Monday, October 12, 2009

وبعدين مع ايران ؟؟

الفضاله ولي الحين ما رد
.
.
الى متى ؟؟؟
.
ردوا عيالنا حسبي الله عليكم .. والسؤال وزارة الخارجيه شقاعده تسوي ؟؟
عادي باجر يطلع لنا الي داس بخدود الدستور ويقول انا مكلم نجاد امس
.
ابنائهم واهلهم لن يغفروا لكم هذا التخاذل .. لازم يوقف هذا الجار عند حده ترى مصخت
.
الله يرجعهم لاهلهم سالمين غانمين .. ونصيحه لحد يحدق حتى لو على السيف ترى تلتك ابيزه
.
اللهــــــــــــــــم لا اعتــــــــــــــــــــــــــــــراض

39 comments:

nanonano said...

اي والله صاج..و بعدين مع أيران

اللي يحر أن أهلهم قاعدين يدقون عليهم و تطلع لهم مسج صوتي بالأيراني..يعني أشكره هناك

عقب تييك وزارة الخارجيه و يقولون لك محد بلغنا

alala said...

لقد أسمعت لو ناديت حيا ولكن لا حياة لمن تنادي!

SHOOSH said...

آمين

صج عورو قلبي

حسام بن ضرار said...

الظاهر ايران متوغله بمياهنا الاقليمية

جبريت said...

بلشه قسما بالله بلشه عيال الفضاله لما الحين كل يوم يراجعون هالوزاره وماكو شي الله يعين اهل الي توهم ضاعوا والله الله يعينهم ويعين الحداقه من جار السو ايران

جبريت said...

الحين بيحطون قانون الخفر اليديد شماعه لهم انطر

نسيت انوه على هالنقطه

الطراريد لازم يكون فيها لاسلكي وتشب حق التتبع وين مكان الطراد وشوف شلون يخلونه شماعه ربع بو خدود وانت الي صاعد لي رئيس الوزراء

SHOOSH said...

والله ايران قاهرتني

اش هالطفاقه

الاحد ما يمديه يدش غلط إلا كرته

كا شعبها ثلاث ارباعه داش علينا سباحه و احنا خلف الله علينا لا ندري ولا نقول شي

well_serviceman said...

باش مهندس ، صدقني هالموضوع مشربك اكثر مما يعتقد البعض..

اولا: لماذا تم استبعاد العراق من هذه المسألة؟ بتقولون سالفة المكالمه والهاتف مغلق بالإيراني؟ اولا المنطقة المحايده بين ايران والعراق ، لو كنت وقف مليمترات مابين ابراج العراق او ايران تفرق الشبكه. هذا اولا

ثانيا: وين خفر لسواحل؟ هذا لو افترضنا بأن مواطنينا لم يتوغلوا في المياه المحضوره "الطبقة" اللي تصير بين ايران والعراق والكويت ، اللي ماتحصل فيها ولا طراد لخفر السواحل الكويتي او الايراني او العراقي ان وجد

ثالثا: من بعد سالفة الفضاله ، لماذا لم يتم نشر قوات الأمن المتمثلة بخفر السواحل على شريط المياه الإقليميه ، او علاقل المراقبة بالرادارات اللي تنباع بمحلات الحداق؟ يعني مو أروح واقط الغلط كله على دولة اذا الدولة مو قادره تضبط "السلابه" اللي منتشرين عندهم؟

الموضوع برأيي غلط بكبره ، مو بس على ايران ،على ايران والكويت وايضا الناس نفسهم! بحكم انهم مقتربين جدا من الطبقة وإلا ماكانت عملة "الخطف" والنحشه سهله بحكم انه خفر السواحل منتشر بكثرة بالاماكن الداخليه ولكن صوب الحدو البحريه لا وجود له ، بل شبه منعدم!

تحياتي :)

Enter-Q8 said...

منو قالهم يرحون يحدقون
و اللي بيروح يقنص في البر منو قاله يروح يقنص
الظاهر شعبنا مو راضي يتعلم ان بعد الساعة 12 لازم ينامون
و ما يطلعون من بيوتهم الا علشان الدوام او الجمعية بس
شعب قليل الادب

راعي تنكر said...

