Monday, December 15, 2008

النوخذه .. وفكرة القبس

التكنولوجيا وجدت لخدمة الانسان وتسهيل الامور عليه وتوفر له مالم يتوفر بالسابق وتحل الكثير من المشاكل .. فالعلماء لا يخترعون شيئا الا وبه خدمه للبشريه قس على ذلك منذ بداية الاختراعات والى الآن .. وجميع الدول تستخدم هذه التكنولوجيا لخدمة الشعب وللخدمات العامه هذا ماهو متعارف عليه ..ومن الاختراعات التي كانت تستخدم للحروب واختص بها الجيش واصبحنا نستخدمها الان وها انا اكتب من خلاله هو الانترنت

وبما ان دولة الكويت دوله غنيه وناميه ويجب ان تصبح من الدول المتقدمه .. ادري مالي امل بس هم يجب .. فيجب ان تستخدم هذه التكنولوجيا لتحسين الخدمات العامه وايضا استخدامها في الاماكن الحساسه التي ترتبط بحياة الانسان

الاسعاف .. المطافي .. الدوريات .. من الآليات الي تستخدم بالدوله وهي بلا شك مهمه جدا ويجب ان تصل الى موقع الحدث باقصى وقت ممكن فمن الممكن ان تهدد حياة الاشخاص اذا ما تأخروا دقائق معدوده



للاسف عندنا بالكويت المطافي يدورون على الدخان والاسعاف والشرطه يوصلون على الخبره .. وهذا أمر خطير ومحزن في نفس الوقت .. فلماذا لا يستخدمون النيفيجيشن او الجي بي اس او النوخذه باللغه العاميه لكي يتوصلوا الى العنوان بطريقه سهله وسريعه .. والي اعرفه ان جم آليه موجود فيها نوخذه والباجي على فالهم



النيفيجيشن استخدم بالسابق من قبل البحاره لتحديد الموقع وقد كانت اداة مهمه لهم .. وقد كانت معموله بطريقه بسيطه جدا ولكن تؤدي الغرض والآن اصبحت هذه التقنيه اكثر سهوله ويسر وتؤدي العمل بكفاءه اكبر وافضل فلماذا لا تستخدم هنا بدل ان تستخدم للسائق او وحده غشيمه ماتدل طريجها من الكليه لي البيت مو حياة الناس أولى ؟



بدال ما تشترون موستنقات حق الدوريات وكل شوي طالعين بالتلفزيون وكلما طفيتوا حريجه حطيتوا الاسامي والمشكله مو اسامي الي طفوا الحريجه .. اشتروا جي بي اس وحطوه بسياراتكم مو الناس اتموت واهم ينطرونكم وعذركم والله ما اندل شوية عقل واشوية اهتمام بحياة المواطنين .. فكروا بدل ان تصرحوا

======================
.
أهم شي بالدنيا ان الفكره الي طرحتها القبس لاااقت اخيييييرا تجاوب من هيئة الزراعه .. شوفوا هالموضوع .. طبعا الفكره قد كتبت بعد توارد الخواطر معي كما ذكرت في ااااخر هذا الموضوع وطبعا اهم خلوها شتله بدال خمس شتلات الي كتبتهم من قبل على العموم الحمدلله وصل صوتي بطريقه غير مباشره .. ووصلوا صوتي هم بهالطريقه عادي المهم الديره تتسنع .. فهذه المدونه للكويت فقط
.
.
اللهــــــــــــــــــــــم لا اعتـــــــــــــــــــــــــــــــــــــــــــراض

43 comments:

Kuwait said...

@@
مهنــدسـنــا ..
عن الغـلط ماتدري ان احنا لو نتطور ما نعرف روحنا !!
بعدين تبي الصج آخر سفره لي رن الانذار مال الحريجه بالفندق ما وعينا الا المطافي فوق روسنا يطلعونا بره والله بدون مبالغه أقل من 5 دقايق ..
تالي لما سألت الي يشتغلون بالفندق عرفت ان يرن ألارم الحريجه بالفندق ويرن عند المطافي بنفس الوقت ويطلعلهم عن طريق الكمبيوتر وين الحريجه بالضبط بأي فندق أو بأي بيت :\
قلت اييييييييييييي الله عليناا احنا الي الفريج كله يتصل عشان بعد نص ساعه توصل سيارة المطافي الأولى وتقول نطروا تنكـر المـاي صج ويح قلبـي ..

على الله بعد يطبقون هالشي عندنا مثل ما تطبق اقتراحك المبيوق ..
وتظل مدونتك صوت الكويت الي يوصل بعد البوق وتوارد الخواطر ;p

Enter-Q8 said...

