Sunday, December 2, 2007

اليوم ماكو سياسه

تحديث خبر عاجل
.
.
.
وبما ان فتى الجبل صار رومانسي اليوم ماكو سياسه Selezya تضامنا مع الاخت


فراح اخصص يوم بدون سياسه عشان نفتك من لسان سيليزيا يمكن ترد الموسيقى :)



جلست انبش افكاري لأجد شيء اكتبه غير السياسه فلم احد شي فعقلي مشغول بفتاة اسمها الكويت


لكنني رحت انبش الماضي .. وذهبت اقرأ صفحات الماضي ..فوجدت هذه الكلمات التي كتبتها فيما سبق


واتمنى ان تحوز على رضاكم لاني لست شاعرا


.

.

.

مصر حق شخص في بالي :)))))

.

.


هل خفق قلبي من جديد ... لالا مستحيل فقلبي من حديد


ولكنه الاحساس عينه الذي كان منذ زمن بعيد


اعرفه فهو كما فرحة الطفل في ليلة العيد


كفى يا قلبي لا تسخن وكن كالجليد .. فلا اريد حبيب يعيد لي جرحي القديم


اعرف ان المحبس قد زين اصبع الحبي .. وكانت الابتسامه تشع وهي تزف لي الخبر البليد


اعرف انه تناسى حبي العتيد .. وجعلني كالأبله ابارك لها زوجها العبيط


نعم تفارقنا لكن حبي لها كبير وعنيد


ثابت كما سود الجبال .. ناصع كلون السماء.. صادق كما هو الطفل البريء


لا تنسى يا قلبي الحب القديم ... انتهى ولكنه بجرحه يعيد ويزيد


هل نسيت انك تحب الانثى .. وتعشق كل جميل بها


هيا انطلق من جديد ... وعش قصة روميو وجولييت


كن كفراشة الربيع .. تسحب رحيق الزهور البديع


الى ان تموت وتنسى الاحزان ... بعد تجربة الروح كل الالوان


اعشق كل ماهو جميل


الى ان يأتي الحب الجديد


او تذهب روحك الى الله العزيز القدير


.

.

.



لحد يفهمني غلط ترى هالحجي كاتبه بتاريخ 18-2-2004 يعني من اربع سنين الا وامس قاعد ادور شكتب فشفت هالورقه بين الاوراق فقلت خل اكتبه لذا اقتضى التنويه

بس هم لازلت ابحث عن الحب الجديد :))

.

.

.


مو سياسه والله ايطاليا فرنسا هولندا رومانيا الله يستر على ايطاليا لازم يرجع توتي عشان يتأهلون وفورزا ايطاليا بعد ماكو منتخب الكويت ... فبغني اووه يالازرق حق ايطاليا ... اخاف اغنيها ويخسرون لا هونت ماني مغنيها

.

.

.

.

.

.



اللهم لا اعتراض

.

.

..

.

.

.

.

.

الخبر العاجل.

.التقيت بالعم صالح العجيري اليوم وسألته عمي وين البرد ما يانا جان يقولي اشدعوه اشفيك مستعيل انا الي منزل البرد :))))) واكد لي عسى الله يطول بعمره ان البرد هالسنه سحتني
فيا ناس اشتروا دفايات من الحين

.

.

.

.

.

.


تضمنا مع مدونة بيت القرين نرجوا اشعال مصابيح السياره من يوم الاربعاء الى يوم الجمعه وذلك لكي نقول كلمة لأ لكل من يتلاعب في هذه البلاد

.

.

.

.


22 comments:

bass said...

لا يوجد شيءجمل من الحب أذا كان صادق ومن القلب للأن يذيب كل شي حتى الحديد

ويوم رومانسي سعيد
ودمت بخير

Eng_Q8 said...

صحيح ولكن اين الحب في هذه الايام


للاسف اهو مو سعيد بس مشكوره
ودمتي بخير

Someday said...

Engo!!! El3abi6!!! Hatha 3la golat el gayel ‘7areg 3n el naaa9!! Shzyen el7ashy walla bs 3lik ga66at gaww ar’9!!
O b3dyen la 7awla wala gowah ela bellah! Lysh taby tethba7 el admeyyah??!?!?!
Weeyyyh 6a3 ana garyah ‘3la6!!! Ta97y7!!!, lysh etfawel 3la 3omrik ya 9bay!!?!?!?
Enshallah raby yarzigik ebthyek el bent elsan3ah ely etnasyeek el seyasah o 6owayf el seyasah o et’7alyk et’3ared romanceyah, goool ameeen !!!

Eng_Q8 said...

آمين

اي العبيط لانه عبيط مالت عليها

وعليه بعد :))))


ما افاول على عمري اسم الله علي :))

بس هذا درب كل بني ادم


بالنسبه للقطات لازم جم قطه عشان لايصير الوضع مليق والا اشرايج ؟؟

Eng_Q8 said...

Someday

سوري نسيت احط الاسم مندمج بالمباراة :)))

اي نسيت اقولج ماكو احد يقدر يبعدني عن السياسه لانها بدمي حتى وانا ادرس الهندسه اعشقها واعشق الكويت ومااظن راح تييني وحده وتنسيني الكويت صعبه

Selezya said...

لوول لا لا احرجتني صراحه انا نوعي اذا استحيت سيده داخل الكبت والكبت بعيد للوول
شسوي يعني !!

