Tuesday, March 4, 2008

تحديث
اخ عزيز ارسل لي هذا اللنك الذي يدعوا فيه اتحاد الطلبه بارجاع الدورات المشتركه بين كلية العلوم والهندسه وعلى حسب علمي انها مختلطه وايضا اكد لي الاخ انها مختلطه فشلون تناقضون نفسكم يا ناس ؟؟؟ وهذا اللنك
لن انسى دعواتك لي بالتوفيق وانا طالب وحينما كنت وزيرا للتربيه وقد ربت على كتفي بالامتحان وقلت لي ماذا تريد ان تصبح فقلت مهندسا وقلت لي انشالله سوف تصبح مهندسا .. ولن انسى بانني كنت اسابق الريح لكي احضر اي ندوة تتكلم فيها .. واجلس مبتسما وانا استمع اليك .. وحينما سألتني لماذا تبتسم وانت تجلس بالندوات وحين قلت لك احب ان اسمع حديثك ... رحمك الله يا ابا قتيبه فاذا اختلفت معك يوما بالرأي فهذا لن يغير بك شيئا ... الله يرحمك ويغمد روحك الجنه







-1-


بداية اشكر الانيموس الي عطاني سايت الحلقه




بصراحه عقب البوست الاخير عن نبيل العوضي قلت ماني كاتب عنه مره ثانيه ولا بشوف برنامجه الي دايما اشوفه صدفه بالمره الاولى والثانيه لانه يشتغل بالوطن والي يشتغل بهالقناة ماعليه شرهه ... لكن عقب الخبه الي صارت على حلقته الاخيره والكلام الي سمعته عنه قلت بشوف الحلقه ولي عليها عدت نقاط

اولا احب ان اوضح اني معارض لمن طرح هذه القضيه بهذا الوقت بالذات وكان لي تعليق لهم بموضوع سابق

ولكن يا اخ نبيل العوضي لما اتقول انك اتعلمنا شنو ناكل وشنو نشرب اقولك لا انت ولا أي واحد يعلمنا دينا لان دينا


انعرفه قبل لا انعرفكم وتاريخ عوائل بعضنا يمتد الى الصحابه وهذا يعني اننا مسلمين ابا عن جد ولن ننتظر احد لكي ينظم

لنا ديننا ويعلمنا شناكل وشنشرب ... وعندما تقول كشخوا الموضوع وسموه تعليم مشترك واهو اختلاط ... فأنا اقولك

انت دشيت كلية الهندسه والبترول على ايامي بجم ندوه وشفت الطلاب والطالبات قاعدين بندوتك واعتقد شفت اشلون كانوا منتبهين لطرحك ولا اقعدوا وغازلوا بعض هذا هو التعليم المشترك يا اخي الفاضل ... فعندما تقول اختلاط فهذه الكلمه

يجب ان لا تقال الى طلبه ذهبوا الى الجامعه وبرضى اهاليهم لكي يدرسون و يأتون بالشهاده

راح اكلمك يا اخ نبيل عن كليتي ولما كنت انا فيها فانا لم اشهد حمل سفاح ولم اشهد مغازل ولم اشهد من هم يداومون عشان البنات او الشباب نعم هناك فئه ماخذين السالفه جذي لكن اعلم ان مصيرهم هو الطرد من الكليه ... تدري ليش لان مو رايح الجامعه عشان يتعلم ... وانا ومع كل السنين الي قضيتها بالجامعه ما كلمت بنيه الا مرات ينعدون على الاصابع لا وكان سؤال ورد غطاه ... واشتغلت مع بنات بمشروع التخرج وما شفتهم الا 3 مرات لا والمره الثالثه كانت بالمعرض ... كل الشغل يا عند الدكتور او بالايميل فقط لا غير وهذا ما كان يعمله زملائي ايضا هذا ما يسمى بالتعليم المشترك ... واحب اقولك ان لي اصدقاء اتوا من مناطق يمكن ما يشوفون فيها بنات نهائيا لكنه لم يتكلم ولا مره مع بنيه وابشرك اهو متفوق ... لا تحكم على جم اتصال ياك ويقولك لبس البنات وماادري شنو شوف اهو باي كليه من الكليات الدايخه وشوف اهو شنو تفكيره

يا اخ نبيل ترى عيب كل شي تربطونه بالجنس لي متى هالتفكير هذا الي انتوا اتفكرون فيه ... انتم من زرع هذا التفكير في عقول شبابنا وبناتنا من ايام الدراسه وبمناهجكم الركيكه ... انتم من جعلتم النظره الى البنت تكون شهوانيه ولا شيء غير ذلك .. الكويتيين قبل وركز على الكويتيين لبسوا بناتهم الميني جوب يعني تنوره قصيره ولا شهدوا وقتها حالات اغتصاب مع انهم تطوروا بزمن قياسي من غوص وسفر وبر الى دوله مدنيه من بوشيه وعباة لي لبس عادي ولم اقرأ او


اسمع عن هذا الحديث الي تتكلم عنه ... لقد كانوا جيل من افضل الاجيال والكل يحسد من كان من جيلهم ... يجب ان تعلم ان الاختلاط او غيره ليست المشكله فالمشكله بعقول الناس يا اخ نبيل

وحينما تتحدث عن الشريعه وعن الاحكام الاسلاميه واتقول اوجب الحجاب وتذكر الايه الكريمه التي يقول بها الله تعالى( يدنين عليهن من جلابيبهن ) واتقول هذا حجاب فهذا شي غريب وماابي اخوض فيه لاني ماراح اخلص بس افهم يا فهيييييم الحمدلله كلنا انعرف عربي

ولما اتقول يجب على البنات ان لا يخضعن بالقول اقولك ترى احنا بجامعه مو بمكان ماني قايل وين عشان البنيه تتمييع بالحجي ومااعتقد ان تشبيهك اهني صحيح

ولما اتقول حريه ويجب ان الحريه ما تكون مفتوحه .. انا وياك زميلتي مااطلع معاها ولا العب وياها ولا اوديها بسيارتي انا معاك الف بالاميه ... وانا هم اقولك ان الحريه لها حدود تحكمها العادات والتقاليد والتعاليم الاسلاميه الي انعرفها بس تعال قولي اهي قاعده بالكلاس معاي ونطلع من المحاضره ولا ادري عنها ولا تدري عني شالغلط الي طحنا فيه ؟؟؟؟

وهناك ايضا كلمة قلتها ان الغالبيه لبسهم غير محتشم ؟؟؟؟؟؟ عفوا انت شنو شايف بناتنا شنو الغالبيه ؟؟؟ منو الي قالك غالبيه وشنو الاحتشام الي اتكلم عنه ؟؟؟؟ اذا كان على الحجاب فانت قلتها بعظمة لسانك في بنات مو متحجبات مصلين وصايمين ويخافون ربهم واحسن من وايد محجبات ؟؟؟ انزين هذيل يعني مو زينين ؟؟ واذا كان الاحتشام مو بالحجاب فانت ناقضت نفسك لما قلت الاحتشام بالحجاب
عقدتني بصراحه ... على العموم مع اني ماادري شنو الاحتشام بوجهة نظرك لانك مدحت الي مو متحجبات ومو بكيفك ما تمدحهم لان هذا الواقع وانا احييك انك قلت الحق بهالشغله ولكن ... يااخ نبيل ليست الفضيله والحشمه بالحجاب وليست الاخلاق باللبس يا اخ نبيل ان الاحتشام شيء موجود بالمرأه وهي التي تفرضه ... نعم فكلام المرأه ومشيتها واخلاقها هي الاحتشام ... فرض احترامها بالمكان هي الاحتشام .. سمعتها الطيبه هي الاحتشام ... فلا تنغر بالمظاهر ولن اقولك عن منو اقصد فالله امر بالستر

شغله عجيبه يا اخ نبيل ماادري اشلون اتقارن الغرب فينا ؟؟؟ يا اخي مجتمعاتهم تختلف اختلاف تام عن مجتمعاتنا تقاليدهم غير تقاليدنا عاداتهم غير عاداتنا ... ماادري احنا شكو بروسيا وانت قلتها بعد ان المشكلات الي صايره اهناك مو من اختلاط الجامعه من الاختلاط باشياء اخرى ؟؟؟ يعني شتهقى من ناس ويك اندهم بديسكو وسكارى ؟؟؟؟؟؟؟ اسف اخ نبيل مقارنه غير منطقيه نهائيا

انا ماادري بوش متى قال هالحجي ومااذكر اني قريت هالموضوع ولكن لنفرض انه قاله وانتوا هم اتقولون انه يبي يفصل الاختلاط بالمدارس مداااارس مو جاااامعات ... وبالكويت الي يبي يدرس عياله بمدرسه مختلطه بكيفه والي يبي يدرسهم بمدارس منفصله هم بكيفه ... لكن جامعه يا اخ نبيل ناس كبيره وفاهمه ومتربيه لا تقارنهم بمراهقين لو سمحت

ولما اتقولي شوفوا مخرجات التعليم بالسعوديه ويكون بعلمك انت ضربت مثل واحد الا وهو كلية الطب احب اقولك شوف المعدات والدكاتره الي يدرسون اهناك وشوف اهني هذا ما يحدث الفرق مو الاختلاط او غيره يا اخ نبيل ... واذا بتقارن شوف مستوى الكبت الموجود اهناك وشوف البلاوي الي اتصير وشوفهم شنو يسوون بره وشوف الهيئه اشلون لاعنه خيرهم وشوف الشعب اشلون بينفجر اذا بتقارن جذي قارن يا اخ نبيل وللاسف ان الكويت بدت تنحدر الى هذا المستوى منكم واهم يعالجون مواضيعهم الحين

كلية الشريعه ليش مافيها مشكلة الشعب المغلقه مع انها مو مختلطه ؟؟؟ افحمتني بصراحه .... عفوا انت تقارن الشريعه بالطب ؟؟؟؟؟ كلية الشريعه الي اساسا كانت تابعه لكلية الحقوق لكن افصلوهم للاسف ما تحتاج الى ما تحتاجه من كلية الطب ... فكلية الطب تحتاج الى كوادر من مدرسين ودكاتره وتحتاج الى معدات لا تحتاجها كلية الشريعه ... وقارن ايضا بين عدد طلاب الشريعه وعدد طلاب الهندسه ماكو مقارنه نهائيا .... والي يرحملي والديك كلية الشريعه جم وحده عندهم ؟؟؟ وترى اغلب موادهم 1 و2 و3 يعني نفس الماده ومنقسمه الى ثلاث اجزاء ومااعتقد تحتاج الى اكثر من دكتورين عشان يشرحون ... تعال عندي بالكليه واوريك شنو نحتاج يا اخ نبيل ايضا مقارنه مالها داعي نهائيا

