Sunday, March 8, 2009

عاش بو جينكو

تكملة للبوست الي طاف .. المسجد الجينكو او الشبره الاثري الي النائب محمد هايف يبي يستجوب رئيس مجلس الوزراء عشانه طلع وراه مسجد اشزينه واكبر منه
.


اثري والا مو اثري هذا مخالف وحتى الدكتور بسام الشطي له رأي بهذا الموضوع.. واذا اثاركم جينكو ف مالت عليكم وعلى اثاركم


صحيح انني ارى ما يراه الكثيرين بان استجواب رئيس مجلس الوزراء ضروره وحتى استجواب حدس اذا ولنركز على اذا قدم فانا مع تقديمه مع انتظار الاستجواب بعيدا عن نوايا حدس التي جعلتهم يقدمون هذا الاستجواب ... ولكن استجواب على مسجد جينكو ومخالف لا ووراه مسجد بعد .. بصراحه حجي فاضي شهالاستجواب بعد مخاااالف المفروض الاستجواب يقدم على اساس توقيف هدم المساجد الجيكو المخالفه و على ازالتهم وعلى اعادة بناءه


عموما هذي بعض صور المساجد الي يدافعون عنها وواحد منهم فيه ستلايت ؟!؟ ... ماادري احنا بالكويت والا بغابات السودان شنو هذا ؟!؟ وشرط المسجد ما يبعد عن اي جينكو 5 دقايق ... عموما شكرا جريدة الراي
.
اذا كان هذا الصخب فقط للنيل من البدر فهناك طرق اخرى مو اتعورون راسنا بالجينكو .. عموما اعتقد ان الصور ابلغ رد على الي مستانس على هالسالفه الي مالها داعي والمشكله في ناس يربطونها بالشاليهات وبالخيام مو قلنالكم جينكو جينكو .... وعاش بو جينكو


اللهـــــــــــــــــــــــم لا اعتــــــــــــــــــــــــــــــــــــــراض

59 comments:

شـقـــــران said...

مهندسنا الغالي


صباح الخيرات


يعني طلع مو أثري
اتصدق على بالي مسجد قديم ومبني من طين مثلا

عموما أظن إن المساجد وهدمها فيها فتوى إن كانت غير مرخصة أو مبنية من دون موافقات..أظن وغير متأكد



تقبل مني أجمل تحايا الصباح

`~MnO YeNSa! ~` said...

صباح الخير
و النوير
ليش معور قلبك من الصبح

يصطفلون
منهم لهم

ما هموني
لا الجينكو و لا ربعه
:P

well_serviceman said...

مهندسنا.. المشكله انه لمن تقولهم امخالفين يقولك هذا مسجد؟؟ طيب وين المشكله؟ تبي تاخذ أجر وتبني مسجد ابنيه نفس العالم ومع الترخيص ولا لا تبني؟
والله بين كل مسجد ومسجد.. مسجد جينكو اصغير.. وهم بعد للأسف فيه البعض منهم يستخدم لضم العماله السائبه تحت مسمى مؤذن والمرافقين الموقرين؟

لكن وين هيبة الحكومه دام هالاشكال قامت تخوفهم؟ :(

nanonano said...

صباحو

لا طلع أثري

و مبني على أملاك دوله

و مثل ما تفضّلت

طلع وراه مسجد

بو جينكو ين؟؟؟؟؟؟

على الأقل خل يتعب شويه بمادة الأستجواب

المسجد كله غلط بغلط

Blog 3amty said...

استغفر الله ..
بكل شي مدخلين الدين وكل يبي يتربح عليه !


ومن هذا المنبر نطالب بفصل الدين عن الدينكو

المجهوول ..! said...

يرغبون مرضاة الله وهم اول من خالف القانون .. وهم سيد العارفين ان مخالفة القانون هو عصيان لولي الامر
وعصيان ولي الامر من عصيان الرسول

والا شرايكم شباب

الله يهديهم
ويعطيك العافية مهندسنا

esTeKaNa said...

صباح الجينكو
:Pp~
صايرين استجواب واطمر
على سالفه ومن غير سالفه
:)

الزين said...

يااااشين الدوام


مهندسنا شوف لي نائب يستجوب مدري منو على وقت الدوام

ليش يعني ما يسوونه من التسع لين الوحده

ليش من السبع لين الثلاث


ترى تععععععععععب


ابي اجازة من الإجازة

:$

حسام بن ضرار said...

السالفه مو مسيد جينكو

السالفه ان الربع اياهم منقهرين من الفريق البدر و يبون يطيحونه

بارك الله فيه و بفريقه و بجرافاتهم

علمت بعض الناس شغل الله

عثماني said...

يا خوي نرد و نقول

هذول ناس ما يستحون

هذول يتنفعون من ورا بقا الكويت دولة بلا قانون

بس الشرهه مو عليهم

الشرهة على من وصلهم هالمواصيل

عاجــل said...