ثانكس اي جذي وايد احسن عالاقل يوم بالاسبوع بس ماكو سياسه والله عشاانكم احس اعصابكم انفلتت وانتهت

--
اعرف انه تناسى حبي العتيد .. وجعلني كالأبله ابارك لها زوجها العبيط
لوول فن فن فن على العبيط :)
يايبها رايت
صح لسانك :)
--
لا تفكر تغني اووه يالازرق لمصلحة ايطاليا
--
و لأ
--
وشكرا على هالتضامن :)

Eng_Q8 said...

Selezya

يحليلج قطوه قطوه على طول بالكبت :))

اذا الكبت بعيد غطي روحج بالكمبل :)

يا انتي يالي تخافين على اعصاب المجتمع ... ظبطينا :)

من قلب طالعه الكلمه لووووووووووول صح بدنج

لا من صجج ناقص البحرين يفوزون على ايطاليا

عفوا على القادسيه :p

5roofa said...

مشالله كلمااتك حدها واااو

حبيتهااا

يعطيك العااافيه

وصج على سؤال لوول مادري والله ليش يا في بال يانك بنت تره انا بعدين استوعبت انه اسمك لا في الهام انه بنت ولا انه ولد بس تدري عاد المخ افتر فجاه لوول

سؤال شلون يعني نشغل ليتاتنا ؟ انه يعني نخليهم مفتوحين صبح و ليل ولا الفلشر لانه ودي اكون معاكم؟

يسلموووو

salamz...

Eng_Q8 said...

خروفه



مشكوره على المجامله هذي خرابيطي ايام الكليه :))) ما توقعت تعجب احد لاني كنت اكتبهم حق نفسي اذا جذي بتتعبون منم الي كاتبه

حبتج العافيه

الله يسلمج من الشر


سلام :)


شكو فلشر الله يهداج ... لا بس الليتات دشي مدونة بيت القرين واتعرفين السالفه بالتفصيل

شكرا على المرور الجميل

Nora said...

عسى بس ما تأثرت بالجو البديع
و صرت رومانسي لا سمح الله
:P

الحب موجود سلمك الله
بس اعتقد انك ادوره بالمكان الغلط
او انه الدخاخين مغبشة على نظرك
;D

فتى الجبل said...

لا لا لا لا
يا معود صكيت علي بالرومانسية
والله أكو شعراء زينين بالديرة
بليز بليز حق كل الشعراء الزينين
يا يبه نشروا شعركم وفكونا من شعر الشاعر العظيم دعيي الخليفة
ليش مخلينه يسرح ويمرح بشعره اللي حده ملييييييييييييييييييييييييييييييييق

Selezya said...

يومين وتكتب تحديث عن السياسه .. ماترتاح
:p

مبين هالسنه وايد برد لان اول مره جذي يدخل علينا العاده مانحس فيه

Eng_Q8 said...

a7La eNG

لا والله بس بنغير من السياسه ومن القهر الي نعيشه يالزميله

وين المكان الصحيح عيل ؟؟

هالدخاخين اهي الي اطلع حرتي فيها

-----------------------------------

فتى الجبل

حبيب يا فتى الجبل وما نحن الا تلاميذ عندك
صج مو لايقه عليك الرومانسيه بس رومانسيتك عجيبه فيها بهارات سياسيه:))
وبالنسبه للشيخ دعيج
شوف شنو قبل اسمه وتعرف الناس ليش يعجبهم شعره :)))

لان ..... الشيوخ وايد صاروا عندنا

-----------------------------------

Selezya

الجو صار سياسه بعد ؟؟؟؟؟

شسوي بروحي يعني حتى هالسوالف مو عاجبتج شسوي يعني ؟؟
أريد حلا صرت فاتن حمامه

:))


===================================

Selezya said...

لووول لالا مو قصدي جذي كل شي بالبوست تمام بس قصدي ان بعد جم يوم بتكتب تحديث ويكون عن السياسه مو معقوله تصمد بوست بدون سياسه :)
:p لا تخاتي كل شي حلو

Selezya said...

لا تخاتي شنو؟
لا تحاتي **

Eng_Q8 said...

Selezya

لازم بعد شسوي اصلا في موضوع في بالي بس متردد اكتبه ناطر اصيغه عدل لحساسيته الشديده :)))

بعطيه حبة زرتك يمكن تروح الحساسيه:)


خلاص ماني مخاتي :)))

ما يحلى الا لما تشوفينه :))

AnGlOpHiL said...

انا بفهمك غلط لووول

دوم اعشق كل جميل ;)

عالية said...

بوستاتك وايد حلوة بس المصيبة كل مابي ارد او اعلق يطلعلي نك نيم ومادري شنو شوي طريقة معقدة

يعطيك الف عاافية

Eng_Q8 said...

AnGlOpHiL

لووووووووووووووووووووول
ليش عاد :)))ترى بريء انا

انشالله


-----------------------------------

عاليه

من ذوقج

لا ماكو شي معقد انشالله كل شي اندر كنترول الحين بس كتبي وطقي
publish your comment

وشكرا للمرور

Anonymous said...

مصر حق شخص في بالي

تظن منو هذا الشخص
حاولت وايد و ما عرفت منو
:)

عثماني said...

خووووش كلام

و مازلنا ناطرين البرد

و ايطاليا بدون بوفون ...ما تسوى و انا اخوك

:)

Eng_Q8 said...

براقش

لووووووووووووووووووووووووووووووووووووووووووووووووووول

ماادري الي على راسه بطحه :))


-----------------------------------

عثماني

شكرا

اي والله بوفون

-----------------------------------