Wednesday, January 2, 2008

كويتيين !!!



اول شي مبروك الجنسيه للمستحقين فعليا لها
ولكن على اي اساس خذوا الباجي الجنسيه ؟؟؟؟؟؟
يا جماعه امبين من الاسم ... واضحه وضوح الشمس في كبد السماااء .... اقروا الاسامي وراح اتعرفون ليش صعب
انهم يصيرون كويتيين ... خلوا هذا على صوب بس ابيكم تقرون الماده الي استند عليها القانون اوكي
الماده الخامسه
يجوز منح الجنسيه الكويتيه بمرسوم بناء على عرض وزير الداخليه لمن يأتي
أولا : من أدى للبلاد خدمات جليلة
.ثانيا : المولود من أم كويتية ، المحافظ على الإقامة فيها حتى بلوغه سن الرشد إذا كان أبوه الأجنبي قد طلق أمه طلاقا بائنا أو توفي عنها ، ويجوز بقرار من وزير الداخلية معاملة القصر ممن تتوافر فيهم هذه الشروط معاملة الكويتيين لحين بلوغهم سن الرشد .
ثالثا : العربي المنتمي إلى بلد عربي ، إذا كان قد أقام في الكويت قبل سنة 1945م وحافظ على الإقامة فيها حتى صدور المرسوم بمنحه الجنسية .
رابعا : غير العربي إذا كان قد أقام في الكويت قبل سنة 1930م وحافظ على الإقامة فيها حتى صدور المرسوم بمنحه الجنسية . وتعتبر إقامة الأصول مكملة لإقامة الفروع في حكم البندين (ثالثا ورابعا) من هذه المادة بشرط أن يكون الفرع مولودا في الكويت ومقيما بها ويكون إثبات الإقامة وفقا للإجراءات المنصوص عليها في المادة (21) من هذا القانون ، على أن يصدر قرار من مجلس الوزراء بتحديد العدد الذي يجوز منحه الجنسية كل سنة بالتطبيق لأحكام هذين البندين . ويشترط للحصول على الجنسية طبقا لأحكام هذه المادة أن تتوافر في طالب الجنسية الشروط المنصوص عليها في البندين (2و3) من المادة السابقة "