باش مهندز
مثل ما قلت المهم الكويت
طبعا اللي بنيتك انت مو شعار جمال العمر


بس لي تعقيب على اختي كويت
الجهاز موجود بالكويت من 92 و اهو خاص بالشركات يعني اهي تحطه و تحط منه عند المطافي و الداخلية بعد

تهقين شنو صار
انا بدوامي كان في واحد جذي
تبين تعرفين شنو صار بالاجهزة و الا وين كان مكانهم بالضبط عند المطافي و الداخلية اللي كل واحد يقول مو تابع لنا

someone_q8 said...

السلام عليكم
اول ما قرريت الخبر بالقبس قبل جم يوم على طول تذكرتك وقلت اييييه والله يبه زين الريال يتعب والقبس تاخذ الفكرة باردة امبرده وتنسب هالشيء لها
الله يعينك يا بشمهندسنا يبه ماكو الا حل انك تكتب الافكار واتسويها بد دي اف واتحط توقيعك جووود ما تنباق

Eng_Q8 said...

كويت

شوفي انتر شكاتب

شكرن :p

Eng_Q8 said...

انتر

جمال العمر خله يفجج بعمره وعقبال الثاني

Eng_Q8 said...

انسان كويتي

وعليكم السلام والرحمه

عادي عادي المهم في قابليه من الجهات المختصه اهني عرفت ان فكرتي مو عبيطه وتسوى وخلهم يبوقون اهم شي اني ادري انهم قواطي :p

حبيب :)

JuVeNTiNa said...

امبييييييييييييييييييييييه !!!

ما عندهم GPS !!!!

من صجك !!!
والله عبالي عندهم

اصلا في احد الحين ما عنده

لألألألألألألألألأ

انا مصدووووووووووووومة !!!!!

Fankooshy said...

خلنا نخلص من التخلف اللي حاصل
انطر الحكومة الالكترونية اول
بعدين اقترح افكارك عليهم
يعطيك العافية :)

Blog 3amty said...

الجي بي أس وخرايطه لا يستطيع اللحاق بالتسارع العمراني ومد الجسور وأنفاق
بالكويت

:S

abu eldestor said...

خوش فكرة
على ما اعتقد انك نسيت ان الاسعاف عندنا ولى زمانه

{~المباركية~} said...

يامعود بالكويت مايحتاج الحي بي اس الكويت كلها هالكبر

ولو تتصل على الشرطة بعد دهر يوصلون لك لما يصير الحدث ويخلص يوصلون و ايون لك بالدورية القديمة بو قلشر واحد الازرق يتطمش ويمشي

nanonano said...

مهندسنا..مثل ما قلت

المهم صوتك وصل

بس متحسفه ليش القبس تاخذ ال
credit

:(

charisma said...

فى سالفه كاتبتها بنزلها بوست والحيين بضييف عليهم سالفه صارت اليوم وانا رايحه استقبال بالجابريه
عن الاسعااف والمطافى

انا من صجى انصدمت ان طوول هالمده اسعافنا ومطافينا ما فيهم
gps


اذا سمحتلى احط لنك موضوعك عندى بالبوست

Bavaud said...

يا معود اسكت اسكت لا تودرنا

انت ناسي علشان يطبقون هالسالفة لازم ينزلون مناقصة توريد هالأجهزة؟

و مناقصة يعني أزمة

خلنا جذي وايد أبرك... إحنا ناقصين؟

kuwaitawy said...

مهندسنا العزيز


فتحت هذا الموضوع مع زملاء بريطانيين اطفائيين

وكانت مناقشتي هو اشاده بالجي بي اس الذي يستخدم في بريطانيا وفي جميع سياراتهم


ورد علي الزميل

بقوله

ان هناك سيارات جديدة المانية بها جي بي اس مخفي غير اللذي يُستخدم لمعرفة الطريق وهو عبارة عن ارسال اشاره عن طريق الاقمار الصناعيه في حالة وقوع حادث الى الجهات المعنية




شوف وين وصلوا


هذا كله عشان لا تتأخر الجهات المعنية ثواني مو دقايق


علما بأن التأخير عن الحادث امر خطير جدا جدا جدا جدا




وتقبل تحياتي

Eng_Q8 said...

اليوفي

اي في .. اهم سيارات الدوله :)

لا تنصدمين انتي بالكويت

Eng_Q8 said...

فانكوشي

هذي مو بحاجه لحكومه الكترونيه فالموضوع سهل ومهم جدا جدا

الله يعافيك

Eng_Q8 said...

بلوق العمه

اي صح نسيت

بس هم في شي اسمه أب ديت

Eng_Q8 said...

ابو الدستور

منو ينقذ الناس عيل اذا الاسعاف ولى زمانه ؟

Eng_Q8 said...

المباركيه

واذا واحد ساكن بالجهرا ودش القرين اشلون يطلع منها ؟؟ واهو يسوق الاسعاف

Eng_Q8 said...