الفصل بالعمل ؟؟؟ لحظه بس وين هالمكان الي فيه موظف وموظفه وسادين على روحهم الباب ؟؟؟؟؟ وبعدين من قال ان


اغلب الكويتيين على قولتك يبون يوظفون بناتهم بالتربيه ؟؟ منو سوى هالاحصائيه ؟؟؟ لا حول الله شغل يا اخ نبيل شغل مو

لعب يهال ؟؟؟ شقولك يعني ؟؟؟

بعدين شنو كل كلمة والثانيه اتقول اهالي الكويت لا واتحلف واتقول لو انسوي مظاهره بساحة الارادة انغطي الشارع والسيايير ما تمر انا اقول والله لو الكويتيين واهل الكويت يسوون مظاهره على اللعب الي صاير وعليكم انتوا بالذات والله


ماكو سياره اتمر من الدوحه لين السالميه اشرايك ؟؟؟ ترى الاغلبيه الصامته ما يتكلمون ولو بيتكلمون وراح يتكلمون
انشالله راح يقلبون الدنيا عاليها واطيها بس الصبر زين

ولما اتقولي عميد الشريعه والا الفقهاء احب اقولك هذيل ناس ومعرضين للصواب والخطأ فلا انحط هالة على احد ونعصمه من الخطأ يا اخ نبيل

ولما تكلمت عن الاخت الي قالت كلمة تقدميه وقلتها باستهزاء انها عايشه ايام الستينات ... انا اقولك هذا دليل ان جيل الستينات اهم من كانوا ينادون الى التقدميه ... وللاسف انك تظحك على هالكلمه ليش ما تبي تتقدم ؟؟؟

ادري انا خبصت السالفه بس ما عليه ... لما واحد دق وانت قلت عن الشعب وقلت في دكاتره كويتيين مو موظفينهم ... لحظه يعني أي دكتور اتوظفه بجامعة الكويت ؟؟؟؟ يا سلاااام ... خلاص بروح اشتري شهادة دكتوراه وادرس شباب المستقبل ... يا اخ نبيل مو كل دكتور دكتور وجامعة الكويت لها ظوابط بهذا الشأن اتمنى انك تطلع عليها

وصلنا حق مداخلة علي ماني متكلم عن الدستور وقوانين الدستور لاني ادري انك ما تعترف فيه ... بس اذا الاخ ما عرف يرد او فكره ماادري اشلون صاير انا بقولك .... شكو الاختلاط بالعلاقات الجنسيه والخمر ؟؟؟؟ وقلت كلمه انا مااقدر اقولها اهني بصراحه ابي اسالك بالله يا شيخ نبيل ... منو قال ان الحريه هي ان تتفشى العلاقات الجنسيه المحرمه ومنو قال ان الحريه اتخليك تشرب الخمر ؟؟؟ عندنا قانون وقانونا يمنع هذه الاشياء .... ليش دائما تربطون الاشياء بالجنس والخمر شي غريب عجيب ... بس اتعرفون تضربون على اوتار الناس الحساسه برافو

الاخت ام محمد دقت وضربت مثال عن الغزو ؟؟؟ انا بس بقولها شغله انتي شفتي الي غازينا ؟؟؟ بالله هذيل اتعدينهم بشر ؟؟

افضل مداخله واعتقد ان الاخ نبيل توهق وراح اقولكم ليش توهق ... الاخت سما ضربت افضل مثال بالحلقه كلها الا وهو التعليم التطبيقي والي يصير فيه ... انا مااتكلم عن كل بناتنا الي موجودين اهناك وعلى عن كل شبابنا ولكن خل انكون واقعيين ان الحالات الي يشهدها التطبيقي اكثر من الجامعه مع انهم فاصلين الاختلاط .. ليش يا اخ نبيل ؟؟؟ راح اترك الجواب لكم لان الجواب واضح .. ولما توهق نبيل العوضي وقالها لو حطينا جامعتين وبنفس الكفاءه ومفصولين شنو راح تختارين قالتله راح اختار الي فيهم شباب اولا مستحييييل انك اتوفر هالشي يا اخ نبيل ... مافي دكتور نفس دكتور ولا الحكومه راح تقدر تدفع كل هالمصاريف تدري جم الدكتور ياخذ ؟؟؟ وهم شوف التطبيقي اشلون متوهقين بالشعب فما بالك بجااامعه .... وبعدين ترى مكاتب الدكاتره موجوده يا عند الشباب يا عند البنات يعني ماراح يشوفون بعض ؟؟؟؟؟؟؟؟؟؟

وبعدين تعال قولي انت اشلون تفصل الطلاب واتخلي الدكاتره يدرسون ؟؟؟؟ ماراح اتكلم بس اسال زميلك محمد العوضي وقوله شنو كنت اتقول عن بعض دكاترة الجامعه ..... حلال على الدكاتره وحرام على الطلبه ؟؟؟؟ والا بتييبون كادر نسائي كامل ؟؟؟؟؟
يا تفصل عدل يا لا تفصل يا اخ نبيل ... والله وبالله ان في دكاتره اذا اتحرشوا في بنات تدري منو يوقف بويوهم ؟؟؟ ترى

الشباب الي تبي توخرهم عن البنات .... تدري ان في بعض ضعاف النفوس من الدكاتره ما يقدر يفتح حلجه اذا في شباب

بالكلاس ؟؟؟ تدري ان جم حاله صارت بين دكتور بنيه وما وقف مع البنيه الا الشباب ؟؟؟ تدري ليش لان هالشباب يحسون

ان هذيل خواتهم ويكون بعلمك اهل الكويت الي كل ساعه يايب طاريهم رجال والرجل يدري ان البنيه الي معاه مثل اخته ولا يمكن يأذيها ... هذيل اهل الكويت يا نبيل العوضي .... وشوف عدد الدكاتره الي متحولين حق التحقيق بالجامعه

وعددهم بالتطبيقي يا اخ نبيل وهذا دليل على كلامي ... واسال دكاتره التطبيقي شنو يسوون له البنات

اخر شي ذكر اسم صحفيه امريكيه اسمها اشطوله تطالب بمنع الاختلاط ... ترى هذي امريكا وغير هالصحفيه بتلقى عشر ينادون بالاختلاط ... مشكله اذا بس شوف الموضوع بوجهة نظرنا والاشياء الباجيه انطوفها


بالنهاية لم اكتب هالبوست لاني مع او ضد الاختلاط انما لابين ماهية الطرح الذي يطرحونه ... واتمنى للمعارض على الكلام الي قلته انه يقرا الموضوع الي تحت بالاول

----------------------------------



-2-



انت ليبرالي ... انت علماني ... انت ماادري شنو ؟؟ كلمة اشوفها وايد تنذكر وحتى لو ماقالها يقولها بطريقه اخرى ... وهم في واحد حاطلي لنك عشان اشوفه ولما شفت الردود قمت اضحك .. تدرون ليش اضحك لان كل من يعارض الاخوان المسلمين اهو ليبرالي علماني ؟؟؟ يا سلام على المنطق ... ولا يقولون انتوا من تغيرتوا من القوميه وروسكم الكبار اتحركم وماادري شنو

بس ابي اوضح شغله عن نفسي وعن بعض الاخوه المدونين الي اعرف طرحهم وفكرهم ... اولا انا مو قومي واكره القوميه لاني متعقد من الغزو الله لا يعوده ... ولا مداني اصير قومجي لان توني صغير

ثانيا انا وبعض الزملاء ما عندنا راس عود ولا احد يحركنا ... كل من يرى الناس بعين طبعه ... نحن مواطنين كويتيين


يؤلمنا ما يحصل بدولتنا الحبيبه وبدأنا بكتابة افكارنا كل على حده بعيدا عن الانتماء لاحد غير الكويت
فنحن لا ننتمي الى تيار ولا تجمع ولا حزب ولا بطيخ انما ننتمي الى الكويت وحزبنا هو الكويت واذا شابه طرحنا طرح

بعض التيارات فهذا لا يعني اننا منهم .... فانا اقف مع الاخوان اذا كانوا قد قدموا اقتراح ينفع الوطن واقف مع السلف

واقف مع الليبراليين واقف مع الحكومه ... فمصلحة الكويت عندي فوق كل المصالح وفوقهم جميعا بلا استثناء وانا افخر

بانني لا انتمي الى احد انما انتمي الى الكويت ... واني حينما انتقد أي احد كان فاني انتقده لاجل الكويت ولاجل تقدم هذا

الوطن ... فلا راس كبير ولا اكبر راس راح حركني بيوم من الايام فلا هذا ولا ذاك هامني انما الي هامني اهي الكويت

ولا شيء غير الكويت



فلو سمحتوا لحد يقولي ليبرالي ولا يقولي علماني انما انا وطني وافتخر اني وطني ... والا جان ماخذ ربعي واهلي

ورحت صفقت وطبلت حق أي احد .. ولكننا لسنا بمطبلين ولسنا بمصفقين ولسنا من يستغل معارفه للوصول الى شيء انما لدينا الفكر ولدينا حب الوطن ونريد ان نساهم في بناءه



--------------------------------------




-3-



اشكر الاخ العزيز حمد على اعطائي هذا السايت واشكر كل من تفاعل مع البوست السابق... واتمنى من كل متضرر من قرض البنوك والفوائد المتراكمه زياره



هذا السايت الذي وضعه شخص كويتي كسب القضيه واخذ حقه من البنك وهو كفيل باعطاء كل متضرر طريقة الدعوى



وهي لا تحتاج الى محامي فشكرا من القلب اليك يا ابن الزامل على ما تفعله لابناء ديرتك ولم تبخل عليهم بما تعلم وهذا



ما تعودناه منكم يا اهل الكويت









---------------------------------









الفيديو اليوم اهداء حقي لاني دخنت وايد هاليومين من القهر :)












71 comments:

فتى الجبل said...

الساعتين اوكي
سبع دقايق هم اوكي
بس آنا باطه جبدي ال23 ثانية بصراحة وايدة

S-Q8 said...

shal post ele mnazel i3laan gablah?!@@

wa6an-alnhar said...

يالله ناطرين
:))

لا تخاف ماراح اتحلطم
:-|

Kuwait said...

eshkthr bagy ? loooooooool

wa6an-alnhar said...

