عندما يقول النائب احمد السعدون لا احد يزايد علي في حقوق الشعب الكويتي خصوصا في موضوع التعويضات العراقيه فانه لم يزد او يقلل من الواقع والحقيقه
واحد
اثنين
شوفوا من الدقيقه 3 وفوق اشلون الكاولي يبي يخرب عليه واهو ولا همه بس قال اسكت وكمل وايضا ارتجل بالرد
ثلاث
هم من الدقيقه 5 وثلاثين ثانيه ادخلوا الكواوله عليه وكمل .. طبعا غير الحجي الي قاله بالاول
الحين انت يا مرزوق ياي اتزايد على بو عبدالعزيز ؟!؟!؟
الفيديوات الي حطيتهم انا اتحدى خــــالك يقول دقيقه منهم وانت مو بعيد عنه
انا اقول خلك على الكره وداحر طلال الفهد وخل عنك التطاول على الي ماراح توصل مواصيله
وعلى فكره السعدون اكثر الاعضاء احتراما
انت جم عمرك علشان اتعلمه اشلون يحترم .. وانت منو علشان ما تحترمه
اقول خلف الله على مجلس انت فيه ... زمن اغبر
======================
حق الي يقول استجواب مسلم مو دستوري .. هل انت احسن من احمد السعدون بموضوع دستورية الاستجواب ؟
وحق الي يقول الوقت غلط .. اي قصدي اسيل ... خلج على اللجنه التعليميه الي على قولتج وناسه بس حسافه العنجري مو وياج يعني مو وناسه وايد
والي يقول استجواب شخصاني .. اشدراك ؟؟ و علي الراشد الي وجه سؤال يعني صايد الحركه واحكره بالوزراء والاعضاء وحدد السعوديه هذا مو شخصاني كللللش ؟؟ بس اي هذا الراشد وهذا مسلم
بو حمود انطلق والقلب داعيلك والي مو عاجبه في اربع طوف .. والا خل ينزل روحه والا يدعم كارجو الثانيه .. الظاهر يبون مجلسنا يصير مجلس وطني ... اقول استريحوا بس
اللــــــــــــــــــــهم لا اعتــــــــــــــــــــــــــــــــــراض
44 comments:
بوستك ياخوي يحر ويرفع الضغط للاخر
وسلم لي على رجال الدولة !!
ومجلس التغيير الي خبونا فيه !
انت ليش كلا حارق عمرك و معصب
ندري ان بوعبدالعزيز محد يشكك في دوره و كلامه لكن ليش اسلوب الصراخ .. ليش هالواش و المناجر
هذا الي احنا ما نبيه ..
وبالنسبه للاستجواب
صح ان حق دستوري و لكن كلنا ندري انه السالفه مجرد دعايه و تصفياات
وبعدين لا تزززززززززف
ولا تعصصصصصصصب
اشفيك كلا شاااااخط فيناااااااا
اي لحظه بوريك شي ..
هذا كلام اخونا اجار الدين ... بالنسبه لجزئيه الاستجواب وفا و كفا قلت اوريك ايااااه
اجار الدين كشمش said...
العمل السياسي كاكرة القدم
الهجوم والانسحاب الي الدفاع او تضييع الوقت او او او ليس معناه ان الفريق قد تراجع عن حقه في الانتصار
مسلم البراك مشكلته غير سياسي ...ومبدأ الصدام في جميع الاطروحات والقضايه السياسيه ..هو مبدئه
واسترزق من هذا المبدأ..كرسي دائم بالمجلس في منطقه قبليه تراثها الثأر
يعني كل الكويت منذ حل المجلس الي الان تصيح بالهدوء وسمو الامير يعلن سساعدوني باستمرار النهج الديمقراطي ...!!1 و كما كان رجال الكويت المؤسسين والمعارضه العنيفه الايجابيه للخطيب وجماعته منذ الخمسينات الي الان
كا شعرة معاويه
إلا ان مسلم ..لافكر سياسي له..يبيع تراث المؤسسين السياسي بسوق نخاسة القبليه
ومن اجل اشعال الفتنه بين الحاكم والمحكوم
ومن اجل بطوله زائفه...و ان الوزير اللذي تجرأ وطبق قانون الانتخابات الفرعيه على قبيلته يجب ان نثأر منه حتى ...وان الشعب الكويتي ..اميرا وشعبا يطلبون الهدووء وعلى الاقل التأجيل شهر او شهرين
احتراما لطلب سمو الامير
ووهو يقول اعينوني