نانو

بعد هذا نصيبنا

انطرج لما اتصيرين وزيره واتحطيني مستشار :p

Eng_Q8 said...

كاريزما

ناطر الموضوع :)

المدونه كلها لج وانا اخوج

Eng_Q8 said...

بافد

اهي متأزمه متأزمه

Eng_Q8 said...

كويتاوي

هااا اخذ واحنا بوصله ماعندهم

انت مو بالمطافي اقترح هالاقتراح

فريج سعود said...

عسى صوتك دايما واصل

Eng_Q8 said...

فريج سعود


شكرا حجينا :)

حياتي هدف مو عبث said...

او وحده غشيمه ماتدل طريجها من الكليه

ــــ

مره من شويخ رديت لي بيتنا عشان اروح العديلية لاني طفت الجسر ودخلت الخالدية
ووصلت المطار شلون مادري

بس ما كنت كلية كانت مستشفى

:p

حياتي هدف مو عبث said...

كانت .. أقصد
://

ZooZ ZaibG said...

الحين دام المدونة للكويت
يحل توارد الخواطر القوي هذا؟

يعني روبن هود كان خوش ريال
:")

ZooZ ZaibG said...

على طاري الجي بي اس للبنات
كانت تداوم معانا وحده بيتها بسلوى والفرع اللي كنا فيه بفهد السالم

تخيل انها ما تدل الا طريج البحر
لوووووول

تقوم مبجر وتاخذ ساعه بالبحر وتيي مودها معتفس من الاشارات عالصبح

عرضت عليها ادليها ودلت عدل
ثاني يوم ولا مداومة ثمان ونص وهي تبجي تقول ضعت

قلتلها البحر خووووووش شي
خلج عليه ابرك

Eng_Q8 said...

حياتي هدف

خلاص انطالب نفيجيشن حق المطافي والاسعاف والدوريات وحقسيارة حياتي هدف

Eng_Q8 said...

زوز

شسوي بعد المهم توصل الفكره

--

كسرت خاطري

خلاص نطالب بنفيجيشن حق الدوريات والمطافي والاسعاف وسيارة حياتي هدف وسيارة رفيجة عقر بقر

شـقـــــران said...

مهندسنا العزيز

أهم شي


صوتك وصل صوتك وصل

:)))


فديت خشمك
:)




مع وافر الاحترام وصادق المودة

Ni3Na3aH said...

3adel yal mohandes ;)
ma3aleh.. tawared khawa6er or not.. btfeed el deerah;)

الإعلامي أحمد الحيدر said...

يعطيك العافية ..

بالنسبة للموستنغ سمعت أن اسود الداخلية ماشالله عليهم قعد يطورونها ذاتيا .. يعني ركبو لها الشرطة بشويخ شغلات تزيد من سرعتها .. بحكم خبرتهم في هذا المجال من الصغر .. واسألوا وصلة الدوحة وصبحان وطرق جبد والشاليهات تشهد :P

بالنسبة لمقترح الشتلة يعطيك انت و" القبس " العافية دايما مبيضين الويه ( احم احم من يشهد للعروس ) ونتمنى نشوف تطبيق مو بس حجي وبربسة ..

يعطيك العافية :)

Eng_Q8 said...

شقران

حبيب :))

Eng_Q8 said...

نعناعه

بالزبط يا دكتوره

Eng_Q8 said...

احمد الحيدر

الله يعافيك

من ناحية خبره خبره :)

الله يعافيك

بس القبس شكو بالسالفه ؟؟ ليش ما حطوا من وين يابوا الفكره وعلى اولهم قالوا فكره القبس والمشكله اي جريده .. القبس والله عيب

الإعلامي أحمد الحيدر said...

والله يخوك القبس نشرو الفكرة بعد صاحبها الأصلي .. بس هل الصحفي ماخذ الفكرة من المدونة او توارد خواطر مادري بصراحة ما احط بذمتي ..

خاصة ان الزميل اللي يعد الصفحة الزراعية ( د.عدنان محرز ) ماله علاقة بالانترنت على حد علمي :)

Eng_Q8 said...

احمد الحيدر

قبل لا يكتبها الدكتور كانت قضية الباب المفتوح ومو مذيل اسم بالموضوع

على العموم المهم الفكره وصلت اشلون وصلت ما همني المهم اوصلت

`~MnO YeNSa! ~` said...
This comment has been removed by the author.
`~MnO YeNSa! ~` said...

والله فشلة
صج ماكو
وان ضيعوا و توفى المريض!!!؟ شلون

mama
كلا تقول دارت
خرايط راسي

اتوقع تقصد
ال
gps?
:Pp

Eng_Q8 said...

فيروز


شفتي اشلون والله ماكو

غميييضه :p


قولي حق خالتي حطي السي دي اليديد الظاهر خرايطها قديمه مافيها جنوب السره :p