ايران تشتغل لمصلحتها وما لقت اللي يتجرأ ويطالب بأبسط حقوقه

شي طبيعي ايران بتسلك هذا السلك بس الموطبيعي والغير عقلاني هو تخاذل حكومة ناصر المحمد عن نصرت مواطنيها

أبو الدســتور said...

تبي الصج
ربعنا مادري شلون صايرين
شكو تدشون مياهم الاقليمية

Anonymous said...

الحكمة تتطلب عدم التصعيد في مثل هذه الأمور . الأخوة المدونين كونهم شباب دمهم حامي وعلى طريف ويبون جنازه يشبعون فيها لطم . حوادث أختفاء الحداقة قديمة و راح تستمر وعلاجها مطلوب من خلال القنوات الرسمية للدولة

راح تلاحظون من خلال قراءة التعليقات أن الموضوع راح يتشعب الى أمور أخرى لا تتعلق بعودة الحداقة وأنما الى ما هو موجود بتلك النفوس من مشاعر وأحاسيس تجاه ايران وفهمكم كافي

عسى الله يردهم الى أهلهم سالمين

Anonymous said...

ثوابت الشيعة اتقول ان ايران ماله شغل مسالمه :) lol

mo3ath said...

ترى والله وياهم خيوط وميادير ماخبري لما نطلع البحر نشيل نووي معانا ;/

هالحـــــزة said...

الخلاصة :

الله يردهم سالمين غانمين ..

الخوف ما تكون ايران الى خاطفتهم ..

الخوف من ربعنا يكونون .. طاقين تذاكريهم ورايحين حق بانكوك او حق المغرب يدورون ونس .. نفس شباب اول قاص على اهله يقول ابي اروح العمرة واخرتها حصلوه في في بانكوك..

عندي حسن نية ..

ولكن يجب ان نتحقق اولا ..

Eng_Q8 said...

نانو

بس يعني واضحه

اي عادي عادي

Eng_Q8 said...

لالالا

انت تشتغل بسكوب ؟؟ وايد حاب هالبيت :)

المقوع الشرقي said...

مصخوها
ويا خارجية شدي الحيل
وحمري العين
..

Eng_Q8 said...

شوش

الله يعين اهلهم

Eng_Q8 said...

حسام

الظاهر ؟؟

الا متغلغله وخالصه

Eng_Q8 said...

جبريت

اي عادي

بس دام وياهم قطري راح يردون انشالله

==========

عادي عادي بدال ما يحلونها يفكرون اشلون يرقعونها

Eng_Q8 said...

شووش

من قالج انهم دشوا عليهم ؟؟

Eng_Q8 said...

ويلي

بالنسبه لاولا ما تترقع يعني بتقولي ليش لما انروح العبدلي والا الوفره ما يدلع لنا واحد سعودي والا عراقي

وبعدين اخاف العراق عندهم ابراج اذكر ربك

انا افترض انهم ما تغلغلوا لان الفضاله ما تغلغل وحتى لو تغلغل شكو ياخذونهم بالله

لا تقطها براس السلابه رجاء

الخطأ من الحكومه لان المفروض لو واحد فرضا ضاع ما ياخذونه ويقمتونه يتصلون بالكويت ويقولولهم عيالنا مو لعبه

وبعدين انت محسسني انهم ما يدشون مياهنا الاقليميه اذكر ربك بس

Eng_Q8 said...

انتر

اي والله ليش نطلع بحر

Eng_Q8 said...

راعي تنكر

صحيح

Eng_Q8 said...

الدستور

واشدراك انهم دشوا ؟

Eng_Q8 said...

انيموس 1

اخوي لا جنازه ولا لطم

ذولي كويتيين منا وفينا .. ولو الفضاله راد جان قلنا اوكي

وبما ان احنا مجربين الحكمه وما نفعت اشلون تبينا نسكت بالله

وانت شكو بايران ؟ حبوها والا ما حبوها كل واحد يحب الي يحبه براحته والي قاعد تلمز له مو صحيح

Eng_Q8 said...

