Monday, October 6, 2008

سمج لبن تمر هندي


انتهت الاجازه الجميله للمسافرين خارج الكويت والي ماادري شقول عنها حق الي قاعدين بالديره مهزله بالافينيوز ووحده لمت تامر حسني وصراخ واتهامات من هنا وهناك وزحمه بكل مكان ويمكن الي مو معور راسه الي اتجه للشاليه او قعد بالدواوين .. انتهى رمضان بكل احداثه الدراماتيكيه وبمسلسلاته الي انتهت ببوسة عبدالحسين عبدالرضا لحفيده وركضت نايف الراشد بره الدوانيه وانتهى العيد وعساكم من العايدين والفايزين انشالله .. وعدنا الى التدوين مره اخرى
لا احب ان اتحدث عن اجازاتي الخاصه بمدونتي ولكن بما ان الاخ العزيز اكزومبي بطها وقال عن مباراة الديربي وقال يبي جم صوره فكرت اني اربط بين الصور الي بحطها عشانه وبين بعض المواضيع الي طافتني بوقت اجازتي اشلون بربط ماادري اذا لقيتوا صوره مالها شغل بالسالفه عادي طوفوا .. ومعلومه حق اكزومبي انا مااشجع الانتر انا اشجع روما وبالمباراة كنت اشجع ميلان والحمدلله فازوا يعني ما قبست عليهم الي قبس اهو الي معاي لان اهو الي يشجع الانت مو انا واذا بتقول ليش شجعت ميلان بقولك لان ميلان الحب الاول ايام فان باستن وعقبه جورج وياه
الموضوع الي شفته بكذا مدونه تتحدث عن انتخابات نادي القادسيه الرياضي وبما اني قدساوي متعصب راح ابدي وجهة نظري بالموضوع .. هناك من وقف مع قائمة ابناء النادي ووصفها بانها سوف تنتشل الكره الكويتيه من الضياع وقد غاب عن ذهنه ان اندية التكتل راح تنقص فريق واحد فقط وسيظلون اكثريه هذا اولا ثانيا الاسماء المتواجده بالقائمه فانا لا اعلم وين الكره ووين جاسم بودي ؟؟؟ اتوقع ان ولد عمي الصغير يفهم بالكره اكثر منه والاسماء الاخرى اقولها وبصراحه اني لم اشاهد بها جهبذ من جهابذة الكره فيها فلا اعتقد ان الاسم كافي فهذي كرة قدم وليست انتخابات مجلس امه والسؤال لماذا لا نجد اسامي اللاعبين القدامى ومن المعروف ان نادي القادسيه به من الاسماء التي سطع نجمها من امثال جاسم يعقوب وفيصل الدخيل وراشد بديح ومؤيد الحداد وحمد الصالح وعبيد الشمري ومحمد بنيان واعتقد بان هؤلاء افهم بالكره من الجميع الا اذا كان هؤلاء النجوم يوالون القائمه الاخرى فالله اعلم
بالنسبه لقائمة الجميع التي يحاربها البعض لوجود طلال الفهد .. وبصراحه انا عندي طلال الفهد ابرك من جاسم بودي و انور الخرافي .. الريال فاضي حق الكره اما هالاثنين بالذات وينهم ووين الكره ؟؟ والا مرزوق مسك نادي الكويت لازم احنا نمسك القادسيه ؟؟ اشرايكم انخلي النوادي شركة مقفله ونعطيها لهم ؟؟ بلا انتخابات وبلا بطيخ .. يا جماعه لا تنكرون ما وصل له نادي القادسيه من انجازات بوجود هالقائمه بعد ان كنا نعاني الامرين وانا قدساوي وقاعد اشوف التغييرات الي صارت .. بوجهة نظري ان ان الطعن بهالانجازات لوجود طلال الفهد خاطئه جدا فانا اعتقد بان الترويج للقوائم يجب ان يكون على اساس تكملة المسيره لمصلحة النادي وليس الطعن وتصفية الحسابات
بالنهايه النتيجه محسومه وواضحه ولكن هل قائمة الجميع او ابناء النادي راح يسوون لنا ملعب مثل هذا ؟




هل هذا او ذاك راح اييبون مدربين مثل هذيل



هل هذا او ذاك راح اييبون جمهور مثل هالجمهور



هل هذا او ذاك راح يشيلون الوزرات وفنايل العلاق الي اتعلق بره الاستاد ؟


طبعا لأ فطلال الفهد منشغل ببناء العماير بالنادي وهاد الاستاد الي بانينه من الف وتسعميه وحطبه وارضيته اتفشل واحد راح ينط ويقولي هالعماير عشان يصرف على النادي وانا اقول اوكي مو مشكله لكن اذا كانت اتهمه مصلحة الكويت فالاولى انه يبني النادي ويسوي صرح رياضي على الاقل لو استاد بدال مااييب لنا كونسيساو بمليون دولار ولا لعب الا جم مباراة وطلع فاشل

