Wednesday, December 17, 2008

شكرا بن همام


لم اتوقع هذه الوقفه من رئيس الاتحاد الاسيوي لكرة القدم محمد بن همام فبعد مشكلة نادي السد القطري مع نادي القادسيه الكويتي قبل بضع سنوات وايقاف نادي القادسيه نال هذا الرجل ما ناله من كلام وسهام موجهه له من كل الكويتيين انه انحاز لنادي السد ومن هذا الكلام وكنت انا منهم بكل صراحه .. لكن بعد موقفه هذا جعلني اتأسف على كل كلمه قلتها بحق هذا الرجل فتعصبي الرياضي والقدساوي خصوصا جعلني افقد اعصابي ذاك الوقت
حرص هذا الرجل على الكره الكويتيه لوقف الايقاف لان هناك تصفية حسابات تحدث بالكويت اخجلني واخجل كل محب للكره الكويتيه .. فهنا الكل يريد مصلحته وهو الصح والباجي غلط وضعنا بين التكتل والمعايير الي يقول نبي 5 والي يقول نبي 14 محسسيني ان احنا نطلع من الدور الرابع بكاس العالم لم اجد تطوير ولم اجد حل جذي لمهزلة الكره بالكويت فالمناصب أهم من الطمباخيه



اصبحنا مطنزه للعالم .. انظروا لهذا التعليق الموجود تحت تصريح بن همام .. فليست الكره فقط ما يضحك العالم علينا انما وصل الامر الى ديمقراطيتنا التي نفتخر بها .. وكلامه صحيح بالنسبه بانه عمل تطوعي ولكن هذا العمل التطوعي بريستيج للبعض ونقطة وصول سياسيه سواء للمجلس او الحكومه وحدثت بالفعل .. وركزوا على كلمة دويله وليست دوله .. هؤلاء من يضمرون حقدا للكويت اصبحت لهم سالفه يسولفون عنها شوفوا لي وين وصلت فيهم الوقاحه .. حسبي الله على من كان السبب



نهاية .. شكرا بن همام على هذه الوقفه ..والى الشيخ احمد الفهد رئيس الاتحاد الاولمبي .. يا بوفهد اشلون الحمام ؟؟ يقولون الدشي احسن من اللوت واتمنى انك ادخل هالمسابقه بالاتحاد الاولمبي وبدون ما تروح اليابان اتعب روحك ترى موضوعنا خلصه بن همام لا اتعب روحك واتروح ترى دربها طويل

بس بقولك شي .. الطبطبائي يقول ..لا نرحب بعودة احمد الفهد للحكومه وان عاد يعني عودة التأزيم مره اخرى




اللـــــــــــــــــهم لا اعــــــــــــــــــــــــــــــــــــــــــــــــــــــتراض

31 comments:

Kuwait said...

منو بن همام ؟ :P
أما الحمـام انا عبالي مسابقه وقاعده اطالعه بالأخبار والا تاليتها اشوف هاللي واقف يقول على المسرح يصرخ :
على ألفين هااااه بجم تقول هاااه 2300 من يزيد ..
@@
الحين مسابقه والا سوق الحمام مادري الحراي ؟؟

nanonano said...

صدقت والله

شكرا بن همّام..طلعت هذي الشخصيه و الروح الرياضيه اللي المفروض ربعنا يتحلون فيها..مو..ركضه حق الحمام القلابي

Enter-Q8 said...

ههههههه
اخرتها شكرا بن همام

الحارث بن همّام said...

احراج لما الغريب يحل مشاكل بيتنا

الحارث بن همّام said...

ونسيت أقول


لا شكر على واجب :)

Eng_Q8 said...

كويت

رئيس الاتحاد الاسيوي لكرة القدم :)

ركزي دورة الحمام دورة بس ماادري خروج المغلوب والا دوري

Eng_Q8 said...

نانو

يستاهل الشكر

Eng_Q8 said...

انتر

يستاهل الشكر

Eng_Q8 said...

الحارث بن همام

خليجنا واحد :)

بيضتها يا بن همام :p

Kuwait said...

مهنـدسنــا ..
دامها دوره معناها خروج المغلوب لذلك الي حمامته تخسر من القهر يبيعها ;p

Eng_Q8 said...

كويت

وتلقينه ماخذ قرض وشاري الحمامه ب 25 الف

حسافتج يا كويت said...

لا مانبي بن همام ولا غيرة

يا مهندسنا العزيز

الشق عووووووووووووووود

واللي قاعد يسوونة ربعنا ابر بنج

حنا نبي علاج نهائي

جذي بكل دورة بنروح نقلقس عند اللي يسوى واللي ما يسوى عشان نلعب

والله واللعب عاد

نبي نصلح وضعنا الإداري بالرياضة تالي نصلح وضعنا الرياضى الفني

وتالي نشارك

Lonly said...

بااااااااش مهندس
تحية طيبة وبعد......

شلونك ؟ شخبارك ؟

الحين لما تقول راح مسابقة الحمام القلابي والدشي و ما دري شنو...

ابي اللعب اللي يلعب بالمنتخب كم معاشه...؟ آسف اقصد كم مكافئته؟

300 ..500......1000 دينار؟

ولا بالناهية ناس ما تعرف تلعب...:)

لكن لما اروح حق الحمام الحمامه الوحدة يوصل سعرها 3500- 14000 الف دينار يعني الحمامه قيمتها المادية اكثر من قيمة اللاعب :)

(شهريا" يعطون الحمامه انتي بيوتك ومضادات اكسدة البشر ما ياخذونها :)
ولا ازيدك من الشعر بيت.... الاكل مستورد من الخارج كل املاح و مالتي فايتمين. يعني الحمامه تاكله مني وتقوم وتقلب وتلوت من الصوب الثاني :)ها اها ها ها


عرفت ليش الحين..؟


اللاعب= 1000 دينار شهريا"
الحمامة= 15000 دينار شهريا"



ملاحظة: الحمامة كل اسبوعين تاخذ انتي انكسيتي Anti Anequisity
عشان ما يضيق خلقها :)

ودمتم.....

bo bader said...

