Wednesday, February 20, 2008

أأسف يا سيد

تحديث

تم اخلاء السفاره الكويتيه بلبنان لتلقيها تهديدات ؟؟؟؟؟

الحمدلله ان الوقائع تثبت كلامي ... في اخر هالبوست قلت القضيه هي اتباع حزب كان يحارب الكويت بيوم من الايام ومازال يحاربها... وراح اسويله هاي لايت باللون الاحمر هذا دليل على ان هالحزب الي ميتين عليه لي الحين يحارب الكويت فهل لي الحين تطلقون الاعذار لهذا الحزب؟؟؟؟ ؟؟

ومبروك الزياده :p

------------------------


لي زميل اعرفه منذ ايام الكليه واهو الان يعمل معي ايضا ... بصراحه لم اجد شخص باخلاقه .. فهو لا يسمع الاغاني بتاتا مع اني اطفره واشغل المسجل عناد بعدين اسكرها وايضا لم اره بحياتي يغش ولم ينقل الواجبات يعني ولا مره كوب الهوم ووركات لدرجة انه حينما نقول له لدينا الامتحان يضع يده على اذنيه لكي لا يسمع الاسئله ... احترمه كثيرا رغم الاختلاف الشديد بيننا بالكثير من الاشياء ... وايضا اتوقع انه لم يسب احد في حياته .. ودائما ما اقول له انك اشرف من الف مطوع و الف سيد ... فوالله لم ارى شخص متدين يحترم تدينه كهذا الشخص ... ومما يجب ذكره انه بعيد جدا عن السياسه لدرجة ان الصحف اليوميه لا يقرأها الا حينما نجلبها معنا للعمل واذا اراد ان يعرف شيئا يتصل بي او باحد الاصدقاء ليسأله ومن هنا احييك يا سيد على اخلاقك وعلى مبادئك التي لا تتنازل عنها وعلى تفهمك ولغة الحوار الجميله التي تتمتع بها


ان هذه المقدمه البسيطه عن هذا الشخص يجب ان تقال قبل ان ادخل بالموضوع مع انها لا توفي حق هذا الانسان رغم اني 24 ساعه مطفره :)


بالامس وجدت احد الاصدقاء وبالحقيقه هو ليس صديق انما اخ لم تلده امي فلن انسى مواقفه معي ايام الكليه وعلى فكره هو شيعي بالعمل وبعد السلام دار بيننا هذا الحديث


الصديق : شفت شصاير بالديره ؟؟

انا : اي والله يا بو علي شفت اشلون عشان تدري اني كنت صاج لما كنت اسولف عنهم

بو علي: اي والله ابن .... ما يستحي على ويهه اشلون يسوي جذي ما يستحي

انا : قلنالكم من زمان هذيل ولاءهم مو للديره بس محد يسمع

بوعلي : اتقولي انا قول حق الخمه الي ما يستحون

انا : الله يستر على الديره

بوعلي : تدري منو رايح عزا مغنيه ؟

انا : منو ؟؟؟

بو علي : كل دوانية فلان حاطين صورهم يبجون ... وهم فلان واحد ثاني رايح

انا : بققت عيوني .... شنو من صجك انت ادري انهم عنصريين بس مو لي هالدرجه

بو علي : من صجك انت ولا ازيدك من الشعر بيت لما قلت حق فلان الثاني هذا خطف الطياره وفجر موكب الامير تدري €شقالي ؟

انا : ماكو دليل ؟

بو علي : عليك نور

انا : وينه هذا خل اعلمه ان الله حق موجود اهني ؟

بو علي : لا مو موجود ... يا معود تركه خل يولي اشتبي فيه

انا : تدري يا بوعلي ان قالي شهيد والله لحط الجوتي بحلجه ... الا اشوفه هذا... مابقى الا هالاشكال بعد

بو علي : يا معود هدي اشفيك انت هذا خبل ما عليه شرهه

انا : خبل انعقله .. واذا ما عقل يا يذلف من الديره والا انقطه مستشفى الميانين

بو علي : يضحك ... خل يولي بس عنك ها اشلون المباراة اليوم

انا : قلتله امش بره بدخن بط جبدي


عقب ما رديت والا سيد موجود وجم واحد .. جان يقولولي اشفيك ... فقلتلهم السالفه


سيد : صج شنو هذا ؟

انا : بعد هذا الي صار

سيد : بس اكيد ان السالفه جذي

انا : يعني اقص عليك روح شوف الجرايد

سيد : بس يمكن مغنيه مو مفجر وحاطينها عليه

انا : سيد انت ما تدري شالطبخه وياي اتكلمني ترى مالي خلقك .. يعني اجذب مساعد الطيار والركاب واصدق عبدالصمد؟؟؟ على اي اساااااااس

