Friday, May 2, 2008

تحليل الكويتي

تحديث
نفتك من الصباحيه تطلع لنا المنطقه الرابعه ..... وزير الداخليه شكرا ولا يهزك ريح



-1-


الكثير من الناخبين صعب ان تحلل افكاره او تفهمها بوجهة نظري ... فهناك من يصوت لابناء قبيلته فقط لانهم ابناء قبيلته وهناك من يصوت لطائفته او حزبه و لانسان لانه مصلي ومسمي ؟؟ او الى شخص مشاله معامله خدامه والمشكله كلهم يتحلطمون ومو عاجبهم الوضع والله هالناس معقديني


ليتجرد الكل من انتماءه القبلي والطائفي والحزبي وارجوا ان تكون هناك وقفه مع النفس والتفكير بمصلحة الكويت .. لماذا عندما ياتينا شخص بادله واثباتات على تجاوزات نجد من يحاربه وللاسف انهم يمثلون التيار الوطني ويقولون كلام مايدش العقل .. لماذا عندما يكون هناك مرشحين نعرف يقينا انهم غير اكفاء وللاسف يستميت عليهم البعض لانهم ينتمون الى هذا الحزب ؟ اليست الكويت اهم من التيار او القبيله او الطائفه


لماذا اصبح المجتمع الكويتي يهمه النائب الي يصرخ وتهمه اسقاط القروض وازالة الدواوين واصبح هذا الطرح هو الذي يفوز وهو المطلوب .. لماذا اصبحت المصلحه الشخصيه فوق المصلحه الوطنيه .. لماذا ننتقد الاشخاص فقط لاننا سمعنا فلان ذمه ؟؟؟؟ من الممكن انها تكون اشاعه او ما شابه ذلك هل يتعب الناخب اذا تقصى الحقيقه بنفسه هل من الصعب سؤال اشخاص اخرين هل من الصعب حضور ندوته وسؤاله عن ما يدور حوله ؟؟ او انها اصبحت موضه واصبح هذا الي ماشي


ولماذا عندما يسرق او يخالف القانون فلان لا يحاسب وعندما يفعها شخص اخر يحاسب ؟؟ ليش لان هذا ولدنا ... رفقا بالكويت يا شعب الكويت اقسم بان قلبي يتقطع حينما ارى ما اراه من هذه الامور .. الكويت اولى من اولوياتكم الشخصيه الكويت اولى من قبيلتكم او طائفتكم او تياراتكم .... لماذا تهاجمون من يقول الحقيقه ويضع الكويت نصب عينيه لماذا هذي الصراعات القذره التي تدار الان من اشاعات وكلام يعجز لساني عن ذكره


تحليلي المتواضع لهذا الموضوع هو القوانين المايعه التي لا تطبق الي يبي يتوظف لازم واسطه الي يبي يترقى لازم واسطه اجازه دوره معامله واسطه بتييب خدامه واسطه حتى لو بتشتري سندويشه فلافل وااسطه .. لا قانون يحكم الواسطات ليس هناك مبدأ تكافؤ الفرص ليست هناك قوانين صارمه تجعل من يتلاعب بالقانون يقف عند حده هذا غير غسيل المخ ... اذا لم تقف معي فانت ضدي ؟؟؟؟ واذا انت طالبت بشي انت من التيار الفلاني ... صار كل شي حكر لهم واذا ناقشته ينثول ولا يعرف يرد


ما الحل ؟ الحل مو بالترشيد .... الحل بالتجرد من العاطفه الحل بالتجرد من النعرات الطائفيه والقلبليه والفئويه البغيضه الحل بان يذهب الكل للتصويت ولا يقول ماذا سأغير لحل بوقوفكم صفا واحدا امام هذا التحدي .. اعطوا لمن يستاهل الوصول للمجلس ويرضي ضميركم ... لا تدعون احد يؤثر على ارائكم انها امانه فأدوا الامانه يا اهلي ترى والله الديره محتاجه حق وقفتكم


-------------------------------


-2-


صديقي : الو شفت منصور المحارب ؟

انا : لا والله انا ادري انه نزل بالثانيه بس ماادري عنه لان وقتها كانت دائرة الشويخ محسومه

صديقي: شوفه ياخي ذكرني فيك لما تتكلم

انا : اوكي


منصور المحارب سمعت عنه من احد الاصدقاء وقال لي كلام بانه حرامي ومختلس ومن هذا الكلام وانه بديوان المحاسبه ورأى قضيته .. طبعا انا مالي شغل بالكلام وقلت بشوف الريال ... نطرت لين سوو معاه مقابله ... بصراحه كلام جميل ومنطق ووطنيه اعجبتني كثيرا فهو يقول ما نقوله هنا ... اذا لماذا هذا الحجي الي يندار عليه