خلونا انكون واقعيين الكره الكويتيه راح اتظل حالتها من اردى لي اردى مالم يطبق الاحتراااف ومالم تكن هناك نية جديه لاعادتها من جديد وايضا ان لا يكون المنصب الرياضي كرت دخول الى الحياة السياسيه فهذا اكبر غلط وشفنا منهم وايد واليدد اهم احمد الفهد ومرزوق الغانم الاول من طمباخيه لي وزير نفط والثاني نائب بمجلس الامه .. المراد لا طلال الفهد ولا قائمه ابناء النادي راح يردونها دام هذا تفكيرهم ودام هالقوانين ما تغيرت .. الفيفا يمكن يوقفونا وهذيل يتناجرون على رئاسة نادي .. ياخوفي ان حتى النوادي تتسكر وتسيس يا خوفي




نرجع لمحور حديثنا .. ماادري شنو المحور بس برجعله .. طبعا لازم زين بين كل شهر وشهر تطلعي بسالفه فبعد سالفة غانا هالمره اقطعوا تلفوني وانا دافع الفواتير ولما ادق عليهم يقولولي دزلنا كشف حساب اقولهم انا بايطاليا ومحتاج حق التلفون من وين اييب كشف حساب بالله يعطوني طاف لين دقيت على الوالد وحلي المشكله .. وطبعا الفواتير حدث ولا حرج بس شسوي مالي خلق اشتري خط ثاني من اهناك وكل الحجوزات حاط فيها رقمي فمااقدر اغيره وبيني وبينكم من له خلق كل شوي يعبي كرت





محمد العبدالجادر طلع بمقابلة صحفيه وتكلم عن فتح دواوين بالمناطق الخارجيه ويقول احنا ما نتكلم من بروج عاجيه انزين مقولة مناطق خارجيه وين اصرفها بالله ؟؟ ذكرت في بوست سابق ان الكويت من العبدلي لي نويصيب ومناطق خارجيه وداخليه انتهت الان .. وقد حدثت بيني وبين الاخ العزيز حمد الكثير من المناقشات بشأن المنبر الديمقراطي وتحدثت عن هذا الشأن بالذات مرات كثيره والى الان ماادري ليش سكروا دواوينهم بالجهرا والمنطقه العاشره وهل حسوا انهم اغلطوا الحين ؟؟ اتمنى انهم حسوا ننطر وانشوف




وانا طالع من مباراة الديربي بين انتر وميلان ورايح للاندر قراوند كانت الزحمه غير طبيعيه على التذاكر اشوي والا بكل سهوله ويسر فتح الامن بوابات الدخول وقال دشوا بدون تذاكر عشان يمشي السير طبعا لو احنا بالكويت جان وصل الامر الى مجلس الوزرا و 5 سنين على ما يحلون المشكله ومجلس الامه راح يستجوب وزير الشؤون شكو الشؤون ؟ وماراح انخلص .. ماادري متى راح نتعلم ان القرارات السريعه والبسيطه التي تصب لمصلحة العمل والمواطن اهم من الي يسوونه .. هذا الامن حل مشكلة الزحمه وريح الناس بدقايق






وصلني مسج من احد الاصدقاء وقالي اقرى جريدة الوطن وبما اني لما اسافر مااحب اقرى اي شي وخصوصا جريدة الوطن الي مااقراها وانا بالكويت الا اذا سمعت ان في خبر اخطبوطي قلت يمكن خبر مهم .. كابرت على نفسي وقلت خلني اشوف شالسالفه فلقيت تصريح وزير المواصلات عن المدونين .. بكل بساطه ضحكت وقلت خل يشرب من ماي البحر.. ياحبيبي انت مكنسل ادارة من اهم ادارات الوزاره ومحد كلمك فجج بروحك قبل لا يكبر الوضع وخلنا بعيدين عنك ولا تتوقع ان احنا ناسينيك





ادري ان البوست ملخبط وافتر راسكم مو المكتوب امبين من عنوانه بس هذا حال الديره بالضبط كل شي داش بشي ثاني على العموم شكرا لكل من تواصل معي بغيابي والى لقاء قريب ببوست مرتب مو مثل هالخبصه ... جاااو



اللــــــــــــــــهم لا اعتــــــــــــــــــــــــــــــــراض


اكلوا ترميسون احسن لكم


35 comments:

Purplecious said...

a7maaaaaaaaaaaaaaaaaaad

WELCOME BAAAAAACK :)))

ما قريت البوست مستعيله بطلع بس شميييييت ريحه ايطاليا ما قاومت

وييييييين البيتزا؟؟؟

هههههههههه

اللـــــــــــه تيراميسو ايطالي أصلي بالوااااااين
لوووووووووول

عوافي عوافي

يالله تأخرت باي

الزين said...

