Tuesday, December 18, 2007

صباحي الجميل



بما ان اليوم اجازه نمت نومه هنيه تكفي ميه ... يازين النوم ... المهم لما قعدت بديت صباحي الجميل طبعا كالعاده بقهوتي وزقارتي وجرايدي المهم بشراكم فيه



Chapter 1


جيكت على التلفون والا 3 مس كول الساعه 5 الفير ؟؟ يالله سترك شالسافه انشالله خير رقم غريب والساعه 5 الفير لا 3 مس كول اخاف احد فيه شي المهم دقيت والا اغنية راشد الماجد ؟؟؟ هاا منو هذا الي حاط اغنيه بتلفونه اشفيهم خاروها الشباب ؟؟

محد رد ؟ قلت اكيد غلطانين فعطيته طاف .... شوي والا داق ؟؟ ها منو هذا ؟؟ جان ارد بصوتي الحلو الي ما يخرع لما اقعد من النوم ... نعم ... الا جك بويهي ... يا ربي شهالسوالف القديمه دقيت .. والا مغلق ؟؟؟ شنو قاعدين نلعب لبيده؟

شوي والا دق دقه وسدوه ... رديت دقيت ... الو نعم منو ؟؟ والا وحده الو قوه .. انا هلا نعم منو بغيتي يبا ؟ ... اهي لا والله شكلي غلطانه اسفه ؟؟.... انا لا يبا عادي حياج .... سديته وانا واصل حدي ليش الازعاج انزين غلطانه ادقين هالكثر رقمي ما يتشيير ... وبعدين تغلطين دزي مسج من الاول وقولي غلطانه ليش هالعذاب ... بس الواحد شيقول الا جليلين الحيا وايد هالايام والله يرحمك يالنفيسي



Chapter 2


خلصنا من هالسالفه المليقه وبديت اقرى الجرايد والا بأول صفحه بجريدتي الحبيبه القبس 300 مليون دولار من الكويت للسلطه الفلسطينيه يالله صباح خير 300 مليووون وحق السلطه الفلسطينيه؟؟؟؟ اي سلطه فيهم ؟؟ لا وعشان وحده الشعب الفلسطيني ؟؟؟ اذا اهم بينهم حرب ضروس و نعطينهم فلوس بعد ومنو السلطه وشراح تسوي فيها ؟؟ كالعاده حقهم يفسفسون فيها ويشترون سلاح ويذبحون بعض

انا عاد قايل من زمان ماراح اتحجى عن فلسطين ... لاسباب منها اني لم ولن انسى ما فعلوه بديرتنا الغاليه وماراح انسى ابناء وطني الي اذبحوهم وفتنوا عليهم ولا راح انسى علم الكويت الي كل مره حارقينه .. فوطني قبل الجميع

فهل نسيت الحكومه ما فعلوه بنا ؟؟؟ 300 مليووون يا جماعه ترى وايد والله واهني الناس تبي الزيادات

المهم بشاره للكويتيين عين عذاري انتقلت من البحرين لي الكويت



Chapter 3


تجنيس 686 شخصا ... اوكي جنسوا المستحقين مو تجنسون لي مغني والا ممثل والا كومار ... نعم هناك من يستحق ولكن فلتكن الجنسيه لمن يستحقها فقط ... ولا تحطون ابناء الكويتيات بين الباجي ... الله يستر من الاسامي الي بتطلع

نحن مع المستحق وضد الغير مستحق والله ما وراء القصد



Chapter 4


غني لطفلك يصبح اكثر ذكاء .. موضوع بصفحه البانوراما

اتوقع لو يشوفه العضو المغوار صاحب العقل الجبار والغارق بالبحار وليد الطبطبائي بتصير فيه سكته قلبيه اشلون اغناء يخلي الطفل اذكى ... هذا غير الفتاوي الي بتطلع علينا

