Friday, March 6, 2009

عاجل لوووووووووول

شنو هذا ؟؟؟؟؟؟؟
.
شوفوا معاي هالتصريحات
.
الساعه 9:06 محمد هايف : سنقدم استجواب خلال ايام لرئيس الوزراء اذا لم تتراجع الحكومه عن تهديداتها بازالة مساجد الشبرات ويحيل مسؤول الازالات محمد البدر للتحقيق
.
للعلم مساجد الشبرات تشوه المنظر العام وبالكويت بين كل مسجد ومسجد مسجد ليش شبرات ليييييييش ؟؟ ترى احنا بالكويت مو بالصومال والا جيبوتي
.
.
الساعه 9:29 سمو رئيس الوزراء: اصدرت امرا لوزير الدوله بوقف اي ازالات لاي مساجد مخالفه
ز
يعني بأمر واحد صار الموقانوني قانوني .. عيل لا يشيلون مظلات السيايير طال عمرك
ز
ز
الساعه 9:41 محمد هايف : لن نوقف الاستجواب الا اذا احيل البدر للتحقيق بسبب هدمه مسجد الفنيطيس الاثري والاستجواب قادم
؟
مسجد الفنيطيس الاثري شينكو شبره ؟!؟!؟ .. انا بفهم الشينكو متى اكتشف عشان يصير اثري ؟؟!؟ شينكو يالحبيب شنو اثري وبعدين ليش اتحيل البدر للنيابة الريال يمشي على الاوامر ؟!؟
\
\
الساعه 9:53 سمو رئيس الوزراء : اتكفل باعادة بناء مسجد الفنيطيس الاثري على نفقتي
.
الحين اهو اثري اثريييييييي .. وانهدم اشلون اترد شي اثرييييييييي لو ترميم نبلعها تبني شي اثري مره ثانيه ؟؟ خلاص عيل خلونا نبني الاهرامات بالمهبوله وانحقق حلم حسين بن عاقول
\
\
الساعه 10:08 محمد هايف : نشكر سمو رئيس الوزراء على سرعة الاستجابه لكن الاستجواب قادم اذا لم يحال البدر للنيابه
ظ
شيقول محمد هايف مشكور على سرعة الاستجابه ؟!؟!؟ بس ترى بستجوبك ؟؟ يعني الاستجواب بكبره شنو ؟؟ ليش هدمتوا مسجد الفنيطيس الاثري ... راح يقوله رئيس الوزرا والله ماكان قصدنا وراح نبنيه مره ثانيه ... محمد هايف شكرا ... الرئيس عفوا
..
الساعه 10:26 احمد الفهد يقول لا تبوق لا تخاف
.
ما اقول الا شر البليه ما يخلي الواحد يقول
لوووووووووووووووووووووووووووووووووووووووووووووووووووووووووووووووووووول
\
\
اللــــــــــــــــــــــــــــهم لا اعــــــــــــــــــــــــــــــــــــــــــــــــــــــــتراض

71 comments:

`~MnO YeNSa! ~` said...

اتحس
ما عندهم
سالفة
at all

Purplecious said...

اي و الله لوووووووووووول

قاعد توصلني المسجات و أضحك

نسيت أبو الهول بساحة الصفاة

حسام بن ضرار said...

لو ما شايف انبطاحية من الحكومه، جان ما تأمر عليهم جذي

Eng_Q8 said...

فيروز

اهم ما عندهم سالفه يزعجونا ليش :p

Eng_Q8 said...

بنفسجيه

لا ابو الهول حرام لانه تشبيه الانسان بالحيوان

enter-q8 said...

زين يسوي هايف
ترى صج المسجد اثرى و مسجل لدى الدولة
لكن البدر طغى فعلا
انت عندك خبر
ان قانون البلدية يسمح لك باقامة خيمتك في الفناء الخاص بك المرخص من البلدية
و لجنة التعديات لا تسمح و تقول لأ
تقولهم قانون يقولون لك روح اشتك اذا مو عاجبك
البدر مو مؤهل لهالمنصب اصلا لا اهو و لا فريق العمل شغل فتوات
فريق التعديات تحط له ناس مختصة
من الجهات اللي بالدولة
الاشغال البلدية املاك الدولة و العدل
مو البدر و لا الخترش ما ادري الخشتي
عبالهم المواطن مرتكب مخالفة مرورية و الا مو لابس حزام امان
البدر كان ناسي تصريحه يوم يقول اذا الحكومة اوقفت ازالة الدواوين ساقدم أستقالتي
اقول كلك موظف متقاعد رزوك بوظيفه مالها شغل فيك، تهديد هايف اتى بناء على تصريحات و تعامل البدر مع المواطنيين و المعنيين

Eng_Q8 said...

