Sunday, March 29, 2009

تحلطم انفلونزي


بعد حمود فليطح و عبدالله معيوف .. يطلون علينا مرشحين رياضيين جدد .. بس هالمره مو اي مرشحين .. الاول اهو عبيد الشمري .... الله يا عبيد ياما كنا انصارخ بالمدرجات يا عبييييد يا عبيييييد اذا حصلنا فاول الله على حطاتك الله على باصاتك حق طيب الذكر حمد الصالح

واللاعب الثاني منو ؟؟؟ اسامه حسين .. اسامه اسامه اسامه .. مع اني قدساوي بس هاللاعب غير مدافع شرس ما اطوفه لو تناقز .. اسد اسد يا اسامه .. ويقولون ولي الحين ما تأكد ان بو سمره سمير سعيد هم بينزل

ومن محاسن الصدف ان هالاثنين نازلين بنفس الدائره الي اهي الثانيه .. يعني بتصير الدائرة الثانيه مباراة بين القادسيه والعربي ويلعبون بارض اسامه حيث ان المنصوريه بالثانيه ... وهيا هيا القادسيه

المراد هل يشفع حب اللاعبين لكي نصوت لهم ؟؟ معلش اسامه وسمير وعبيد غير مو اي لاعبين .. فهل من الممكن اننا نصوت لهم ؟؟ باعتقادي ممكن اذا كانوا اكفاء غير هذا .. حتى لو الحب الاول المرعب ينزل ما يشم الصوت


الصراع السلفي السلفي ممتع جدا ... ليش ؟؟ لان كل واحد يطلع بلاوي الثاني وبالاخير اهم الخسرانين .. احسن فكونا .. فخار يكسر بعضه


انس الرشيد بينزل .. ممممممممممممممم والله تستاهل واتمنى تنزل بدائرة الي فيها متوهقين ماعندهم احد مو بالثالثه خلاص اطفحت الثالثه .. واتمنى لك التوفيق


على طاري منو بينزل .. انصدمت من واحد اعرفه بصراحه انسان ما يدري وين الله قطه ماني مطلع بلاويه بس كلش مو ويه عضو .. لا وشاري شهادته والحين بيكمل دكتوراه وكلامه عكس الدكتوراه الي بياخذها.. يعني واااضحه مو اهو الي كاتبها ... اصوت حق الحفيتي ولا اصوتله ... ناطره بس يدش الدوانيه .. هلا بالصيييييييد


قانون الاقتصاد انقر مثل ما توقع الكل .. لكن تصريح وزير الخارجيه الدكتور محمد الصباح ليس بمحله ... يا دكتور ترانا انحبك ولا اتخلي هالتصريحات اتأثر عليك بالمستقبل .. وعن رايي فاني ذكرته فيما سبق


مسلم البراك ليش ما يدخل احمد الشريعان وياه بقائمه ؟؟؟؟ ترى يستاهل الشريعان يا مسلم الا اذا انت معتمد على القبيله اولا بس ما تنزل فرعيه هذا شي ثاني


حسين الحريتي ... بصراحه كنت متفائل فيك .. ولكن بعد ما عملته بالوزاراة تحسفت ... حسافه عليك يالحريتي


انشالله السعدون الاول .. هذي عناد على اكسزومبي


علي الراشد .. هذا الانسان الي ماادري اشلون صاير ... سابقا لما كان بالتحالف قضاياه فصل الجودو عن التيكواندو تالي ذبحنا بمنع الاختلاط .. واخر شي ماكو شي ... وكان معارض للحكومه .. بقدرة قادر .. صار حبيب الحكومه وطلع من التحالف .. وصار رفيج مرزوق .. ويبون يسوون تجمع محافظ ... امس ليبرالي واليوم محافظ ؟!؟ بو فيصل علامك ؟؟؟ وغير موقفه من استجوابات رئيس الحكومه شي مو طبيعي ويييين الا الدستور ؟؟ المهم راحت عليك ... لا مايصير اقول جذي هذيل محافظووووون


وعلى طاري مرزوق ماادري اشفيني على بو علي .. بس يقولون ان نامي النامي سكته بندوة صارت بالاداريه اقصد الدكتور نامي النامي ... صج لووووووووول