العلماء الي اكتشفوا هالشي لو يدرون ان عندنا بالكويت بعض المدارس تمنع السلام الوطني بالطابور .. وهناك توجهات لاغلاق شعب التربيه الموسيقيه .. وان الغناء والموسيقى حراااام ... راح يقولون ان كل اطفال الكويت راح يصيرون اغبياء


Chapter 5


جريدة الراي العام ... العمير : لو طبقنا شرع الله لالقينا بمجرمي حادثه العارضيه من اعلى برج التحرير ؟؟؟؟؟

استغفر الله ... شنو هالتلاعب شنو شرع الله تقطه من فوق اي شرع هذا ؟؟؟ نعم نحن مع الاعدام بس شرع الله يقول حذفوهم من فوق ؟؟؟؟ ممكن واحد يقولي هذا تعبير مجازي يحل محل الاعدام ... لكن يالحبيب مايصير تحط شرع الله وتقول جذي ترى ما يصيييير ؟؟؟ ويبون شريعه اسلاميه بعد ... عااااادي باجر يقولولك الي يدخن نشب راسه عشان لا يدخن بشرع الله ... انزين واذا كان اصلع .. توضع له باروكه ... استغفر الله هناك خطوط حمراء ايها المتأسلمون فلا تتعدونها جزاكم الله خير


Chapter 6


سريع يرد على المرزوق و المرزوق يرد على سريع والغانم يبي طلال الفهد والفهد معطيهم طااف .... لي متى يعني تكفون لي متى اتقطون الاتهامات على بعض هذا فداوي وهذا ولد بطنها وهذا معزبي وهذا ماادري شنو

ترى زهقناااااا والله زهقنااااا رفقا بنا يا ناااااااااااااس الكويت المركز 119 عالميا العموم سابقنا وانتوا لي الحين على هالسوالف ... يبا ردولنا هيبتنا ردوا الدوري مثل قبل ..... لحظه لحظه اكوووو دوله بالعاااااااالم تلعب فصاااال ؟؟؟؟ شنو دوري براحات ؟؟؟؟ كل يوم يتعادلون ويلعبون فصال اي لي متىىىى شنو هالسياسه الغبيه ؟؟؟؟؟ البلنتيات ليش اخترعوووهاااا ليييييييييش احد يفهمني ... وهذيل طايحيله مناظرات والله قهر والله عيييب صارت عقدتنا البحرييييين يا جماعه الهند فازوا علييينا وانتوا قاعدين تتهاوشون

المشكله ولا واحد فيهم لاعب كره لا واليوم خالد سريع صايرلي المذكوور قاعد يصحح الاحاديث حق المرزوق

مااقول الا الله يرحم الرياضيين الشرفاء


.

.

.




بس ماني مكمل طقت جبدي.. هذا ما اعانيه كل صباح هذا بصوب وجريدة عالم اليوم والوطن بصوب ... الحمدلله ان مافي جرايد بالعيد على الاقل الواحد لما يقوم الصبح مافي شي يعكر مزاجه ... وسوف يستمر صباحي الجميل بعد العيد .. بعد لازم المواطن يقوم من النوم ويضيق خلقه والا انت مو بالكويت





.

.



اللهم لا اعتراض

.

.




كل عام وانتوا بخير وعساكم من عواده انشالله

والي صايم انقوله تقبل الله و الي حاج منهم اخونا فريج سعود انقوله حج مبرور وذنب مغفور

واسف اني ظيقت خلقكم :))))




42 comments:

Someday said...

About Sports! malik amal yet3adelon!!!
Lima el cows go to pilgrim on their horns!!!!
انت بخير و صحه و سلامه
عساك من العايدين الفايزين
:)

Eng_Q8 said...

Someday

لوووووووووووووووووووووووول

اعجبتني هذي ترجمة المثل :)))
بعد شنسوي انحلم الحلم ابلاش

وياج يا اختي العزيز :))

darkness said...