الحين القرار الي صار بالتجنيس كان وفق الماده الثالثه الي حصلوا عليها 556 شخص والماده الاولى الي حصل بموجبها هلى الجنسيه 17 شخص
والماده الثالثه شتقول؟؟ اتقول العربي من اصل عربي والمقيم قبل 1945
لا وقاعد بالكويت لين تقدم على الحصول على الجنسيه
أولا اذا كان بدون شنو يثبت انه عربي ومن اصل عربي
ثانيا في اسامي واااااااااااااااضح انهم مو عرب اشلون خذوها ؟؟؟
وهم اذا كان قاعد بالكويت من 45 ليش ماأخذ الجنسيه من زمان ؟؟؟؟
وللعلم اغلب المتجنسين هالمره من البدون
خلوا هذا على صوب اخر هالماده شمكتوب ؟؟؟ مكتوب لازم يكون مولود بالكويت ... اشدراهم انه مولود بالكويت واهو ماعنده شهادة ميلاد؟؟؟
وهم مكتوبان تتوافر لديه الشروط المنصوص عليها بالماده السابقه 2 و3 والي شيقولون
أن يكون له سبب مشروع للرزق ، وأن يكون حسن السيرة غير محكوم عليه لجريمة مخلة بالشرف أو الأمانة
أن يعرف اللغة العربية
يعني يكون له سبب للرزق يعني يكون موظف او عنده دكان ... هل كلهم جذي والا بطاليه؟؟ ...وهل كلهم مو محكومين لجريمه ؟؟ اصلا ماعندهم بصمه اشدراكم انه حرامي والا لأ ... وهل كلهم يعرفون عربي اقروا الاسامي وراح اتعرفون
يا ناس القانون واضح وصريح انا مااقول ان كلهم ما يستحقون الجنسيه لكن خل انكون واقعيين ونقرى الفقرات عدل عشان لا نظلم الديره ونظلم الناس الي تستحق الجنسيه
ماراح اتكلم عن الاعمال الجليله لاني مااعرف الي خذوها شسوو .... بس اتمنى انهم مو مثل داود حسين ونوال الي قدموا خوش اعمال جليله للكويت
ولكن شنو ذنب ابناء الكويتيات الي عاشوا وتربوا على هذي الارض؟؟؟؟؟؟؟؟؟؟؟؟؟؟ شنو ذنبهم واهم ولاءهم للكويت شنو ذنبهم واهم ما يعرفون اي شي عن ديرتهم الا جوازهم ؟؟ انا بسأل سؤال حق وزير الداخليه انت الحين طوفت الفقره الثانيه ليش ؟؟؟؟؟ من الاولى لي الثالثه ؟؟؟؟؟؟ الله واكبر .... ترى الظلم حرام والا لازم المسكين يحط واسطه مثل ماحطها كومار؟؟؟ ....يعني كومار وباقري احسن من ولد بنت الديره الي عاش فيها طول عمره ؟؟؟؟
ماادري اشصار في بنات الديره لما حطيتوا هالاسامي وطوفتوا عيالهم الله يعينهم ... ترى في ناس يستحقون شرف الجنسيه وناس ما تستحقها ... اهم شي الولاء لاجل الوطن ... هذا غير الاطباء والدكاتره البدون الي هاجروا بره الكويت واشتغلوا بره وقاعدين يبدعون اهناك ... مو احنا أولى فيهم ؟؟؟؟؟
لما قريت الاسامي قلت بشوف الماده شتنص عليه ... وهذا الي خلاني اكتب هالبوست ... يا ناس يا عالم احنا مو ناقصين علل على قلوبنا كفايه الي عندنا ... ليش الجنسيه صارت بالواااسطه عنوبوكم هذي جنسيه مو معامله بالبلديه عشان تصير فيها واسطات ....ترى الديره مو ناقصه والله مو ناقصه
اتمنى ان الجنسيه اخذوها ناس تستحقها ولا يصيرون عبيد حق الي توسطولهم .. ومبروك حق الي يستحقها ... والله يستر من الي ما يستحقها لانهم كثروا بالديره
لابد ان تكون هناك قراءه شامله لهذا الموضوع لانهم راح يكونون من المجتمع ولازم ما انجنس اي احد فقط لمجرد التجنيس
وعزائي للبدون الي اخوانهم كويتيين و للأم الكويتيه الي كانت ناطره هاليوم وحق الي ما عنده واسطه ويستاهله
واتوقع ان الصوره تعبر شوفوها عدل
الزبده يا تجنسووون عدل وبدون ظلم وواسطات وتعطون ناس ما تستاهل ... يا لا تجنسون ... والاحسن انكم ما تجنسون وسحبوا جناسي الي عطيتوها حقهم وفكونااا من عوار القلب.
اللهم لا اعتــــــــــــــــــــــــراض
وخطاك السو يا فهد العسكر ... وأجر وعافيه :))) يالله التجديد زين

56 comments:

Selezya said...

nak nak nak :p

صباح الخير :)

keeefhoom enshalah mnaa7 :p


زين .. اولا للي فعلا مستحقين عليهم بالعافيه والف مبروك

اما اللي عطوهم ومو مستحقين فماينفع الكلام الحين مفروض من البدايه وعموما مو حلوه تعطيهم الجنسيه وبعدها نطالب بانهم يسحبونها منهم .. عشمناهم فرح ماتسوى نكسر فيهم اخر شي :)

بعدين عادي يعني ليش انت معصب ومستغرب من اللي قاعد يصير ؟ الحكومة سوت شغلات اكبر من جذي فماراح توقف على هذي :)

الله كريم

Eng.S said...

صديقي..

