Tuesday, March 10, 2009

Change المرأه

سمو رئيس مجلس الوزراء .. شكرا ... ولكن حان وقت التغيير
.
واتمنى لك اجازه سعيده في ربوع سويسرا
.
لاجل الكويت
.
Change
.
=====================
.
الجمعيات النسائيه يبون نظام الكوتا عشان المرأه تدخل المجلس ؟!؟!؟
.
قبل قالوا نبي مساواة .. والحين لا نبي اندش غصب
.
مع احترامي للجنس الاخر ولكن
.
محنا ملزومين فيكم وجانكم تبون توصلون المجلس اشتغلوا حالكم حال الرياييل غير جذي مانبيكم تدشون المجلس
.
لحد يقولي امم متحده وماادري شنو الامم المتحده طالبت الحكومات ان المرأه تدخل بالمراكز العليا وبس .. يعني مو شرط مجلس الامه .. وانا ماني ملزوم اعور راسي بصراخ فاطمه عبدلي وعايشه الرشيد .. عاد هذيل شايفين روحهم وكل يوم وحده حاطه لها منصب ماادري من وين يطلع اذا صاروا اعضاء شيفكنا منهم لا يبا ما نبي
.
.
اللـــــــــــــــــــــــــهم لا اعتــــــــــــــــــــــــــــــــــــــــــراض

32 comments:

Sn3a said...

انا ودي اغير المجلس كله
تهقى يصير؟

انا ماأأيد نظام الكوتا
شنو غصب يدخلون كويتيات المجلس
خل يشدون حيلهم
يثبتون انهم قد المكان

اذا الرياييل نصهم ماثبتو انهم قد المكان وماعرفو هدف هالمجلس وفهمو الديمقراطيه واهم صارلهم سنين

انا مانكر ان في نماذج طيبه وكويتيات قد هالمسئوليه لكن حلو انهم يدخلون المجلس عن طريق اختيار الشعب
مع ان لو بنلقي نظره على الشعب
بنعرف الاسامي اللي بتدخل المجلس قبل الانتخابات
لا وتالي يتحلطمون شهالنواب وشهالنواب

Eng_Q8 said...

سنعه

يصير اذا انحل صوتي حق الي يستاهل :)

صحيح صحيح

نتأمل ان الناس يصحون ويصوتون عدل :)

حياتي هدف مو عبث said...

ودك منو يكون بداله ؟
ـــ
أول شي خل اللي خابين نفسهم بحقوق المرأه ويوم المرأه وهلم جرا
يعدلّون اشوي من طريقة تعاملهم مع الغير ويسنعون رؤيتهم للأمور
ذيك الساعة يصير خير

Eng_Q8 said...

حياتي هدف

ودي واحد كفؤ للمنصب سواء واحد من الشعب او شيخ ما تفرق

بس اسامي ماراح احدد :)
====

هل كيف ؟؟

well_serviceman said...

رئيس المجلس.. بالمشمش

وبالنسبه للمرأه.. الحكومه افتحت باب آخر عليها كالعاده.. مع اتحرامي للمرأه ولكن لحد الآن لم نرى الكفؤ منهم للوصول للمجلس.. وبالنسبه للسياسه غصبا علينه.. هذي هم اقولها بالمشمش..

احنه عندنه وزيره والنواب شايشين عليها.. وخصوصا بابا نويل.. والدكتوره معصومه هم ماخلوها بحالها.. لو جاتلنه عضوه من الجنس الناعم شبيصير لها؟؟

الله المستعان :)

nanonano said...

مع أحترامي الشديد للجمعيات النسائيه

أقول لهم

أستريحـــــــــــــــوا

esTeKaNa said...

انا ضد الكوتا
!!
اذا كانت المرأة تنادي بالمساواة مع الرجل،فمن باب اولى ان تطبق هذه المسواة فعليا وليس فقط تنادي بها
الموضوع ليس بنيه وصبي
رجل وامرأه
الاهم وصول الأكفأ


وصباح الخير
:)

chandal/danchal!! said...

انا بس قريت البوست

والا عفرة هاجت بالبراحة اللي وراي!!!

بس

وحياتك راح نوصل بدون كوتا


عقب هالشكولة


مالنا الا الحريم

:)

قول ما قلت

:)

Joonna said...

انا شخصيا عندي واحد بالدوام يقول من اليوم و رايح بصوت للحريم فقط... صراحه ما ينلام الردحه اللي صايره من الرياييل حتى الحريم يستحون ايسونها.... ان شاء الله بنوصل مو بالكوتا ابكفاءاتنا.... قول ان شاء الله

KQ8 said...

انا اقول نبي حمله

نبيها

حـــــــريم

يمكن نطلع بشي

Momentum said...

أنا بنت ما أبي حريم بالمجلس

غير دكتورة أسيل

الباقي no way

Eng_Q8 said...

ويلي

اي مجلس ؟؟

عادي مافيها شي لكن ما يغصوبنا انهم يدشون

Eng_Q8 said...

نانو


كفو :)))

Eng_Q8 said...

استكانه

صباح السرايه

هذا الحجي الي يجمد على القذله

Eng_Q8 said...

جندل

اشرايج بس بتأثير البوست

بوست بسرايه وين اتحصلون

اي عادي ليش لأ

انا اقول صوتولي واضبطكم :p

Eng_Q8 said...

جونا

واي نوت

انشالله يوصل الاكفأ

Eng_Q8 said...

بو طارق


لالا مو لي هالدرجه نبي جم واحد :p

Eng_Q8 said...

مومينتام

بصراحه هذي مو مقتنع فيها

الي تستاهل سلوى الجسار

ma6goog said...

الكوتا مافيها عدالة

حسام بن ضرار said...