كلام كثير سمعته عن هذا الرجل وهو قد اوضح القضيه التي يتكلمون عنها بالتفصيل ... لست بالدائره الثانيه ولا اعرف الرجل ولكني لا اعتقد ان رجل يتحدث بهذا المنطق ان يكون كما قالوا لي .. ليست دعاية انتخابيه لهذا الرجل انما لاوضح ما ذكرته باول البوست .... ممكن انا اقتنع فيه لكن غيري لأ ... ولكن لا تكونوا خلف الاشاعات الله يرحملي والديكم .... حكموا عقلكم


-----------------------------------


-3-


بقناة فلاش ذكر عبدالله السلمان ان المرشح الذي طلب الاسئله قبل المقابله هي اسيل العوضي .... وانا ماراح اعلق ولا راح اقول شي بس بذمتكم هذا حجي .... ولو سمحتوا لحد يجرح بالريال عندي بالكومنت ... الريال قالها واهو مسئول عن ما قاله روحوا حاسبوه اذا كان ما قاله غير صحيح ...... عن نفسي ماابي توضيح لان كل شي واضح عندي من زمان وضحوا حق الناس وبصراحه استغربت ان محد ياب طاري لهذا الموضوع مع انه بوجهة نظري مهم جدا


-----------------------------------


-4-


الشايجي و الصانع بيرفعون قضيه على الي يشوهون صورتهم على حد قولهم ..... سنرى ما سيقوله القضاء


----------------------------------


-5-


مبروك للقادسيه وهاردلك للعربي ..... وهيا هيا القادسيه ...... ويالعربي جتوري هالسنه ماكو شي مو بس دوري

وعقبال البلوز يفوزون على مانشستر بس عناد مااحب مانشستر


---------------------------------


-6-


اعجبتني فكرة اخونا المتميز بالطرح حسافتج يا كويت وانا من اولها طعنت بالاتخابات عنده :)


--------------------------------


اللهــــــــــــــــم لا اعتـــــــــــــــــــــــــــــــــراض

31 comments:

Q80 Blogger said...

اشدعوه فرحان جذي يعني !!

كانت واضح للأصفر

ولا تخاف .. تشلسي يعرفون حق الشياطين .. راح يبجونهم

Eng_Q8 said...

ياخي روما اطلعوا

خل استانس شوي :p

بعدين انا قدساوي متعصب

انشالله يسوونها البلوز

كويــتي لايــعه كبــده said...

القادسيه؟ ...العربي؟

في احد يتابعهم ليلحين !؟

:)

Eng_Q8 said...

كويتي

انا :p

عايشة العلي said...

لووووووول شي جميل في متابع للقادسيه ومتعصب بعد عبالي بس انا صج بدعو اليوم والله يعين العربي على الشماتة :p

5roofa said...

لووول مبرووووووووك

:P

salamz dear...

Kuwait said...

يعطيك العافيه مهندسنا ..
ان شاء الله بنتجرد من كل شي يوم الانتخابات ..
شخصيا أهم شي عندي يوم الانتخابات اني آخذ كامرتي واقزرها فراره وتصوير ..
والا اشرايك ؟؟ ;p
منصور محارب انا بعد وايد سمعت عنه كلام كونه مرشح دائرتي مرتين هالسنه وسنة 2006 ..
قد يكون الكلام من منافسيه !!
مابي ادش بالتفاصيل لكن الي فيه خير للديره ان شاء الله يفوز ..
ملاحظه : رفيجك يقول
" ذكرني فيك لما تتكلم "
السؤال انت نفسه صوت وصوره ؟؟
لووووووووووووول ;p
للأسف يطيح من عيني المرشح الي ماعنده قدره على مواجهة المجهول ..
المرشح اذا ما كان اصلاحي ووطني ومتحدث بالدرجه الأولى وسريع بديهه وعنده الشجاعه والقدره على المواجه والرد فما يستاهل الوصول ..
ما يشوفون شر خل يرفعون قضيه والقضاء يحكم ..
مبرووووك للقادسيه بس جم فازوا ؟؟
يكون أدري وفاهمه شسالفه <---
حتى انا اعجبتني الفكره ...
بس استغربت ان الشباب يسوون دعايات انتخابيه والبنات على طول ينتخبون اتهقى ليش ؟؟
يا انتوا منافقين أو انتوا منافقين
لووووووووووووووووووووول
أدري بتكفخ اليوم وما راح أطلع من مدونتك الا وانت فاعلني ..
بس كله يهون لأجل الكويت <<< حد امه شكوو
تقبل مروري..
KUWAIT

Eng_Q8 said...