كان لي الحظ و مريت بسرعه على اسامي المتجنسين حديثا

امانةً و لا انكر الشي هذا .. حسيت بغصة
من مجرد الاطلاع على الاسامي و محاولة نطقها ..
من متى كان طعمة كويتي و عقلة كويتي و خضيّر كويتي و باعون-طباخ الكليب اليمني و عمه *- كويتي وباقري كويتي ونيائي كويتي

؟؟؟
عزائي الوحيد هنا ان يكون قد قدموا و سوف يقدمون خدمات جليلية تستحق ان يتجنسون عليها

وعليهم بالعافية

الأن و احنا عيال اليوم:
لا يمكنني الا ان اقدم لهم كل احترام و ابتعد عن تسفيههم و النقص بحقهم لأنهم -اليوم- مواطنين مثلي لهم ما لي و عليهم ما علي بظل الدستور و قوانين المجتمع المدني..

و اتمنى من اصدقائي اصحاب الدماء الملونة و فداويتهم ان لا يقلبونها "عرس كواولة " عليهم

ويعطونا درس بالمساواة و العدالة بين ابناء المجتمع الواحد

;)

______
سؤال : شنو نوع الطاعة و الولاء اللي راح يقدمة كل من تجنس -بواسطة- لمعزبة اللي توسط له؟
وهل -كما يقال- سوف تشهد الكويت طفرة في اعداد الفداوية؟

الله اعلم!

Eng.S said...

*http://www.alwatan.com.kw/Default.aspx?MgDid=583210&pageId=26

إبراهيم القحطاني said...

أمس كنت عندكم وكنت رايح لأرض المعارض ... وكان واقف بجنبي واحد لابس الدشداشه الكويتيه والغتره الكويتيه , ومعاه زوجته وكم عجوز ... اللي يتكلم فيهم عربي بس الرجال وزوجته والباقين يتكلمون ايراني , قلت يمكن انه مو كويتي بس قالة لي زوجتي لا عادي درسو معانا بنات جنسيتهم كويتيه ولهجتهم عربي مكسر...


اللي حتى العربيه مايعرفها وشلون ياخذ جنسية الديره ؟؟

هذا يدل انه ماله مده فيه الكويت , وثانيا ماله ولاء لنفس البلد بدليل حتى اللغه ما اهتم فيها.


اهم شئ قولي واحد متزوج كويتيه وساكن بالكويت ويشتغل فيها يعطونه ولا مايعطونه ؟؟
:D

bass said...

اسعد الله صباحك مهندسنا

ما عندي تعليق على الي تم تجنيسهم والله يساعد الي ناطر من 2000 و امة كويتية و تنطبق علية الشروط و ما جنسوه لان ما عندة واسطة :((

اما عن الاعمال الجليلة الي اعرفة انهم عنوز ولاسباب سياسية تم تجنيسهم لاحظ انهم عائلة واحدة

دمت بخير

Someday said...

There was a law?!?!?! why are you hurting your heart?!?!?! wa96ah!!!=no law!!!! ma tadrey!??!

someone_q8 said...

السلام عليكم
اللي يستاهل الجنسية وقدم خدمات جليله وفيه شهود على اعماله التي تدل على ولاءه وحبه للبلد يستاهل الجنسية
اما اللي ما يستاهل فهذه امور لا انا ولا انت نقدر نتحكم فيها خصوصا اذا تدخلت المصالح الشخصية اهنيه نوقف
وسواء شنو كان اسمه مو مشكله لان فيه ناس عندها جنسية واساميها الله بالخير
فالاسم مو مهم كثر ما هو مهم حب الارض والولاء

Eng_Q8 said...

Selezya

ندري انها سوت شغلات اكبر بس هالموضوع توه صاير يعني ما يصير اتحلطم .؟؟؟
حتى التحلطم ممنوع شسوي انتحر

-----------------------------------

Eng.S

اللهم لا اعتراض
واحنا ناقصين فداويه

-----------------------------------

ابراهيم

حياك الله بالمدونه

وعندنا وعندكم خير حتى في ناس السعوديه ما نفهم كلامهم
لا ما يعطونه مثل ما انتوا ما تعطونه€

وحياكالله

-----------------------------------

بس

وصباحج يبا

ملاحظ يبا ملاحظ ... بس شنسوي جنسوهم وخلصوا الله يعين

-----------------------------------

Someday

ادري والله ادري بس الي يقهر ان القانون موجود ومايتطبق ليش ماادري
ادري بس بالعها وساكت
-----------------------------------
someone_q8

عليكم السلام

عدل ولكن هل الولاء موجود ؟

===================================

Fahad Al Askr said...