وين البوست !!
يالله خلص وقتك

Someday said...

I think 9arlik akthar min 3 hours we da'7el 3ala 4!!! you missed your dead line Mr. Eng!! therefore! you have been penalized!!!

Eng_Q8 said...

فتى الجبل

لوووووووووووووووووووووووووووووول

----------------------------------

نعناعه

كل ما اكتب بوست اكتب اني بنزله :)

-----------------------------------

وطن النهار

تحلطمي يبا تحلطمي :)

-----------------------------------

الكويت

خلص :)

-----------------------------------

وطن النهار

سوري على التأخير مشكله خارجه عن ارادتنا :)

-----------------------------------

سمسم

مافهمت اخر كلمة بس اوكي :p

-----------------------------------

Kuwait said...

قواك الله مهندسنا ..
كلام منطقي وسليم مليون بالــ 100
لا يختلف 2 على ان منع الاختلاط مشاكله وسلبياته اكثر من جم ايجابيه يحسبون في صالحه ..
الشيخ العوضي في كل مره اشوف له برنامج يقهرني اكثر وايد يكبر الموضوع ويعطيه اكبر من حجمه واحيانا مواضيعه تفقد الموضوعيه ..
الجامعه تأسست سنة الــ 1966 ومن بدايتها ونظامها مختلط ..
ما شفنا من ينادي بالفصل .. ما شفنا ناس متخلفه تتهم عيال ديرتها بشي ما صار .. تحكم على الكثره بتصرفات القله !!
اذا الجامعه بتصير فيها البلاوي والمصايب فــ من باب أولى أخوي العوضي تروح تسوي منع الاختلاط بالشوارع والمولات والكافيهات لان التعارف والترقيم والمغازل بنسبه 80 بالــ 100 يبدا منها ..
وحبيت اوضح نقطه بس ان اذا انت تتكلم عن التطبيقي وكأنها الكليه المنزهه الي نادر ما يكون فيها البلاوي لما تقول كا التطبيقي ما عندهم مشاكل وهم مفصولين من قالك ؟؟
للعلم فقط يا شيخ التربية الاساسيه تحديدا بالشاميه المقابله للجمعيه روح الضحى وحط سيارتك وتفرج ..
أي مسخره وأي قلة ادب ..
مع العلم ان الكليه ممنوع فيها الاختلاط ..على فكره تقدر لما تخلص من الفرجه عند الجمعيه تآخذ بعضك وتمر مخفر الشاميه وتطلع على الضبطيات وحده من الضبطيات وإحترام للأدب العام واخواني وخواتي الي يتصفحون المدونه واحترامي الاكبر لصاحب المدونه أترك التحدث بإسهاب اكثر عن التطبيقي وما ادراك ما التطبيقي ..
مع العلم ان كل ما تكلمت عنه ما يبته من وكالة يقولون لكن عايشته شخصيا ..
كل الشكر لك مهندسنا ..ولو اني بعد ماتكلمت عن مشاكل الشعب وتأخير التخرج وغيرها ولكن ان شاء الله يكون لي عوده
لووووووووول اوله وايد كتبت
:P سامحنا مهندس
تقبل مروري..
Kuwait

Eng_Q8 said...

الكويت

الله يقويج

ثانكس :)

خل يشوف الحبيب اتق معاج

واخذي راحتج يا يبا المدونه بالي فيها تحت امركم

Someday said...

enta shino?!?!?
في رقم قياسي تبي تحطمه؟!؟
I think you could have said all of that in like two lines!! bs shasawy b3d?!?!? it's your blog/space!!
ow ana ely me'7tarah eny agrah! gal3ety!!
eeeeeee panalized! ya3eny mithel panalty! 3ogobah!! ba a3agbik!!!

Kuwait said...

على فكره مهندسنا ..
انا كان عندي محاضره بجامعة الشويخ الساعه 5 لما 7 ووايد محاضراتنا كانت تصادف هالوقت لكن وحده من المحاضرات بالذات كنا 6 بنات و48 شاب كانت المحاضره تتوقف فترة صلاة المغرب 10 دقايق للصلاة وكانت الكليه حزتها تكون فاضيه فكانوا الشباب يماشونا من بعيد لبعيد لما المصلى على اساس مصلى البنات بالدور الثالث علوم اداريه واحنا بكلية علوم اجتماعيه والكليه كلها عمال وبنغاليه وهم بعد لما نطلع بعد المحاضره والدنيا مظلمه نفس الشي نتماشى كلنا لما بوابة الكليه تلاقينا قرب شكثرنا مع الدكتور .. لا وحده فكرة فلان لاحقنا والا فلان يبي منا شي ولا واحد من الشباب مصخها ولحقنا لما بيوتنا ..
كنا نوصل الشارع الرئيسي ونفترق ..

يمكن ارجع بعد مره اتحلطم ما خلص التحلطم الي عندي لووووووووووول

Eng_Q8 said...

سمسم

اي بدش موسوعة غينتس :p

انا قاعد احلل حلقه تو لاينز ما ينفع هذي سوالف فتى الجبل انا احب اطلع الي بجبدي واهو يحب المختصر المفيد :)
وبعدين في ناس يحبون جذي
اها اوكي


----------------------------------


الكويت

قولي حق نبيل العوضي عشان شوف رياييل الكويت وشلون يعاملون خواتهم

تحلطمي يبا تحلطمي :)

-----------------------------------

wa6an-alnhar said...

بلبل حالته حاله... الله يهديه

اي والله يا مهندس الطلبة بالجامعة كانو مثل اخوانا..اتذكر لمن نزلنا تدريب ميداني بأحد السجون لمدة كورس كامل بمنطقة جبد وشلون كانو الطلبة اللي معانا يخافون علينا مثل خواتهم
لو في اي شي من الكلام اللي يدعونه الاخوان جان صارت بلاوي خصوصا ان كنا بمطقة مقطوعة وبوسط البر
@@
بس بالفعل كنا كلنا مثل عايله وحده
الواحد فينا يخاف عالثاني

انا ما انكر ان في حالات بالجامعة مو يايين يدرسون لكن مثل ماقلت هالنوعيات ما يقدرون يستمرون و يطلعون او ينفصلون

ادعيلي يا مهندس اصير دكتوره
و ما ادرس الا شعب مشتركه و انمي فيهم هالنظرة الراقية لبعضهم البعض
:)


انا وعدتك اني ما اتحلطم
:-|

ترا ما تحلطمت
:p

Eng_Q8 said...

وطن النهار

جانزين هالحجي يوصله

انشالله يارب انشوفج دكتوره اد الدنيا

لا عفيه تحلطمي :p

marshmallows said...

سؤال

انت ليلحين عاد نبيل العوضي ريال ينوخذ على كلامه ؟؟
انا لو احط خدامتنا و اقولها تسمعه ماراح تصدقه

يغثني هالادمي بس لاتشوفه ولا اتكلم عنه بليز

Eng_Q8 said...

marshmallows

المشكله ان في ناس وايد تسمع له

انشالله احاول

مو انا قايل ماابي اشوف بس العموم يسولف عن هالحلقه وانا كلش مو ملقوف فقلت لازم اشوف الحلقه

Someday said...

my opinion on the subject!

"Having experienced both periods “with and without” I can say with a convection that it’s a law that would infect the society and would agitate the true understanding of communication and transactions between us both genders,

Within university an academic environment that would produce an active personals into society that would eventually be serving both genders, would need to go through the experience that is contained and guided through academic life to be able to develop there own respect and “eslob” of dialogue between both genders!
Just have a group of fresh graduate a set that went through mixed education and an other set that went through a separation and you can see the difference in their perspective attitude, even there ambitions
Yes time has changed and to face such changed we embrace it!!! Deal with it!!!! Find ways to form our lives in a way that suite us and our believes!!! Not turn our backs!! To solve the real problem is not by separation!!!
It starts when one of each gender starts to put some effort in an act a.k.a. تربيه!!!"

الخيلاء said...

تدري وين المشكله

انه الكلام الي يقولونه ماخوذ خيره .. يعني مجرد صيحه عالفاضي و اهما بقراره نفسهم يدرون انه الي يبونه مايصير ..

لا عندنا دكاتره يكفون ولا مباني مجهزه

وكل مكان فيه الزين و الشين بس المشكله اذا خذينا الشين و عممناه و قلنا هذا مجتمعنا

كلنا للكويت . والكويت لنا said...

يعطيك العافية

بصراحة الحلقة انا ما شفتها وأصلا أنا ما أتابع التلفزيون كلش ..

بس من كلامك عنه .. تمنيت أني كنت متابعة الحلقة ومشاركة فيها

اولاً .. في الجامعة تحديدا في كلية الآداب والتربية .. أكو دكاترة يطلبون كلاسات بس اللي فيها بنات .. أو يكون الكلاس بس شباب ..

يعني اللي ما يبي الاختلاط يقدر يسجل عند هـ الدكاترة ..

ثانيا .. فعلا شوفوا التطبيقي والتجاري وكلية نسيت اسمها .. شوفوا شكثر فيها خراب وأنا ما أعمم بس الفساد واضح وضوح الشمس

وكلمة أخيرة اقولها
العلاقات المحرمة اللي يقصدها نبيل العوضي إذا كانت موجودة فهي برضا الطرفين وحالات شاذة
ومو موجودة بس بالجامعة .. بكل مكان
روحوا شوفوا المجمعات آخر الاسبوع شنو فيها ..والله العظيم شي يعور القلب


ومشكور على هـ البوست

S-Q8 said...

laaa???
3ayal ana ele kila yaya met2akhrah! LOOOOL!

el 9ara7ah lel7een moshayfa nabeel el 3awathy yetkalam bas 7amastny..!
o a7sant laman gelt ina fe mawaQef ma yogaf ma3a el bnaya ela zameel shaab!! lana 9ij t9eer
o ba3den wain matroo7.. fe el zain wel shain!! mokhtala6 wela maf9ool!
o ba33dain staghfaralah khal yba6loon salfat moQaranat kil shay bil jens.. sorry bas ya3ny el 7areem nas 7alhom 7al el reyayeeel! mo kil mayabaw 6ari wa7da yabaw 6ari shay mozain!
ya3ni wallah 3aib!
yabeelhom ghasaal mokh!
sorry bas 7ady minba6a chabdi min hal salfah!

wana adry gaylah hal salfah min gabil bas again layeg3edon kil shway yQarnoona bil se3oodeyah.. ya3ny 9ij 9ij mala da3eee n9eer 6ash ma 6ash o el rayal yel7ag ay sawada tmor min el kabt ele feeh o akher shay te6la3 omah!

bo rashed said...

