Saturday, August 22, 2009

انته جيت يا رمضان

قانون عبيط للمسرحين يعني لو واحد كان يستلم بس دعم العماله راح يستلم 3 دبلات من معاشه ؟
.
اعضاء دايخين يبون جلسه علشان حريجة الجهرا .. جنه هالجلسه بتحل مشاكل الديره .. مو يا حبايبي ما يحتاي جلسه الي نحتاجه هو تطوير جميع الوزارات بعد ليش جلسه ؟؟ اشتغلوا يزاكم الله خير


مسلسلات هابطه وبرامج اتلوع الجبد الا طاش ما طاش طبعا


ناس منفسه


حــــــر ورطوبــــه ويمكن بيينا غبار .. الله العالم


وضع مكهرب من جميع النواحي


سيد القلاف و الدويسان يتكلمون عن الوحده الوطنيه


الدوري الايطالي راح يبدا اليوم


مانشستر طقهم فريق توه طالع من الدرجه الاولى وبعد الناس مستانسين كاتبين بوست عن فريقهم السكه


روما ما باعوه ولا شروا لاعبين


الاعضاء معصبين على برنامج سكوب


وسكوب تعرض مسلسل عراقي وقبل جم يوم يتبجبجون على الغزو


بو عيده لابش شماغ بهالرطوبه


ريج ناشف


صداع


عصافير البطن بتزقزق


لقيمات


الكهربا راح تنقطع


اذان المغرب


وهالموسيقى












كل ده ؟؟ هو انته جيت يا رمضــــــــــــــــــــــــــــان ؟؟




مبارك عليكم الشهر وعساكم من عواده

آسف للتأخير واني ما مريت عليكم واحد واحد بس كنت ماخذ دوره حق رمضان لازم انهيأ الاوضاع والا الحاله بتصير كسيفه

وهالله هالله بالتشريب



اللهـــــــــــــــــــــــــم لا اعتــــــــــــــــــــــــــــــــــــــــــــــراض

40 comments:

حياتي هدف مو عبث said...

ناس منفسه لأنها يا ماكله أكل يغث على السحور يا الحريم مو حاطين مكياج

حر ورطوبه اشوه ماعندي دوام

حبيت برنامج سكوب من الدعايه لأن بصير اكشن وضحك

المسلسل العراقي توني أدري عنه

والصداع اهوا الشي علتي وبس


ومبارك عليك الشهر
وحياك الأربعا
:P

well_serviceman said...

علينا وعليك وانعوده وياكم دوم انشاءالله

حيلك بالنوم فهو الحل لكل ما كتبته فوق

Reem AlHajri said...

لول كل هذا وسط قلبك ؟
الله يهداك و يصلح حال هالديره ..

يالله ميخالف ، مبارك عليك الشهر ..
رمضان باجر وسع صدرك

عساك تعوده بالخير يارب ..
و الله يقدرنا على صيامه و قيامه

Mohammad Al-Yousifi said...

عساك من عواده

-mate said...

انا كل اللي قلته زائد بسافر بعد جم يوم وباكل فاست فوود فطور

وإنا لله وإنا إليه راجعون

وعلى طاري الفريق السكه اللي طق فريق توا ماخذ الدوري, هذي وصمة عار للدوري كله مو بس لفريقهم بني إبليس المُربط في هذا الشهر الفضيل

ومبارك عليك الشهر حجي

Purplecious said...

واااااااااي مهندس شسويت فيني على هالموسيقى فلاش باك قوي


مجلسنا ما يتحرك الا اذا الفاس طاح بالراس .. ينطرون المصيبة و المشاكل تهل عشان يحلونها ( طبعا اقبض من دبش ما شفنا حلول و لا هم يحزنون)ـ


الرطوبة تذبح.. الحل نقعد ببيوتنا

و سكوب ما أشوفها حتى الدعاية ما شفتها أحاول أتجنبها كثر ما أقدر

و كل عام و أنت بخير باش مهندسنا

enter-q8 said...


عساك من عايدينه و فايزينه و يعود عليكم وانتم بالف صحه و عافية

ZooZ "3grbgr" said...

مبارك عليك الشهر

وعساك من عواده

وتوب عدل هالشهر

عشان نهاية الشهر أبو الهش بيي يعزف سولو بالكويت

:")

حسام بن ضرار said...

كل عام و انت بخير ياخوي

و مبارك عليك الشهر

joe said...

اهنيك على قدوم رمضان
ومبارك عليك الشهر
نص الشغلات الي ذكرتها صاارت

mo3ath said...

كل عام وانتوا بخير

ومبارك عليك الشهر مهندسنا ;)

Miss-Q8 said...

يالله " رمضان " خير
;p

كل عام و انت بخير
و مبارك عليك الشهر

حَافِـيَةُ الَقَدمَيّـنْ ولِبَاسِي المَطـرْ said...