حسام

ينبطحون على الي يبونه

انا بستجوبه اذا ما اقر الكادر

Eng_Q8 said...

انتر

خوش مسيد اثري بشينكو شي حلو بصراحه

عموما

انا ما شفت شي منهم واذا في شي خلهم يشتكون

وبعدين دام ان في مشاكل وينهم من زمان الحين يوم انه هدم الشينكو سوا بلبله

صل على النبي

kuwaitawy said...

كلمة حق يراد بها باطل

ساره النومس said...

هايف يبي يخرعهم يعني مسويلي فيها بعبع ؟؟

يارب الحمدلله على نعم العقل .. هايف يحب يخطف الاضواء على فكرة ..

enter-q8 said...

اقول يامهندز
ترى المسجد مسجل انه اثري بالدولة
حاله كحال العديد من المساجد القديمة اللي الدولة للأسف نستها
و بعدين المطالبة ماهي جديده ترى من زمان و الا علشان هايف اللي حركها ياخوي
و سوالف الشبرة و مالشبرة انت لو تلاحظ تكلموا عن المساجد الاثرية و مساجد الكيربي ترى مو وليدة اللحظة وين الدولة عنها و على فكرة تراها مو بهالكثرة الرهيبة اللي تخرع و تقام على ارض فضاء، و موجوده من قبل الغزو بعد لكن اشلون تعالج اهني مربط الفرس
خو هذول مو حاطين ديوانية و الا مظلة سيارة، اشوية عقل و ركاده و كذلك شخصية البدر و عنجهيته بالتعامل مع الامور المدنية و كذلك ما اوردته لك بردي السابق يشرح لك اكثر

Eng_Q8 said...

كويتي

بالزبط

Eng_Q8 said...

طموحه

نجم الشباك :p

Eng_Q8 said...

انتر

المساجد القديمه بالكويت مو شينكو

لا يبا مو عشان هايف الي حركها لكن السالفه واضحه

والله العقل والركاده يقولون ان المساجد اكثر من البيوت بالكويت ليش كيربي يعني بصراحه اتشوه المنظر العام وبعدين مثل ما يروحون يصلون الجمعه بالمساجد خلهم يصلون الباجي بنفس المساجد

خلاص كل فريج يبني مسجد شينكو يم بيته

حاكي العاقل بما يعقل خله يهدم مافيها شي اثري والا مو اثري

nanonano said...

لا...الوضع ما كان معقـــــــــــــــــــــول

بس ما قصّروا والله و نسونا

أنا و زوجي طالعين على العشا..سلتنا المسجات

اللي آخر شي قال لي زوجي..لا مو معقول..أكيد كويت نيوز قاعدين يألفون

بس للأسف الحوار عن طريق كويت نيوز كان صج

تصدق مهندسنا..ما أدري أضحك و لا أبجي

Eng_Q8 said...

نانو


ضحكي يبا ضحكي ليش تبجين

Kuwait said...

@@
هذي جذبـة ابريــل قبـل وقتهـا والا شنو بالضبـط !!
من صجهم هالأثنيـن ؟؟
والله الشرهه مو عليـهم ..
الشـرهه على كويت نيوز الي معطيتهم ويـه ..
ياخي روحله دوانيته وقولوا هالحوار كـله وفكونا ..
دام هالمستويات قامت تطلع انا اقول عسى الحـل بـاجر خل نرتاح من هالمسخره شهرين :)

enter-q8 said...

ايم توكينج اباوت ةوسك هوف فينطاس ار يو ستاند و ات ايم توكينج اباوت

اقول البدر لما قالوله المسجد اثري و مسجل بالدولة ما رد عليهم
تعرف شنو مسجل انه من اثار الدولة و الا شغل خبط لزق
و المساجد الكيربي بنيت ببعض المناطق عندما لم يتم بناء مساجد فقط لا غير ترى في مناطق للحين الدولة ما بنت فيها مساجد و عالفكرة اهل الخير بالكويت طق عصي على التبرع لكن عمك اصمخ روح شوف متى يحوشك الدور واشكثر المعاملة اتطول
و هايف ترى تكلم عن موضوع المسجد من زمان
و قلنالك ليش ما ترد على موضوع البدر

Eng_Q8 said...

