذكر واغني اغنيه تطري علي الثانيه .. اساسا الفكره كانت جم كلمه من كل اغنيه ولا شعوريا قمت اكتب نص الاغنيه اذا مو كلها.. لا تلوموني عبدالكريم شي مو طبيعي .. واذا في اغلاط بالكلمات طوفوا ترى كلهم على الذاكره


الى فناني الاول .. الى الصوت الجريح .. الله يطول بعمرك .. واقولك ابدعت بالدور


اللــــــــــــــــــــــــهم لا اعـــــــــــــــــــــــــــــــــــــــــــــــــــتراض

28 comments:

enter-q8 said...

بما ان مزاجك اوكي
خلني اعكننه عليك كالعاده
الصوت الجريح مو بو خالد عبدالكريم عبدالقادر
الصوت الجريح
فجر السعيد طال عمرك
هذا اللقب اللي اهداها اياه
ابو عيده
و اهي ردت عليه و قالت له يا بو عيده
انا من زمان صوتي مجروح

مو قايلك ابي اعكنن عليك و على مودك

حياتي هدف مو عبث said...

من صجك حجاب مربع
لالالا الحين صايره الصعروره فوق فوق
تخيل انت بس جنهم حاطين بطل على راسهم بس بطل بطه ومتفووخ
ولا الحين هابين بلفة مثل ملوت الاماراتيات اللي شعرهم طالع
ولا اللفة حده حده فوق راسهم
هاهاها كل يوم انصدم من هالأشكال
:///
والإماراتيات من عمرهم جذي
مو هبّه مثل الحلوين اللي عندنا
وخلك بالبر واستمتع
مع الصوت الجريج
:p

Eng_Q8 said...

انتر

انت من وين طااالعلي

شتبي هذي بعد

اشوف البوق عيني عينك

اقول خلود سالفتك يبيلها فوتوشوب والا شرايك :p

Eng_Q8 said...

حياتي هدف


شوف عيني والله محد قالي مربببع

الجريح مو الجريج اشعرفج انتي :p

حياتي هدف مو عبث said...

مربع ومستطيل وكل الأشكال الهندسية بعد هاها أدري إنك شفت بس أقولك الهّبات اليديدة بس :))

سوري اقصد الجريح
:p
انجرح كيبوردي

Kuwait said...

الله وأعلم هذول الي راسهم صار مربع احتمال حاطين سحارة برتقال :\
الصوت الجريح بهالأيام يدفي ;p

Eng_Q8 said...

حياتي هدف

اختربوا بناتنا

تخيلي يصير مثلث

وقتها بجابل ويها واضحك واطيحله ضغاط

ابتلشنا باحفاد فرعون احافير مو بنات


اي الجريح عفيه

Eng_Q8 said...

كويت

لوووووووووووووووووووووول

انا اتوقع ثلاجه والله العالم

جدا

بس هذا الي قدرتي عليه

الحين انا صارلي 3 ساعات ونص اكتب بهالبوست وهذا تعليقج ولي ييت وكتبت بوست صغير حطيتيلي كومنت عن اربع بوستات

Purplecious said...

احسب الجيــــات جم مره اجي
واحسب النظـــرات لي ضاع الحجي
روحاتي وجياتي ونظراتي الحزينه
تحجي لك مدى حبي وانت ما دريت
و انت ما دريـــــــــت

لاحظ وشوف يا منيتي كيف الشعور
لما انتلاقى والحجي بينا يدور
الوقت يخلص و السوالف تنتهي
وانا عيوني في عيونك تلتهي

روحــاتي وجيــاتي ونظراتي الحزينه
تحجي لك مدى حبي وانت ما دريت
و انت ما دريــــــــت

يا غايتي يا غايتي
يا غايتي يا غايتي
يا كل شي انت بحياتي ودنيتي

لو قلت احبك ما تسد لا ما تسد عن حاجتي

يا غايتي يا غايتي
يا غايتي يا غايتي
عندي كـلام وايـــــد وايد كلام وايـــد
كل العواطف فيه كل العواطف فيه
لاجيت اقول القى الظروف تمنعني لا احجي
روحــاتي وجيـــاتي ونظراتي الحزينه
تحجي لك مدى حبي وانت ما دريت و انت ما دريـــــــــــــــــــــــــت


احسب الجيات

كنت ناويه انزلها بوست

:)

nanonano said...