مشكور يا الحبيب

ولمطالعة الأسماء يمكن الرجوع لدينا، فقد انتقينا عينة عشوائية منهم

darkness said...

مساك الله بالخير


انا لما قريتهم

طلع على ويهي علامة

!

كبيره

لا

كبيــــــــــــــــــره


و لازالت العلامة موجوده

:(

Eng_Q8 said...

Fahad Al Askr

العفو حبيبي تستاهل

شايفهم وزهقان منهم

-----------------------------------

darkness

مساج الله بالنور

وانا مثلج والله

===================================

5roofa said...

اول شي حمدالله على سلامه فهد العسكر نور بوجوده

و امبي انا قريت الاساماء حوليت والله قلت جذبه راس السنه

يعني مو صج الاسماء

بس الي اعرفه في ناس خذت تستاهل بس مو محطوطه اسمها بس والله حرام في ناس ناطره سنين و عيالهم راحو و شبابهم عشان هالديره و ماكو تقدير حتى بمداليه

و ناس

استغفر الله شتقول بس

الله يخلي الديره و يحميها من اي شر يارب

mashkor 3ala el post

o salmtek men el gahar friend

salamz dear...

Eng_Q8 said...

5roofa

انقهرنا وخلصنا

هذي ديرتج اتحب اترز الي يعاديها دايما توقف مع الي ضد مصلحتها لييييش ماادري

اللهم لا اعتراااااااااااض

على نفسها جنت براقش said...

المفروض يعطن جناسى لعيال الكويتيه
مثل ما يجنسون الغير كويتيه اللى متزوجه كويتى


و اللى يضحل قوقه اللى مجنس مادة اولى

لان مدير بجلوبل
ما قصرت مها الغنيم سوت له خوش واسطه

مادرت انها علمته الرمايه و قريب يرميها

على نفسها جنت براقش said...

المفروض طباخنا الهندى اللى صار له عندنا 37 سنه يعطونه جنسيه لاعماله الجليله

:)

Eng_Q8 said...

وعذا قوقه شسوى اعمال جليله؟؟؟

اذا دبدوب بكبره ماخذاها لانه مسيحي

وحتى حارس مخيمنا

الجنسيه صارت قرقيعان

Sn3a said...

مادري شقول
كفيت ووفيت بش مهندس
الله كريم
وربي لايضيع حق احد

strawberry said...

انا من القهر راح اكتب بالعربي

عشان الناس تستوعب ستروبيري على شنو معصبه

طبعا انت بدعت قلت كل اللي بخاطري ما عندي شي اقوله شلت همي ثانكس

بس انا اشوف اللي اولى ياخذها اهم ابناء الكويتيات قبل لا كومار اللي دافع عن لكويت ياخذها

وحدها مرارتي بتنفجررررررررررررر

مبروك للي يستاهلها

Coconut said...

7adaa 9ij kalamik.. o shay fe3lan yeghaaar!

mabrook 3ala ely yestahloon

هذيان said...

الله أقوى يا نصيبي وأنا وش بيدي كل ما عدلت واحد يميل الثاني....؟


دشنها يا مهندسنا أخاف بعد 30 سنة يصير تراثنا

أبوجنتا شامه عليه الليل ما نامه
مع اللحن العراقي وكثر الدنابك


اللهم لا أعتراض
ومدام يا رب خلقتلي دمعي من حقي أبكي

العرزالــــــه said...

اللي يضحك ان مجنسينهم بالخمطه

بس شياطين مفرقين الاسامي عشان مانيمع شكثر مجنسين من كل قبيله

دعسان خيفان سحلول مدلول ابرا كادابرا

تقول اسمه يطلع لك المارد يقولك شبيك لبيك

strawberry said...

العرزاله
لووووووووووووووووووووووووووووووووووووووووووووووووووووووووووووووووووووول

strawberry said...