"""""
ماهذه الغطرسه القبليه انت والطاحوس اللذي بكى في امن الدوله طول الليل
وانت اللذي زورت الورقه الطبيه من مصر بأنك مريض بالصرع ..واخذت العفو وهربت من التجنيد الالزامي
يووووووووووز واحترم الشعب واترك القبائل تنصهر مع المجتمع بالحقوق والواجبات
ولا تدعوها الي العزله الاجتماعيه والتعصب وانت الحضري ومن اهل شرق وتستغل الطيبين من ابناء قبيلتك
لا اريد ان اقول لك ماكنت تقوله الليل والنهار عن فساد وعصابات الفساد وراس الفساد الشيخ احمد الفهد ..وهاهو الشيخ الفهد بينك وبينه شبرين
لماذا تلفح وجهك عنه ؟
اين شجاعتك ؟ اين مصدااقيتك ؟ ..وإلا بطولتك على الشيخ خالد الجابر فقط حتى تهرب من مسرحياتك عن اهل الفساد ورموزهم كما كنت تذكر لنا ؟
افااااا عليك .. يووز واترك الكروان الجديد اللذي صرح بانه لا يريد ان يشترك بالاستجواب ...خوفا من ان يفسر اشتراكه ثأرا
وكيدي ..الله واكبر الله على التضليل الغبي ..وهو اللذي انتخى بحمر النواظر وحذف عقاله في الهواء ..على طريقة الاعراب اللذين غزوا سسور الكويت في اوائل القرن
وكان لسان حال الطاحوس يقول يناكم ينااااكم او يايينكم يااايينكم بالالفيه الثالثه
يواااش يواااش يا مسلم اطفئ نار طاحوسك او كروانك
الكويت عصيه على من اراد غدرها ...بحجة الديمقراطيه
ما اقول الا الشره على صالح الملا واسيل العوضي
اللذان نجحا السعدون عندما ارتمى على ابواب خيااامهم يستجدي اصواتا
فمالله
June 9, 2009 12:52 AM
مدري اشعندك فجأه نط العرج المطيري مالك :PPp
السلام عليكم
طول بالك ياخوي لاتقولي بعد راييئ وطاق السيجارة وامرييح :))
مدام تقبلنا الديموقراطية لازم نتحمل تبعاتها
واللي يأييد الاستجواب له رأيه وله احترامه واللي مو امأيد الاستجواب ايضا له رأيه وله احترامه , ليش ناخذ الامور يا اطخك او يا اطلع مخك
يا اتكون معاي ولا انت مو كويتي :))
تقبل عزيمتي على الغدا ؟ بفيش ماركت ؟؟؟ :))
يبا طول بالك
بوحمود دربه خضر
وبوعبدالعزيز فارض احترامه وهيبته غصبن على اللي ما يرضى
ومرزوق الظاهر تعبان نفسيا من مقارنة خالو مع بوعبدالعزيز
وعلي الراشد ما عليه شرهه..اذا فجر السعيد استاذته
واسيل لدغتها تشفع لها
بوعبدالعزيز ..عامود المجلس
حسافة لو الخطيب والجوعان والربعي معاه جان فعلا مافي عصعص يهز!!
لا يحتاج العم أحمد السعدون احترام العضو مرزوق الغانم أو غيره فسجله السياسي المحلي والعربي والعالمي يكفيه
للأسف يا مرزوق اخطأت ... ولتكن لديك الشجاعة للاعتذار لرجل تفوق سنوات عمله السياسي عمرك الذي عشته
السعدون
الرئيس
السعدون على حق و نقاشه منطقي.. و ما يحتاج هذا الرد الشخصاني من مرزوق .. الموضوع بالنهاية بين العراق و مجلس الامن .. و لسنا طرف مباشر فيه .. و العراق يريد تحويله لصراع ثنائي خارج المظلة الدوليه .. حتى يكون هو الطرف الاقوى..كالعادة
يقال
ان
مرزوق الغانم عينة على الغاء الغرامات على زين فى العراق وبنك اعيان فى العراق
الله
يلوم
الى
يلومك
انا
مو
باط
مرارتي
إلا
بُعيد الفاصل
لما
قال
مو
دستوري
قبل
يشوف
محاوره
عمتي تقولك :
"ثلثين الولد على خالة"
للأسف مرزوق طلع حس الله يالزمن
محشوم بوعبدالعزيز
مرزوق مو مصدق صاير رئيس لجنه , يحليله
يا جماعة الجلسة الساعة جم وبأي قناة يبثونها؟
فريت قنوات الكويت اليوم الساعة 10 مالقيت وحده ناقلتها !!