كويت

مو كويت نيوز برلماني :p

شهرين بتضحكين اكثر على النواب الي راح يقلبون على الحكومه 180 درجه واهم الحين يطبلونلها

lollipop said...

Mno elli lazem y8er el kadar ? o em3a6elna lee al7een ???

Eng_Q8 said...

انتر

الفنطاس مافيها مساجد كوم اووووون

وشنو اثري اثري ؟؟؟

واذا اثري شكو تستجوب رئيس مجلس الوزراء ؟؟؟

حبيبي بو وليد روح الفنطاس وشوف شكثر مساجد فيها ما وقفت على مسجد شينكو

لا تقولي اثري شينكو شنو اثري مسجل والا مو مسجل المهم يشوه المنظر العام لو بنيان عادي جان وياك لكن شينكو شينكوووو

Eng_Q8 said...

لوليبوب

الوزير فيصل حجي بو خضور

يالله ضبطينا :p

حسافتج يا كويت said...

توم وجيري

كويــتي لايــعه كبــده said...

رئيس وزراء من هالنوع ما يجي الا بهالطريقة

وسلم لي على ادارة بلد


واحمد الفهد قصده يقول: لا تخاف بوق
على باله كل الناس مسنودين

بنت الشاميه said...

لهم اسبوع والمسجات ما توقف منهم
جاااان زين بس ينفذون تهديد واحد
من تهديداتهم....اذا صارت الصجيه لحفوا
وخمروااااا
الردى فينا مو فيهم

كاريكاتير said...

مرحبا

تبون الصج النواب مو لاقين احد يعطيهم العين الحمرا ولاقين حكومة تعطيهم ويه!!

mellow said...

الحركة المسرحية مشلولة في الكويت فالنواب مايقصرون حبوا يفرفشونا شوي
طلعت من مدونتك دشيت يوتيوب أشوف عادل إمام
طلع هايف أخف طينة منه فحبيت إني أشيد بموهبته

الفاروق said...

مو كافيكم مساجد ؟

Fahad Al Askr said...

هايف اللي صرح، وأهيف اللي رد عليه، والأهيف منهم اثنيناتهم اللي وايد هامة الموضوع الهايف، وعلق عليه بالضبط زي حلاتي

حياتي هدف مو عبث said...

نقطة ضعف !

أقوول مهندس
سلامة جبدك
;p

why me said...

والله شي يضحك


!!

مركبنا said...

انا توصلني المسجات
واحس اني قاعده العب بزل شئ كمل شئ
وفي اشياء ما ترهم

عموما
الازاله فيها شويه تخربط يعني جان انزار بجبد شيولو الزرع الي في ارتدادكم
وين ازرع ولا تقطع وين ووين ووين
صحراء تشيولن الزرع ليش

هذا شئ

الشئ الاخر
اعتقد من يجب ان يحاسب هو الاوقاف عن مساجد الجينكو
احنا بديرة عز ليش المسجد جينكو واصحاب الخير ما يقصرون جان اقصرت على الحكومة

المسجد الاثري
مااعرف سالفته الحين اهو جينكو ولا اثري !!

a7ibich yl KWT said...

لا والله كلش مايظحك

منقثه من هالخيخة

اقول شرايك تروح تطيح على راسه بعد

يهدد بعد هذاك اسمالله عليه


اخخخخخخخ

ابي انام موقادرة احس ياثووم طبج على صدري

يعل الياثوووم اللي يطبق على صدر هايف واللي اهيف منه ولا يقووم


بيجلطووني

بموتوني ناقصة عمر

a7ibich yl KWT said...

الحين بغظ النظر المسيد اثري مو اثري جنكو جيرة عشيش

ليش هالاسلوب الرخيص

وين الرقي


انزين صير ادمي وتحجى مثل الاوادم

والله ياطويل العمر ولا يا بوفلان الموظوع كيت كيت

اهو بيرد عليك مثل الاوادم ويقولك على هالخشم


مو تهديد ووعيد

وين صرنا ليش الشد


والله الشرهه مو عليكم عاللي كبركم

Zaydoun said...

بس ابي اعرف هايف شنو ماسك عليهم عشان كلمته ما تنزل الأرض

Eng_Q8 said...

مبيوق

سلفستر وتويتي

Eng_Q8 said...

برييه

الله يسلمك :p

اها يمكن غلطانين بالمسج

Eng_Q8 said...