سيد : لا تعصب انا بس بعرف شالسالفه بالضبط

قلتله سالفة مغنيه

سيد : لا حول الله هذا جلب اشلون شهيد .... لاول مره بالحياة اسمعه يسب هم عقبها قال استغفر الله

انا : بعد شسوي روح اسال الي سوو العزا

جان ينط واحد وانت اشدراك ان اهو الي مفجر ؟؟؟؟؟؟؟؟؟؟؟

ادري سؤال غبي

انا : اسكت لا اطلع حرتي فيك ما تعرف اتسولف سد حلجك ..... على فكره هم هذا مايدري وين الله قاطه

سيد : الحين عشان شيعي راح يخلونه بيزه ما يسوه

انا : شكووووو ؟؟؟؟؟ سيد ترى السالفه مو شيعي وسني

سيد : امبلا الحين شوف شيقولون عنا

انا : وانتوا شكو بالموضوع الحجي عن فئه معينه مو عن كل الشيعه

سيد : الحين يقلبونها علينا

انا : شوف بقولك شي انت لا تشوف الي يكتبون بالجريده والا الي يطلعون بالتلفزيون اغلبهم مسيسين وخالصين .. انت شوف الناس شوف اهل الكويت شوف ربعك شيقولون اما الباجي مالك شغل فيهم

سيد : بس هذيل الي يتكلمون

انا : مالك شغل فيهم يا يبا .. طول عمرنا عايشين مع بعض وطول عمرنا نعتبر اهل ومانفرق بين احد الا لما اطلعولنا الخمه الي منا ومنكم وسببوا التفرقه العنصريه الله لا يوفقهم

جان ينقز الحبيب الي كنت مكلمه بالبوست القديم جان تذكرونه

اهو : لا يبا احنا مضطهدين اهني

انا : والله محد مدلع كثركم ... مسوينكم يا دهينه لا تنكتين عشان لا تحسون ان في تفرقه

اهو : لا يبا غلطان كلكم متعنصرين علينا

انا : اولا انت تدري اني مو عنصري نهائيا وهالسالفه كلش مو في بالي ...طول عمري اشوف الكويتيين نفس الشي الا ما رحم ربي .. وثانيا لا تقولي متعنصرين .. اذا كان في ناس متعنصرين لا تقول كل السنه جذي .. وصدقني لو نبي انتعنصر جان ولا واحد فيكم قاعد اهني معانا

اهو : الكل ضدنا .... ولي صار شي الكل طلع واحنا هم بنطلع وانروح يا ايران يا جنوب لبنان

انا : روح محد قاضبك واذا انت تطلع اذا صار شي .. انا بصراحه مااقدر اعيش بمكان غير الكويت اموت ولا اطلع

ماادري شصار وصكينا السالفه وكل واحد شاف شغله عقب ما قرقت عليهم على الوطنيه والولاء


تذكرت سالفه قبل لا اكمل ... اهم شي اني اتذكر واكتب كلش مو مرتب ... اذكر السنه الي طافت تقريبا شهر سته جذي تكلمت مع واحد عن سالفة ايران وتفجير موكب الامير والجابريه ... موضوع طويل ماابي اتكلم عنه تدرون شقالي ؟؟

قالي لا تسمع حجي الدواوين واتصدق ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ الله اكبر عليك حجي دواوين .. طبعا ما خليته وماهدينا بعض الا لين بغت اتصير بينا .... بس بساله سؤال لي الحين اتقول حجي دواوين ؟؟؟؟؟؟