انتقام من البدر هذا هي الحقيقة

واما ثوابت الأمة فهي الغلاف

Eng_Q8 said...

شقران

صباح الجينكو :p

يا عمي انت مصدق اثري

وحتى لو اثري جينكو شنو اثري

حبيب بو راكان

Eng_Q8 said...

فيروز

صباح الكيربي المغطى بالشبره

اشرايج بس جينكو على الريج :p

Eng_Q8 said...

ويلي

الكويت فيها 3 الاف مسجد اكثر من مساجد مصر المحروسه ماادري اشفيهم زعلانين

انا اقول الحكومه خلها تصرف حق كل مواطن بيت ومسيد عشان يتعبد

Eng_Q8 said...

نانو

عاش بو جينكو :))))

Eng_Q8 said...

بلوق العمه

لووووووووووووووووووووول

اي نعم نطالب بفصل الدين عن الجينكو وبشده

عادي باجر يطلع جينكو اسلامي

Eng_Q8 said...

المجهول

يبا يجيرون الدين على مشتهاهم

الله يعافيك

Eng_Q8 said...

استكانه

صباح الكيربي :p

عادي عادي اكشن

Eng_Q8 said...

الزين


اذا دوامج بجينكو انا اطالب بازالته وبجذي بتاخذين اجازه سنتين على ما يطلعون لكم مكان اداومون فيه

اما اذا مو جينكو فاختلفت الاراء يا اتظبطين مديرج بواسطه طيبه يا اداومين وانتي ساكته وتاكلين نفيش

والله اعلم

Eng_Q8 said...

حسام

ما يبون احد يطبق القانون

متعودين على كسر القوانين

Eng_Q8 said...

عثماني

بعد شنقول

اللهم لا اعتراض

Eng_Q8 said...

عاجل

بالزبط :)

كويــتي لايــعه كبــده said...

بصراحة انصدمت من وجود مسجد بهالقرب منه والصورة افضل من الف كلمة

abu eldestor said...

يبا عادى الكل يغني على ليلاه

أحمد الحيدر said...

جزاه الله خير الشيخ محمد هايف المطيري ..

يدافع عن بيوت الله ..

ويتصدى لكل فاسق وجبار ومتكبر يحارب الدين !!


..

أقول مالت عليه من مجلس

almaqwa3 alsharqy said...

جاري سلفى حاط جينكو مربي فيه دياجات وديج يقعر طول الليل ما يخلينا ننام يصير استجوب الرئيس

بأألأااء منام سعادتى

؟؟؟؟؟؟
كويتيه وأفتخرررررررررر!!!!!!

حياتي هدف مو عبث said...

الجينكو الإسلامي
وينتهي الإستجواب

ــــ

انزين ممكن نعرف اشفيهم على البدر ومنو هذا وليش ؟

يزاك الله خير
;p

Kuwait said...

تحيـه من الأعمـاق للجينكـو لان طلع قوي حيـل بصراحـه ويخاف منه رئيس الوزرا وصوتي الانتخـابات اليـايـه للجينكو وعور بعد ;p

soor said...

أكبر مشكلة تواجهها البلد .. أن بتكلم من له مصلحة باسم الدين حتى يصل إلى مبتغاه .. والأدهى اذا كان من غير علم ..
خو كل الكويت قامت تفتي هاليومين :)
الله يستر ..

ANGEL HEART said...

الحين بفهم شلون كيربي وشلون اثري؟

a7ibich yl KWT said...

أدري ماعنده سالفة

بفهم يا بشر ليييييش ليييش مسيد جنكو وكيربييي ليييش

فعلا الديرة مومقصرة ببناء المساجد

فليش يشوهونها جذي

ولا بذمتكم هذا المسيد اللي شار غسيله بالسكة حق الرايح والراد هذا منظر مسيد و بسنة 2009 وين احترام بيوت الله



ولا قاعدين يبنونها لاغراض ثانية ؟؟؟؟


ديرة جينكو
وسلم على بو جينكو

قول له هيئة الاثار ياية تدرس اثار الجينكو عندنا

آل اثري آري

a7ibich yl KWT said...

اي صح نسيت اقول

زواج فؤاده من عتريس باااااطل بااااطل
بـــــــــاطل



وصلاة المصلين على أرض غير مرخصة

بـــــــاطل

ChEMiCaL-ENG said...