وعلى طاري التحالف وبيان التحالف ... ماراح استعيل لاني من زمان اقول على قولة اخوانا المصريين اسمع كلامك اصدقك اشوف عمايلك استعجب .. ننطر وانشوف ماراح احكم بسرعه .. بس المضحك ان اعضائهم ما فازوا اشلون بيدعمون غيرهم ؟؟؟ اتمنى انهم ما يتمننون على الي راح يدعمونهم اذا فازوا .. بس هم ننطر وانشوف



النيباري يبي ينزل .... السؤال مافي احد بالمنبر غير النيباري ؟؟ وخلوا العبدالجادر والملا على صوب .. يعني النيباري عليك مآخذ وايد وماني قايلهم نزل واحد ثاني بالاولى ... بس اعترف انك احسن من وايد مرشحين


وعلى طاري الملا اشلون كنت قبل ضد قانون الاستقرار والحين معاه ؟؟؟ بو محمد شالسالفه فهمنا شالموضوع ؟؟؟




يقولكم ان وزارة الاعلام راح تمنع نشر نتائج الفرعيات واخبار الفرعيات .. واذا كان هذا الخبر صحيح كما اوردته بعض الصحف .. فهذا تعدي على حرية الصحافه اولا ... والتعتيم على ما يحصل بالشارع الكويتي ثانيا ... وترقيع تخاذل الجهات الاخرى ثالثا ... لذا وقفوهم وبالقانون ولا تقعدون اتسوون هالسوالف ترى بندري اول وتالي منعتوا نشرها والا ما منعتوا ... وبسكم منننننع


انروح حق موضوع ثاني ... هذي ثالث مره امرض ؟؟؟ ترى في شي بالجو صدقوني .. بس زهقت كل شوي مريض ماصارت .. ابي تطعيم ضد الانفلونزا

البنات يتشكون بكل مكان ادش اقرا بسوي رجيم وبسوي رجيم ... اي بسكم بطااااااااااااااط شنو سر حب البطاااط لا تاكلون بطاط تضعفون ... خلاص انا بنزل الانتخابات وبعطي كل بنيه كرتون بطاط عشان اتصوتلي .. شكثر تاكلون بطاط انتوا ؟؟؟




انزين سمعوا هالاغنيه




الشايب راح يعرفها اغنية يا حسافه للمغني عارف الزياني ... اتصدقون مو موجوده بأي مكان كان بالانترنت ؟!؟ لا اهي ولا اغنيه احسبيني حق فيصل الفرج .. ادري شوي يعرفون هالاغنيتين بس ليش مو موجودين ؟؟




بوست المو تحلطم عن الانتخابات قادم بالايام القليله القادمه ... يالله جاو جاو انا اختفيت
لحظه لحظه .. العبدالجادر الحين مسوين معاه مقابلة .. شيقول لا فض فوه انا وقعت مع مشروع العشر آلاف ومستانس ويقول اي مشروع فيه عداله اوافق عليه ... اوكي يا دكتور يا خريج الزقازيق قانون الاستقرار فيه عداله ؟؟؟ ياعمي يازينك وانت ساكت




اللهــــــــــــــــــــــــم لا اعتــــــــــــــــــــــــــــــــــــــــــراض

52 comments:

@alhaidar said...

أسامة إذا نزل بالثانية وحياتك هذا أول صوت ..

وإذا أنس الرشيد نزل صاروا صوتين محسومين :)

Kuwait said...

@@
للحين ما خلصت تحلطم ؟
جم دفعه باقي ؟
;p

Eng_Q8 said...

الحيدر


يالعرباوي يالعنصري :p

انا صوتي حق عبيد

يستاهل انس

Eng_Q8 said...

كويت


وايد بس بوقف عقب هالبوست :p

`~MnO YeNSa! ~` said...

مادري ليش ما فهمت البوست
يمكن
ياه وقت النوم


بس اللي اعرفع اني قدساوية
:Pp
شكووووووو

تحلطم راقي ترى
:Pp
بس ليش انفلونزي
انا بعلق و بامشي
اخاف بعض الناس يعادوني

Eng_Q8 said...

فيروز

انا اقولج ليش ما فهمتي لانه انفلونزي قمت اقط خيط وخيط

تعال لا تنحاشين شنو امرض بروحي ؟ :p

Q8Sky said...