حتى اللام نسيتها :/

marshmallows said...

العرزاله حده لووووووووووووووووووووووووووووووووووووووووووووووووووول صح والله صح

Najmah said...

كل شي صاير عشوائي

يالله شنسوي بعد

الحمدلله على كل حال

كل مكان تحلطم تعبنا :(

صبا said...

والله قهر!!

ومبروك للي يستحقها

وعليهم بالعافيه

الخيلاء said...

الله يحفظنا بحفظه .. يعني كلش الاسامي ماتشجع الواحد يقراها .. مبينه اصولهم و جناسيهم شنو مايحتاج واحد متبحر بالاصول واضحين وضوح الشمس

Eng_Q8 said...

Sn3a

مشكوره الله كريم

-----------------------------------

strawberry

سلم قلب المعصبين

اسم الله على مرارتج يبا :)

-----------------------------------
Ge6awEe

مشكوره وسلامتج من القهر
شكرا للمرور الاول

-----------------------------------
هذيان

لا تنسين الهبان والدبكه واغنية كورباني

-----------------------------------

العرزاله

لوووووووووووووووووووووووووووووووول

اي والله صاج

-----------------------------------
Najmah

اي والله عشوائي

هذا مو تحلطم هذي قراءه للواقع الاليم

-----------------------------------
صبا

اهو قهر قهر

-----------------------------------

الخيلاء

:))في كبد السماء

وهذا الي قهر
===================================

بعثرة مشاعر said...

اللي يستاهلونها عليهم بالعافيه
و اللي معطينهم الجنسيه و مايستاهلونها و في غيرهم أولى بالجنسيه ؟

بس والله ساعات اقول بيني و بين نفسي
خلهم ياخذونها لما اشوف بيوتهم و مكانهم اللي عايشين فيه
يكسرون خاطري
أحس حرام مساكين لو مايجنسونهم شلون بيعيشون ؟
لا سفر لا هويه لا سياره لا مستشفيات

يمكن دعو ربهم و الله استجاب لهم و تجنسوا
:)

بس هم بعدين اقول لو كل من هب و دب بيجنسونه شيبقى من الكويتيين

احنا بروحنا شويه و مو سالمين منهم

الله يحفظنا و يحفظ ديرتنا من كل سوء

يعطيك العافيه عالموضوع :)

كــويـت الـيـوم said...

تعليق بسيط
لازم يتم توضيح شنو الخدمات الجليله
لانها صارت لغير البدون
وكلهم يحملون جنسيات اخرى

rai said...

http://lipralyq8.blogspot.com/2008/01/blog-post.html

وعلى قولة واحد
"ابوووج من ديرة"


يعطيك العافية

Anonymous said...

اى حيلك فيهم منو الى يفهم بس تملى بجربه مشقوقه للاسف

OveR SeaS said...

موضوعك شامل وفيه الكثير من النقاط الواقعيه بمنظور محترف وبعيد عن الاسفاف

يعطيك العافيه

Eng_Q8 said...

بعثرة مشاعر

محد طقهم على ايدهم وقالهم لا اطلعون جناسيكم الاصليه

وبعدين الكل يدعي .. ودعوة الام ما بعدها دعوه ولي الحين ناخذوها عيالها

لو على الدعاء جان الكويت الحين مو جذي عسى الله يحفظها لنا

وانتي قلتيها احنا مو ناقصين

-----------------------------------

كويتي

صحيح لازم انعر شسوو عشان ياخذون الجنسيه

-----------------------------------
cheb_ali

ابوج ديره :)

هذي مالتي :)

-----------------------------------

اني موس

قصدك ننفخ بجربه مقظوظه
:)))))
بس اذا مشقوقه لازم انخيطها

-----------------------------------

OveR SeaS

شكرا على هذا الاطراء

الله يعافيك

===================================

حياتي هدف مو عبث said...

