Wednesday, January 14, 2009

وكمان تكفوووووووون نبييييييه وغزه وهيمه

اليوم يوم الفوز .. العب يالازرق العب وانت سيد الملعب العب يالازرق العب
وشتبون .. كاس الخليييييج كاس الخليييييييييج
يالزعيييييم يالزعييييييم جكجكجكجك .. لا هذي بالغلط .. بس خوش تشجيع العربي مع اني قدساوي

اليوم يوم القراده العالمي .. واحد ينقز يقولي اشلون .. اقوله كنت بروح بس طارت الطياره والمشكله اني قاعد اشوف الطياره لي الحين ما طارت بس الحظ الردي اشلون صاير وصلت والا كاونتر البوردينغ مسكر .. طقطقتها يمين يسار فوق حدر هم ما ظبطت ومالي الا باجر العصر وطبعا ما تسوه .. واحد شاطر يقولي ليش ما تروح مع المشجعين راح ارد عليه وبكل بساطه لانها مذله وواسطات ومالي خلق عوار راس.. بفضالهم عقب الدوره .. وقط فلوسك بالشمس واقعد بالظلال .. المهم مالي نصيب بدون تفاصيل لاني لو بقول التفاصيل بشوف ضحايا يبجون ويضحكون من القصه العبيطه ومالي خلق احد ينتحر واكون السبب بازهاق روح بشريه


على العموم باجر اتوقع والعلم عند الله انها تعادل وبتصير بلنتيات وراح انخسر .. بس انشالله انفوووووز .. بس لو يفاجيء الكل ويلعب بفهد الرشيدي من البدايه مع اعطاء بدر الحريه بالانتقال من ناحية اليمين لي الشمال ويرجع ورا شوي ويخلي جراح يسد مكانه على ناحيه الشمال مع مساعد وعلى اليمين ما يبيله خالد خلف .. ويقولون ان نواف الخالدي زلق بحمام السباحه وانشالله مافيه شي .. ويالجسوووووور يالجسوووووور

وبما اني ما رحت راح يروح المشجع اليديد الي راح ينسينا فهيدان ويخلي القبقب يلطم

هيمه بو عيدان




--------------------------------


بما ان الموضوع رياضي الى الآن وشفت الكومنت الي حاطته حياتي هدف الي حطه لها واحد ماادري وحده من زبانية حماس ... شوفوا هالصوره




هالصوره الله يسلمكم من موقع كوره الرياضي ويوضح ان الحبايب الدوري عندهم شغال ولاهمهم .. والفرق المنسحبه الظاهر ماقدروا يلعبون لانهم بغزه

سؤال ... اشلون تبونا نلغي كاس الخليج واهم طايحينله لعب ؟؟

اشلون تلغون حفلات فبراير الي ما اروح لها وهذيل طايحينله غناوي بالمدرجات ؟؟

اشلون تبونا نبجي كل يوم عليهم واهم ما همهم ابناء جلدتهم ؟؟

اشلون لو عندهم حفلات غنائيه هل راح يلغونها ؟؟ طبعا لأ

الى من اصبح فلسطيني اكثر من الفلسطينيين لا تزايد بالقضيه فانتم مكشوفين

وترا الاولون اقرب بالمعروف ... قطوا فلوسكم اهناك وخلوا المساكين الي اهني عااادي

وهم ارد واقول هي ليست قضيه وطنيه ... ولـــــــــــن ننســــــــــــــــــــى

--------------------------------

وبما اني حاط صورة بو عيده خلوني اقولكم سالفه للسامعين كافه احلى السواااالف احلى السوااالف

ذاك اليوم وكالعاده اذا ناطر شي بالتلفزيون احط على سكوب عشان اظحك .. المراد وحده كلمت بو عيده واشتكت من الاستخبارات العسكريه انهم هادين واحد يشتغل بالداخليه محكمه التمييز حكمت لها ب 8 الاف منه .. وصارلها سنين اتراكض وراه ولما تسألهم يقولون ما ندري عنه او ما داوم واهي شايفته مداوم ويتسترون عليه .. وناشدت انهم يمسكونه عشان تاخذ حقها

الحبيب تل سيفه البتار .. ويحط الغلط على المره ؟؟؟ ليش يا بوعيده .. يقولها انتي مو شغلج اتروحين وراه واتشوفينه وان وزارة الداخليه بريئه من هالشخص ومايصير تتهم الاستخبارات ومايصير تلحق الريال لان مو شغلها ؟؟!!!؟ يا سلام يعني اطالب واحد فلوس ولا الحقه اعطي الخيط والمخيط حق الداخليه الي اهم ربعه ومتى ما يابولي فلوسي يابوها

الدفاع المستميت من مشجعنا هيما انما يدل على الفداويه الجدد .. اي وزير يدق عليهم خلاص اهو خوش وزير يدق علينا ويمشي شغلنا والي يتكلم عنه يا ويله ويا سواد ليله

ليس نقدا لجابر الخالد الي انا احترم الي سواه بصراحه انما لما يفعله مشجعنا من دفاع بالحق والباطل

مره تبي فلوسهااااا ما تاخذهم يعني ؟؟!؟ جان زين داق عليه يا بو نواف ومجعمه


----------------



وبما اني طولتها بالبوست والالوان كلش مو متناسقه اليوم مااقول الا


وكمان تكفووووووووووووووون نبييييييييييييييييييييييييييييه



اللهــــــــــــــــم لا اعتــــــــــــــــــــــــــــــــــــــراض

16 comments:

حياتي هدف مو عبث said...