الدائرة الثالثه قاعد تصير فيها ملطشه، اللي يشوف المرشحين فيها يقول ماكو 9 لبراليين ماجنه اول 4 كلهم لحايا

ياحب هالتيار للتخريب على بعض

Q8yUK said...

http://www.4shared.com/file/35437533/78446adc/Scorpio_MP3___-__BouShehryMP3Com.html

احسبيني

:)

ولي تعليق على موضوعك بعد دوام باجر انشالله :P

wa6an-alnhar said...

اذا خبر نزول النيباري بالاولى صحيح
خل يبشر بالصوت
:)

افففف مهندس مادري اشفيني مافهمت
;p
اتهقى اعاني من شي ؟؟

بو محمد said...

ألف لا باس يا مهندسنا
عين و لا صلت على النبي
توك قبل جم يوم كنت مريض
ما تستاهل يا الغالي و أجر و عافية إن شاء الله

أقول

من كثر ما الناس مستخفه ببعضها
تنوعت وجوه المرشحين بس النية وحده

صارت

دمت و الاهل و الأحبة برعاية الله

Fair.chair said...

عبدالله النيباري رمز من الرموز الوطنية

وهو من قاد حرب الكويت ضد الشركات الأجنبية

لتأميم النفط

يعني لو مو النيباري ماراح تقدر تشتري لاب توب وتشترك بالانترنت وتكتب البوست

:)

why me said...

أبي بطــاط


;p

well_serviceman said...

مشكلة أعضاء الكره.. تلقى البعض منهم فاهم.. ولكن الناس ما تتخيله عضو بالمجلس..

عن التحالف.. ماعندهم ماعند جدي.. قالوا لن نعلن اسماؤ المرشحين.. والكل يعرف منو مرشحينهم تقريبا.. بانت فيلجا.

والسلف.. حيلهم بينهم

وهم بعد الشيعه صايره بينهم هاليومين.. كلمن يقول انا أسوي قائمه اوكي بس ما انزل بقائمه... أولهم حبيبك العضو السابق :)

الله كريم.. وماتشوف شر يا مهندس

mo_lazim said...

مرحبااا ..

بس من ناحية العداله بقنانون الاستقرار بالنسبه حق صالح الملا ..

انا شفت مناظره له بقناة العداله

وقال انا مع قانون الاستقرار الاقصتادي لكن مو بالصوره هذي ولازم ما ننسى الطرف الثاني بدعم الاقتصاد الي اهوه الشعب .

الي فهمته انه اذا بتساعدون التجار هم لازم تساعدون الشعب :)

شكراااااااااا

الشق عود said...

كل الناس موزينه بس انت الزين
الملا موزين الراشد مو زين العبدالجادر موزين التحالف موزين النيباري موزين السلف موزين الغانم موزين
انت احسن واحد بالعالم

الله يعينك على نفسك
ويعين اهلك عليك وعلى العوِيه اللي فيك

حياتي هدف مو عبث said...

ههههههههههههه
في تعليق يضحك
:p

بس اشسوى الحريتي ؟

Blog 3amty said...

سلامات سلامات

بعدين هالكلام كله سابق لي أوانة مدام مرسوم الدعوة ما طلع فأنت تعتبر مارق على القانون !

الدســتور said...

خبر انس الؤشيد
اشاعه

KQ8 said...

أفأ...فيك عوِيه...؟؟؟


باجر بوديك شويخ الصناعيه اخلي الحداد يمعجنها ويعدلها
ها ها ها ها ها

الزين said...

اطالب باغنية ثانية مو مغبره مثل اغنيتك


وبعدين انت كلش مو وتني

ليش عارف الزياني

شفيه عوض دوخي

ويازينه لين قال اووووه ياااماااال


ويحيا العتق





جم دفعه باقي على التحلطم
!!
جاوب كويت

شمالي said...

الصراع السلفى السلفى صراع مضحك ومبكى فى نفس الوقت مضحك لانه كشف حقيقة التجمع والتكتل السفلى الذى حاول ان يفهم الجميع انهم وحدة واحدة ولكن هم فى الحقيقة مختلفون فى كل الاشياء حتى ان بعضهم الان يعتبر ان الفريق الثانى ليس سلفى وكأن لقب السلفى بيد البعض دون البعض والمبكى ان التيار الدينى وهذا اسم فقط وليس فعل وصل الى درجة انه لا يعمل وفق الدين وانما يعمل وفق المصالح الشخصية

@alhaidar said...