عيدك مبارك و عساك من العايدين الفايزين

أعاده الله علنا وعلى جميع المؤمنين والمؤمنات والمسلمين والمسلمات في جميع أرجاء العالم بالخير واليمن والبركات

اممممممممممممم

اهي لما اتصلت الساعه خمس 3 مرات ما سمعت انت صوت التلفون؟

و اتصلت 3 مرات؟ بالغلط الثلاث مرات

و اي اغنيه حاطه حق راشد

و ليش تسده بويهك

و شحقه تدق بعدها

امممم

اساله نريد الاجابه عنها


اما بالنسبه للجرايد

فانا افضل لان الناس عيد اني ما اييب طاريهم

تدري عشان المزاج ما يتعكر

و الله يتقبل من حجاج بيت الله و يرجعهم لاهلهم سالمين بذنب مغفور

و يرزقنا جميعا حجه مقبوله

darkness said...
This comment has been removed by the author.
marshmallows said...

اول شي منا و منك لاني صايمه =p

وبعدين كلامك صح بكل حرف قلته وودي اتكلم على قولة داوود حسين قلبي متروسه بس ماكو فايده ملينا و احنا انتكلم

ولا تنسى سالفة الشرطه الوافدين يعني باجر بتوقفك الدوريه و ينزلك الشرطي يقولك اديني الاجازه و الدفتر ياباشاااا

Eng_Q8 said...

darkness

ماسمعته لاني حاطه ديب ونس

وماادري اي اغنيه اول مره اسمعها المهم راشد الماجد

والاسئله الباجيه ساليها اهي مو انا انا شدراني عنها ؟؟

عيدج مبارك :)))))

Eng_Q8 said...

marshmallows

تقبل الله طاعتج

لا لاتملين لازم تتكلمين

اذا صارت اول واحد راح ينسجن لانه ذابح شرطي مو كويتي انا

شكرا للمرور

esTeKaNa said...

واي مو صح النوم سعاده؟
ياربي اليوم اللي تقوم فيه مرتاح وقايم برغبتك من فراشك مو ساحبينك منه سحاب تحس انه الدنيا كلها غير
:)
صح النوم
وعيدك مبارك

وتصدد عن اي شي يضيق الخلق
تمتع بالجو الجميل
والكسل
والعيد

حمد said...

بالنسبة للمساعدة الفلسطينية , يبدو ان الحكومة الكويتية قد فكرت بتقسيمة عادلة 150 الف لحماس ومثلها لفتح :) .

اما بالنسبة للعمير , فلا اعتقد بأن التصريح قد اخذوه منه في اروقة المجلس او في مكتبه وانما يبدو لي ان التصريح قد اخذ منه وهو خارج من ديوانية في الساعة 12 صباحا , او كان عائدا من الجاخور ربما وحماس لعبة الكوت قد جعله ينسى بأن الكلام محسوب عليه وان التصريح تم بصفته الرسمية .

مكانة العمير وتصريحه يذكراني كاللذي لابس شورت ورايح عرس :)

كل عام وانت بخير عزيزي مهندس كويتي وقراءك الكرام وعساكم من عواده

S-Q8 said...

LOL..
chapter 1: 7ad'ha fathyah!
chapter 4: LOL bada3t eb wa9f el 6ab6aba2eee.. ee wala chan faQad el wa3eee lo 6abeQaw hal salfah 3endena.. chan 7ata el 3olama2 ele galaw 3an hal shay stajwabhom
ma3aleeh ba3ad hathy el jarayed o hathee el akhbar
3eedek mbarak o 3asak min el 3aydeen:)

AnGlOpHiL said...

كل عام و انت بخير حبوب و صباحك عسل

ليش تحرم المعجبات من صوتك الشجي...رد عليهم رد

كلام العمير كأسلامي بيدة قنبلة صحيح..في بعض المذاهب تكون عقوبة اللواط الرمي من اعلى شاهق و بعدها يرجمونه..!!

السعودية و ايران مايطبقونها...يحليلة العمير

5roofa said...