وبعد هذه النقاشات التي استعرضتها لي كلمة الى صديقي سيد ... أأسف يا بو علي ان هناك من يضرب الاخوان الشيعه جميعا فقط لان هناك من أبنوا من استباح دماء الكويتيين ... وأأسف يا بو علي على من يطلق الالفاظ النابيه على كل الشيعه فوالله اني لم اجد من هو في اخلاقك وفي التزامك ووطنيتك .. الى كل الاخوه الشيعه لا تنظروا لمن يتفوه بالكلمات عليكم فان لي اصدقاء اعزاء لا ارضى عليهم لاني اعرف موقفهم .. واعرف انكم لستم مع ما فعله البعض منكم ... واتمنى ان تقفوا مع الكويت بهذه القضيه التي مستنا جميعا فلا طائفه ستفرقنا ولا مذهب ... فاهل الكويت مذهبهم وطنيتهم وطائفتهم حبهم للوطن في وقت الشدائد هذا ما تعودنا عليه ... ولنضع الكويت بقلوبنا ... ونقف صفا واحدا امام من خان الكويت ببكاءه على من هدد امنها فهؤلاء لا يستحقون ان نطلق عليهم كويتيين ودعوا خلافاتكم جانبا وحاسبوهم من اكبرهم لي اصغرهم فليس المقبور الله لا يرحمه هو القضيه انما من يتبع حزب حارب الكويت يوم من الايام ومازال يحاربها ربي احفظ الكويت من كل مكروه قولوا آمين



الشيء بالشيء يذكر زورا مدونة براقش واشتركوا باستنكار ما فعله طيور الظلام



----------------------------------------

كلمة حق


برافو ... كلمة حق تقال للتحالف الوطني فاليوم في جريدة القبس الصفحه السادسه في تغطية ندوة التحالف امس الاول

اعلن عبدالرحمن العنجري عن اقامة ندوات وفعاليات في جميع مناطق الكويت من الجهراء وحتى ام الهيمان وعلى من يرغب في المشاركه ارسال اسمه ومنطقته على الرقم التالي : 4444911


رغم اني ما فهمت يعني شنو من يرغب بالمشاركه ولكن ... هذا ما كنت ارمي اليه بالفقره 2 من موضوع المراقب مع اختلاف المناطق فانا قلت من العبدلي لي الوفره :) ولكنها خطوه تحسب لهم


ومثلما ننتقد ايضا نصفق لاي عمل لاجل الكويت ويذيب الطائفيه والعنصريه برافو يالتحالف



---------------------------------



Forza Roma

Forza Capitano


La Roma La Roma La Roma


بكل فن ولعب وانتكه فاز فريقي العزيز روما على ريال مدريد ومثل ما توقعت فازوا 2\1 وانا كاتبها بالكومنت عندي وعند بس من قبل :)

وانشالله انكمل المشوار وما انخسر 4 بالاياب مثل ما توقعت بالسابق


وهاردلك يا بس :)


سؤال حق الانتروايه ... شهالفريق الدايخ بايطاليا مقزرها فوز وبره ولا ابيزه ؟؟؟؟ انتر و انتر وحالتكم حاله طاقينكم 2 والله فشلتونا ويقولون الحكام ما يغشون ودي اصدق بس قويه :)))



.


اللــــــــــــــــــهم لا اعـــــــــــــــــــــتراض

33 comments:

Selfridges Girl said...

:) i think we9al elly bagola atebe3 seyasyek ram 9gher yekhesh dakhla
ma3any wayed:P
lamma garait ely katba walla 7aait kash ebdeny 7asait eb e7sas 7elo madry sheisamona . 7adeth el6ayara ana ma kent mawjoda beldenya
lail7en kent al3ab fe ba6en omy:P
bas lamma galy oboy elsalfa 7ady en9edamt men el3amal elly sawa elmojrem mafroth yom wafata 3ed 7agna ente9ar aked allah khatha 7ag ahaly elshohada elly etwafaw fe elyom elmash2om
allah layfaregna:P
plz support our blog
www.thouq,blogspot.com
ow shaj3aw a3mal shabab kwtyen
ihope u will like our magazine
:P 3esht ya mr eng

Selfridges Girl said...

ana wayed mestansa awal marra im the 1st comment 3endek
coool:P
aby hadya:P

شقران said...

مهندسنا العزيز
تحية طيبة

أخي من جد كل يوم اكتشف فيك خصله طيبه..

ولكن عندي طلب

لاتعصب..هدي ولاتعصب..صحيح إن الكلام حينما يمس الكويت وشهداؤها يجعل الانسان يخرج عن حدود التـعــقّــل

ولكن يبقى العقل سيد الموقف


ومبروك الفوز
وهاردلك لـــبــــس

بيضتوا الوجه البارح

خير سفير للكرة الايطالية

أما ربع مانشيني فهذه عوايدهم خارج التراب الايطالي..ما شي جديد :)


لك أجمل تحية مسائية معطرة

المحــــــب/

شــقـــــران

Najmah said...