مو عن عرباوي والله بس بو عبد الله أخلاق يستاهل :)

Eng_Q8 said...

كويت سكاي

ننطر وانشوف شيصير :)

بس هم لازم يتوزعون مايصير كلهم بالثالثه

Eng_Q8 said...

يو كي


يا بعد جبدي :**

لها ذكريات هالاغنيه

ناطرك :))

Eng_Q8 said...

وطن النهار

يستاهل احسن من غيره :)

لوووووووووووووووووووووووول

يمكن عشان مريض مو واضح البوست :p

Eng_Q8 said...

بو حمود

اي والله عين عين :p

الله يعافيك يا بو حمود

الله يكتب الي فيه الخير

حبيب بو حمود

Eng_Q8 said...

فير جير

وانا ما نكرت موقفه

بس مو لي درجه مااكتب بوست :)))

بس هم اقول لازم يكون في يدد وهم النيباري عليه مآخذ وانت عارف شنو قصدي ومالا داعي انخوض بالتفاصيل

عموما اهو احسن من غيره بوايد :))

دمت بخير

Eng_Q8 said...

واي مي


ماكو فايده

Eng_Q8 said...

ويلي

الفاهم يستاهل

ننطر وانشوف

فخار يكسر بعضه خلهم

ما هموني

الشر ما اييك :)

Eng_Q8 said...

مولازم

هلاو

شكرا للتوضيح

ميرسوو

Eng_Q8 said...

الشق عود

ممممممممممم

اي انا الزين تدري ليش

انا ما تلونت ومره ضد الحكومه ومره مع الحكومه ومره ليبرالي ومره محافظ ومع ضد التجار ومره مع التجار

انا زين لاني ما رحت وشريت شهادتي من بره عشان يسموني مهندس والا دكتور

انا زين لاني ما اقط روحي على هذا وهذا عشان اطلع للساحه واقول شوفوني

انا زين لاني مااقول عن الناس قلعتهم ولي مستحني الشغله اقول لازم انحل المشكله واقص على الناس بعشر آلاف

انا زين لاني ما رحت شريت اصوات وحولت الف واحد عندي بالدائره بخشم الدينار بس عشان افوز بالانتخابات

وبالنسبه حق الملا انا ما قلت مو زين انا استفسرت واذا انت عندك الملا رسول حرام نتكلم عنه هذي مشكلتك

وهم النيباري ما قلنا شي قلنا احسن من غيره

عزيزي العوي هو من لديه رموز لا يجب ان نتكلم عنها .. انا ليس لدي رموز وليس لدي انسان كامل فالكل معرض للخطأ وانا ما اسكت عن الغلط

ومالك شغل بأهلي

عاجبك عاجبك مو عاجبك طق راسك بالطوف

توكل على الله

Eng_Q8 said...

حياتي هدف


وظف عشرين واحد من قبيلته ... فصل ادارة الى ادارتين عشان يعين واحد هم من قبيلته .. ساكت عن البلاوي الي يسوونها المستشارين المصريين

ومالا داعي اكمل الباجي

Eng_Q8 said...

بلوق العمه

الله يسلمك من الشر

هذا يسمونه تحلطم ف ما ارتقى لي مستوى الموضوع ... سو انا لي الحين في اطار القانون :p

Eng_Q8 said...

الدستور


يقولون ما يندرى

Eng_Q8 said...

بو طارق


شفت الزمن لوووووووووووووول

Eng_Q8 said...

الزين


محظة الغناء العربي بالفريج الي ورانا

اشعرفج انتي اشحلات الاغنيه

احبه اكثر من عوض الدوخي بعدين البحرينيين والكويتيين واحد

على حسب المزاج

Eng_Q8 said...

شمالي

اتصدق ان مو بس السلف جذي كلهم جذي

Eng_Q8 said...

الحيدر


من ناحيه اخلاق اخلاق والنعم فيه صج يكسر وايد بس خلوق


بو كوثر المفروض انت اول واحد ضد هذا اخلاق وهذا مصلي مسمي وهذا خوش واحد انصوتله

لابد ان يكون له فكر يساعد بنهضة البلد والا شرايك يالعرباوي :p

soor said...