انيموس 2

يسوونها

Eng_Q8 said...

معاذ

اي والله اهني القهر

Eng_Q8 said...

هالحزه

امين

بانكوك يروح يطلع بحر !!؟

Eng_Q8 said...

انيموس الي ما نشرت تعليقه

انتقي الفاظك اولا المخطوفين كويتيين منك وفيك وعيب تتكلم عنهم بهالطريقه

وكيفهم بيطلعون بحر يبون يحدقون من حقهم يااخي

وبعدين لا يوجد شي يدل على انهم ادخلوا مياهم الاقليميه وحتى لو داشين على قولة معاذ ميادير وخيوط هذا الي معاهم مو نووي

Eng_Q8 said...

المقوع

لازم تحمرها

بنت الشامية said...

الله يردهم سالمين لاهاليهم
ويبعد الشر عنا شرقا وشمالا

كويــتي لايــعه كبــده said...

الى متى؟

الى ما الحكومة تسترجل وتهز وزنها

لدينا من أساليب ضغط وقنوات دبلوماسية ومصالح مشتركة وأشخاص وسيطة لم تستخدم

الحكومة برداها الداخلي وضياع توجهها اللي مو قادرة تدير بلد صغير بشعب قليل وموارد كبيرة ولله الحمد وليس لهم يد بها جاهزة للدفاع عن سرقات وزارة الداخلية (اللوحات الاعلانية) والتصدي لاستجواب وزراء لم يكونوا كفؤ أساسا لهذه المناصب الا ان المحسوبية كفيلة بالإختيار... كيف بها ان تكون قوية موحدة التوجة والكلمة والاهتمام بأفراد شعب لو كان الأمر بيدها لكانت هي من طفشه (الدواوين، القروض، التلوث، الخ).

قضية مثل هذه تصعد الى رئيس الحكومة وليس فقط الوزير المختص كالخارجية والداخلية فلا أهم من أرواح البشر!1


للعلم الفضالة صار له 462 يوم في ايران

alwasmi said...

بروح حداق بعد الساعه 12 ليلا منو يروح وياي
لاتحاتي بييب وياي جهاز تعقب
خلاص هذا الجهاز لازم يصير من ادوات العده الرئيسة ماضمن سلامتك من قطاع الطرق البحريه الفارسية الايرانيه

EXzombie said...

لما يكون في السيرة الذاتية لرئيس وزراء دولة ايا كانت خدمة تتعدى ال11 عاما كعميد سلك للدبلوماسيين في دولة اخرى يفترض و هنا اكرر و اشدد على كلمة يفترض انه بحكم علاقاته ان يقوم هذا الرئيس باستخدامها لخدمة مصالح ابناء وطنه و ان حدث و تم اعتقاء او اختطاف احدهم فان من الواجب ان يعمل لتحرير ابناء وطنه

لكن الظاهر 11 سنة على الطل، و كل الي قاعد اشوفه انه ايران قاعدة تدوس علينا كل يوم و كل سنة

اعتقد واضحة من انطق دبلوماسي هناك جدام السفارة ان الرئيس بو طقة

Addictioneer said...

شنو هذا
بحر ايران صاير نفس مثلث برمودا هالايام

حـمد said...

بعد الكويتيين صج ماعندهم سالفة

يعني لازم حداق وبحر ومصاريف وحر ولوية وتلوث وبعدين خطف

ما تسوى السالفة

عندهم سيدي حداق يشتغل على البلايستيشن

هيعوا يالكويتيين وبلاش هياتة بالبحر والبر والقهاوي والسوقة والدواوين و وو و

مع الاعتذار :)

alala said...

الله يسامحك "سكوب" عاد :(

و الله من حر ما فيني ...

انا اموت و اعرف خفر السواحل شيسوون ؟؟؟ شنو مهنتهم ؟؟؟

كلنا واويين و هذولي كل يوم تالين لهم واحد

اهمه لو نافظينهم يوم سالفة الفضالة جان ما تيرّعوا و فكروا الف مرة قبل لا يكررونها