مهندسنا
كاسك ياوطن
بعدين لاتلومه الماده 36
معطيته الحريه ياخوي
يعني العوضي خطه واضح مو احسن من الصقر والهلال اللي ماخلو شي ماقالوا عن احمد الفهد بعدين استضافوا بندوتهم
مهندسنا انا قاعد افكر جديا اني اصير حكومي وترى صج مو غشمره
بصحتك وبصحتي وبصحة الحكومه
جييييييييييرز
ياوطني

Anonymous said...

wo0o0o0ow
e9ra7aaa teslam edeek ,,
braadt chubdiiiiii 7ail
o ekteb ekteb wayd
etha chthi ketabatek e9ara7aaa
ra7 ad3li enk takteb 3la 6ool
ya36eek le3afyaa 3ala el kalaaaaaaaaaaaam
e9raaa7a 3ala nbeel el 3wathii
thalamana e7na el shbaab
...
tra kel mn yara enaas eb 3ain 6ab3a

ka dshaina el koyaao 6ala3naaa,,
o ena kent eb 3loom edaryaa y3ni eli kanw egoolon 3nha free,,
wala el 3theeeeem qemat el e7traam eshbaab a9laan ekhafoon 3leena methel ekhwanaa,, mashfen mnhom ella elkhaair mo`dbeen o akhaaqhom 3layaa ..
o e9ra7aa eli yabi el3eeb e3arf wain eroo7 bs el jam3a makaan drasaa o esmaa 7aram jam3i ya3ni eli edsha ekoon metezem eb kel t9aroof esaweeh , la shak ena feh fe`ah fasdaa bs ehnee edsh salfat el atrbyaa O el7emdella el7mdella ahalna emrabeena a7san tarbyaa o etha btkalaaam 3n swlf matesm7lna akhlaqaytna ya Dr, NBEEEEL engoolha ,,ehni ga3d tathlem eshbaaaaab ..o tadri ena do`3a el mathloom mstjaaab , then ethelm allah ma amer feeh o mo enta el ensaan eli ta7kem 3al ekhlaqyatnaa o shkh9yatnaa 3ndna ahal o 6ab3aan 3ndna rabnaa o allah fogna ma enkhaf ella mnaa

thanks alot 3ala elpostek
it was so wonderful
o thanks again
sorry etha 6awalt
eshfraa :P
BAITH EL KHA3NFAG :pP

فتى الجبل said...

لما يذكرون امريكا خلهم يذكرون هم انها بلد حريات وانك تلقى فيها الشي ونقيضه وكل واحد على راحته وحريته بس المهم ما يضر الغير
اما موضوع ليبرالي وعلماني ومادري شنو فهالاشياء ما قمنا نسمعها الا من عقب ما الاحزاب الشيطانية المتاسلمة انتشرت بالديرة
احنا مسلمين عرب كويتيين اللي يحركنا حبنا حق ربنا وديرتنا لخير العالم وبس

Selfridges Girl said...

amby ya3ny sheno ow shalsakhafa ow thathkhem el omor ya3ny elkharab eely yabe elghala6 yelagy eb ay mokan ow oho yakhleqla eljaw thanyan beljam3a m ako majal 7ag hal mwathe3 el7aram eljame3y welmo7athrat mokan mafto7 maysa3ed 3ala elkalam elly yengal wetha elekhtela6 7aram 4aial elshoghol 7aram la2anna fe ekhtela6 welsog ba3ad mokhtala6 ow ayed ashya2 a7es elbahraja elly sawooha jad sakhefa:P

Eng_Q8 said...

سمسم

يس يس رايت :)

-----------------------------------

الخيلاء

الشر يعم والخير يخص صدقتي

-=---------------------------------

كلنا للكويت

الله يعافيج

حاط لنك الحلقه بأول البوست

معاج بكل الي قلتيه

العفو

-----------------------------------

نعناعه

كل تأخيره فيها خيره وانا اخوج

لا تشوفين احسنلج

اي والله يبيلهم غسيل مخ بكلوركس

اي والله كلش مو شي :)

-----------------------------------

بو راشد

زينه الحكومه مافيها شي صير حكومي وانا لاحقك :p

وبالنسبه للي قلت عنهم انا اقول كلهم نفس الشي

وشييير :)

-----------------------------------

انيموس

شكرا على الحجي الحلو :)

اتفق معاج

الله يعافيج

فرخ الخعنفق :)

-----------------------------------

فتى الجبل

صحيح اتفق معك :)

-----------------------------------

Eng_Q8 said...

Selfridges Girl

بهرجه سخيفه لكن في ناس وراهم للاسف

Aldenya said...

1

صح إللسانك

كفيت ووفيت

,,


2

الوطن فوق كل إعتبار
وفوق كل نهج
وكل تيار


,,


3

يعطيك ربي الف عافية على هالبوست
صج انه طويل
إلا إنه يشد القاريء
وبنصحك
بعصير ليمون فرش فوقه رشة نعناع

وعلى قلبك ألف عافية

Eng.S said...

عظم الله اجرك و اجرنا بوفاة ابو قتيبة

Q80 Blogger said...

السلام عليكم

1
أول شي بعقب عليه كلمتك انه محد يعلمنا الدين؟

اشلون محد يعلمنا الدين ؟

يعني اذا صار في شي دستوري غير واضح ليش نطلب استشارات ؟
مانعرف الدستور احنا ؟

ليش نسأل الطبيب ؟
مانعرف جسمنا احنا ؟

نعم نحن مسلمين ونعرف دينا .. لكن لازم في احد يعلمنا الدين مثل مافي واحد يعلما اي جانب آخر بالحياه

طبعا انا ماقول نبيل يعلمنا .. لأنه نبيل مجرد داعيه لا اكثر ولا اقل
لكن انك تقول نحن فاهمين بالدين
فهذا حتى ابن تيميه ماقالها
الكل يتعلم ونحتاج السؤال !!


2
حلو كلامك عن كليه الهندسه
بس انت يا اخي خربت على كل دعاه الاختلاط بطرحك هذا !!
يعني دامك ماكلمت البنات طول سنين دراستك حتى البروجكت الاخير كان ايميلات ومقابلات تعد بالاصابع
عيل ليش الاختلاط من الاساس؟

تدري دعاه الاختلاط شنواقوى نقطه عندهم .. يجب ان بتعلم الطالب كيفيه التعامل مع الجنس الآخر

انت الحين اشلون تعلمت وانت ما اشتغلت مع بنت بالاساس ؟!
واذا بتقولي تعلمت من الاختلاط في الكلاسات والممرات .. فهذا الشي الناس تتعلمه بالشوارع مو شرط بالحرم الجامعي

ليش نخلط الطلبه والطالبات دام اهما اصلا مايقعدون مع بعض بالاساس؟
يعني جنه اهما يقولون فصلونا وفكونا !!

3
من صجك بكلامك تتكلم عن جامعه الكويت
احب فيك هذي النظره الحلوه للجامعه
ماله داعي اقولك شيصير بالجامعه
واذا ودك تعرف حاضر اعلمك
وهذا الشي وان كان نادر
لكن ماصار هل شي بالتطبيقي
تدري ليش؟
لأنهم منفصلين
داومت بجامعه الكويت وشفت شي يقهر .. وانت تقول مايخضعن بالقول !!
لا نقول بس البنات
شوف الشباب الي يدشون الجامعه بس يطالعون خواتنا ويتحرشون

مابي اتوسع بهل شي .. بس مايصير نمسح بعض الحقائق ولو كانت مره .. للدفاع عن قضيه مثل هذي

4
وصح كلامك مايصير نقارن بينا وبين الجامعات بره
تدري ليش؟
لأنه احنا نظلمالجامعات بره
عندنا بجامعه الكويت الطلبه جنهم رايحين عرس مو جامعه
خصوصا اذا كنت مجرب الثنتين بره وجامعتنا .. راح تعرف ليش المقارنة غلط

5
انت تصف نفسك بالوطني
وهذا شي حلو
بس الاسلامي ليش مو وطني .. اي تيار ثاني بالديره ليش مو وطني؟


وكاني كتبت بوست عندك :)

تحياتي

حياتي هدف مو عبث said...

يبيله على روائه :))

راجعين راجعين

;P

Barrak said...

كل واحد يروح قناة الوطن

مادري شيصير فيه
كان اشزينه الشيخ الله يهداه

Hamad Alderbas said...

مهندسنا العزيز

نبيل العوضي ماراح يرضيه الا تحول الكويت الى دولة طالبانية

حياتي هدف مو عبث said...

ما يحكم على الجامعه ولازم يسال اللي قاله في اي كليه

أنا أقولك لبس البنات هناك مصخره
يعني لبس وحده أستغفر الله رايحه فيها
وهم بالمقابل في بنات محترمات ويستاهلون كل خير

لكن مو اللبس يدل على انك شنو

الحين الشرطي شلون تقول عنه شرطي مو لانه لابس لبس شرطه

والدكتور كذلك

وصحيح قبل كانوا يلبسون قصير وعادي ومافي اي مشاكل

لكن قبل ماكان في اعلاام معفن وكليبات
تعرض الاجسام وببلاش

يعني يي هالشاب ولا هالبنت
يشوف هاللحوم الرخيصه

ويروح الجامعه يشوف بعد لحم رخيص
والنفس ضعيفه ماكو لا ايمان ولا شي

تبيه يروح يصلى الضحى ؟؟

زمانا تغير وهذه الدنيا تتغير
لكن الاسلاام ما يتغير وبكون صالح لكا زمان ومكان واهو اللي ينظم حياتنا قبل لا يي الدستور وابو الدستور

وعلى سالفة الاخضاع بالقول

أنا اكتب هالكلاام وربي بيشهد علي

والله يمكن 2% بس اللي يتكلمون عدل

الباجي كله تميع وكووبي من حليمه

وتشووف هالتميع لي مر يمها واحد ولا كلمت الدكتور ولا كلمت احد الطلبه

ومادري شنو يعني اللعب عليكم انتوا بالذات ؟؟

وصدقني اهل الكويت فيهم خير واغلبهم محافظين ومايرضون بالغلط ويخافون على بناتهم .. ولو كان في مظاهره راح تنصدمون من العدد لكن مثل ماقال نبيل هذا مو اسلوبنا

واخيراً من خلال كلاامك السابق عن العوضي
توضح لي انك تأكد في كل مره إنه مع الوطن وما عليه شرهه

فالحين عرفت السرر

:)

حياتي هدف مو عبث said...