انزين في ناس يقولون نكره العنصرية
واهما أكثر ناس عنصريين
:\
الاختلاف شي طبيعي
بس المفروض الكويت تجمعنا

انا صايرة هالايام كله اقول
اللهم لا اعتراض
^_^

Kuwait said...

يعطيك العافيه مهندسنا
أحيك فيك غيرتك على الكويت
بس ما أحيك فيك هالعصبيه
لاني مثلك بأي موضوع يخص الكويت انسى نفسي وأصارخ واتنرفز واتناجر بالنهايه لما نخلص وكل وحده تروح بطريجها أكتشف ان كان ممكن نتفاهم بهدوء وعقل
وشخصيا أأيد كلامك من ناحية ان في كثير من اخوان الشيعه بيض الله ويهم ورايتهم بيضه وهذول القله القليله الي نسبتهم ماتمثل أكثر من صفر % ما ينتمون الا لشاكلتهم ولا يمثلون الا نفسهم
ثاني شي مبرووك على الفوز
اخر شغله حابه اقولها لك .. بوستاتك اكثر من رائعه وبالفعل تخلينا نعيش الموقف معاك .. إستمر وبإنتظار جديدك
تقبــل مروري :)

darkness said...

اللي قلبه مو على هالارض

و حشاكم جميعا حيوان و نذل ياكل من خير هالارض و ينسى

ليته يطلع

يبي يروح ايران لبنان العراق ان شاء القمر

دربه خضر و محد بيمسك فيه

و خير البر عاجله ليته يطلع من الحين و يفكنا


جد انقهرت من هالبوست

الخيلاء said...

لو خليه خربت .. هذيل فئه ما يمثلون الا نفسهم و تفكيرهم المنحرف و قلوبهم السوده

اما المباراه ..انا ما احب ريال احسهم مغرورين مادري على شنو .. :)

هاردلك حق الخسرانين و مبروك للفايزين :)

wa6an-alnhar said...

انا اضم صوتي لصوت الاخ شقران
لاااااااااااا تعصب
:)

هالطائفيين بيخربون الديرة و ماراح يفرق معاهم شي لان عندهم غيرها
بس احنا ماعندنا غير هالارض..عسى الله يحفظها لنا و يخلينا كلنا على قلب واحد

bass said...

مهندستا

نعم العقل سيد الموقف ، ماكو على كلام العزيز شقران :)

حستونا قل أعوذ برب الفلق :p


دمتم بخير

S-Q8 said...

ومانفرق بين احد الا لما اطلعولنا الخمه الي منا ومنكم وسببوا التفرقه العنصريه
عجبني هالحجي
و انا بعد دايما اقول يا عالم نفس ما في ناس مع بن لادن في ناس مع حزب الله و الفرقتين اقلية
بس ماكووو... الناس ملزمة انتو و احنا
جنا السالفة بين مسلمين و كفار و فريق منو بينجح
يعني هالعالم ما يفكرون شكثر احنا عالميا رادين ليه ورى
يعني بسوون تفرقة عشان نرد حق الجاهلية
الله يصلح الحال
و يعطيك العافية على هالبوست الحلو
و الله يكثر من امثالك
:)

سدرة العشـــاق said...

الله يعطيك العافية و يكثر من أمثالك

عسى الله يحفظ ديرتنا من الفتن و الحاقدين يارب

:)

بو حامد said...

صاحبي محد يجمع كل الاخوان الشيعه بعبدالصمد

فاول شخص بلغ عن العزاء هو كويتي شيعي وعندما بلغ قال ( الكلاب ) مسوين عزا حق مغنيه

ولا ربعنا ما يدرون شالطبخه لكن ربك حافظ

`~MnO YeNSa! ~` said...

اللهم لا اعتراض ..

المشكله احنا اللي ناكلها .. ونسكت ..وانخاف نظن بالناس ظن السو و تقول فشله وكلنا كويتيـــــــن ما يسوى بس اهما عند ويهك ما يحسبون حساب احد و اللي براسهم يسونه ..

الله كريـــــــــــم

مبروك فوز روما

Anonymous said...

اللهم لا اعتراض ..
مشكور اخوي

احمد

Anonymous said...