سلااااااام

لووول و انا اقول ابوي ليش ماانع الجرايد تدخل بيتنا اثاري السالفه جذي

والله تبي الصج احنا يقولنا لوالد العزيز تبون تعرفون شنو يصير بالديره شوفو التلفزيون بس الجرايد تيب المرض لوول

و على المدااارس اه على المدارس تصدق مره زارنا شخص من بريطانيا قاعد يسوي دراسه على التعليم بالكويت
تصدق انه احنا ماخذين اخر المراكز بالتعليم
يعني بلالاصه انه مستى ابناءنا الحلوين في تردي مستمر و نسبهم تفشل الي ما يتفشل

تخيل يقول معنه كل سبل التعليم عندكم بس ليش هالتدني ؟

والله مشكله

مشكور على البوست و يعطيك العافيه و كل عام وانت بخيير

ممكن طلب بعد اذنك ؟

ممكن تعلمني شلون انزل الفيديوات من يو توب على بلوقي؟

اذا مافيها ازعاج

سامحني و اذا ماتقدر او ماتعرف او مالك خلق لوول عادي والله
مابي اكون مصدر ازعاج

salamz friend...

bass said...

بش مهندس

1 :) لووول

2 ليش مستغرب طول عمرها الكويت عين عذاري

3 الله يعيين

4 ولي يسلمك دزلة هالخبر بالايميل :)

5 بدون تعليق

6 الله يرحم حالنا وحال كرتنا

وعقب كل هذا

عيدك مبارك و من عوادة

Selezya said...

انت على هالاخبار اللي قريتها وين الصباح الجميل عيل :)

الله يعين

وكل عام وانت بخير :)

bo rashed said...

تبي الصج الديره كلها تضيق الخلق بس خلنا نتفائل مع ان الوضع كلش ما يشجع
وكل عام وانت بخير

Eng_Q8 said...

esTeKaNa

صح بدنج وعلينا وعليج
بحاول اتصدد واتمتع بالجو ثانكس اختي :))

-----------------------------------

حمد

الظاهر فيفتي فيفتي :)))
اتصدق يمكن كان خسران بالكوت :))
وانت بخير وصحه وسلامه

-----------------------------------
Ni3Na3aH

اي والله فاضيه
اصلا الطبطبائي يفوق الوصف :)))
اي والله هذي جرايدنا
علينا وعليج يتبارك وعساج من العايدين والفايزين

-----------------------------------

AnGlOpHiL

وانت بصحه وسلامه
اي معجبات من وين يولي هذيل ؟؟؟ :))
الكل قاعد يفتي يايه عليه اهو خله خله مالت على الي صوتوله

-----------------------------------
5roofa

عشان تعرفين ان كل شي يسويه الابو صح :))
ادري يا ابله والله ادري راح اكتب بوست عن هالموضوع انشالله :))

وبالنسبه للشسمه ... لا تفشليني انا ودي احط صوره ورا العنوان مااعرف الصوره تطلع مربعه مو على كل المستطيل

ترى انا عليمي كمبيوتر لا يغرج مهندس :))) انا مهندس ميكانيك مو كمبيوتر :)
سوري اختي بس راح اسالج ولا تزعلين
وانتي تامرين امر مافيها ازعاج جم ابله عندنا احنا :)

-----------------------------------

bass

مااعرف ايميله عندج اياه تكفه والله ادزله اياه :))

عيدج مبارك وعساج من عواده يا اختي العزيزه بس

-----------------------------------
Selezya

اولا انا زعلان عليج
ثانيا الجميل اداة استهزاء في محل رفع ظيقت الخلق مثل ما سوه العمير

وانتي بخير وصحة سلامه

-----------------------------------
bo rashed

اي والله صاج يا بو راشد

تفاءلوا بالخير تجدوه

وانت بخير وصحه وسلامه

===================================

Eng_Q8 said...