ملااحظه

اللي يقول عن العوضي انته عاده ريال
ودولة طالبانية

ماشاء الله أسلوبكم جداً راقي
ودليل التربية السنعه

:)))

حياتي هدف مو عبث said...

وهممم يوم تقولون متأسلمين ومتخلفين وطيور الظلام


عادي ؟؟

مجرد سؤال

يا مناصري الحرية

Kuwait said...

استمتعت صراحه بقراءة الردود ومعرفة نقاط اختلاف وجهات النظر لكن استوقفني أحد الردود ومن بعد اذنك مهندسنا انا حابه اعلق على رد الاخت حياتي هدف مو عبث..
في البدايه انتي تكلمتي عن لبس البنات والاحتشام طيب بدل ما يطبقون منع الاختلاط ويخلقون مليون مشكله والعذر والله لبس بعض البنات وانا اقول القله وأأكد انهم قله لا يتجاوزون 1% يقدرون يحطون ضوابط للبس ويتم تطبيقها ومتابعتها واي طالب او طالبه تخالف هالشي يمنع من دخول الجامعه ترى السالفه سهله :)
ولو اني اشوف ان موضوع اللبس ليس ذا اهميه ولا نقطه موضوعيه ولا عذر منطقي فهو حجة من لاحجة له ..
لان البس هو نفسه نفسه بالمجمعات وبالجمعيات وبالشارع وغيره فإذا شايفين ان بجذي حليتوا مشكله غلطانين بعدين هل منع الاختلاط يعني ان الطالبات ما راح يلبسون نفسه لبسهم ؟ وهل الدكتور ما راح يختلط مع الطالبات والا الدكاتره مو ضمن القانون ؟؟ بعدين اختي لما تتكلمين عن عيال الديره الي يسمعج يقول ما درسنا معاهم ولا عرفناهم !!
اشدعوه نفسهم ضعيفه وماكو ايمان ؟
عمرنا ما شفنا من هالشي الي تقولينه
ولا حتى لمحنا نظرات دونيه او غير شريفه من اخوانا ..
ليش احنا ما شفنا بس انتوا الي تشوفون ؟؟ الا ان منطقكم ومعتقدكم الخاطئ هو الي يطغى على نظرتكم ..
طلبة الجامعه ناس واعيه وتملك عقول مدركه مو مثل ما تقولين عنهم وكأنهم مسيرين تحكمهم الغرائز ويشوفون لحم مادري شنو ..
اما بالنسبه لسالفة التمييع في ناس فعلا والله بالفطره جذي كلامهم وفي ناس بالفعل يتصنعون ولكن كوني على ثقه تماما ان اي شي خارج الفطره لن يدوم
وبعدين حتى لو هالجم بنت تميعوا وشنو يعني شنو صار ؟؟
طيحوا كل شباب الكليه ؟؟
والا منع الاختلاط بيخليهم يغيرون من طريقة كلامهم مع الدكاتره ؟؟
وصلنا لما اهل الكويت ..
بالفعل انا اتفق معاج ان اهل الكويت ناس محافظين و بيطلعون لوكان في مظاهره وبيوصلون الحدود من كثرهم لكن تدرين ضد منو ؟؟ ضد من يتهم عيالهم وبناتهم بشرفهم ..
ضد من يشكك بتربيتهم لهم ..
ضد من يقول بأن بنات الديره أصبحوا سلع وشبابها شباب فاسد ذو نظره دونيه ...
بالنسبه للملاحظه اختي :
اهني الساحه متاحه لكل شخص ليطرح رايه ويعبر عن وجهة نظره وحرية الفكر والتوجه مكفولين من صاحب المدونه وما اظن يحق لأي شخص يشكك بتربية اخوانا وخواتنا اصحاب الردود كلامهم يعبر عن رايهم ووجهات نظرهم وان كنتي مصره على ملاحظتج فإسمحيلي اقولج انج بهالشي تناقضين نفسج ..
لان ملاحظتج وكلامج يدخل تحت بند التربيه عزيزتي :)
نقطة اخيره موجه لج اختي :
هاردلك منطـــق
هاردلك فكـــر
هاردلك توجـه

تقبل مروري مهندسنا ;)
kuwait ;P

حياتي هدف مو عبث said...

كويت


المجمعات والاماكن الثانيه .. مو مشكلتنا الحين

ولكن الجامعه للتعليم وليس لعرض الاجساد والثياب المبتذل :)

والتميع أصبح الأن طبيعه فيهم !! المشكله انه ماكنا نشوفه قبل جم سنه :)))


ومحد قال نظرتهم دونيه :)) لكن حدث العاقل بما يعقل



وحرية الراي مكفووله مو مشكله

بس في حدود ما نتجاوزها

يعني شنو أنت عاد للحين نبيل ريال ؟؟

هذا تسمونه حريه راي ؟؟

ولا عشان انه العوضي أقصد إسلامي

صار عادي ؟؟


وأنا ما أناقض نفسي في شي إسمه ذوق وأدب

أنا إن كنت ضد إنسان ما أغلط فيه شخصياً لمن أنتقد أسلوبه أو كلامه

لكن أشكك في رجولته ؟؟

عيب وألف عيب


وهاردلك حرية الراي اللي تعرفونها

:))

MaCHBoS said...

سلام عليكم من زمان مو كاتب كومنت كنت طايح بالمستشفى المهم ادش بالموضوع و بختصر الموضوع بكبره عن الاختلاط و منع الاختلاط و الشريعه و إلخ,,,,,
انا شاب في بداية شبابي و قولوا عني صغير او ما اعرف اختار الصح من الخطأ بس من اللي أشوفه من ديناصورات((أخونجيه)) او ما يسمون بالوهابيين هدفهم شي واحد بالحياة يردونا الى تاريخ الرسول أو تحويل حكومتنا طالبانيه والله الشرهه على اللي مخليكم بالديره والله و احلف والله احسد اهلي اللي اهم من جيل الستينات و السبعينات و شكرا استاذ مهندس كويتي على كل حرف قلته و عوار قلب اشوف هالاشكال قام يتحكمون بالديره

Eng_Q8 said...

الدنيا

صح بدنج

صحيح

الله يعافيج ومن ذوقج

شربته الله يعافيج :)

-----------------------------------

السلم

الله يرحمه

-----------------------------------

كويت بلوقر

عليكم السلام والرحمه

1 عندما يأتينا شخص مثل نيل العوضي ويقول هذا الكلام فنعم ليس هو من يعلمنا الدين

واذا كان في شي بالدين فهناك لجنة مختصه بوزاره الاوقاف توصح ما هو غامض

فمالا داعي يطلعون لنا كل شوي ويقولون انعلمكم بالدين

وانا بصراحه عن نفسي مابي احد يعلمني الي اعرفه كافي وماني احتاج اعرف اشياء انا ماراح اسويها ولا ادري عنها وانا براحتي ومحد يغصبني لا نبيل ولا غيره

2 اولا انا مالي شغل لا بدعاة الاختلاط ولا غيرهم وهذي وجهة نظري بالموضوع

وبالنسبه لي انا اقولك شنو تعلمت ... تعلمت ان البنيه الي اتكون معاي اعدها مثل اختي ولا انظر لها نظره اخرى .. تعلمت ان الاختلاط مو معناته الضحك والتكركر والسوالف بل عمل اذا كان في عمل ممكن نتشارك مافيه انا بصوب واهم بصوب هذي وجهة نظري بالموضوع .... وبعدين على الاقل تعلمت اني مااستحي من البنات واسال الدكتور ولا يكون هناك حاجز يعني في بنات ... وتعلمت ان اذا في بنات وكنت انا في مجال عمل او دراسه اعدهم زملاء حالهم حال الشباب علشان اقدر انجز عملي ويتكسر الحاجر الي بيحطونه حقنا الا وهو ان اذا في بنات ماتدر تبدع

وانا بقولك ليش تفصل دام مافي شي ؟ ولا احد اعرفه قال فصلونا وفكونا



3 اي متأكد اني اتكلم عن جامعه الكويت واذا انتداومت سنه انا مجاوم 6 سنين وشايف وعارف شنو يصير ... واذا كان هناك بعض التصرفات اللاخلاقيه فلا يجب ان نعممها عن الكل

تكفه لا اتظحكني ... خلاص انت ورني الجامعه وانا راح اوريك التطبيقي .. ماراح اسوي شي بس امش المصافط وشوف شنو يصير تدري ليش لان مافي اختلاط

4 انا اقولك لانهم كلهم يهتمون بمصلحتهم الخاصه ويضعونها نصب اعينهم ويجعلونها فوق فوق مصلحة الكويت الا من رحم ربي


بالنهاية انا بسالك سؤال انت واحد معارض الاختلاط وتدرس بره صح والا لا ؟

ليش ما انحرفت وليش ما سويت بلاوي وليش ماتخبطت بالدراسه؟؟؟ مع ان اهناك السالفه سهالات؟؟؟

تبي اقولك ليش ؟؟ لانك رايح عشان تدرس ولا حاط في بالك هالسوالف

اشرايك فيني وانا اسال وانا اجاوب عنك

اكتب انشالله معلقه المدونه مدونتك يالحبيب :)

----------------------------------

Eng_Q8 said...