كويت

انتي مدرسة اجتماعيات ؟؟؟

مشالله شهالكومنتات بوستات بوستات

انا عندي اقتراح انج تسوين كوبي وبيس من كومنتاتج واتسوينهم بوستات

:p

الله يعافيج :)

انشالله ديري بالج لاياخذونها منج

لا انا احلى :p

وانا بعد

2\0

لا محد فينا منافق انشالله :)

لوووووووووووووول

حياج المدونه مدونتج يا يبا

Kuwait said...

لوووووووووووووووووووول
خلاص شورك وهداية الله ..
بفتح مدونه يديده حق كومنتاتي ..
;p
مدرسة اجتماعيات ما أصلح لكن مدرسة قرقه وتعليم أصول وفنون المرأه الكويتيه في السوالف والتحلطم هذي ممكن أصير وبجداره ..

Eng_Q8 said...

kuwait

زين اتسوين :)

ممممممم والله خوش ماده لازم نقترح انهم يحطونها بالمدارس ومنا لنوريه الصبيح

:p

بـنـت بـطنـهـا said...

السلام عليكم ورحمة الله

يا هلا انجنير .. اول شي ألف مبروك فوز القادسية الله يثلج صدرك على هالخبر ..
ثاني شي بالنسبة لمنصور محارب انا وايد عاجبني طرحة وحرقة قلبه على الكويت وبصراحة ما سمعت سالفه الاختلاس اتوقع انها اشاعة استغفر الله الكل صار مختلس الحين .. الواحد لو ينزل الانتخابات ما يدري منو طقاقه
ويبقى الكلام بذمة الراوي
بالنسبة لطلب اسيل حق الأسئلة انا ما اشوف فيها شي ولو ان المفروض تكون اجاباتها جاهزة لأي سؤال..ويبقى الكلام على ذمة الراوي ايضا..
وفكرةحسافتج يا كويت فكرته عجيبه بس للأسف ما اقدر اصوت لان اغلب الاسامي اللي حطها ما قريت لها..يبيلي اخلص بحوثي كلها وتالي اقعد افصصهم واصوت :)
واضم صوتي لصوتك .. نعم مصلحة الكويت فوق كل اعتبار
يعطيك الف عافية وما قصرت على هالبوست :)

عايشة العلي said...

سلامات ماتشوف شر مو قصدي اصدع راسك :pP

Anonymous said...

مهندسنا


منصور ما اعرفة ولا اعرف حرامي ولا شريف

لكن برافو علية نزل ضد الخرافي وعندة جريدة من قبل جريدة الابراج وما خاف يحرقة الخرافي بسعر الورق


صراحة عجبني

أما عن رقم 6 فاحب اقولك تم رفض دعوتكم بالطعن لعدم الجدية برفع الدعوة لذى نحن بإنتظار تصويتك بالمدونة حتى ننتهي من الفرز بسرعة

Eng_Q8 said...

بنت بطنها

وعليكم السلام والرحمه

الله يبارك فيج :)

وانا بعد عاجبني ... صاجه

المتعارف عليه يا اختي العزيزه هو معرفة محاور الاسئله او محاور الحلقه مو الاسئله .... ممكن نعطيها الاسئله وناس ثانيه تكتبلها الاجوبه شالفايده ؟؟؟؟؟

صوتيلي عور :p

الله يعافيج

Eng_Q8 said...

عايشه العلي

الله يسلمج

اطالبج ببندول :)

--------------------------------

حسافتج

وانا عاجبني طرحه

لوووووووووووووووووووول

اهم شي لعدم جديته

--------------------------------

Kuwait said...

بالنسبه للتحديث ..
أعتقد ان الي صاير موضوع كبير وما ينسكت عنه ..
عشان فرعيه قاعدين يسوون جذي ..
قاعدين يتحدون القانون وقاعدين يمحون هيبة السلك العسكري الي نصه من اهلهم وربعهم ..
أنا أعتقد اذا اليوم يسوون جذي عشان فرعيه باجر يسوون الأردى ..
أتمنى من وزير الداخليه اتخاذ اجراء حازم والوقوف وقفه جاده لمسح هذه الظاهره ..
سواء بإصدار أحكام قضائيه تمنع هؤلاء من حقهم في الانتخاب أو الحبس ليعلموا أن لا أحد فوق القانون ولا أحد يستطيع التمادي لمسح هوية الأمن الداخلي ..
يعطيك العافيه ...
وصج الي صاير مهزلـــــه بحق الديره ..
تقبل مروري ..
kuwait

Anonymous said...