السلام عليكم أخوي

أولا أنا ضد أستجواب النائب محمد هايف الله يهداه

ثانيا المسجد أثري و مبني سنة 42 و المشكلة تسبب فيها سوء تصرف من كل من وزارة الأوقاف و فريق الإزالة

و المسألة مو مسألة مسجد جديد مبني وراه لأنه مسجد أثري و أنت شايف ما شاء الله على حكومات مسحت تـاريخ البلد ما في مبنى أثري إلا و غيرت ملامحه

و في الختام تفضل هذا الرابط

http://www.alaan.cc/client/pagedetails.asp?nid=28717&cid=30

و للعلم محمد هايف تكلم عنه قبل هدمه

و شكرا

why me said...

تعال


اخاف مو المسجد الاثري



يمكن اهو يقصد ( الماتيريال )

انها اثريه .. وانبنى فيها مسجد

وهني يكمن السر

ان محد سواها


المسجد أثري من الجينكو .. فريد من نوعه



اتوقع اني حليت اللغز



ابي هديه

مجسم مسيد صغير من الجينكو

;p

فريج سعود said...

لأ ولسه حنشوف

طموحة مملوحة said...

اهم شي الي ناشر هدومه لوووول

تعالوا عندناالصباحية عندنا مسيدين بعد شارع من عندنا شحلاتهم وهم حاطين هالجبرات ... شكلهم غلط والله عيب بيت الله ينحطجذي ..

7aMoODaiZER said...

الحين قايمين على استجوابات على مسايد جينكو و عن الاختلاسات و الفساد مو فالحين !!

wa6an-alnhar said...

هايف وربع اختصاص تهلق وتبهدل و اي شي فيه وبع عندهم

Sn3a said...

انا بعرف
كل ما كح نائب صار بيستجوب
ترا ماصارت

المسايد شحلوها وشزينها قاعده تبنيها الديره وبنفس الوقت عيال الديره قاعدين يبنون
ومهتمين فيها وبنظافتها وبرقابتها

جينكو حق شنو
قله اماكن؟
الخوف من هالجينكو شينتج باجر
والنائب محمد هايف يعني والله عيب ريال متدين مايدري ان الصلاة على ارض مغتصبه فيها اشكال شرعي


ارض ماهي ارضكم
وماخذينها بالحيله
تبنون مسيد؟

انا توقعت لما قالو اثري يكون صج اثري يعني قديم وله تاريخ فحرام ينهدم
بس لما شفت اثري يعني جينكو مصدي قلت والله يكرم ربي ويكرم بيته عن هالاماكن
ووراه مسيد شالمشكله

بانتظار الحلقه القادمه من النوادر القمه في مجلس الامه

Eng_Q8 said...

كويتي

قلنالهم وما صدقونا

الصوره انفعت وايد

Eng_Q8 said...

الدستور

دام جذي

اطالب بالكادر او استجواب رئيس الوزراء اذا ما اقر الكادر

Eng_Q8 said...

الحيدر

صوتك وصل

Eng_Q8 said...

المقوع


اي يصير ونص بعد

Eng_Q8 said...

حياتي هدف

محمد البدر اهو رئيس لجنة الازالات وشال دواوينهم وميتين قهر منه

وصلت ؟؟

واذا ما وصلت خلج مع فاز

اسمها يغث شنو فاااز يا كرهي حق هالسوالف

Eng_Q8 said...

كويت

يستاهل الجينكو :p

Eng_Q8 said...

سور


قول حق حدس بالاول :p

Eng_Q8 said...

قلب

يمكن حسبالهم العشيش اثريه والله اعلم

Eng_Q8 said...

احبج يالكويت

عاش بو جينكو :p

---

السؤال جم واحد يصلي فيه

Eng_Q8 said...

كيميائي

وعليكم السلام

مع احترامي لك مسجد 6 ب 4 يعني اصغر من دوانيتنا اشلون صار تراثي

انشالله مبني بسنة 1900 يااخي جينكو ومحد يستخدمه وحاطينه مخزن ماصار تراثي الا الحين

Eng_Q8 said...

واي مي

الهديه جينكو اثري من بقايا المسجد روحي الفنيطيس استلميها

Eng_Q8 said...

فريج سعود

يتهيألي اكتر من كده مش حنشوف

Eng_Q8 said...

طموحه

ماادري شنو سر الحب للشبرات

Eng_Q8 said...

حمودايزر


هذا جينكو تراااث ترااث اشعرفك :p

Eng_Q8 said...

وطن

عفوا ترى الجينكو ستايل :p

Eng_Q8 said...

سنعه

يبا هذا جينكو اثري اشفيج

حياتي هدف مو عبث said...

أووكي ما كنت أعرفه
وشنو توهم يستوعبون دواوينهم ؟

Eng_Q8 said...

حياتي هدف


لا بس ناطرين الزله عليه

Sn3a said...

مو جنك كتبت بوست توه
ولا انا بدا السهر ياكل مخي؟

Eng_Q8 said...

سنعه

امبلا كتبت بس غيرت جم شغله وزدت شغله لان كان فيه خطأ دستوري فادح فتم التعديل :)