تحلطم على مستوى ..
مشكور ..
انا اصوت بالثانية وصوتي الأول حق عبيد ما يبيلة ..
لاني قدساوي متعصب :)

Eng_Q8 said...

سور

حاظرين تحلطم مريض :p

يستاهل ولدنا وانا بحط باج عليها رقم 8 عناد على احمد الحيدر :p

الشق عود said...

كل هالصفات الطيبه فيك واحنا ماندري !!؟

لا يامعود آنا آآآآسف جدا اني شككت فيك
انت المفروض يحطون لك ماده بالدستور بعدم التعرض لك لأنك انت الشريف بهالبلد والباجي كلهم مونطاف

الله يكثر من امثالك ويقلل من امثالنا ويكسر راسنا بالطوووف على قولتك

عالعموم ماراح اطول معاك بالموضوع , انت صح وكل الناس غلط

أورفوار

chandal/danchal!! said...

عليك بالليمون المصري والعسل النيوزلندي... يعدل المزاج ويخفف التحلطم


عندي حلطومتن
!!!

الاغنية اللي حاطها تحوم اقصى جبدي
وضاق خلقي لما قلت شياب اللي يعرفونها




مو قبول

نبي كظماوي بالثانية!!





التوقيع: كظماوية متعصبة!

Eng_Q8 said...

الشق عود

عكسهم موجودين بالي ادافع عنهم يا حبيبي

اورفوارين

Eng_Q8 said...

جندل

راح انجرب هالخلطه

لووووووووووووول اذا اتعرفينها تكفين عطيني لنكها مالقيته

انزلكم المسند والا الدوخي

chandal/danchal!! said...

على طاري الدوخي

كان في مقابلة مع الدوخي الله يرحمه

سأله المذيع عن رأيه بأم كلثوم

الله يرحمه يقول... أتوقع لها مستقبل بالغناء!!!!


إذا انت مغني اغنيتها أغدا القاك
!!!!

أدري انه على نياته وما يقصد شي... يمكن كان وده يقول هالجملة!

سمعنا دوخي ولا عليك كلافة

ولك مني ادورلك اللينك!
:)

مركبنا said...

تكفي قولوا حق انس الرشيد
الا الثالثة
بسنا مرشحين !!!!

يستاهل يفوز والثالث فيها زحمة شوف الثانية والاولى الناس السنعه ما تلقى احد تعطية صوت

ورسالة قوية لا لكل الناس الحكومية

ابديها من الحريتي واختمها بالراشد

ومصداقية قرار التحالف بتفركش فور اعلان اسماء المرشحين

ما ننسى الانتخابات الي فاتت يقولنا اهلهم ماعليكم من التحالف صوتوا بس حق فلان ...

بو حامد said...

(( حسين الحريتي ... بصراحه كنت متفائل فيك .. ولكن بعد ما عملته بالوزاراة تحسفت ... حسافه عليك يالحريتي))

ليش شفي شمسوي ؟

:)

Q8yUK said...

بعد فترة الدوام الثقيل اللي الله يبعده عنك اعود للتعليق :)

ممكن يكون عبيد واسامه احسن من غيرهم ياخوي وانا ناطر معاك سمير سعيد وأنس الرشيد ... ياريييييت

السلف مو عارف منو طقاقه بهالانتخابات لما ما حافظ على نجاحه ودمر نفسه بنفسه

الله يكثر الشهادات اللي أي كلام اللي قاعد اشوفها هني .. الله لا يوريكم :(

انشالله السعدون الاول :)

بس تعبت انت كاتب سوالف وايد هالمرة :P

سلامتك وما تشوف شر :)

Eng_Q8 said...

جندل

لوووووووووووووول

الله يرحمه

خلاص خليني امخمخ واشلوف اغنيه طيبه

ميرسو

Eng_Q8 said...

مركبنا

اهو خل ينزل بالاول

التحالف وقع في اخطاء فادحه وصعب تتصلح ولكن مو مستحيل

عموما نترقب 16-5

Eng_Q8 said...

بو حامد

راجع ردي على حياتي هدف :)) واذا تبي زياده حاضر

Eng_Q8 said...

كويتي لندني

حياك

لحد الحين مافي اخبار عن هالاثنين

احسن

يبيله بوست عن هالشهايد نورنا

باذن الله الاول

الشر ما اييك حبيبي