>>>>La Roma<<<

Forza Roma

Anonymous said...

الله بوست يديد .. وناسه


..
الله يعينك الصراحة غير تعب الدوام
تتعب نفسك بسوالف و نقاشات ..

بس تدري انك طيب حيـــــــل .. انت اتكلم عن طيب نية و يمكن كل اللي بقلبك على لســـــانك .. بس ترى غيرك مو جذي .. وانت الوحيد اللي راح تتعب وراح يعورك قلبك و اهما ولا ابالهم ..

والله طـــــول عمرنا عيشيــن عادي ولا قط فكرنا ان فيه عنصرية بين الشيعة والسنة .. ايام المدرسة و الجامعة و لا على بالنا .. يمكن بالجامعة شوي بس ما كانت يأثر على شعورنا اتجاهم ...
والمشكله الكبيرة ان في ناس تخرب على ناس والصراحة هذا الظاهر حق الاوادم الفئة اللي ربع عبد الصمد ولاري ..

الله يعينا .. مو حلو انك تشوف ديرتنا الكويت ..متشتته
جذي .. والله وضع يعور القلب


الله يسامحهم ..


استانس
فــــــــازوا روما
على البركة ..
عسى دوم مستانس ..
انشالله


الصــــــراحة فقدناك بس اشوه نزلت بوست يديد ..


لازم نغير الشفرة
(بيــــــــض الخعنفق )

العرزالــــــه said...

أحيي فيك روح الأخوه

:)

ezain_kilah said...

ينصر دينك على هالبوست! المتعصبين هذيلي آفات يبيلهم نسف سواء من الشيعة أو السنة ... الله لا يبارك لهم بمسعى يخربون فيه وحدة هالوطن

سؤال فني داش عرض مثل فقرتك الأخيرة هيهيهي... إي-سي ميلان مادري شنو إسمه غير عن روما لو نفس الشي؟
لأن ولد عمتي يموت عليه, وهم يقول فورزا

:p

Anonymous said...

يعطيك العافية على هالكلام
وطبعا مو كل الشيعة ولائهم الى ايران وحزب الله
اكيد في منهم ولائهم للكويت
واخيرا
مقال جميل
وقدم لنا المزيد دائما
سلام

Anonymous said...

اخلاء السفارة الكويتية في بيروت بعد تهديدات بقصفها

http://www.alaan.cc/client/pagedetails.asp?nid=9926&cid=30

حسبي الله عليكم

Kuwait said...

صدمني الخبر صراحه ..
يعني يكون طالعين فيها واقفين مع الي ما يتسموون ..
خل يستريحوووووووووووون
ويا جبــل ما يهزك ريح ياكوووووووويت حافظج الله ..

Snow White said...

مفيش فايده هذا أحنا ما نتعلم من تجاربنا السابقة صارت طقتنا ببيزه!!

الكل طمعان فينا وأحنا طيبين زياده عن اللزوم ورايحين نوزع منحه وقروض على لبنان وفلسطين واليمن والسودان... وفوق هذا ما يبين بعينهم!

والله أنا لو من حكومتنا أصك السفاره بكبرها ولا أعطيهم ولا فلس وبالطقاق اللي يطقهم انشالله..عساهم ما يربحون

Eng_Q8 said...

Selfridges Girl

اي والله المفروض يوم عيد
وشكرا على الكلام الحلو

مع اني مااقرى مجلات بس راح احط السايت بالبلوق ولا يهمج بس سؤال مو هذي مالت الحجيلان ؟

امري يبا شنو تبين هديه :>

-----------------------------------

شقران

هلا بالقاطع :)

مااقدر مااعصب ياخوي كل شي الا الكويت ياشقران واذا ماعصبنا عشان ديرتنا بنعصب على شنو ؟

الله يبارك فيك :>

حاظرين :>

يبا الرجال رجال روما وبس :)

-----------------------------------

نجمه

صاجه
صح

عاديتج :))) مو زين ترى تسبب السكر والضغط :)