براك

والله مو من قناة الوطن لكن هذا فكرهم وهذا شغلهم ودايم اهم جذي

يتمسكنون لما يتمكنون

-----------------------------------

حمد

بعيد عنه

-----------------------------------

حياتي هدف

اولا وانتي اشدراج بلبس البنات الي رايحين فيها ؟؟

وانا ما ارضى اي احد كان يتهم بنات ديرتي بانهم يلبسون لبس بنات رايحين فيها ؟؟؟؟ بقولج شي يمكن ما اترعفينه ان البنيه الي رايحه فيها اتبين لو لابسه نقااب والا لابسه حجاب

وبعدين شكو العسكري وشكو الطبيب ؟!؟ خلاص عيل انلبس طلاب الجامعه بلسوتات عشان ندري انهم طلاب جامعه

شهالمنطق ؟!؟ عفوا اختي كل واحد يلبس الي يريحه .. وانتي تدرين زين ان في لبس واشكال مااحب اشوفها واعتقد انج تقرين لي من زمان لكن هذا ما يخليني اقول لا تلبسون لانهم اولا ما ضروا احد ثانيا ما سوو شي ممكن احاسبهم عليه

@@ انتي من صجج تتكلمين ؟؟ شكو التلفزيون والكليبات ؟؟؟ وبعدين اشلون اتقارنين بناتنا واتقولين لحوم رخيصه ؟؟؟؟؟؟؟؟؟؟؟؟؟

عفوا عفوا ههالحجي ما ينقال يا اختي وبعدين بقولج شي يمكن ما اتعرفينه

قبل لما اتقولين عادي كانوا ما يشوفون حرين والكويت صارت دوله ثانيه بلمح البصر ومن الحبر يشوفون لبس قصير اتعرفين يعني شنو ؟؟؟ يعني كان مكبوت وشاف

ولكن التربيه الصحيحه والقلوب والعقول النظيفه كانت تطغى على النظرات الشهوانيه الي تصدرت لنا

وهم بقولج مثال

مثلا شاب في مقتبل العمر ماشاف وحده لابسه مايوه طول عمره وسافر خلنا انقول شرم الشيخ وشاف المايوهات والبنات بس ابيج اتشوفين نظرته بالمره الاولى ونظرته عقب 3 ايام يصير الوضع عادي ولا كأنه في احد

وهذا ينطبق على الولد والبنت الي ماشافوا بعض مثل بعض الدول والله العظيم ورب الكعبه انهم مشافيح ويسوون بلاوي لما اتقولين منع اختلاط فكري بالي راح يصير روحي شوفي الدول المجاوره والله في سوالف ما تنقال اهني بس لان اعلامهم مراقب ما تطلع السوالف

لما يتعود الريال على وجود المرأه حوله راح تختلف النظره الشهوانيه والغريزيه يا اختي العزيزه والسالفه مالها شغل لا بتلفزيون ولا بطيخ ولا ستار اكاديمي

ممممممم الزمان تغير والاسلام ما يتغير حلو الكلام
انزين وشتقولين عن كلمة شيخ الاسلام ابن تيميه لما قال لكل زمان ومكان قوانينه وتشريعاته ؟؟؟؟

واحب اقولج هذا شيخ الاسلام وكل السنه يقتدون فيه ولا في واحد يقدر يبطل حلجه


انزين واذا كانت البنيه اساسا دلوعه ؟!؟؟؟ وكلامها جذي شتسوي يعني ؟؟؟؟ وبعدين تعالي الدكتور مو ريال اشلون ترضن الدكتور يقعد مع البنيه بغرفه وحده بالمكتب ؟؟ وشلون ترضون انه يختلي مع الطالبات بروحه ؟؟؟

سألي محمد العوضي شنو يسوون الدكاتره

مو نبيل العوضي يعلمني اشلون صايرين اهل الكويت انا كويتي قبل لايصير اهو كويتي وكويتي ابا عن جد واعرف اهل الكويت اشلون يفكرون ويكون بعلمج لو اهل الكويت تجمعوا وسوو ومظاهره راح اتكو عشان انسكت نبيل وربعه

وشنو السر ؟؟؟

السر معروف ان صاحب القناة باق الكويت بوقت كانت فيه الكويت محتاجه حق كل فلس الله لا يعيد هالايام

الا اذا انتي عندج شي فقوليه لا تسكتين

---

اولا اي واحد بيتكلم اهني يتحدث عن رايه وانا مو مسئول عن اراء الاخرين

ثانيا وانتي اشلون اتقولين لبس البنات لبس بنات رايحين فيها واتقولين عن بناتنا لحوم رخيصه ؟؟؟؟؟؟؟؟؟

ماراح اقول ونعم التربيه واشكك بتربيتج لانج اخت عزيزه وكويتيه وماارضى عن بنات ديريتي

بس راح اقول هفوة لسان

-------------

اولا كلمة طيور الظلام انا الي اقولها واحب اقولج ان طيور الظلام مو بس هذيل طيور الظلام هم من تسول لهم انفسهم بضرب الوطنيه الكويتيه والذين يشقون الوحده الوطنيه والي يبوقون الديره من تحت لي تحت والي ما عنده ولاء للكويت هؤلاء هم طيور الظلام

بس الي على راسه بطحه


انزين ولما يقولون الليبراليين كفار والعلماني ملحد والبنات لحومهم رخيصه

عادي؟؟؟

سؤال للمتأسلمين

-----------------------------------

الكويت

يا زين الي يناقشون :))
اخذي راحتج اختي العزيزه

-----------------------------------

حياتي هدف

يجب ان تعلمي ان نبيل العوضي شخصيه عامه وبما ان اهو شخصيه عامه يجب ان يتحمل النقد او المدح

وماادري منو شكك برجولته ؟؟؟ شكو برجولته احنا ؟؟؟

-----------------------------------

مجبوس

وعليكم السلام

ماتشوف شر وخطاك السو

لا تحسد جيل الستينات بل يجب العمل لنكون افضل من ذي قبل

وعفوا حبيبي ولو دامت لغيرك ما اتصلت اليك لي متى يعني بيقعدون ؟

-----------------------------------

Anonymous said...

Eng_Q8

فقدناك

وينك مختفي

:)

Eng_Q8 said...

انيموس

موجود بس انشغلت شوي شكرا للسؤال حبيبي

MaCHBoS said...

راح يظلون قاعدين لي ما تييهم ايد من نار الشعب تشلعهم :)

wa6an-alnhar said...

رحمة الله عليه

بالفعل الكويت خسرت احد اهم رجالاتها

اعتقد شخص بعقلية و قوة حضور الدكتور الربعي صعب ان يتكرر

Eng_Q8 said...

مجبوس

انشالله قريب

-----------------------------------

وطن النهار

الله يرحمه والبركه بالشباب

-----------------------------------

حياتي هدف مو عبث said...

MaCHBoS

عذراً بس إشفيه تاريخ الرسول صلى الله عليه وسلم ؟؟


!!!!!!!!

ـــــــــ

مو نبيل العوضي يعلمني اشلون صايرين اهل الكويت انا كويتي قبل لايصير اهو كويتي وكويتي ابا عن جد واعرف اهل الكويت اشلون يفكرون ويكون بعلمج لو اهل الكويت تجمعوا وسوو ومظاهره راح اتكو عشان انسكت نبيل وربعه

....

مو كل كويتي كويتي صح ؟؟
أنا ما أتكلم عنك إنت بالذات
بس ياما كويتين موكفو حتى تقولهم انت كويتي .. وعلى فكره العوضي اباً عن جد كويتي

:)

_ممممممم الزمان تغير والاسلام ما يتغير حلو الكلام
انزين وشتقولين عن كلمة شيخ الاسلام ابن تيميه لما قال لكل زمان ومكان قوانينه وتشريعاته ؟؟؟؟

ولكن قوانينه وتشريعاته ما تطلع عن الشريعه الاسلاميه يا أخووي


وبالنسبه للبس البنات أنا شفتهم .. مو كلام من احد ثاني ;)

واي نعم اللي ترضى الناس يشوفونها ويشوف جسمها بتكون رخيصه وارخص من اللحم ..


وأنا أيضاً ما قلت كل متنقبه محترمه ولا كل سفور رايحه فيها


والبوق مو واقف على الخليفه بس

لكن مو معناة كل واحد يشتغل معاه ولا عنده خلااص اهجم عليه


بالمنطق مثل ما تقول :)))

والملاحظه اللي كتبتها

حق الكومنت 15 وجيك ما قلت لك

ومحد قال عن الليراللين كفار :))

بس روح شووف الليبراللين شقولون عن الإسلاميين

رجعيين ومتخلفين وظلام وجاهليه

وطالبان وكلام جداً سخيف .. وترى ما يهمنا هالكلاام لأاننا ندري إنه إحنا صح


وأم الستينيات اللي قال عنها العوضي
قال عايشه للحين في ال60

واهي شقالت ؟؟ تخلف وظلم وكلاام جداً سخيف


وأشكرك على كلاامك يا أخووي وأنت بعد أخووي وأحترمك حتى لو ما نتفق بالراي

:)))

Eng_Q8 said...

حياتي هدف

الي اعرفه غير هالحجي

بس الاجتهادات تتغير واذ كان القانون يفيد المجتمع فهذا لا يمنع انج اتفيدين المجتمع حتى لو غيرتي بالتشريعات

ومثل ما قال ابن القيم الجوزيه الي اهو تلميذ ابن تيميه

ان الله ينصر الدوله العادله ولو كانت كافره ويهزم الدوله الظالمه ولو كانت مؤمنه

هذي حريتها الشخصيه ومايصير اتقولين عنها لحم او دياي سوري اختي ما يصير انقول كلام عن احد بهالطريقه


امبلا اذا انت تدري انه حرامي وفلوسه حرام اشلون تشتغل عنده ؟؟؟؟؟؟

نعم لا تزر وازرة وزر اخرى بس مو بالبوق يا اختي العزيزه


وشوفي شنو يقولون عن الليبراليين يا اختي

والصح لا انتوا ولا اهم الصح هو من جعل الكويت امام عينه وتجرد من كل شيء ووضع الكويت بالمقام الاول

هذي وجهة نظرها وغصب الكل يحترمها


مشكوره :)

بس تعالي ما قلتيلي شنو السر ؟؟

Kuwait said...

عدنـــا :P
ولكم باك حقي..
حياتي هدف ..
ليش المجمعات والاماكن الثانيه مو مشكلتنا الحين ؟؟
انتي لما تأيدين أصحاب العقول المتخلفه كوني على ثقه تماما ان راح نمشي بالتدريج ..
اليوم الفساد على قولتهم بالجامعه باجر بالمجمعات والي بعده بالجمعيات والي بعده قرار بمنع البنات من السواقه عشان يمنعون الاختلاط بالشارع
لوووووووووووول أي شي نصير السعوديه والسعوديه نفسها قاعده تتفتح وشوي شوي تصير الكويت ..
ومن قال ان الجامعه غير مكان للتعليم ؟ لكن انتوا ونظرتكم الي شوهتوا صورتها وخليتوها من مؤسسه تعليميه إلى مرتع للفساد بتصويراتكم المغلوطه والغير صحيحه عليها ..
ونحن نحدث العقلاء بما يعقل ولكن مشكله لما يطلع لج جم واحد عقولهم متحجره ..
صدق من قال :
ذو العقل يشقى في النعيم بعقله وأخو الجهالة في الشقاوة ينعم
اي نعم حرية الراي ان الانسان يتقبل النقد ويتقبل الإشاده ..
وأحيانا كثيره يكون النقاش عقيم للأسف لما اهني وحابه انهي النقاش لان عقول مغلقه وناس تابعه صعب تتقبل غير فكرها ..
(( و ان بليت بشخص لا خلاق له .... فكن كأنك لم تسمع و لم يقل ))

مهندسنا ..هالكومنت لك :
يقولــك :
يخاطبني السفيه بكل قبح فأكره ان أكون له مجيبا.. يزيد سفاهة فأزيد حلما كعود زاده الإحراق طيبا

good luck ,,,

Eng_Q8 said...