اذا الحريم دشوا المجلس

صدقني راح نترحم على ايام هايف و قويعان و باجي الربع

طبعاً استثني بعض الحريم النموذجيات و اللي يستهلونها بصراحه و هم قلييييل

د. سلوى الجسار مثلاً .. اعتقد نموذج يحمل الكثير من التفاؤل

مركبنا said...

يا اخي شهل الديمقراطية الغصب

اذا نبيج بنصوت لج

كاهي اسيل اوصلت الا
يعني باب المنافسه مفتوح
وكاهي ياحلوها ويازينها سلوى الجسار
اثبتت نفسها

ما طالبوا بالكوتا
لا حظ بس الاشكال الي قاعد تطالب فيه

واذا اقروا نظام الكوتا
خل يعطونه حق كل اقليه بالكويت
مع ان الحريم اكثر !!!


على طاري اسيل شخبارها مانسمع عنها شئ

كويــتي لايــعه كبــده said...

فاطمة عبدلي حسب معلوماتي هي فاطمة عبد علي ولكن مع الوقت اصبحت ما اصبحت مثل ما خو رشيد اصبحت خورشيد وبالاضافة الاعلام الكثير ما يحط "ال" قبل عبدلي

عائلة العبدلي لا لها اي علاقة بفاطمة

مجرد ملاحظة بسيطة

Miss-Q8 said...

من صجك ؟ ; \
ليلحين ما ترشحت مرة كفو تدش المجلس
و آنا معاك باللي قلته
تبون تدشون المجلس .. اشتغلوا حالكم حال إلي اشتغل و دش المجلس

و إلا أقولك .. خل تروح الصين و تييب بضاعة مقلدة درجة أولى و توزعها عالحريم يمكن أحد يصوت لها ;P

justice maker said...

نعم انا امرأة لكني ضد نظام الكوتا
نظام الكوتا بالنسبة لي بمثابة هدم لحلم الوصول الى المجلس باستحقاق
اذا كنا نحن النساء نطالب بالمساواة فمن باب اولى ان نعمل نحن بها اين المساواة في تخصيص مقاعد لنا في البرلمان يعني الريال يتعب على
مايوصل والمراة ضامنتها بارده مبرده
ناهيك عن عدم دستورية نظام الكوتا ومخالفته لقانون الانتخاب وذلك لمخالفه بند المساواة بين المرشحين
وايا كانت هذه المرأة فلتصل بجدها واجتهادها وهي قادرة على ذلك ونتائج الانتخابات الاخيرة لاسيل العوضي ورولا دشتي تشهد
المصيبه ان الناس يأخذون العبره دائما في المرشحات بعايشه رشيد وغيرها كنموذج للمرأة المرشحه بينما يغفلون عن النتئج المبهرة التي حققتها غيرها وكادت ان تسقط اكبر المرشحين امثال السعدون والصانع
تمنياتي لاي امراة واعيه متحدثه لبقه ذات فكر الوصول للبرلمان دون نظام كوتا ولا بطيخ لانا لسنا بحاجه الى حسنه

شكرا لك :)

abu eldestor said...

ذكرتني بعايشه الرشيد

Kuwait said...

@@
في مجـال تصوتون لي اذا رشحت نفسي ! ;p

qadema said...

اييي والله انك صااااااج
وانا اقول احنااا وييييين وهذول وييين الناس تبي الديره تتسنع وهذول كوته ومجلس وما ادري شنو احنا ناقصييين!!!!
رياييل وقاصيين بتيون انتاو اللي عباره عن حريم فاضين ساواو جمعية وتقولون مجلس!! حق الترشيح موجود والشعب عسا الله اخلي موجود واذا صار وقت الترشيح شوف اللي يمنعكم
مو تبون مساواة هذي المساواة
وان شاء الله ما تفوزون

someone_q8 said...

السلام عليكم
التغيير مطلوب لأجل البلد
والمرأة اعتقد خذت حقها بالمساواة واكثر من جذيه اتصير السالفة ماصخه لان هذه الديموقراطية وهذا الميدان ياحميدان

فريج سعود said...

انا وياك يبون ينجحون خل يكرفون

خل يطلعون لنا وحدة مثل الاوادم بالاول

بو محمد said...

على قولة قحطه
و الحفيز كل يوم له إسم
مو تذرعوا بالديمقراطية، خل يشدون حيلهم ، ناقصين لويه بالديره احنا
أي كوتا أي فستق
دمت و الأهل و الأحبة برعاية الله

Eng_Q8 said...

مطقوق

نهائيا

-------------------------

حسام

الدكتوره سلوى من افضل المرشحات بوجهة نظري

=================================

مركبنا

اشدراني عنها الظاهر ما تطلع الا وقت الانتخابات

=================================

برييه

معلوماتك صحيحه

=================================

مس

اي قوليلهم

=================================

جستيس

صحيح

شكرا :)

==================================

الدستور

وعساها خوش ذكرى

=================================

كويت

مقطوع

================================

قديمه

انشالله يكون الفوز للاصلح :)

==================================

انسان كويتي

وعليكم السلام والرحمه

حدها ماصخه

=================================

فريج سعود

زين يعني محد عاجبك فيهم
\
=================================

بو حمود

شكلك مشتهي فستق اطرشلك خيشه :p

بنت الكويت said...

انا ودي اغير المجلس بكبرى
تعبنا من الي يصارخووون وااايد
وكلام بدون فايده وان كان على التصويت انا من اليوم اصوت حق الحريم ماصوت حق الريااييل شفادونا بالمجلس
يالله طق عقل وعصي وحش وكل يوم والثاني استجواب عسى ماوزير مسك وزارة يحاسبونه على 5 سنين ولا 10 سنين ورى

ويعطيكم الف عافيه