بعض الأغبياء يشعر انه قد تجرد من ملابسه إذا تجرد من عواطفه واعمل عقله !!

White Wings said...

كوكتيل مهم من الأخبار والملاحظات
أهم شي قضية الشايجي والصانع، ودي أعرف شبيصير
:)

JuVeNTiNa said...

مع اني ما احب الدوري الانجليزي بس أبي تشلسي يفوزون .. لأن كان مدربهم مورينو .. هاهاهاها

جان زين يدرب اليوفي

Eng_Q8 said...

كويت

ااااااااااه يا كويت انا اقول بس حسافه عليج يا ديرة هلي

--------------------------------

محسد

حكمه :)

---------------------------------

وايت وينجز

وانا ودي اكثر منج وجان زين يدينونهم ورد عليهم القضيه عايدي

---------------------------------

اليوفي

شعور متبادل :)

مو الي يحبون الايطالي ما يحبون الانجليزي مسجله تاريخيا هذي :)

اليوفي شكله بياخذ الدوري وروما بس يطالعون :(

==================================

فريج سعود said...

اي ريال الي ما تبي احد يطعن فيه عبدالله السلمان ؟؟
من صجك ؟
كرهك لمانشستر ما يفيد روما وملكهم الياهل

Eng_Q8 said...

فريج سعود

ماابي كلام جارح يا بو سعده

وصدقني اعرف سوالفه واهو مال تقديم ولكن مااي توصل السالفه لي التجريح فقط لا غير احتراما للمدونه

روما انمشيها

ملكهم مااااااااالك شغل فييييييه

الا توتي

ترى صج اتصك هوشه .... توتي محد يتكلم عنه

واتسمي فريقكم فريق يا عمي طير انشالله لا دوري ولا دوي ابطال

بـنـت بـطنـهـا said...

ما اتوقع يخلى اللقاء من الأسئلة المفاجأة حتى لو كانت الاسئلة او محاورها مجهزة مسبقا راح يبين صدقني

وتستاهل الصوت بصراحة

بـنـت بـطنـهـا said...

نسيت لا أقول يا رب يتطبق صج قرار التصويت عن طريق السفارات للطلبة اللي يدرسون بالخارج

kuwaitya_7saweya said...

ماقصرت ياوزير الداخليه


والف ومليون وزليون مبروك للقادسيه

rai said...

في ناس اذا رفعت حق مرشح او شخص توصله لي مكانة النبي المعصوم
الي لايخطأ ولا يغلط
انا ماخذ مبدأ انه كلهم خرطي
اولهم على تلاهم
الخير يخص والشر يعم :)

wa6an-alnhar said...

-1-

صح لسانك يا مهندسنا
الكويت هي القبيلة والطائفة و الحزب

و الدليل ان انا على وشك اقعد عند المحول و اكتب عالطوف
;p


-2-

لا تعليق لاني ماعرفه

-3-

خلهم على الخطر معهم احسن
;p

-4-

بس عاد ماوصي الصانع وهو رايح المحكمة خل يتصنع ضيقة الخلق ويسوي روحه خانقته العبره مثل ما مثل بإعلانه (علشانهم)

-5-

مبروك مبروك للقدساوية

-6-

مهندس صوت لك
:)

Salah said...

الله يسمع منك ونقدر نصوت حالنا حال خلق الله

ومبروك للقدساوية

:)

Eng_Q8 said...

بنت بطنها

المحاور ومو الاسئله

واحنا ما نبي احد يحفظ ولا نبي من يحركونه

وبعدين اذا بين بسؤال ممكن يرقعونله

هذا رايج :)

انشالله يستاهلون عيالنا

---------------------------------

حساويه

حاظرين :p

الله يبارك فيج :)

---------------------------------

بو علوه

صحيح :)

---------------------------------

وطن النهار

لوووووووووووووووووووول

صح بدنج :)

2 عرفيه خوش عقليه

3 والله بصراحه الريال اثبت وجهة نظري فيها ولا تصيرين عنصريه .... وشوفي حلقة انور الرشيد امس بالوطن

4 انا بضحك اذا كسب القضيه

5 الله يبارك فيج

6 كفو :)

----------------------------------

بو صلوح

انشالله

الله يبارك فيك :)

===================================

حلم جميل بوطن أفضل said...

عاجبك وزير الداخلية؟

أطلق جميع المحتجزين بضمانهم الشخصي

و زين ما رد الصندوق بعد

:)

مقال رائع حول القضية

http://fernas.blog.com/3077904/

Eng_Q8 said...

حلم

دريت عقب ما قريت البوست شوف البوست الثاني