تصدق ذاك اليوم مريت على سكوب
بس ما استوعبت انها سكوب
سكوب و مسلسل عراقي ليش ؟
فجر السعيد قاضيه ترى
..
علينا وعليك يبتارك إنشالله

esTeKaNa said...

انتر كويت في بوست اشباه البلوقرز عندي يقول انك ما تكتب بوست الا بصحبة زقاير
ومن قالي هالمعلومه وانا كل ما ادش البوست اشم ريحة زقاير
ديرو بالكم
:PP~
مبارك عليك الشهر
هذا شهرغير يالله من فضلك
ربي بيشرح صدرك ويطخخ هالنواب وتخف هالرطوبه ويعينا على صيامه وقيامه يارب
:)

ساره النومس said...

كل عام وانت بخير مهندسنا

بانوراما said...

علينا وعليك

وكل عام وانت بخير وصحة وسلامة

nanonano said...

ينيّلك يا بو صيام

SHOOSH said...

بسك تحلطم

:)

رمضان كريم

الأستاذ مزيكا said...

موسيقى الشعراوي عجيبة ايام مضت

مبارك عليك الشهر ياخوي ويتقبل صيامك وطاعتك

الرمضان معناه نشرب فيمتو على قولة ولدي النتيفة

عسانا نعوده

جبريت said...

هو بزاااااااته جانا


مبارك عليك الشهر يا مهندزنا العزيز

ANGEL HEART said...

مبارك عليك الشهر


واللي يدوام عقب الفطور شنو وضعه الماساوي :(

a7ibich yl KWT said...

ينيلك يا بوصيام !!

another day said...

مبـارك عليك الشهـر

وعســاك من عواده

والله يتقبل منا ومنك صالح الأعمال

الأستاذ حمام said...

مبـارك عليك الشهـر

:)

صج رمضان بين الاهل له طعم غير

الله يهنيكم جميعا

Just A Bunch said...

مبارك عليكم الشهر أجمعين و تقبل الله طاعتكم

و كل عام و انتوا بخير

كويــتي لايــعه كبــده said...

مبارك عليك الشهر
وكل عام وانت والأهل والقراء جميعا بخير وعافية


راح "أختار" ما أعلق على سكوب المسلسلات العراقية
ولا القلاف والدويسان ونفاقهم

bent el deera said...

مبارك عليكم الشهر :>

ذكرتني بواحد تحلطم على 70% من لستتك :>

يوم سمعت لحن برنامج الشعراوي هبت علي ذكرى ايام اول كان اللحن دايم يتزامن مع قلي السمبوسه عندنا بالبيت مادري شنو السر عند امي الله برحمها هههههه

الخيلاء said...

عساك من عواده

و الله يتقبل منك صالح الاعمال

وعن التحلطم قول اللهم اني صائم لول

أهل شرق said...

كل عام وانت بخير

ومبارك عليك الشهر

وعساك من عواده
______________________

وبالنسبة للمسلسل العراقي

فما أقول الا الله يطيح حظ الحكومة

فريج سعود said...
This comment has been removed by the author.
فريج سعود said...

مبارك عليك الشهر


وحعديها لك المرى دي


مو علشان توتي النعّوم


علشان رمضان كريم

صبا said...

الله يقدرنا على صيام رمضان و قيامه
مبارك عليك الشهر

وكل عام وانت بخير

وطول بالك


تحياتي

ananasah said...

مبارك عليكم شهر رمضان
اللهم إني صايمة ... وبسك تحلطم ... شخليت حق الشياب ;PP
ولا تطالع تلفزيون أحسن لك ما دام موعجابتك البرامج مثل حلاتي ;D

الدســتور said...

وانت بخير و صحة و سلامة

كله بصووووب و طاش ماطاش
بصوب ثاني
مسلسلي الدائم

Miemie said...

مبارك عليك الشهر والله يتقبل منا صيامه وقيامه

والله يعينا على الانحدار التلفزيوني والمسلسلاتي والبرامجي ،،

وكل عام وانت بخير يا بش مهندس

المقوع الشرقي said...

مبارك عليك الشهر
فجر مهى عارفه شتسوى
بقناتها
الا تبيها مش حا تءدر تغمض عنيك
بس اشيانى

Multi Vitaminz said...

صج صج صج صج

كااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااسك ياووووووووووووووووووووووووووووووووووووووووووطن
you godfather

هيفاء بهبهاني said...

و لا تنسى تعطل محطة الصرف الصحي بمشرف

عساك من عوادة :)

justice maker said...

مبارك عليك مابقى من الشهر

ويستاهلون مانشستر اكثر

Eng_Q8 said...

منا ومنكم صالح الاعمال

وعساكم من عواده

شكرا للجميع