الكويت

:)

لا تعصبين

Kuwait said...

عفوا عفوا اشتوقفني بنقاشج حياتي مو هدف ..
هذي الجمله ..
"
والبوق مو واقف على الخليفه بس

لكن مو معناة كل واحد يشتغل معاه ولا عنده خلااص اهجم عليه
"

ما هجمنا علهي اختي لكن احنا نتكلم بمنطقيه .. يا اختي شيخ الدين لازم يكون قدوه حسنه .. لكن للأسف هالايام نشوف البعض منهم صار يتخذ الدين حجه وواجه وشهره ..
ليش الشيخ العوضي الي تتكلمين عنه ما يعرف ان ما فلوس القناة حرام.. ما قامت القناة الا بالبوق !!
والا بس شاطر يقول ان العمل بالبنوك الربويه حرام لان رواتبها كلها تأتي من معاملاتها بالقروض والاستثمارات !
هل في فرق بين قناة قامت بفلوس مبيوقه وبين بنك ربوي !
شغله ثانيه اذا الشيخ فعلا والله خايف على البنات والشباب من الفساد ليش ما هاجم قناة الوطن ذات نفسها ؟؟ والا " لا صار حاجتك عن الجلب قوله يا عمي"
في حلقة من حلقاته تكلم عن عيد الحب ما اعارضه ولا اوافقه ولكنني كنت اطالعه كمشاهده غير منحازه لا للمؤيدين ولا للمعارضين لكن بالفعل انتقدته تعرفين ليش؟
انا شيخ وطالع بالتلفزيون ومجابلني مليون مشاهد ممن اعمارهم تتراوح من ال70 سنه وانت الي نازل لما ياهل بو 6 سنين ..
واقعد اقنعهم واقولهم عيد الحب كفر وغلط واروح بين كل فقره وفقره انا انصح واشتغل فيها واعض اطلع بريك اعلاني تطلعلي دعايه مسجها يا يباااااا عيد الحب عطها ورده ومادري شنو والا تابعوناااااا بحلقه يوم 13 فبراير بوقتاده وبونبيل وحلقه خاصه عن عيد الحب؟؟
ولما وصلته مداخله تتكلم عن هالموضوع يقول لا الاخوان مجهزين شغله عشان يوعون الناس فيها ومثل يعطيج احساس ان الحلقه هجوم علىعيد الحب وتمسخره له ..
ونقول يالله يمكن صج خل نبلع السالفه وننطر ونشوف ..
ويوصل اليوم الموعود ويطلعونلي بوقتاده وبونبيل
وتطلع الحلقه ككل قلة ادب وانحطاط واسلوب سوقي تتكلم عن الفياغرا وال............. واذا انتي شايفتها بتعرفين قصدي..
ومع العلم ان بوقتاده وبونبيل شخصيات عرفوها الصغار قبل الكبار لما تحولت من شخصيات كاريكاتوريه سياسيه الى شخصيات رسوم متحركه ..
وكثير من اليهال كانوا متابعين الحلقه .. شنو ردت فعل هاليهال ..
واحده من ردود الافعل ياهل بو 10 سنين يسأل شنو الحبه الزرقه وليش تناديه ووهو ما يبي يروح لها !!
توقعت بعد كل هالقذاره الي بالحلقه يطلعلي الشيخ الي خايف على الشباب والاطفال من الفساد وينتقد ..
ولكن وكأن شي لم يكن ..
ليش والله !!
قاعد بقناتهم واهاجمهم ؟؟
هل يعقل ؟؟
اذا شيخ دين وفأكيد يعرف ان من رأى منكم منكرا فلغير منه ..
والا بس شاطر على منع الاختلاط ؟؟
وقناة فيها الخراب وقاعد وياحلاتهم عسل وما يحوشهم النقد ..

Eng_Q8 said...

الكويت

يسلم بؤك :)

كلنا للكويت . والكويت لنا said...

السلام

انا متابعة النقاش

بس حفوا الضغط

ترى الحجي أخذ وعطى

ليش العصبية والغلط :))

نبي نقرى حوار راقي

متابعة :))

Eng_Q8 said...

كلنا للكويت

والله حوارنا يا اختي احسن من حوار مجلس الامه بس الخوات شادين شوي :p

وانا بعد متابع وياج :p

Anonymous said...

يعطيك العافية

Selezya said...

انا ويني :)
ماتتخيل شلون استحيت لما شفت الكومنتس وايد وبين اني حدي طولت وتو النااس على هالكومنت
والله انا ادري في ناس وايد بيزعلون علي لان مو مارتهم من زمان صايره ادش بلوقك انت بس واطلع .. منك السموحه واسفه على القصور :)

بقلبي كلام وايد على احد المعلقين عندك وبشغلات كثيرره بس اسكت احسن لان واضح ان الحجي ما ينفع معاهم .

عموما حبيت اسلم عليك :) وسوري على القطاعه اختي يابت لنا بيبي صغير وصرت انا امه فاعذرناا :)

saloza :p

فريج سعود said...

خسارة للكويت غياب الربعي
الله يرحمه

حياتي هدف مو عبث said...

شفت يا أخووي إنت تقول ما يصير تقولين عن لبسها شي لأنها حرية شخصيه

فما بالك لو حطوا قانون للبس في الجامعه أو حتى التطبيقي

وأنا ليش ضد الإختلاط لأن في ناس ما تحترم المكان اللي إهي فيه

يعني لو لبس محتشم وحتى لو مو متحجبه عادي ما في أي مشاكل

بس اللبس المبتذل مشكله كبيره


زبالنسبه للتشريعات تتغير لما يفيد المجتمع !! أبداً التشريعات الإسلاميه مافيها أي خطأ عشان تتغير والتشريعات فيها كل شي اللي ينظم حياتنا من اولها لي اخرها

والسرر .. إن الكلام يزيد إذا كان الشخص يكتب _ يشتغل مع الوطن :)))))

حياتي هدف مو عبث said...

كويت


عقول متخلفه ومتحجره ومنغلقه
وباجي الكومنت :)

ليش تناقشيني عيل ؟؟


وعلى فكره عقولنا منفتحه أكثر من اللي يدعون الحريه ونتقبل كل الأراء

..


الكومنت ثاني أراه مو نقد بل هجوم وااضح بس بعلق على اللي قلتيه وبنفس الحلقه هم كان في اتصال قاله قناة الوطن تعرض عن عيد الحب وانت تقول حرام .. شقال !! مو قال اهوا غلط وعيد الحب حرام واهم معطينه حريه باللي نقوله وما قالوا لأ مايصير تقول حرام يعطني عطوه حريه بالكلاام ويقول اللي يبيبه واهوا بالقناة نفسها
والكل يدري إنها مو قناة محافظه وفيها الشين والزين .. وما فيها شي بعد إذا برز هالزين :))

وكما قيل .. الحوار عقيم :)) لكن أشكرك على مناقشتك :)

والله يهديني ويهديكم للخير والحق

Eng_Q8 said...

سلوزه

عاد صج فقدتج وينج انتي ؟؟

الحمدلله على سلامة اختج ومبروك ما ياكم عسى سميتوه على اسمي :p

مسموحه يبا وما من قصور :)

الله يسلمج وعسى الله يبلغكم فيه انشالله

Eng_Q8 said...

انيموس

الله يعافيك

-----------------------------------

فريج سعود

اي والله خساره الله يرحمه برحمته

-----------------------------------

حياتي هدف

وانتي منو حطج وصيه على الناس عشان اتعلمينهم اشلون يلبسون ؟؟؟

يا يبا انتي مو شغلج هذا لبس والا هذا مالبس كل يلبس على كيفه مبتذل والا غير مبتذل وارد واقول اللبس ماله شغل باي شي وياما ناس تلبس ومحترمه وياما الحجاب لي الحنج والحمدلله والشكر


بس سورس اذا بتفصلون الجامعه عشان اللبس فهذا مو عذر وشي ما يدش المخ


وبعدين تعالي ليش لما انييب طاري الدكاتره محد يرد ؟؟؟ والا ناطرين فتوى ؟؟؟

يا اتردين على كل شي يا لا تناقشين بالموضوع

يعني انتي بس تختارين اللي تبينه مثل لما قلتي نبيل العوضي هذا ريال ؟؟؟

ولو تقرين الكومنت عدل مكتوب ريال تاخذ برايه ؟؟؟؟؟ جنج خذيتي ولا تقربوا الصلاة وخليتي وانتم سكارى


النقاش بموضوع التشريعات راح يصير عقيم وانا بهالسوالف مااناقش وايد مو نقصا فيني انما ادري ان عقولكم منغلقه فاتحاشى هالموضوع عشان لا يزيد الكلام ويطول واعتقد اني وضحت وجهة نظري واي واحد يفهم راح يقرى ويقتنع


والله لما احارب الي باق اكون غلط ؟؟

وبعدين انتي طايحتلي اسلام واسلام اخر شي اتقولين بكومنت بمدونه من المدونات بااااق بااااق ؟؟؟؟؟ يعني فعل ماضي

ولازم ما نحاسبه

؟؟؟؟؟؟؟؟؟؟؟؟؟؟؟


اتعرفين ليش انا ضد التيارات الاسلاميه لانها اتحلل واتحرم على كيفها مثل ما انتي الحين حللتي الموضوع وقلتي باق وعادي نشتغل عنده ؟؟؟؟


ماادري شقولكم لكن الله يهديكم

-----------------------------------

حياتي هدف

وين منفتحه ؟؟؟

سؤال وجيه ليش ما تكلم عن الحلقه انتوا ليش وايد اتلفون وادورون ؟؟؟

-----------------------------------

Aldenya said...

الله يرحمه ويغمد روحه الجنة

Eng_Q8 said...