وللحين ما شفنا شي
الله يستر
لا يطوفكم الصبيح بس ويوم دق وزير الداخليه ومعصب ويقول عيب يا أهل الكويت :)

على الكويت السـلام

وعلى البركه للي يستاهل الجنسيه
واللي ما يستاهل .....
ما ودي أكمل
حدي منقهررره :(

Eng_Q8 said...

حياتي هدف

ليش شقال الصبيح ؟؟؟؟ واي صبيح فيهم

الله يستر على الديره

وسلامتج من القهر يا اختي العزيزه

strawberry said...

حياتي هدف مو عبث

انا تابعت الاخبار لي نهايتها
اصلا من الاساس ماكان المفرووض كومار وربعه يتجنسون الا بعد ما يبحثون عن حياتهم اما سالفة الصبيح هذي ابدااااااااااااااااااااااااااع
هذي غلطه والغلطه الثانيه انهم لو اسحبوها راح يكسرون بالشخص نفسه عطوه امل وونسه واخرتها جذي يصير
هذي الاشياء مو من طبايع ديرتنا

----------------
eng-q8

ysalmk baba

esTeKaNa said...

على فكره:
الماده فيها تفصيلات وتفريعات قانونيه كثيرة تجعل مستحق الجنسيه لا ينالها الا بعد تحقق شروط كثيرة تفصيليه
!!
من هذه الشروط شرط الإقامه
الأقامه لابد تكون مشروعه
قانونيه
ومشكله الكثير من البدون شرط الاقامه
الكثير منهم عجز عن اثبات قانونيه ومشروعيه اقامته ودخوله البلاد
يعني السالفه ما فيها ظلم
اثبت مشروعيه وقانونيه اقامتك وانتقل للشروط الأخرى


وعلى فكره اهم حاصلين عليها ضمن ماده واحده ببنود مختلفه
:)
بالنسبه للبند الثالث كلمه اصل عربي المفروض ما تطبق الحين لانه وقت وضع هالقانون ما كان في قوانين جنسيه في دول مجاوره فكان يكفي يكون من اصل عربي بس الحين مافي ديرة ما فيها جنسيه فيفترض انه هالشخص عنده جنسيه اخرى والمفروض تطلع هالجناسي الاخرى
يعني لو كان اصله ما عنده جنسيه
ما اعتقد انه الفرع ما عنده جنسيه بعد
!!
وانا وياك اذا قاعد بالكويت من 4 كان المفروض ياخذها من زمان وكان يقدر ياخذها اذا مو على هالماده على مواد اخرى وقانون لجنسيه بكل مواده تغير مليون مرة لي اخر تعديل سنه 82

بالنسبه للميلاد اعتقد حسب ماده 21 يقدر يثبتها بأثباتات اخرى غير شهاده الميلاد مثل جواز السفر لانه البدون بالسابق كان عندهم جواز سفر
!!
وبالنسبه لمشروعيه الرزق مو بس يكون عنده مصدر للرزق لا لازم يكون مصدر محترم للرزق بحيث اذا تم تجنسه ما يصير عاله هلى البلاد يعني ما يصير يتم تجنيس طرار مثلا
:(
للاسف الماده قانونيا فيها ثغرات يقدر اصحاب الذمم المريضه تجاوزها
الغه العربيه مافيها حد
اثبات حسن السير والسلوك مو محدد
اثبات الوظيفه يمكن التحايل عليه
وعموما تطبيق الداخليه لقانون الجنسيه كله تطبيق خاطئ مو واقعي ولا قانوني
يدخل فيه واسطات وامور مالها معنة
يعني فعلا في ناس عاشو بهالديرة واثبتو ولائهم بالغزو بشكل يستحق انهم ياخذون الجنسيه
فعلا اعمال جليله
قارن ببساطة بين شخص خذا ميموري فيه كل معلومات البطاقه المدنيه ونقلها بره الكويت في الغزو
وشخص ضحى بروحه عشان الكويت
وشخص سوا لنا فوازير واستهبال
وخذا الجنسيه
!!
شنو معيار الاعمال الجليلله؟
اعمال استثائيه كبيرة
شي مافي مثله
اضاف للكويت وحماها من شي
!!
واي انا اسفه انفعلت
بس مو مني
من حرقه قلبي على ناس يعشقون تراب هالديرة ويستحقون الجنسيه فعلا تنطبق عليهم كل الشروط وما خذوها
وناس اساميهم بس تبشر بمستقبل اله يستر منه للبلاد
:(
على فكرة انصحك تقرا كتاب لدكتور رشيد العنزي قانون الجنسيه الكويتي وفيه فصل عن مشكله البدون في ظل قانون الجنسيه الكويتي

Anonymous said...

