Thursday, December 11, 2008

العوضي مختلط مع از يو لايك

-1-




نبيل العوضي سافر لاكمال الدكتوراه بانجلترا .. الله يوفقه ولكن اهناك مافي اختلاط ؟؟ حلو التناقض .. وادري راح
يحط الف عذر وعذر .. تذكر شنو قلت عن الاختلاط ؟؟ واحنا بالكويت فما بالك وانت بره الكويت .. ذكرتني بمتولي الشعراوي الله يرحمه يوم قال لا تتعالجون بره ولما مرض تعالج بره .. ناس ماتوا يا شيخ من فتوتك والحين انت تروح تسافر بره ... على العموم لا تاكل كتكات ولا ماكدونالدز وروح بلاك بون جزاك الله خير وما اوصيك روح المباريات يقولون ملعب الامارات عجيب
ماادري شسالفتهم هذا راح يروح لندن والعبدالجادر راح الزقازيق .. على الاقل العوضي راح يروح لندن .. الزقازيق شنوووووو ؟؟



=======================


-2-






ما قدرت مااكتب عن عبدالكريم مع ان الكثير من الزملاء كتبوا عنه .. بس يا بو خالد انت لا غنيت بحفله ولا فكرت بالماديات من قبل الحين اتسوي دعايه دايخه حق شركه ما تسوى .. بييع الاغنيه مثل محمد عبده بس لا تطلع .. انت كبير يا بو خالد ولا اتخلي الماديات اتصغرك


=========================


-3-




حدس و الشعبي مايبون يشاركون بالحكومه ... والسلف يفكرون مع ان الي اعرفه ان باقر قاعد قاعد .. والتحالف طبعا راح يشاركون .. وهم في مفاجئه من الشعبي الاسبوع الياي ويتخلل هالمفاجئه سحب على استجواب... المراد ابشركم اهي متأزمه وخالصه ... وأزمها يا آز يو لايك .. يالله رد حاط اسمك بالاخضر اشتبي بعد





اللهـــــــــــــــــــــــــــــم لا اعتــــــــــــــــــــــــــــــــــــــــــــــــــــــــراض

45 comments:

Mok said...

هو بس اختلاط؟ حتى الفجور وروائحهم خايسة على قولة نبيل نفسه
--------------------
جامعة الزقازيق معروفه ومعترف فيها بالتعليم العالي وبيمكانك تسئل يبدو ما وجد التخصص المطلوب في جامعة القاهرة

Mok said...

التحالف الوطني لم يقرر المشاركة حتى الان

التكتل الشعبي راس البلاء والفوضى مع الاسف وهم سبب الماسي والفوضى السياسية وهم سنوا سنة المخالفه لائحه الداخلية والصراخ الشخصاني ووالتفرقه بين الخضر والقبائل

ومع ذلك وجود احمد السعدون ضروري

Eng_Q8 said...

موك

بعد روائح خايسه ؟؟ انا خبري العطر الفرنسي فرنسي مو افغاني .؟ اشلون ريحتهم خايسه وعندهم هالعطور الطيبه

جامعة الزقازيق معترف فيها .. وجامعة اقرا بالهند هم معترف فيها وجامعه اطلع مهندسين بالفلبين هم معترف فيها وهم جامعه بالتشيك معترف فيها :))

مو كل شي معترف فيه يعني زين وانا اخوك وبعدين كلنا انعرف اشلون قايله الشهايد الي من مصر خل الطابق مسترو يا بني .. توه واحد ما يفهم ماخذ ماستر بالفلسفه السياسيه واهو ما يفرق بين مجلس الشورى ومجلس الامه ولا ماستره بامتياز

--

ماادري عاد اذا شاركوا والا ما شاركوا راح يفرق خلني ساكت احسن

التكتل الشعبي عليه بعض المآخذ وله بعض النقاط الايجابيه حاله حال اي تكتل اخر او تيار اخر مافي تيار بالكويت ماشي صح اميه بالاميه بوجهة نظري ولكن لا ننكر ان وجود الشعبي مهم

انت قلتها احمد السعدون .. فاحمد السعدون حضري ومسلم و الحبيني بدو وكان معاهم جوهر شيعي .. اشلون فرقوا :)

Mok said...