بويناسيرا سنيور

والحمدالله على السلامة

على فكرة التيرماسو فيه واين

روم

:)

عليك بالعافية روما واجواءها الخرافية

بدون مبالغة اعشقها هالبلد

ناسها حبوبين

اكلها لذيذ

وسوقها انطع

بس يبي لك عشرتعش كردت كارد واشخط

As YoU LiKE said...

ناس تروح ايطاليا
وناس مقابلة حلم قندرة

ارحم نفسك .. الطفاية فيها 20 الف قطف .. ترا مو زينة عليك

Eng_Q8 said...

بنفسجيه

ايييييييييييوه يا فاااتن

جراتسيه سينيوره :p

البيتزا بالمعده الله يسلمج اتصدقين مو مصورها اشلون طافتني

شنو واين شهالسوالف عيب عيب

الله يعافيج

في احد يطلع هالحزه

Eng_Q8 said...

الزين

بوناسيرا سينيوره

صج ماادري بس طعمه حلو بصراحه ... ليش قلتيلي كنت ماادري الحين اشلون اكله مره ثانيه

الله يعافيج

ما رحت روما .. ما صدتي الصور عدل :p

انا اعشقها اكثر منج صج شعب حبيب واكل حلو وسوق يذبح مع اني مااحب السوق بس قطيت قط الله لا يخسر بس شتسوين غصبن عليج تشترين

Eng_Q8 said...

از يو لايك

في روحه ثانيه اخر الشهر اتروح ؟؟؟

عادي عادي ما تعودت علي يعني لازم الزقاره ورا الزقاره والا مااتحس بالجو

secret said...

الحمدلله على السلامة
و كل عام و انت بخير
:)

النادي ما فيه غير "الكرة"؟

الزين said...

بلا صدتها بس مشيت على كلامك انك بروما

انت رايح ميلان

وهذي الكنيسه اللي بالساحة يم السوق

ورايج فينسيا بعد

وهل يخفى القمر

:)

ما تطوفني

ميلان اروح لها بالشتا

وروما بالصيف

بس روما احلى من ميلان بوايد
ميلان مافيها غير السوق
مدينه صناعية ان صح القول

وهم عليك بالعافية
ولا تهمك البيزات
كله يتعوض
اهم شي احساسك بالوناسه وانت تتسوق

:)

Kuwait said...

الحمدلله على السلامه :)
يعني ليش مصورلنا طرف الملعب لا ومن بره :\
عالأقل جان ما زومت وخذيتلنا صورة الملعب من البوابه :)
يعطيك العافيه وعليك بالعافيه ..

Eng_Q8 said...

سيكرت

الله يسلمك

وانت بخير وصحه وسلامه

الاستاد للكره فقط لا غير

ناس تفهم

Eng_Q8 said...

الزين

انا ما قلت روما :))

ابدا لا يخفى عاد فينيسيا هذي سالفه بروحها

اكيييد طبييعي روما احلى كفايه توتي ساكن اهناك :)) اساسا ميلان ما قعدت فيها وايد انا رايح عشان المباريات واذا مافي مباريات اطلع اروح فينيسيا ومنطقه ثانيه قريبه بس هم ما صدتيها :p

على قولتج الفلوس اتروح واترد .. ماادري ليش وانا بميلان اشتري بس بميلان اي مكان ثاني طاف لاني مااحب السوق

Eng_Q8 said...

كويت

الله يسلمج

نحاسه :p

عندي وايد اصور بس مالي خلق احطهم انا اساسا حاط هذيل عشان اكسزومبي بس

الله يعافيج

ZooZ "3grbgr" said...

لو قايلي جان عطيتك جم يورو خرده تقطهم لي بالفاونتين عندي جم امنية ابيها

بس ايطاليا توتا بايني
امووووت فيها
ما اعتقد في ديرة كل شي فيها حلو جذي
عليك بالعافية
والحمدالله على سلامتك

عفيه اذا مصور الستيرز ولا الفاونتين ابي اشووووف

Enter-Q8 said...