بنت الشاميه

هلا مرشحتنا خشي الحجي حق الندوه :p

وليش احنا شسوينا بالله

Eng_Q8 said...

كاريكاتير


احنا مو بمدرسه عشان عين حمره والا خضرا بس الواقع يقوله روح استجوب شنو المحاور وشالسالفه ماكو

Eng_Q8 said...

ميلو

تبين توقيعه ؟ :p

Eng_Q8 said...

ابليس

اعوذ بالله من نكك

يبا البيت المهجور ورا المدونه

لا عناد نبي مساجد اكثر

Eng_Q8 said...

فهد العسكر

انت كسرت فيني وبكل خلق الله الي معلقين

Eng_Q8 said...

حياتي هدف


الله يسلمج :)

Eng_Q8 said...

واي مي

اي

Eng_Q8 said...

مركبنا

شنو الشي الي يرهم بالديره

والله ما عرفنا نسأل محمد هايف بس اكيد جينكو

Eng_Q8 said...

احبج يالكويت

لا حول ولا قوة الا بالله

هدي هدي يبا

-----

هذا قانون ما نبي لا خشم ولا اذن واذا بنظل على هالاسلوب عز الله ما تطورنا

Eng_Q8 said...

زيدون


ماادري علمي علمك

a7ibich yl KWT said...

لا

اعتذر مو قصدي نقظيها اذن وخشم

بس الحين الجنكو مخالف

عدل

ياو لجنة الازالة زالوه حاله حال باجي التعديات

عدل

الحين السيد هايق ليش بيقدم استجواب
منو اللي فيهم قانوني ؟؟

الحين طلع هالجنكو مسيد اثري
والناس بانينه على املاك الدولة

يعني مخالف

السيد هايف ليش يلوح بالاستجواب ويبي يحيل للنيابة انسان طبق القانون

المسيد الجنكوو الاثري ربما له ذكريات عزيزه على قلوب اللي بنوه واهلهم وشوفته ينهد اثار عواطفهم

اوكي يطلبون بطريقة ذربة يناشدون يكتبون رسالة اللي يكون

بس ليش التهديد بالاستجواب منو اللي موقفه قوي هني ؟؟


الا اذا كان الجنكو مو مخالف
اهني المصيبة اكبر و انا اعتذر من هايف وربعه

As YoU LiKE said...

على هالتصريحات

تذكرت الـ
mIRC

!!! said...

انا شخصيا اتوقع ان الهايف اهو اللي هادم المسجد الأثري

تعال اخاف اسم المسجد الأثري على عائلة الأثري ولا مبنا اثري ماعتقد عندنا بالكويت شي اثري
ودمتم

بو محمد said...

لو حاكر ديجين بقفص ما يصير كل هذا بينهم
دمت و الأهل و الأحبة برعاية الله

qadema said...

متوقعه منهم هالشي

ملاحظة بسيطة هايف محتر من البدر ليش
شايل دواوينهم ودواوين ربعه المخالفين

وردا على كلام الانتر سواء كانو حاطين البدر او غيرا ماراح اتغير شي لان البدر يمشي على الاوامر اللي توصله
بعدين اللي ما يدري اول ما بدا الازالات شال كل مخالف من اهله من
صغير لي كبير تالي بلش بالغير
شوفلي واحد اتحطه من جهات مختصه ما عنده واسطات الأمير بغا البدر لان يدري ما يمشي واسطات

وعلى قوله المهندس
شينكووو شينكوو
انا اقول احنا بالكويت ترا

Anonymous said...

من صجهم هذيل ؟؟ جذي نصير مطنزة حق العلم كله !!

الدســتور said...

اي والله غثوني غثى مو طبيعي
ماخلوني استانس بالعبدلي امس
عاد الحو كان مو طبيعي

ChEMiCaL-ENG said...