Selezya

سوووري

لا مو زعلان خلاص :)))

ظلمتج

طلعتي حاطه كومينتس على البوستات الي طافوا بعد جبدي والله

عادي عديني مثل ابوج :p

سوري مره ثانيه يا اختي الصغننه :)

الحب said...

chapter 2
الخبر فعلا يقث من الصبح, ديرتنا أولى بهالفلوس

chapter 4
انزين اذا صوتك نشاز هل يصبح الطفل أغبى؟

chapter 6
looool على دوري البراحات

كل عام وانت بخير و عساك من العايدين, صج خوش بوست, تسلم الايادي :)

Eng_Q8 said...

الحب


اي والله ديرتنا اولى

ماادري عاد الموضوع قيد الدراسه :)))

اي والله دوري براحات


عساج من العايدين والفايزين

مشكوره من ذوقج والله يسلمج ويعافيج

Mamloo7a Q8ia said...

خلها على الله

عيدك مبارك وعساك من عواده

Eng_Q8 said...

Mamloo7a Q8ia

ونعم بالله

عساج من العايدين والفايزين انشالله

5roofa said...

looooool

مشكووور لا عادي شوف انا اسال وا نت اسال و الي يب الجواب اول له هديه لوول
:p

salaamz friend...

Sn3a said...

بالغلط والساعه 5 الفير
شهالعياره!

اما سالفه ال 300 مليون سم ببطونهم انشالله
انا بعرف منو هذا اللي يوقع على هالفلوس اللي رايحه على نماين فلسطين واشكالها



تجنيس كلمن هب ودب
فلوسنا راحت لرفاسين النعمه
رياضتنا يتحكم فيها رياييل كل واحد كرشه واصل لي ركبه ومايعرف من الرياضه غير رفعه اللقمه من صحنه

وكل واحد حطله شعرتين بويهه صار امام المسلمين ايه المتقين




عيدكم مبارك جميعا
وهم تقبل الله صيام جماعتنا
وباجر صيام مادري منو!

اشوه ان الكعبه ماهي بالكويت جان لكل حاج خلو عرفه بروح

العرزالــــــه said...

كل عام وانت بخير مهندسنا :)

Eng_Q8 said...

5roofa

اوكي ابلتنا :)

-----------------------------------

Sn3a

لوووووووووووووووووووووووووووووووول

اي والله صاجه يا سنعه

هذيج ماعندها سالفه والحكومه ما عندها سالفه والمطاوعه ماعندهم سالفه

اي والله لو الكعبه بالكويت جان صارت بلاوي

كل عام وانتي بخير وعساج من عواده

-----------------------------------

العرزاله

حبيبي والله وانت بخير وصحه وسلامه يالغالي

===================================

Selezya said...

زين جيكت :p
ولا تزعل :)

أبو شملان said...

عيدكم مبارك

وتقبل الله طاعتك

乂♥Not.ViRGo♥乂 said...

بصراحه انا معاااك
ضد الشعب الفلسطيني و لا راح ننسى اللي صار ..
بس على قولتهم الديرة صارت ما تحب إلا خناقهاا ..
بس يالله الله يعز ديرتنا و يكثر خيرها ان شالله

و الشي الثاني شنو نووع زقايرك هههههه
ناويه ادخن سويتلي اغراء
قهوه و جريدة و زقاير و الصبح

الله ... خوووش جووو :)


عليك بالعافية ويكافيك شر الكافيين و سرطان الرئة و فيوزات العقل من ورى هالاخبار :)

و كل عام و انت بخير

سدرة العشـــاق said...

عيدك مبارك و عساك من العايدين و الفايزين إن شاء الله

:)

خوش جابترز ... يعطيك العافية

Unknown said...

خوش chapters :)

وعيدك مبارك عزيزي
:)

Q80MINI said...

بالنسبه للفلسطن انا اقول فخار يكسر بعضه
بس المشكله ان احنا اللي ندفع فلوس الفخار من جيبنا
اما سالفه العمير صدقوني ماكو شي اسمه عضو اسلامي
لكن نقدر نسميهم ممثلين شاطرين ومن شطارتهم الزايده انكشفت اقنعتهم المتأسلمه الزائفه:-)

Anonymous said...