المهندس
اقرا رابط مقالة نبيل عن روائح الخايسة في ساحة الصفاة
-----------
بالنسبة لجامعة عموما محمد العبدالجادر بعيد عن الشبهات اللي تحاول تلمح فيها
--------------
اللي ابي اقوله عن التكتل الشعبي هم سبب الفوضى السياسية اللي يشهده البرلمان منذ 8 سنوات وسنوا هذه السنة وانا متاكد اغلب معارضتهم بسبب الكرسي المفقود وانا بلا شك اؤيد الكرسي للاحمد السعدون
بالنسبة للتفرقه انظر الى احدهم تركيزه الدائم على وزارة المالية والهيئة الاستثمار واملاك الشويخ والشاليهات ونفس الشخص انظر الى اسلويه مع وزير الدولة الاسبق وكيف تغاضى عن استجوابه واتحدى هذا الشخص ان يتطرق الى وزارات السيادية البعض عايش على الصراخ يا المهندس

--------
احمد السعدون مهم من ناحية كخبير دستوري وبنفس الوقت عيبه غير مهتم بالباب الثالث من الدستور وهذا العيب الوحيد
---------
المشكلة التكتل يا الرئاسه او اعفس البرلمان !!
----------
على الفكرة التكل الشعبي مو تكتل تنظيمي وحوده مرهون فقط وجود اعضاء لهم اما خارج البرلمان ليس لهم تنظيم

cloudy stars said...

ياااو ياني ما أواطن العوضي :@

مخه متبرمج انه كل الناس غلط و اهوا اللي عدل

Kuwait said...

يمكن رايـح هناك يدرس أون لايـن وهو بشقته ;p
مهندسنا لا تحط بذمتك رجاءا العوضي بعيد عن الشبهات :D
انت ما سمعت بالمنطق الي يقول
" حلال عليهم وحرام علينا"
هذا الي قاعد يصيــر ..
والا نسيت سالفة واحد من أأمة الحرم الي لما زار الكويت راح الآي ماكس فلم فيه موسيقي وأغاني ما قال حرااااام ..
رد ديرته وطول يومه يفتي ان الأغاني حرام تالي يوم قرر يزور الكويت مره ثانيه أول ما قال .. قال حجزولي عالآي ماكس !!
والأغاني ياشيـــخ ؟؟؟؟
لووووووووووووووووووووووووووول ..
+-+-+-+-+-+-+-+-+
بالنسبه لـ بو خالـد للأسف نسف تاريخ وشوه صورة مقابل ولا شي ..
ظهوره بالدعايه ما أضافه شي نهائيا ماتوقعت الماديات تغير الناس جذي :\
-+-+-+-+-+-+-+-+-
آزيولايك .. عربــاوي ؟؟؟;p

Purplecious said...

العوضي ما أداني سيرته


اما بوخالد انا ليلحين مقتنعه انه شبيهه مو هو
i'm in denail ;p


اي والله ارجع يا آز و ازمها

الا تعال

رفيجكم مقهور وينه؟ ماله حس! مختفي

شنو عنده مشروع تأزيمي مع آز؟

ولا

لا يكون مقهور هو آز و آز هو مقهور و احنا ما ندري؟

حسبي اله على ابليسج يا عميمة خليتينا نشك بالبلوقرز كلهم

;\

Sn3a said...

هذيل الناس
اللي بلحيتهم يحللون ويحرمون عالعالم
عند نفسهم ان نيتهم صافيه وايمانهم قوي اقوى من جونغر
فسفرهم لبلاد الفسق
والتعلم من جامعات الكفره
ومزامله الاجنبيات السافرات
ماهو الا واجب اسلامي

الا ان عامه البشر امثالي وامثالك فمن المفترض الحفاظ عليهم بوضعهم في قبه للنساء واخرى للرجال حتى لاينحرفو من الاختلاط اللعين
ولا يلهيهم الشيطان عن ذكر الله
فالشهاده في وجود الاختلاط باطله
لان اساسها مزامله النعجه للذئب


انا اقول خل يهاجر اهناك يفكنا
اهو وقروبه

Sn3a said...