يا زين ريحة الفحم والحطب

أي والله صدقت..بس أنا مو بالبر بالشاليه و تقعد تطالع البحر..هذا الشي الوحيد اللي ممكن يخليني أنسى الوضع المزري اللي أحنا فيه

الله كريم

لا خطاوينا..لها ذكريات مضحكه في حياتي..كانت الطريقه اللي أعترف فيها واحد من الشباب حق صديقتي بحبّه..فكانت مقزرتها علينا لا خطاوينا

bo bader said...

الكبير كبير !!

ياليته ماغنى بعد وطن النهار ، لأن ما كو شيء يوصل مستواها ..

http://www.youtube.com/watch?v=tEIXmNzlaj0

http://www.youtube.com/watch?v=WXwC9-MfyyM

Bloggerista said...

الللللله

صج خوش بوست

أغاني عبدالكريم مو صج

كويــتي لايــعه كبــده said...

هذا وانت مالك خلق تكتب كتبت هالكثر! :)

ما تنلام
روح البر بالسلامه
وريح بالك قدر المستطاع
اللي حارق اعصابه وخايف على الديره ومستقبل عياله
واللي ما يدري وين الله قاطه من فراره وتمشي ياكل ميش ايده بالطوفه

الخرفان طول عمرها ما تحاتي

الله يهنيك بالبر

الدســتور said...

الحب و مايسوي

Eng_Q8 said...

نانو

يا سلام هذي نسيتها :)

Eng_Q8 said...

نانو

بر بحر كله خلا

لوووووووول عسى تزوجوا

Eng_Q8 said...

بو بدر

كاغاني وطنيه انا معاك

Eng_Q8 said...

فاشونيستا

ثانكس :)

Eng_Q8 said...

كويتي

انا اقولك ليش كاتب هالكثر عشان ازهق من الكتابه فيني طاقه كتابيه طلعتها بهالبوست

حياك :)

Eng_Q8 said...

الدستور

اي حب اي بطيخ

اتعرف اغنية ميت احساس الي غناها رويشد هذا انا مو مال حب نهائيا

Unknown said...

ياخي الديرة والناس مادري شلون صايرين ..... والله شيء يضيق الخلق

في شيء غلط ودك تمحي وتبتدي من جديد.


لو خليت ........خربت

ساره النومس said...

والله العظيم داشة الحين البلوق مالك بقول لك شكثر انت صريح وايد وصراحتك ساعات تبط الجبد ... بس لمن شفت عبدالكريم عبدالقادر تنحت حدي ...

مشكور وايد على الكلمات .. بوخالد هذا بوخالد ماتدري معزته بالقلب شلون صايرة .. الصوت الجريح فديته والله

Eng_Q8 said...

بو عابد

يبيلنا اعادة تأهيل

Eng_Q8 said...

سارونه

ليش تبط الجبد ؟؟؟

وليش تنحتي ؟؟

يستاهل بو خالد

ساره النومس said...

اي والله يستاهل

لا شفت ردك على بلوق واحد من الزملا قلت شفيه هذا وايد مغتر بنفسه طبعا أقولها لك وجدامك أحسن من أني أكون منافقة و أقولها من وراك :p لووول

Eng_Q8 said...

سارونه

لووووووووول

ليش شقلت بعد ؟؟ وعند منو ؟؟

وانا كل ضالميني كل ضالميني :p

ساره النومس said...

شوف انت شمسوي لوووووووووول

Eng_Q8 said...

سارونه


شمسوي بعد ؟؟

قولي يبا قولي يمكن في سوء تفاهم