أخيرا طلع الوجه الحقيقي حق مرزوق
صار له ٣ سنوات و أهوه ماخذ دور الحمل الوديع
عقب اللي صار اليوم بيّنت الصجيه
استجواب للبروز الاعلامي والتكسب الانتخابي
استجواب ثلاث محاور و25 صقحة وكتبة بيومين
بوحمود ملك المعاملات غير معارضة هالزمن
معارضة وكل شغلة ماشي
ana at7adah lo yetkalam 10 seconds o 3ashan ur post wa3ad meni mayseer yoom el-a7ad ela 7a6 3al aqal wa7ed men hathaila eb my youtube channel el-barlaman edawli 93 aw 94 aw 95 7asab eli akhalsa gabil ;)
مشكور جزيل الشكر على البوست الي يرد على صغار الكلاب وعبدة الدينار امثال مرزوقوو وخاله
وتقدر تقول كاسك يا وطن لانه هؤلاء يوصلون بقوة دينارهم ويبيعونك يا وطن عشان يزيدون دنانيرهم
الود ودي اكتب رقم مرزوقو ببوست عندي وندز له مسجات بأنه مو هو الي يقول للسعدون احترمنا نحترمك ويعرف قدره
مركبنا
الله يسلمج
لوووووير
ان الذكرى تنفع المؤمنين
استجواب مسلم علشان كلمة الخليفه استاذي طلع فيها بلاوي الحين في محاور نطروا يزاكم الله خير
مو شاخط فيكم
===================
بالنسبه لتعليق الزميل
ماادري تبيني ارد عليه والا شنو ؟؟
لكن في جزئيه يقول فيها ان السعدون راح حق اسيل والملا
عفوا هذا مو حجي واحد قاعد بانتخابات الكويت
هذا بو عبدالعزيز
انسان كويتي
وعليكم السلام والرحمه
قاعد اشفط الزقاره وانت الصاج :p
المسأله ياخوي مو انت مع والا ضد
انا لي الحين لست مع ولا ضد الا لما اسمع الاستجواب بعدين احدد رايي
اما الي يتكلم عن الاستجواب واهو لي الحين ما طرح فهذي اسمها شخصانيه
====
لحظه لحظه ستوووووب .. اشعرفك بسالفة فيش ماركت
قمت اشك بالموضوع
راعي تنكر
طبعا فارضها
لوووووول لالا ما تشفع لها
بن غيث
الله يطول بعمره
الله يشافيه
الله يرحمه
يو كي
لابد ان يحترمه
حتى لو اعتذر لن يشفع له اعتذاره
مطقوق
غصبن على خاله
بو بندر
طبعا على حق
وانا هم سمعت هالسالفه
==========
بعيد الفاصل صار عضو
كاسك يا وطن
بلوق العمه
صح لسان العمه
معمعه
دنيا
ابو الدستور
اتصدق لازم يكون عنوان البوست
مفتلت
حسباله حلاو
كاست لافي
الصبح الساعه 9 تقريبا
ما يحطونها على الهوا يحطونها معيوده على القناة الرابعه الارضيه ماادري الثانيه الارضيه
نانو
والله اهو من صار رئيس نادي الكويت ومبين اهو شنو بس محد يبي يشوف
فير جير
اسمحلي كومنتك ضحكني وما توقعته يطلع منك
تدري ليش
مسلم هو الاول على الكويت فمايحتاج تكسب
ومسلم اشهر نائب بالكويت ف ما يحتاج بروز
وبالنسبه للفقره الاخيره انا اعرف عن مسلم فوق ما تتوقع لكن الحق حق
زويز
يعطيك العافيه على الفيديوات
انفعتنا حق هاليوم :p
عنيف
يستاهل بو عبدالعزيز
قايلها منذ مبطي
مالك شغل يوصله الحجي
مالومك على الحره
رمز نرفض رفضا قاطع المساس به
بو عبدالعزيز جبل ما يهزه ريح
===
حسدوا الفتى إذ لم ينالوا سعيه
فالناس أعداء له وخصوم
كضرائر الحسناء قلن لوجهها
حسدا وغيظا إنه لذميم
===
إي والله لن ينالوا سعيك
ممزوق
بيزو
عارضه نعم اما تقلل احترامه لا
بو بدر
صح لسانك
انتر
فتنت عليه
انا أحــسدك مهندس كويتي
قولي ليش ؟
لانك مأيد استجواب مسلم
ومحد يقول عنك قـبلي او عنـصري
ويمكن انا مأيد استجواب مسلم لـ نفس الاسباب اللي عندك
بس الاتهام جاهز انت قـبلي والخ الخ الخ
تحيتي لك
مهندسنا
كويتي
صير حضري وفك روحك :p
Post a Comment