على الأقل مجابل شغله وحريص على الكويت لأنها عضو بالاتحاد الآسيوي !!

مو اللي مجابل الحمام والمطيرجية ، الله يزيد النعمة ..

abu eldestor said...

على العموم كل من يعمل من أجل الكويت يستحق الثناء و الشكر سواء بن همام أو غيره
ثانيا : الشعب العربي الكريم بتعليقاته لا يهش ولا ينش
ينظرب بالقندرة
و يبي يظرب غيره
لا ترد عليهم أبرك

kuwaitawy said...

انت قريت البيان مال بن همام ولا لأ؟؟


انا قريته

ويقولك

ان الكويت على خطأ وانها تستحق الايقاف للاسباب المذكوره ومن هالسوالف

وبما اني رئيس اتحاد قاري ويحافظ على الرياضه في القاره سوف اطلب من معاليكم رفع الايقاف مؤقتا للمشاركة في كاس الخليج وتصفيات كاس اسيا




بصراحة


بيانه مو عاجبني


يعني على اساس انه رئيس اتحاد قاري طلب من رئيس الفيفا رفع الايقاف




مادري شلون


المهم انه ما عجبني :)

Blog 3amty said...

الوعد فوق السطح !

ZooZ ZaibG said...

لهواة الحمام القلابي

اييييييييييه

:\

Cloudy Stars said...

عسى ما شر أحمد الفهد: لحواة الحمام القلابي
؟!!؟

Fahad Al Askr said...

أنا ما عندي مشكلة مع الشيخ أحمد الفهد، واحد حطوا دورة باسم أبوه ليش ما يحضر افتتاحها، لكن مو معقولة كل اللي حاضرين حفل الافتتاح ساكبين، شدعوة من متى المطيرجية بالكويت يدقون السبعة ويحطون بزمات

ما أدري حسيته حفل تخرج المعهد التجاري بالتطبيقي

Bavaud said...

مسا الفل يا هندسة

مع تقديري لجهود بن همام
بس استبعد ان تكون تحركاته نابعه من زود اهتمامه بالكويت او الكرة الكويتية

حاله حال اللي عندنا، تصفية حسابات و يبي يطلع الأحمد بالشينة جدام العالم

و تاريخه يؤكد على كلامي

Eng_Q8 said...

حسافتج

ماراح ينصلح دام انهم يشوفون الرياضه جسر لتحقيق مآرب اخرى

Eng_Q8 said...

لونلي


هلا هلا بخير الحمد لله انت شلونك :)

يعني شي حلو ان الحيوان اغلى من الانسان ؟؟

وبعدين لو في اهتمام بالكره جان وصلت المعاشات على قولتك الى ارقام قياسيه وتابع الدوريات الاوربيه او دوريات الخليج واتعرف :)

Eng_Q8 said...

ابا بدر


هلا بو بدر

اشفيه الحمام ترى يلوت يلوت يلوت :p

Eng_Q8 said...

ابو الدستور

نعم نعم

ومن قالك انا راد عليهم بس حطيتهم كمثال للاشكال الي تبي الشاره على الكويت

Eng_Q8 said...

كويتاوي

هلا بالحجي

راح احطلك التصريح

أؤكد لك أحقية الإيقاف المؤقت لنشاطات الاتحاد الكويتي نتيجة التدخل الحكومي، لكننا فؤجئنا بأن بعض المسؤولين في الرياضة الكويتية استغلوا هذه العقوبة لتصفيات الحسابات فيما بينهم غير آبهين بصورة وسمعة الرياضة الكويتية، ومن دون أن يلتفتوا إلى مصلحة اللاعبين والإداريين الكويتيين".



وأضاف بن همام، "كوني رئيساً للاتحاد القاري، فإن واجبي يحتم علي التدخل من أجل حماية كرة القدم واللاعبين في الكويت. أرى أنه من الواجب الآن أن أطلب من الـ (فيفا) أن يرفع الإيقاف بشكل مؤقت، وذلك من أجل السماح للكويت بالمشاركة في البطولات التي ستقام في المستقبل القريب، بما في ذلك كأس الخليج وتصفيات كأس آسيا المقررة الشهر المقبل".


ما جذب الكويت لازم توقف والسبب منو اهو ؟؟ السبب الي راح اهناك وقال ان الحكومه تدخل بالاتحاد بعد هذا قانون لازم يمشون عليه وبعدين اهناك ناس قانونيين مو زي حلاتنا

طبعا لان هذا صلب عمله والريال قاعد يحلل معاشه مو مثل الي خبرك :)

انا عجبني :p

Eng_Q8 said...

بلوق عمتي

لا تنخش ورا التانكي :p

Eng_Q8 said...

زوز

شكلج مطيرجيه :p

Eng_Q8 said...

كلاودي

عندك مانع ؟ :p

Eng_Q8 said...

فهد العسكر

ولا انا عندي مشكله وياه بس اهو رئيس الاتحاد الاولمبي وعلى قولتك يشفط حق بن همام ليش ما سواها من الاول وفكنا ؟

لووووووووووووووووووووووووول

هذيل الله يسلمك مطيرجيه القرن الواحد تدري كل شي تغير حتى الشسمه شيسمونه تغيروا :p

Eng_Q8 said...

بافد

مساء القرنفل

عادي خل يصفي حسابات دام بيطلع خياس الموجودين على الساحه الكويتيه عادي خله يصفي ويصب بانزين الترا بعد