المهم عيدك مبارك وراشد الماجد هم زين
:)

Eng_Q8 said...

Selezya

اي زين جيكت :))
ماينزعل منج يبا

-----------------------------------

ابو شملان

وايامك سعيده ومنا ومنك صالح الاعمال حياك الله حبيبي

-----------------------------------

乂♥Not.ViRGo♥乂

انشالله
لا مو زين التدخين :))) بوكس ابيض مالبورو
بعد لازم نعطيها جو الصبح :)))

الله يعافيج الشر ما اييج وانتي بخير وصحه وسلامه

-----------------------------------

سدرة العشاق

وايامج سعيده ووياج ياختي الغاليه
مشكور
الله يعافيج
ريلج وينه مسافر ؟؟

-----------------------------------

مشاري

مشكوره :)
وايامك سعيده

-----------------------------------

Q80MINI

اي والله صاج

-----------------------------------

حمودي

ايامك سعيده يا بو جويس

بس رويشد احسن :)))

===================================

5roofa said...

Hiii

سوري تدري بغيت اقولك شلون بس مادري شصار و لهيت

عالعموم يعطي العافيه
q8i disaster

حط في بلوقه الطريقه و امبي طلعت سهله لوول

هذا اللنك يعطيك بالتفصييل شنو تسوي و شلون

http://q8disaster.blogspot.com/2007/12/how-to-put-youtube-video-in-blog-post.html

:p
الهديه لي انا لول

salamz dear friend...

DiLLi O MiLLi said...

أكو جرايد بالعيد
الراي (مو الرأي العام :) )تصدر بالعيد
واليوم شوف مقابلة السعدون فيها
:)

عيـــدك مبـــارك
وعســـاك من من العايديــن والفايزيـــن



:)

الحارث بن همّام said...

CHAPTER 1
ما لعبتها صح ياخوي :p

عيدك مبارك :)

على نفسها جنت براقش said...

عيدك مبارك

ههه
ختامها مسك
:)

اسوان

Eng_Q8 said...

5roofa

ok

تستاهلين الهديه يبا


-----------------------------------

DiLLi O MiLLi

قاعد اقراها :)))

ايامج سعيده :)


-----------------------------------


الحارث بن همام

والله ماعندي هالسوالف كبرنا خلاص :)

عيدك مبارك وعساك من العايدين

وشكرا للمرور الاول

-----------------------------------

براقش

ما بغيتي تدشين طايحتله بر :)))

وانتي بخير وصحة وسلامه

دمياط

===================================

سدرة العشـــاق said...

هلا والله ... معتزل بالعيد رايح البر

:)

برنسيس إيكاروس said...

ابني العزيز
أبادلكم الفرح والسرور في العيد وكل الأعياد القادمة ان شاء الله
ابني الغالي
صح لسانك .. انا معك في كل حرف قلته
صج ضاقت خلوقنا لكن هذا الواقع المؤلم
شنسوي ما تقولي
الملايين لغيرنا
والديرة تحتاج ترميم وتعديل وتغيير وتجديد و تجميل
وعين عذاري في كل شيء يخص المواطن والديرة
على كل حال
الحمد لله
مودتي
منى

Eng_Q8 said...

سدرة العشاق

سلمي عليه

زين يسوي يبيله راحه واستجمام :))


-----------------------------------

برنسيس

شكرا على المرور الجميل وعلى الكلام الرائع

ابنك المهندس
===================================

إبراهيم القحطاني said...

Chapter 5 : نعم صحيح , هذا هو حد اللواط في الدين. ولكنه مثله مثل حد الزنا أو السرقة أو الشرب
لا يطبقون الا باذن ولي الأمر

ووضع كعنوان في الصفحه لكي يشدو القراء ويغثونك :)،