-----------------------------------

كويت

الله يعافيج

موضوع يخص الوطنيه والولاء للوطن مااقدر اتفاهم فيه بهدوء

صحيح

الله يبارك فيج

شكرا :) وحياج الله
-----------------------------------

دركنس

صحيح

وسلامتج من القهر

-----------------------------------

الخيلاء

صحيح

فزنا عليهم

الله يبارك فيج

-----------------------------------

وطن النهار

مااقدر

الله يحفظها لنا انشالله

-----------------------------------

بس

كلامه على العين والراس

هذا فريقكم الدايخ ليش نحسده :p

وياج

-----------------------------------

نعناعه

شكرا الله يعافيج

-----------------------------------

سدره

الله يعافيج

امين :)

-----------------------------------

بو حامد

وايد ناس استفلوا هالموضوع لبث سموم التفرقه الطائفيه يا بو حامد

-----------------------------------

منو ينسى

صاجه

الله يبارك فيج :>

-----------------------------------

احم

العفو شكرا للمرور

-----------------------------------

انيموس

فورزا روما :>

-----------------------------------

انيموس

فرخ الخعنفق :)

الكويت تستاهل الواحد يعور قلبه عشانها اذا شاف شي غلط

الله يبارك فيج

وماتفقدين غالي

شكرا :)

-----------------------------------

العرزاله

واحيي فيك الروح الرياضيه :)

-----------------------------------

الزين كله

شكرا :)

لوووووووووووووووووووول لا غير و فورزا يعني تحيا بالايطالي :)

-----------------------------------

فهرر

صحيح

شكرا

-----------------------------------

انيموس

مو قلنا انهم ما يحبون الكويت بس محد يصدق

-----------------------------------

Eng_Q8 said...

كويت

خل يشوفون الي يدافعون عنهم الكويت فوقه كلهم انشالله

-----------------------------------

سنو وايت

لازم اترد هيبة الديره

-----------------------------------

Sn3a said...

مازادو اعانات الجامعه
حسافه

اني وي
الموضوع المهم
اخوي كلام زميلك عدل
صحيح ان عدنا واحمد لاري مايمثلونه احنا الشيعه
ولا نتشرف بتمثيلهم لنا
لكن مهما كان
محسوبين علينا
للاسف
فشلونا

والمشكله سوو هالجريمه بحسينيه
يعني بمكان تعليمي تثقيفي مقدس بالنسبه لمذهبنا


الكل يقول الكويت خوفنا ترد لل 80
لما التطرف الديني من الطرفين كان على اشده
والمشكله كل بلوة تصير بديره ثانيه
تمد ايدها بداخل ديرتنا

الله يستر
الله يحفظ الكويت

wa6an-alnhar said...

:(

عسى الله لا يوفقهم

الكويت بهالايام تمر بأحلى ايامها (العيد الوطني والتحرير)

الكويت بهالايام عـــــروس
خلوها تفرح بأحلى ايامها ونفرح معاها

لا يخربون فرحتنا هالطائفيين لا يخربونها
:(

نداء للعقلاء ... للعقلاء فقط
خلونا على قلب واحد و ايد وحده .. احنا مو سنه و لا شيعه احنا كويتيين
و مالنا غير هالارض

و اللي يبي الشر حق هالارض عسى الله يخلي كيده في نحره

Eng_Q8 said...

سنعه

دام في رجال يحبون الديره وينبذون الطائفيه

ايام الثمانينات ما راح اترد انشالله

كلنا ايد وحده

راح اكتب عن الزياده بالبوست الياي :)

-----------------------------------

وطن النهار

ذكرتيني بالوالده الله يطول بعمرها لما قالتلي متى تتزوج قلتلها لما اشوف الكويت عروس :)

وبجة نظري ماراح اتصير عروس الا لين الكل يوقف بوجه الفساد والطائفيين والعنصريين

يا زين الي ينادون العقلاء :p

وانا بعد وياها واناشد العقلاء خلونا على قلب واحد

وعسى الله يحفظ الديره من كل مكروه

-----------------------------------

Someday said...
This comment has been removed by the author.
Eng_Q8 said...

سم سم

والله يا يبا انا ما استحمل اذا شفت احد يغلط على ديرتي واذا عصبت هذا من حر مافيني

وفي ناس مو كفو تتكلمين معاهم بغلة الحوار لانهم ماراح يفهمون

اي ليش لا بسوي بريزن بريك كويتي

Selfridges Girl said...

yes

Eng_Q8 said...

اوكي :)

Selezya said...

اليوم وانا بالجامعه كتبت كومنت شطوله وشعرضه .. وينه @@

:( ضاق خلقي

Eng_Q8 said...

سيليزيا

كنت يوعان وكليته :p