ايييييييه
قلبي متروسه

Eng_Q8 said...

strawberry

شسالفة الصبيح؟؟؟؟؟

وبعدين انتي شمقعدج لي الحين ما وراج امتحانات ؟؟

-----------------------------------
esTeKaNa

اول شي سلامة قلبج

ومشكوره على المعلومات القيمه

وانا معاج بكل الي قلتيه

ومشكوره على النصيحه اختي العزيزه

-----------------------------------

حمودي

كلنا قلوبنا متروسه

-----------------------------------

حياتي هدف مو عبث said...

أممم سالفة سالفه
خواته مغيرين إسمهم وأخوو مادري ولد عمه بالجيش الشعبي وو لوويه حده

باجر الجراايد كلها تطلع المستخبي :p

حياتي هدف مو عبث said...

عذراً الكومنت كله بدليات :(

Q8Disaster said...

ياخي حرام ولد الكويتيه ماياخذ جنسيه شفرقه عن الي امه مو كويتيه وابوه كويتي

انا اعرف واحد من ربعي امه كويتيه وابوه موكويتي تربى بالكويت وعاش حياته كلها بالكويت وكلامه كويتي

احسن من بعض الي امهاتهم مو كويتيات تلقاه يتكلم نفس لهجة امه ومايعرف كويتي

اذكر كان معاي واحد بالجامعه قبل والله مايعرف يتكلم عربي وابوه كويتي
نتكلم معاه بالانجليزي عشان يفهمنا

أبو شملان said...

ياخى واللة عيب

توهم يجنسون بعض طبعا مو الكل البعض من شهداء موكب الامير جابر الله يرحمة


الحادثة حصلت سنةة 88 وتوهم يجنسونهم
بعد 20 سنة
والله عيب اكبر من جذى اعمال جليلة شنو ؟

strawberry said...

eng_q8

awal shay lesh tzef :(((
thany shay shdarak ena 3endy emt7an @@
thalth shay ana darsa wem5al9a :((

Eng_Q8 said...

حياتي هدف

خلاص عرفت شالسالفه مشكوره :)

-----------------------------------

Q8Disaster

مي 2 بس الواحد شيقول الا اللهم لااعتراض

-----------------------------------

ابو شملان

ماكو :)

-----------------------------------

strawberry

عفيه على الشاطره ... بس هم درسي

انا ادري عن كل شي :))))

===================================

strawberry said...

eng-q8

looool
a5af elwalda galt lek

Eng_Q8 said...

strawberry

لووووووووووووووووووووووووووووول

اي تتشكى منج

strawberry said...

:(((

ana ma saowet shay lha??
aked btgool lek gelt laha saowy chay o0 ma saowat le??
wellah nadetha o0 ma radt 3alay??

looooooooool

Eng_Q8 said...

strawberry

:)))

strawberry said...

:P

bo rashed said...

حسين محمد علي مير شكاري نيائي

مهندسنا العزيز تكفه قولي هذا علي اي بند جنسوه يمكن بند الحداقين

:>

تحياتي

Selezya said...

لوول توني اقرا تعليقك
لا يبه تحلطم عادي احنا شعندنا غير التحلطم :))
اهم شي لا تنتحر بس

Selezya said...

انت نزل لنا بوست يديد بعدها كيفك :p

Anonymous said...

اتمنى سحب الجناسي من اللي اخذها دون وجه حق !!!

Eng_Q8 said...

بو راشد

لووووووووووووووووووووووول

حلوه بند الحداقين :))))

-----------------------------------

سيليزيا

تامرين :))

-----------------------------------

عتيج الصوف

جان زين

-----------------------------------