As
شفت الزقاير توني بقوله

الحمدلله على السلامة
اقولك بالنسبة للرياضة فا نفس التوجهه و معاك بكل شي
بس اختلف معاك بخصوص المباني الملحقة الاستثمارية للنادي
بناء استاد له ميزانية مخصصه من الهيئة و الشؤون حتى وصل الامر من البعض ان يبي يبنيه على حسابة بس ينحط اسمه و كان الاعتراض عليه واضح و ان يكون اسم استاد نادي القادسية
عموما المساحة ماتكفي مثل ما انت شايف و فكرة ان كل نادي يكون له صالة مميزة اهي اللي مشت و اشوفها ناجحه و جيدة
الشي الزين ان النادي يقدر يمول نفسه من هالمشاريع

اي ترى يوم الاربعا الله لا يهينك ناطرين الصوغة

secret said...

يا بعد راسي
انا اقصد نادي القادسية

اللي تكلمت عنهم بس من نجوم كرة القدم
و بكلامك كنت مهتم بس بكرة القدم

اما عن طلال الفهد
فماني فاهم شلون فاضي حق الكرة
و بهالشي يتميز عن غيره

شنو كان موقف طلال الفهد من اللاعب نواف المطيري بسالفة الاعتداء على لاعب معاه بالمنتخب
و هم سالفة المعسكر
ترى الرياضة أخلاق

و ما ابي اتعمق اكثر بالسوالف هذي لان ماراح نخلص

شنو كان نادي القادسية ايام المخلد و الفارس و شنو الحين

و ترى مشاغل بودي و الخرافي مو أكثر من ابراموفيتش

الادارة شي و الفهامية بالرياضة شي ثاني

و سالفة مرزوق الغانم من النادي الى مجلس الامة
فهذي معروفة يالحبيب:)

مجلس الامة هو المحطة التي تلي نادي الكويت

و لكن شوف شنو سوى مرزوق بالنادي

و لعلمك اللي سواه هو السبب بتطبيق الاحتراف الجزئي حاليا

لان مرزوق كان مطبقه من جيبه الخاص :)

انا ما ادافع عن احد .. انا قاعد اذكرلك حقائق

و برضو يا عزيزي هناك مطالبات بتخصيص النوادي

تتوقع اذا تم هالشي بودي و الخرافي ما يقدرون يملكون النادي؟

انا اقول الله يعافي فواز الحساوي اللي قاعد يصرف عالنادي
:)

Eng_Q8 said...

عقر بقر

ما رحت روما :)



الله يسلمج من الشر

Eng_Q8 said...

انتر

الله يسلمك

لا يبا المساحه اتكفي صدقني بس الحبايب ماادري اشلون صايرين

Mishari said...

هالترميسووو اللى من دش هالديرة والناس معتفسة

والقادسية ما يهمني منو يمسكه لكن

المهم يحقق انجازات

عاد طلال
انور
جاسم
ايبوون بنغالي من السكة
ما يهمني

والاحتراف اهو التغيير الصحيح

Eng_Q8 said...

سر

اي انا مهتم بكرة القدم وبكل صراحه اقولها

لانها اللعبه الشعبيه الاولى بالمنطقه وبالعالم ومو نقصا بالالعاب الباجيه فانا من متابعين كرة اليد المنتخبات فقط مو النوادي لكن لا ننكر ان كرة القدم اهم لعبه جماعيه وهنا بهالبوست ركزت عليها لان الكل مركز عليها وراح اركز على الباجي ببوستات يايه

انا ما مدحت طلال انا قلت لا ننسى انجازاته وانا مو ناسي هالسوالف ولو بتكلم ماراح اخلص ولكن انا قلت لا ننسى الي سواه للنادي لكرة القدم على وجه الخصوص وانت تدري من متى القادسيه مو ماخذ كاس الامير

المخلد والفارس اعطوا للنادي الكثير ولا احد ينكر هذا الشي نهائيا ولكن اذا احنا بنقول الله يرحم ايام قبل ماراح انخلص

حلووو جميل جدا صح انا معاك مو اكثر من مشاغل ابراهيموفيش لكن انت اتقارن اوروبا فينا طبعا لأ

ابراهيموفيش والا موراتي هذيل ممولين للنادي فقط والعقول المدبره كلهم ناس فاهمين بالكره يعني الاداره الماليه عليه والاداره الفنيه وهي المهمه على غيره وهذا يوضح استغرابي لعدم وجود اسامي لاعبين قدامى