اي نسيت
ايي انا كيميكال
بعدين حرام عليك مشاريعنا ماتنعاد

بس المشاريع مليقه لول
تخيل هالسنه يبونا نسوي فيرتلايزر
اللي يسمع يقول كاليفورنيا مو الكويت
لا وهالسنه موزعين رعايات عالطلبه جم 300 دينار
مادري شسوي ب 300 احلف عليهم يعني

الـبـيـرق said...

عـاد يـمـدحـون الـبـيـرة بـلـنـدن :)

-----

الـشـعـبـي أكـيـد مـا راح يـشـارك بالـحـكـومـة لأنـه مـا عـنـده كـوادر و مـكـتـب تـنـظـيـمـي بـعـكـس الـقـوى الـسـيـاسـيـة الـثـانـيـة


:)

Blog 3amty said...

أز يو لايك خاطفينا جماعة اللهو الخفي !
والسر عندكم بالأمان !

`~MnO YeNSa! ~` said...

:D

حياتي هدف مو عبث said...

يبيله ماك جكن
:P
خله يرووح يمكن يغير نظرته
;)

وان شاء الله نشوف از يو لايك موجود مره 2
:))

حسام بن ضرار said...

نبيل العوضي اراق اللي ماء وجهه - او اللي بقى منه - بهالحركه

مو الغرب مو عاجبينه وما تارسين عينه وذابحنا هجوم على اوربا ليل نهار

شكو راح يدرس دكتوراه هناك؟

الغاية تبرر الوسيلة - خوش التزام

joe said...

لاتعليق
يتكلم في شغلات ممنوعه واهو يطبقها

الدســتور said...

اي والله خربها بوخالد
بس ولا يهمك ناصر المحمد موجود
ومايهمنا منو اللي يأزم
:)

الزين said...

نحن لا نزكي انفسنا على احد

بس نبيل الله يصلحه باجي يرجمنا بالكفر والفجور

ورايح ديرة الفجور بكبرها


وانا بسوي مثل ذا بوس


وبقول لكم عطني ولعه




:)

enter-q8 said...

راح و الا ما راح شكو في الريال داش باخلاقه
يمكن بيروح معاه محرم يا اخي ده انت لمض لماضه
*-*-*-*
بو خال خله يستريح حده هالمره
*-*-*-*
أزمها أكثر يالاخضر

MakintoshQ8 said...

نبيل لاتعليق .. اهوا بروحه قاعد ياخذ فلوس من تلفزيون الوطن .. والله العالم مصدر الفلوس
يعني ينصح ولا يطبق

----
الدعايه شنو هذا ؟؟
بعد ماشاب ودوه الكتاب
وبعدين البنت مو سمره ههههه
تفشل الدعايه

enter-q8 said...

مشكور على الستيك المالح
و على ارزعاج ام بيانو
اشفيه ساكت عجيب و الله حلو

EXzombie said...

اقعد السعدون صار نص كخة.....؟!؟
الشباب باعوها الظاهر

السعدون وجوده مو ضروري بالمجلس، و لا غيابه يعني انهيار الدولة

و نكتة انه خبير دستوري تضحك خصوصا انه هالخبير عنده مخالفات و آراء غير دستورية

و محمد العبدالجادر حاله من حال هايف بالاردن، ان لم يكن احسن من مصر

التكتل الشعبي ليسوا الوحيدين في الفوضى السياسية في برلماننا، اهم جزء من معادلة، و الكل مشترك فيها

على العموم زين قمنا نشوف ناس اتكلم عنهم و ناطرين نقد الذات

Eng_Q8 said...