اي لا ترووح اخاف ما يفوزون :p
وزين حطيت هالصورة بس ما تكبرر وحط الموقع اذا عندك عشان لحد يقول حرام احنا نلعب وناس تقتل
وهمم بالمنطق نفسه لا تاكل محد فيهم ياكل
ابد مو حجي هذا
والخمة واايد يا اخووي
وبوعيدة اشفية جذي مزوورق هاهاها
حنه كائن فاضي ولا فيه مررض وحاطيلة دوا ازررق

ويااااارب يفوزون

مهندس اذا ما فازوا يعني الله
ما يبيني اسمع متكتك
:p

Eng_Q8 said...

حياتي هدف

اي اهي واقفه علي انا .. يكون بعملج كلما اروح مباراة يفوز فريقي او يتعادل :p

واضحه واضحه .. الا اتعبيني يعني :p

يعني اهم يلعبون دوريهم واحنا لأ مو قبول

يشجع المنتخب :)

اهم شي يبا لا تسمعينها بس نفوووز

وبعدين قلنا هالاغنيه راقيه :p

فريج سعود said...

دميثير يطلع عند بوعيدة حمد الجوعان

تروح وترد بالسلامة

وابشرك المباراة مثل ما قلت بلنتيات بس احنا الفايزين ان شاء الله

بس هالله هالله بالحلوة العمانية ترى طول عمري اسمع عنها بس ما ذقتها

Eng_Q8 said...

فريج سعود

لوووووووووووووووووول اي والله

ما رحت قاعد وبطالعها بالدوانيه

انشالله

اذا رحت النهائي من @@

Enter-Q8 said...

رحت النصر الرياضي اليوم
ابي فنايل حق المنتخب بسوي جو في البيت
بلبس الورعان الفنايل و بحط المطارح فوق بعض يعني مدرج
بس ما في ولا فانيله سالتهم وينهم قالولي فجر اشترتهم حق هيما


انا قايل انهم شعب ما ادري اشلون طينته بس
والله مو متفائل من يوم هالزفت لبس فانيلة منتخبنا
ربك يستر

abu eldestor said...

عاد ناوي اقولوك نبي حملة تكفون سووها
بس انت خذيت الشعار مني
بشتكيك لبو وليد
:)
الله يوفق الازرق اليوم
والقلب معاهم انشاءالله

Fashionista said...

عسى بس ما يأجلون المباراة عشان الجو

KQ8 said...

عندي احساس انها نكسه هذا اذا ما تأجلت اليوم

حسام بن ضرار said...

بوعيطه شكله بيفصل اليوم

المعزبه قاضبة البارح بالليل و متحلفه فيه يستهبل اكثر عشان يزيد ايراد المسجات و الاتصالات


------------

زبانية حماس؟

ترى وايد عليهم

على سواد الويه اللي قاعدين يضرطون فيه بالمدونات .. وصف

"النعول"

و انت بكرامه و يخب عليهم بعد

chandal/danchal!! said...

لبشارة لبشارة.. يتني اخبار من الدوانية اللي عروقها بالماي... الأزرق بفوز اليوم بدون ضربات جزاء ولا أقوال و بدون لعب بعد!!! بفضل الطبوب "المسكتية" عاد لي لبشارة... ابي حلوة "مسكتية" تـــازة و حـــارة

بس ترى بيلعب مع عمان عل نهائي وبينغلب شر غلبة... ادري ادري... مو خوش فال..بس ما على الرسول الا البلاغ... اللهم اني بلغت اللهم فاشهد

mo3ath said...

لاتكون عفسة الجو عندهم حوبتك على سالفه الطياره :D

بديت اخاف منك ياخوك :P

Mishari said...

اذا فازوا اليوم الكويت ان شاء الله

معزومين على العشا تري

قولووووو امين

ZooZ "3grbgr" said...

انا بس بسأل
شموضوع الالوان!!!!؟

البوست حده الوانه مو شي
تعودت على الوان علمنا عندك

كويــتي لايــعه كبــده said...

الله يستر من اليوم
لكن نتأمل كل خير

واما سالفة الفلسطن وغثة (غزة) مو كانهم اللي غدروا فينا وحنا من بد العرب ضفيناهم ضفه حتى اهلهم ما سووها والا يتراوالي!؟

واللي ينادي بالغاء الدوري وهلا فبراير والابتسامه الغيها من نفسكم اما حنا مو شغلك!1

تبونا نتعاطف مع شعب مسمي نص عياله صدام!؟!!؟

صج وقاحة

اللهم لا شماتة
لكن هذه حكمة الله
والا الجماعات الاسلامية "السياسية" تبي تعترض على حكمة الله

Fskra said...

mzblaa 7maas 5aL yewaloon mo kafo
7eta el wa7d yktb 3nhom shay malt
3lihom o slimaa 9kt`hom b3d o fog`ha kamaa bel 5ms :P

ama eL kaaaaaaas :D ee nabeeh nabeeeh :D

O bo3eda b3d slima 9kta fog 7mas :P

Eng_Q8 said...

انتر

مو فاقرنا الا اهم

=================================

الدستور

تكفون نبيه حمله كاس الخليج الي انا مسويها :))
حقوق الطبع محفوظه بس ما تغلى عليك

================================

فاشونيستا

لو مأجلينها احسن

==================================

كاراكوتا

واحد صفر مو نكسه

==================================

حسام

خل يولي حاط اغاني عبدالكريم

مالت عليهم

==================================

جندل

دوانيتك سكه :p

انشالله ياخذونه عمان

==================================

معاذ

شكلها حوبتي حاشت المنتخب :p

==================================

مشاري

ما اتعزم الا على مباراة السعوديه شهالجعاصه :p

=================================

زوز

ماادري :))
بس الازرق موراضي يركب على ولا لون ذبحني

==================================

كويتي

راحت علينا

اي والله

==================================

فسكره

اي والله مو كفو

لووووووول

===================================