يعني كونتي والا ساكي والا برانكا هذيل مو لاعبين سابقين شوفهم شنو يسوون بالنوادي وللاسف ان قائمة بودي والا الخرافي تخلوا من هالنقطه فلا تقولي انهم بيتشلون القادسيه واهم مو حاطين معاهم ولا لاعب

واذا بتقولي طلال مو حاط لاعبين اقول اهو ماسك النادي 11 سنه اعتقد انها كفيله لمعرفة الخفايا الرياضيه

وبالنسبه لمرزوق اعتقد انه من الطبيعي انه يفعل كل هذا لان لو مو مسوي الي سواه جان ما وصل للي وصله خلنا انكون واقعيين

طبعا هالحقائق كلها موجوده ببالي ومو ناسيها ولكن لنكن واقعيين سواء طلال والا غيره الرياضه بتكون على حالها الا اذا تم تطبيق الاحتراف

واذا خصصت النوادي بدون قوانين تحكمها ف صبه حقنه لبن ما سويت شي متى نتعلم من اوروبا

فواز الحساوي كنت كاتب عنه فقره بروحه وبوجهة نظري ان اهو الي يستحق رئاسة النادي ولكن بما ان طلال حاكره فشيسوي الريال امره لله بصراحه فواز مو مقصر للنادي نهائيا

خلاصة الحديث لا تقولي هالقائمه ولا تقولي هالقائمه الرياضه بطيخ بالكويت وماتدري منو راح يحذوا حذوا مرزوق والسالفه مبينه وواضحه

Eng_Q8 said...

مشاري

اي والله

وانا بعد اهم شي يفوزون

صحيح هذي الزبده الاحترااااف

الخيلاء said...

الحمد الله على السلامه

نورت المدونات

:)

Purplecious said...

وي وي وي

منوووووووو فاتن؟؟؟؟

أنا مو فاتن يا حظي أنا نوف و انت خطيبي أحمد

لووووووووول

مسرع ما نسيت اسمي ههههههههههه

اي ما ألومك رايح ايطاليا

و علييييييييك بالعافيه البيتزا

مو بس البيتزا طافتك

حتى الكابوتشينو ما صورته

:\

لالالالالا المره اليايه لازم تاخذوني معاكم و أنا اللي أصور

:)

someone_q8 said...

السلام عليكم
الحمدالله على السلامة
وزين انك ريحت بالك وسافرت
بس ها بشر ان شاء الله النفسية تعدلت مع هالسفرة , لان سفرة ايطاليا اتريح البال واتهدي الواحد , لانك صاير بالفترة الاخيرة امعصب وايد ومتنرفز

حياك الرحمن ياخوي

الزين said...

هممممم

فلورنس؟؟؟؟؟

ترى تعبت وانا اخمن

وبروحي مصدعه من الصبح

والنوم محاربني من بعد رمضان

يالله عاد علمني

وين بالضبط؟؟

Spartacus said...

عسى التيرامسوا ما فيه خمر؟؟؟؟؟؟؟؟
كاسك يا وطن :]


بالعافية و الحمدالله على السلامة

حـمد said...

نورت

ويبت معاك الجو الحلو :)

Eng_Q8 said...

الخيلاء

الله يسلمج
منوره بوجودكم :)

Eng_Q8 said...

بنفسجيه

والله على صرختج كشختج وقلت فاتن المفروض سنيه صفيه حكمت :p

الله يعافيج

لا ممنوع اصطحاب الحريم

Eng_Q8 said...

انسان كويتي

وعليكم السلام والرحمه

الله يسلمك من الشر يالغالي

متى ما تنرفزت

يبيلي سفره ثانيه ناطر سفرة الدوام اذا ما سفروني بسافر على حسابي :))

Eng_Q8 said...

الزين

ما حزرتي :))

ما يبيله اتروحين ميلان لازم اتروحي سويسرا وبالتحديد لوقانو :)

Eng_Q8 said...

سبارتاكس

والله يقولون على ذمتهم ماادري

الله يعافيك والله يسلمك حبيبي

Eng_Q8 said...

حمد

انت النور كله

اشرايك فيني وانا اظبطكم :p

Zaydoun said...

الله يا الطفاية اللي يم التراميسو متروسة زجاير

حـمد said...

شغل عدل

بس لو مكملها ويايب معاك فريق قدم من هناك

جان تمام :)

Eng_Q8 said...

اسف توني اشوف الكومنت مو الله يهداكم منزل الف بوست عقب هالبوست


زيدون

لازم لزوم اللذه بالجو الجميل :)

----------------------------------

حمد

اتهقى في احد يرضى ايينا اهني ؟؟