موك

ماهمني الي يقوله عنهم انا الي يهمني هو موضوع الاختلاط الي ذبحنا فيه واهر رايح يختلط اما موضوع روائح انا مو مهتم فيه على الاطلاق
شكرا للرابط
--

انا ما المح .. انا اقطها بالويه الدراسه في مصر معروفه وادفع واخذ وجان تبي اييبلك 50 واحد امتياز بمصر واهو ما يدري شالموضوع

وبعدين بقولك شي لما كان رجا حجيلان كل ربع العبدالجادر قام يكتب ولما الهاجري قدم الدكتوراه هم نفسهم يضحكون على الدكتوراه مالته ولا من مصر بعد

عفوا اخي العزيز لا العبدالجادر ولا غيره فوق الشبهات ومثل ما كتبتوا عن غير ومااقصدك انت بالذات شوفوا الناس تكتب عنه

--

التكتل الشعبي وغيره سبب الفوضى السياسيه مو بس التكتل الشعبي وبعدين يا اخي التكتل لما يتكلم يتكلم عن اشياء منطقيه وان خالفتهم كثيرا بطرحهم ولكن هناك استجوابات ممتازه منهم ولا احد ينكر هذا

وبرأيي ان استجواب منهم يسوى حملة الاختلاط بكبرها

--

السعدون قلتلها بالسابق واقولها مره اخرى لابد ان يعتزل

--

البرلمان معفوس فيهم وبلياهم ولا تنسى انهم بس 3

--

ومن قالك اني ماادري :)

Eng_Q8 said...

كلاودي

ما يشوف شر بس لا يتكلم مره ثانيه ويناقض نفسه

Eng_Q8 said...

كويت

كل الناس بعيدين عن الشبهات محسسيني انهم ملائكه

لا الاغاني مو حرام تحت الماي

--

للاسف

-

لا قدساوي

Eng_Q8 said...

بنفسجيه

اشدراني عنه جنه مات على مااظن

Eng_Q8 said...

سنعه

حلال عليهم يا يبا وحرام علينا

عاد اهم يموتون على الهجره ويقولون حرام

--

انا اشوفها نفس الشي كل جيلسرين وماادري شنو وكل اتكلف ملايين واهو بريزينتيشن :p
احسن مشروع البخور بس شكلج مالحقتي عليه :)

احنا قبل ما يعطونا ولا فلس :*) حمدوا ربكم

ودورولكم رعايه :)

Eng_Q8 said...

بيرق

ماادري عنها

من حلات القوى السياسيه عاد

Eng_Q8 said...

بلوق عمتي

لا يبا طلع حكومي يبون يحطونه وزير

Eng_Q8 said...

منو ينسى

:@

Eng_Q8 said...

حياتي هدف

خله يروح ها :))

نسيتي شنو قال ترى حاط اللنك ترى وشوفي الكومنتات :)

انشالله

Eng_Q8 said...

حسان بن ضرار

بس هل الناس يتعضون

Eng_Q8 said...

المباركيه

ويوم قلناها من الاول الكل عارضنا

Eng_Q8 said...

ابو الدستور

انا يهمني بصراحه :)

Eng_Q8 said...

الزين


واحد سلوم للمعلمه الزين وصلحوو

Eng_Q8 said...

انتر

لووول

المهم لا يتكلم عن الاختلاط

==

حسافه

==

عاش الاخضر

Eng_Q8 said...

ماكنتوشه

هم كتبتها من قبل تدرين شيقولون .. يمكن تاب

--

اشدراني عنهم مالت علييهم اهم وشركتهم

Eng_Q8 said...

اكسزومبي

توك تدري ؟

نعم نعم

ZooZ "3grbgr" said...

متى المفاجأة؟؟
ما صار الاسبوع الياي؟؟
:\

Bavaud said...

يا معود الله لا يوفقه ولا يرده
منافق دجال

بو محمد said...

الزقازيق هذي الله يسلمك إذا ما خاب ظني أكله، شروى البلاليط و الدرابيل
:-)

`~MnO YeNSa! ~` said...

شفيك
مستانسه
:D
ترى


bs as you like
m3a el 3wthii
:Pp

Eng_Q8 said...

زوز

ناطرين السحب

Eng_Q8 said...

بافد

الله يسامحه

Eng_Q8 said...

بو محمد

وبيض :p

Eng_Q8 said...

منو ينسى

عساج دوم مستانسه يا يبا :)