السلام عليكم و رحمة الله و بركاته

أخوي عندك لبس بالموضوع مسجد الفنيطيس الأثري مسجد مسجل بالدولة كمسجد أثري و هذ المسجد مو مثل ما أنت متصور لأنه مو مبني من كيربي هذا أولا
ثانيا يا خوي البدر متسلط في الإزالة و يخالف قوانين البلد اللي أنت قاعد تطلب فيها و الدليل المسجد

ثالثا الماجد الكيربي اللي النائب محمد هايف يتكلم عنه وزارة الكهرباء مدت لها الكهرباء و تم تمديد الصرف الصحي لها و أخذ الموافقات من وزارة الأوقاف يعني و ين المخالفة دامها في مساحة فاضية بين البيوت و مأخذين الموافقات عليها

و بعدين هذي المساجد تخدم ناس واجد خاص إن المنطقة المساجد شوي بعيدة و روح شوفها في صباح الناصر و احكم

و بعدين قوانين الإزالة طوفت كل المخالفات اللي في بنيدر و الجليعة و قالوا عنها:" أصحابها أمنعونا" ، و طبقتها على المساجد

MaCHBoS said...

بناء مسجد اثري !!! لا تعليق

يا جماعه مشالله عندنا مساجد وايده و بكل مكان و فاضية عيل شالحكمه من الكيبربي اذا حدايقنا خربوها و مظلات سياراتنا شلعوها و عفسوا المناطق عفس الحين تاركين شؤون الدولة و الازمه الاقتصاديه تلوث اليئة و شادين حيلكم بالازاله

نواب ما عندهم سالفه

@alhaidar said...

انا اطالب بتوزيع بذور البطيخ على كل مواطن ..

لأننا صرنا ديرة بطيخ !!

تحياتي :)

L.R.643 said...

il istijwab 3indihum ib balash. a9lan hatha salam.hum: "9aba7 ilkhair, tara bastajwibik ilyom" 9ar ilmawtho3 3ady..

o fog kil hatha, yis2ilon laish ibyin7al ilmajlis. wilsha3b ile yit7al6am yirid yintikhib hal niwab, o we are back to square one...

well_serviceman said...

لوووووووووووووووووووووووول

تهقا يخاف منه؟ والله وصارت الديره مهزله.. اللي هالتافه يمشي اوامره على رئيس المجلس!! يازين الجينكو اللي يخلي رئيس المجلس "مطقاقه" لوووول

Eng_Q8 said...

احلى كويت

صوتج وصل يبا

وانا اعتقد اذا كان مخالف ينشال وبعدين هذا يشوه المنظر العام

وشنو هالاثار الجينكو صار اثار يا معوده

قالها الشطي شوفي البوست اليديد تحياتي اختي الكريمه :)

Eng_Q8 said...

از

لووووووووووول

الظاهر هايف عنده اوب :p

Eng_Q8 said...

!!!

والله انا اقول عندنا افكار اثريه مو مسجد اثري

Eng_Q8 said...

بو حمود

يني وعطبه

دمت بحب

Eng_Q8 said...

قديمه

دواوين مخالفه لازم تنشال

اي والله جينكو

Eng_Q8 said...

القلاف

صرنا من قالج ما صرنا

Eng_Q8 said...

الدستور

ليكون رايح عزايز ؟ :p

انا لو منك احلى ساينلت على المسجات

Eng_Q8 said...

مهندس كيميائي

وعليكم السلام والرحمه

مبني من كيربي وحاطيله حجر من بره والدليل السقف ماله راجع صورته بجريدة الوطن :)

لا ارى اي مخالفه على اللواء البدر والدليل ان المسجد جينكو ووراه مسجد

ليس من اختصاص وزراة الاوقاف ترخيص الاراضي واذا مدوله كهربا فهذا وقع تحت ضغط واعتقد ان المسجد الي وراه خير دليل على ان المسجد مخالف ولو مو مخالف ليش بنوا مسجد وراه ؟!؟

الي بقلبه صلاة ما تطوفه وانا اعتقد ان الكويت مشالله بين كل مسجد ومسجد ومسجد وما يضير لو الواحد يتعنى اشوي لو المسجد بعيد عن بيته والحمدلله في اختراع اسمه سياره يقدرون يروحون فيها المسجد الكبير

واذا جذي كل فريج نبني يمه مسجد حدث العاقل بما يعقل ؟!؟

اصحاب الشاليهات قصه ثانيا وربطها مع الجينكو غير منطقي واذا كان هناك مخالفات فبالاحرى محاسبة البدر على الشاليهات اذا كان هناك مخالفه وليس على المسجد

Eng_Q8 said...

حمودايزر

نهائيا

Eng_Q8 said...

الحيدر


توك تدري ؟!؟!؟!؟!؟

Eng_Q8 said...

ال ار

لوول

الاستجواب حق للنائب بس مو بهذي الطريقه

هل يحسون وينتخبون عدل ؟

Eng_Q8 said...

ويلي


عاش بو جينكو