الدنيا

امين

strawberry said...

eng

awal shay ya36ek 100000000000000000000 3afya

thany shay enta 3arf rady shno

ana wa7da adres bma3had elta6be8y
o0 ga3da ashooof elblaowy hnak el7jab mo m3tarfen feh bas shakel
o0 shay ma3roof el2a5la8 mo bel7jab
banat mo shayfen 5er wallah men elkabt

nabel kela ytkalm b3shra elshahar

ana agool lama y3esh fy eljam3a wema3hdna 5alah ytkalm

o0 tara ma 9art el7jab
wel7jab
wel7jab
wel7jab
ana maaaaaaaaaalet
shno hal7jab elly bbayen a5la8y

nas tafha b9ra7a ma aby ata3eb ro7y 3ala wala shay

3momn kalamk 3ala rasy yal`3aly

صبا said...

الله يرحم الفقيد
ويغفرله انشالله

الله يصبر اهله واحبابه

قدر الله وما شاء فعل
انا لله وانا اليه لراجعون

حياتي هدف مو عبث said...

أهم شي ناطرين الفتوي :)

جزاك الله خير على الأسلوب الراقي

ودام إنك متابع الكومنت مالي

فأنا قلت ما يعمني لا الخليفه ولا غيره

وهمم ما قلت ما نحاسبه


لو سمحت لا تقلب الكلام على مزاجك


واذا إصراري على مبدأي معناه عقل غير منفتح .. فأهلاً بالعقوول الغير منفتحه والمغلقه


وبالنسبه لي أنا مو وصيه على البنات شلون يلبسون .. بس عندي حرية الكلام وقول رأي وبكل ثقه ويقوى رأيي دام إنه مدعوم بالقول الشرعي

ويبدو إن عقلك أنت المنغلق ولا يتقبل الراي الاخر

ونقاشي معاك ليس لتغير وجهة نظرك ولا لتغيير وجهة نظري إنه مجرد نقاش لمعرفة الأراء ثم إختيار الراي الصحيح


:))

Unknown said...

كل هذا بقلبك ؟؟؟؟

كلامك جميل ومنطقي ونحن جميعا مسلمين
الفكرة لديهم مختلفة تماما

والله يستر من الياي

Q80 Blogger said...

صراحه حدك قوي بكلمتك
لأنه العلم ماينتهي

اذا انت وصل فيك العلم لي هل دجه .. صراحه هل مره اي فتوى ابيها منك مهندس

ثانيا انا ماقلت نبيل .. قلت اي شيخ ثاني
احنا مسلمين وامور وايد تخفى علينا .. خصوصا بالامور الدقيقه مثل التعالملات الماليه وغيرها
الفتوى شي لابد منه


وبعدين الي تعلمت من الاختلاط اهو خواتنا وعادي اشتغل واهما يمي !!
هذا بالله شي قوي يخلي الواحد يقر الاختلاط
السلبيات وايد اكثر
وفي ناس ماتقعد خواتها مع شباب يسوون تجارب .. عشان بعد جم سنه اوكي يشتغلون وبينهم بنات !!!
دامك ما اشتغلت معاهم إلا نادر
كان ممكن الاستغناء عن هل شي بكل بساطه

انا ما ارضى اهلي يكونون حق تجارب .. هذا باختصار


وبعدين جامعه الكويت انا ماعمم فيها
لأنه اهلي وربعي فيها
ومابي اغلط عليهم
لكن الصراحه التصرفات
اكثر من وصف لا اخلاقي
واذا تتكلم عن المصافط
اتوقع نفس الوضع واكثر موجود بالجامعه
الاختلاط يسوي هل شي .. لا تقولي لأ .. حتى بالثنويه في خراب .. لكن كان اقل بوايد .. لأنهم كل واحد بمبنى وصعب وايد الاختلاط
بس بالجامعه .. اسمحلي .. كنا نشوفهم بعيونا .. والسبب الاختلاط

ومستعد اراويك الفرق بين التطبيقي والجامعه
عطني يوم ونروح واراويك الفرق
وراح صج اتعرف فايده الفصل بهل ديره


وبعدين الدراسه بره شي ثاني .. ولكل مجتمع وضعه الخاص
ولا ماتعرف الفرق بين شعوبنا والشعوب الي بره .. تره صج فرق !!
ثانيا لازم اقولك انا خربان وصايع عشان اكون ماشي على رايي الأولي

الحمدلله .. تثبيت من رب العالمين
لكن في ناس الله يستر عليهم
يدرسون بره .. وتأثرو وايد بالاجواء الخارجيه
وهذي الاشكال الي انخاف على اهلنا منهم




وارد واقول .. كلش ماشفت اكو استفاده من الاختلاط الي تقول عنه !!
يعني انك تسأل بقاعه فيها بنات !!
اسمحلي
!!
قانون صراخ وناس مجتمعه وطعن في الوطنيه وطيور الظلام
آخر شي
عشان سؤال جدام بنات !!


وتسلم على الروح الحلوه
ويمكن في باك :)

Anonymous said...

المهندس انخطف جنه

:)

هـــدب said...

البقاء لله واغمد الله الفقيد واسع جناتة
اللهم ارحم جميع موتانا واموات المسلمين
اخوي انج شكرا علي كلامك الطيب اللي كتبته في مدونتك وما قصرت

ولكن يبقى السؤال المحير .. ؟؟
متتتتتتتتتتتتتتي
تخف شوي عن التدخين تري التدخين مضر
بالصحه

وسلامتك وعساك علي القوه

Eng_Q8 said...

سترو بيري


الله يعافيج يا اختي العزيزه


جان زين المعارضين يقرون كلامج

يسلملي راسج يا يبا


-----------------------------------

صبا

الله يرحمه ويغمد روحه الجنه

-----------------------------------

حياتي هدف

مو قالب الكلام على مزاجي ولكن لما اتقولين باق والكل باقوا يعني شنو ؟؟

ومو متابعج شفته بالغلط وحسيت ان الكلام موجه حقي انا بالذات

عقلج وانتي حره فيه

انا اتقبل جميع الاراء بس ما يكون فيها قذف لبنات ديرتي

جميل جدا بس حطي في بالج ان اكثر الاسئله الي سالتج اياها ما رديتي عليها واساسا انا مو متوقع انج اتردين عليها ... وهم بقولج شغله انا مو قاعد اناقشج لاني لو بناقش ماراح تفهمين الحجي الي راح اقوله .. دكاتره شريعه ما ناقشوني يا يبا :)

على العموم رايج ونحترمه منع اختلاط والا اختلاط ما تفرق بس بمساله اتخص الديره الا وهي علي الخليفه سوري هالموضوع لا نقاش فيه واقري جريدة الشاهد وراح اتعرفين ليش ... اختي هذي فلوس اهل الكويت فلو سمحتي لا اتقولين باق وخلاص ... واذا احنا ما وقفنا بويهه منو راح يوقف يا اختي العزيزه حكمي عقلج قبل لا ادافعين على احد

-----------------------------------

مشاري

هلا بالقاطع

اي والله قلبي متروسه :p

صاج والله يستر

-----------------------------------

كويت بلوقر

اولا القصد من كلامي العلم بالاشياء الي انا احتاجها مو اني بصير مفتي مع ان المفتين زايدين هالايام

ثانيا التعاملات الماليه الي اتقول عنها كلها اجتهادات وممكن تصيب وممكن اتكون مخطأه لانها من بشر واهو اجتهد وليس كل اجتهاد تأخذ فيه يا عزيزي

اهم مو فيران عشان يكونون حقل تجارب اهم خوات ولهم تقديرهم وبعدين المقصد من الموضوع هو ان ماصار شي بينا من الي اسمع عنه نهائيا وبعدين انا اكلمك عن الي استفدته شخصيا واذا تبي الاشياء الثانيه راح اسطرهم حقك

والله العظيم ورب الكعب رايح وشايف وشفت ان التطبيقي خراب اكثر من الجامعه يا بلوقر الله يرحملي والديك شوف عدل

اول شي ادري ان المجتمعات الي بره غير بس انت كشاب كويتي ما غلطت ولا سويت شي غلط مع انك بمجتمع منفتح وكل شي عندهم عادي السؤال اهني يا بلوقر هو ليش انت جذي والجواب اهو التربيه الصالحه ولانك انت رايح تدرس وما تبي اتخربط ومثلك الكثيرين بجامعة الكويت يا عزيزي

هذي وجهة نظرك يا بلوقر

ولكني ذكرت اني ضد الي قاعدين يسوونه التحالف بالنسبه لهالموضوع بالذات واعتقد كتبته بالبوست

وطيور الظلام والكلام الي اتقوله مو بس على الاختلاط انما على كل من يريد ان يزعزع هذا الوطن يا بلوقر وابيك اترع ان بوستي هذا مو عشان ابرر منع الاختلاط او غيره انما اشياء سمعتها وما عجبتني ويبقى ما ذكرته هو وجهة نظري يا بلوقر

يسلمك يالغالي انت الي داش واحنا الي طالعين ابوي انت وابيك اتعرف مهما اختلفنا بالاراء تظل اخ عزيز يجمعنا حب الوطن ولن تفرقنا الاشياء الثانويه

حياك بس لا تعارض :p

-----------------------------------

انيموس

خطفني كويت بلوقر وحطلي حزام ناسف بس الله ستر :p

-----------------------------------

هدب

الله يرحمه

مشكوره

لما اشوف الكويت عروس مره ثانيه :)

-----------------------------------

RoOra said...

... وانا ومع كل السنين الي قضيتها بالجامعه ما كلمت بنيه الا مرات ينعدون على الاصابع لا وكان سؤال ورد غطاه ... واشتغلت مع بنات بمشروع التخرج وما شفتهم الا 3 مرات لا والمره الثالثه كانت بالمعرض ... كل الشغل يا عند الدكتور او بالايميل فقط

!!!
9aaaj walah !
خلنــا ساكتين والله ناس مو راضيه تستوعب بس يبون يبينون إنه اهما اللي يعرفون كل السوالف و إنهم أحسن من الطلبه نفسهم و الطلبه مو عارفين مصلحتهم و كلنا رايحين نلعب حسبيالله عليهم ...!
إنته شفت الأعلان حق برنامج نبيل العوضي .. إنه مصور ببليارد و شقه فيها واحد ووحده .. يعني البرنامج عن المشاكل اللي تصير بالمجتمع و تأثر عل شباب من شرب , مخدرات ..etc
شكو متحجي عن إختلاط الجامعه ! " من تكلم الراشد " و الأسلاميين شايشين !
العوضي برنامجه المفروض توعوي شكو دش بالسياسيه ! حق ليش منو هاللي شسمه شسمونه :p


قواك الله :p
قلوبنا متروسه على هالديره !